“2023-Müdrik və mərhəmətli türk diplomatiyası” XIII konfransı işə başlayacaq

Türkiyə Xarici İşlər Nazirliyinin təşkilatçılığı ilə avqustun 8-də Ankara şəhərində “2023-Müdrik və mərhəmətli türk diplomatiyası” mövzusunda XIII səfirlər konfransı işə başlayacaq.Türkiyənin xarici işlər naziri Mövlud Çavuşoğlunun, eləcə də konfransa qatılan Azərbaycanın diplomatik nümayəndə heyətinin iştirakı ilə Ankaranın Altındağ rayonunda yerləşən Cəbəci Asri Məzarlığında şəhid türk diplomatların uyuduqları müqəddəs məkan ziyarət edilib.Şəhid diplomatların ruhuna dualar oxunub, məzarları üstünə gül dəstələri düzülüb.Azərbaycanın Türkiyədəki səfiri Rəşad Məmmədovun da iştirak etdiyi ziyarətdə Ankaradakı diplomatik nümayəndəliyimiz adından Cəbəci Asri Məzarlığında türk diplomatların xatirəsinə ucaldılmış abidə önünə əklil qoyulub.Sonra konfrans iştirakçıları Türkiyə Cümhuriyyətinin banisi Mustafa Kamal Atatürkün məzarını-Anıtqəbri ziyarət ediblər.Anıtqəbir önünə əklil qoyulub, nazir Mövlud Çavuşoğlu “Xatirə kitabı”nı imzalayıb.Xatırladaq ki, xarici ölkələrdə fəaliyyət göstərən türk diplomatları və ailələri 1973-1984 illərdə erməni terror təşkilatları tərəfindən genişmiqyaslı terror hücumlarına məruz qalıblar. Məqsədyönlü şəkildə və amansızcasına törədilən 90 terror aktı nəticəsində 41 türk diplomat və ailə üzvü şəhid olub. Türkiyə diplomatiyası XX əsrin sonunda çoxsaylı və ağır nəticələrə səbəb olan terror aktları ilə üz-üzə qalıb. Təəssüf ki, türk diplomatlarına qarşı bu bəşəri cinayətləri törədən erməni terrorçuların əksəriyyəti sonralar müxtəlif bəhanələrlə həbsdən azad edilib. Bəzi hallarda türk diplomatlara qarşı törədilən terror cinayətinin üstü açılmayıb. Təəssüf doğuran daha bir məqam odur ki, Ermənistan həmin terrorçuları qəhrəmanlaşdıraraq terrora dəstək verməkdə davam edir.xeber100.com

Moldovada koronavirusa 10 minə yaxın yoluxma halı qeydə alınıb

Son bir həftə ərzində Moldovada koronavirusa 10 minə yaxın yoluxma halı qeydə alınıb.Son bir həftədə Moldova Respublikasının 9528 sakinində COVID-19 üçün test müsbət çıxıb.Bu müddət ərzində 22 nəfər COVID-19-un yaratdığı fəsadlar nəticəsində vəfat edib.xeber100.com

Finlandiya və İsveçin NATO-ya daxil olması təsdiqlənib

Rumıniya prezidenti Klaus Yohannis Finlandiya və İsveçin Şimali Atlantika Alyansına qoşulması haqqında protokolun ratifikasiyası haqqında fərman imzalayıb.Rumıniyanın Prezident Administrasiyası xəbər verir ki, bu sənəd baxılmaq üçün Rumıniya parlamentinin strukturlarına göndəriləcək.Eyni zamanda, müstəqil analitiklərin fikrincə, fərman yaxın vaxtlarda qüvvəyə minəcək - bundan əvvəl parlamentin müvafiq komitəsi Helsinki və Stokholmun NATO-ya inteqrasiyasına prinsipial razılığını verib.Qeyd edək ki, alyansa qoşulmaq üçün ölkə bütün NATO ölkələrinin ən yüksək qanunverici və icraedici orqanlarının dəstəyini almalıdır.xeber100.com

Regional təhlükəsizlik məsələləri müzakirə edilib

Gürcüstanın müdafiə naziri Cuanşer Burculadze Türkiyənin Tbilisidə yeni təyin olunmuş səfiri Ali Kaan Orbayı qəbul edib.Bu barədə Gürcüstan Müdafiə Nazirliyindən məlumat verilib.Bildirilir ki, nazir Gürcüstanın ərazi bütövlüyü və suverenliyinə, eləcə də NATO-ya inteqrasiyasına verdiyi dəstəyə görə Türkiyə tərəfinə təşəkkür edib.NATO-nun Madrid Zirvə toplantısında tərəfdaşların ehtiyaclarına uyğun siyasi və praktiki dəstəyin vacibliyini vurğulayan nazir, Türkiyənin bu prosesdəki rolunu yüksək qiymətləndirib. Yenilənmiş NATO-Gürcüstan əsas paketinin həyata keçirilməsində Türkiyənin töhfəsini xüsusi qeyd edib.Tərəflər regional təhlükəsizlik məsələlərini və müdafiə sahəsində ikitərəfli əməkdaşlığı nəzərdən keçirib, strateji tərəfdaşlığın əhəmiyyətini vurğulayıblar.Görüşdə Gürcüstanın müdafiə qabiliyyətinin inkişafında Türkiyə tərəfinin uzunmüddətli maliyyə, maddi-texniki və ekspert dəstəyi qeyd olunub. Eyni zamanda regionda gedən proseslər, təhlükəsizlik və sülhün bərqərar olmasında əməkdaşlığın perspektivləri müzakirə olunub, bu sahədə birgə fəaliyyətin əhəmiyyəti vurğulanıb.xeber100.com

Avropa Komissiyası 2022-2023-cü illər üçün inflyasiya proqnozlarını yüksəldib

Avropa Komissiyası Avrozona üzrə 2022-2023-cü illər üçün inflyasiya proqnozlarını yüksəldib, iqtisadi artım proqnozlarını isə aşağı salıb.Avropa Komissiyası 2022-ci ildə Avrozona üzrə inflyasiya proqnozunu 6,1 faizdən 7,6 faizə, 2023-cü ilə dair proqnozunu 2,7 faizdən 4 faizə yüksəldib. İqtisadi artımla bağlı proqnoz 2022-ci il üçün 2,7 faizdən 2,6 faizə, 2023-cü il üzrə isə 1,4 faizə endirilib.Avrokomissiya Rusiya-Ukrayna gərginliyinin regional iqtisadiyyata təsirinin davam edəcəyini bildirib. Qeyd olunub ki, bu proseslər Avropa iqtisadiyyatına mənfi təsir edib, enerji və taxıl tədarükündə problemlər yaradıb, qiymətlər yüksəlib.İnflyasiya səviyyəsinin cari ilin sonunda pik həddə çatacağı, 2023-cü ildə isə tədricən azalacağı proqnozlaşdırılır. Bununla belə, davam edən qeyri-müəyyənlik səbəbindən digər risklərin olduğu da vurğulanıb.xeber100.com

Avropada kommunal xidmətlərə görə ödənişlər sürətlə artmaqdadır

Avropada kommunal xidmətlərə görə ödənişlər sürətlə artmaqdadır. “Köhnə Dünya”ya təbii qaz nəqlinin azalması ilə əlaqədar, şəhərlər enerjiyə qənaət tədbirlərinə əl atmağa məcbur olurlar.Avropa İttifaqının Statistika İdarəsinə istinadla xəbər verir ki, hazırda Aİ-də tikinti işlərinin qiymətləri son 50 ildə görünməmiş dərəcədə artmaqdadır. Buna görə indi bələdiyyələrin əsas məqsədi hər hansı üsullarla enerjiyə qənaət etməkdir. Bələdiyyələr ilk növbədə təbii qazın alternativ enerji ilə əvəz edilməsinə keçidi sürətləndirməlidirlər. Hamı ümid edir ki, budəfəki böhran, məsələn, hidrogen iqtisadiyyatında texnoloji sıçrayışa səbəb olacaq.Hazırda bəzi Avropa şəhərlərinin bələdiyyələri enerjiyə fəal surətdə qənaət edirlər: hovuzlarda suyun temperaturu aşağı salınır, fontanlar söndürülür. İnzibati binalara yalnız soyuq su verilməsi, habelə qışda ofis binalarında temperaturun aşağı salınması planlaşdırılır.Bu planları havalar soyuyana qədər həyata keçirmək mümkün olub-olmayacağını zaman göstərəcək.xeber100.com

“Gazprom” şirkəti İtaliyaya göndərilən təbii qaz həcmlərini azaldıb

Rusiyanın “Gazprom” şirkəti İtaliyaya göndərilən təbii qaz həcmlərini azaldıb.İtaliyanın “Eni” neft-qaz şirkəti “Gazprom” şirkətindən gündəlik təbi qaz tədarükünün son bir neçə günün orta göstəricisi ilə müqayisədə üçdəbir nisbətində azaldığını açıqlayıb.“Gazprom” şirkətindən son günlərdə alınan gündəlik orta hesabla 32 milyon kubmetr olan qaz həcmi ilə müqayisədə hazırda sutkalıq təqribən 21 milyon kubmetr təbii qaz tədarük ediləcək”, - deyə “Eni” şirkətinin məlumatında deyilir.Qeyd edək ki, təbii qaz tələbatının təxminən 10 faizini Azərbaycandan təmin edən İtaliya enerji böhranı yaşamamaq üçün təchizat mənbələrini şaxələndirir. Belə ki, İtaliya Əlcəzairdən aldığı qazın həcmini artırıb, Konqo və Anqola kimi ölkələrlə qaz tədarükünə dair danışıqlar aparıb.xeber100.com

Böyük Britaniyanın Hitrou hava limanında uçuşlar ləğv edilib

Böyük Britaniyanın Hitrou hava limanında 61 uçuş ləğv edilib.Hava limanı iyulun 11-də aviaşirkətlərə 61 reysi ləğv etmələrini söyləyib və bu yay gecikmələrin daha çox olacağı haqqında xəbərdarlıq edib.Buna səbəb kimi sərnişinlərin sayının çox olması və onlara qulluq göstərmək üçün kifayət qədər işçinin olmadığı göstərilib. Onlar sərnişinlərin səyahət planlarına təsir göstərdiklərinə görə üzr istəyiblər və başqa reyslərlə təmin olunmaları üçün aviaşirkətlərlə sıx əməkdaşlıq etdiklərini bildiriblər.xeber100.com

İtaliyada illik inflyasiya göstəricisi son 36 ilin ən yüksək səviyyəsinə yüksəlib

İyun ayında İtaliyada illik inflyasiya göstəricisi son 36 ilin ən yüksək səviyyəsinə yüksəlib.Bu barədə İtaliya Milli Statistika İnstitutu məlumat yayıb. Bildirilib ki, enerji və ərzaq qiymətlərindəki yüksək artımlar inflyasiyanın hərəkətverici qüvvəsi olmaqda davam edir. İyunda İtaliyada inflyasiya 8,2 faiz səviyyəsində olub və bu, 1986-cı ilin yanvarından bəri qeydə alınan ən yüksək göstəricidir.İnflyasiya aylıq müqayisədə 1,2 faiz, illik müqayisədə isə 8 faiz artıb.xeber100.com

Ümumdünya Səhiyyə Təşkilatından xəbərdarlıq!

İki həftə ərzində Avropada meymunçiçəyinə yoluxma hallarının üç dəfə artmasını nəzərə alaraq, Ümumdünya Səhiyyə Təşkilatı (ÜST) Avropa ölkələrini vəziyyətə təcili müdaxilə etməyə çağırıb.Bu barədə beynəlxalq qurumun Avropa bürosunun rəhbəri Hans Kluqe danışıb. O bildirib ki, region ölkələri qarşıdakı həftə və aylarda meymunçiçəyinin “böyük bir corğafi məkanda möhkəmlənməsinin“ qarşısını almaq üçün səylərini artırmalıdırlar.Qeyd edilib ki, indiyədək Avropa regionunda meymunçiçəyi virusuna 4500 yoluxma halı qeydə alınıb və bu, may ayının ortalarından indiyədək bütün dünya üzrə yoluxmaların 90 faizi deməkdir. Ənənəvi olaraq Afrikada rast gəlinən virus may ayından etibarən dünyanın müxtəlif ölkələrində, əsasən də Qərbi Avropada yayılmağa başlayıb. İndiyədək dünyanın 50-dən çox ölkəsində bu virusa yoluxma halları təsdiqlənib.xeber100.com