TASS informasiya agentliyinin məlumatı

Martın 1-də ABŞ Konqresinin Senatında daxili işlər naziri vəzifəsinə təyin olunan Rayan Zinke ertəsi gün işə Vaşinqton süvari polisinin müşayiəti ilə at belində gəlib. TASS informasiya agentliyi xəbər verir ki, siyasətçi müvafiq fotoşəkli özünün rəsmi “Twitter” səhifəsində yerləşdirib. O da qeyd olunur ki, nazir at üstündə “kovboy” papağı, uzunboğaz çəkmə və cins şalvarla görünməsi ilə mühafizəkar mövqeyini nümayiş etdirmək istəyib. ABŞ Hərbi Dəniz Qüvvələrinin “dəniz pişikləri” kimi tanınan xüsusi təyinatlı qüvvələrində xidmət etmiş keçmiş hərbçi Rayan Zinke ova, balıq tutmağa və aktiv istirahətə maraq göstərən insan kimi tanınır.Qeyd edək ki, ABŞ-ın Daxili İşlər Nazirliyi yalnız güc strukturu deyil və asayişi qorumaqla bərabər, federal torpaqların və təbii sərvətlərin idarə edilməsi kimi məsələlərlə məşğul olur.xeber100.com

UNESCO-nun Qeyri-Maddi Mədəni İrs Siyahısına tövsiyə…

Yaponiya hökuməti 10 yerli festivalı UNESCO-nun Qeyri-Maddi Mədəni İrs Siyahısına tövsiyə etməyi planlaşdırır. Hökumət bununla bağlı məktubu bu quruma cari ay ərzində göndərmək niyyətindədir.Həmin festivallar ölkənin müxtəlif rayonlarında keçirilsə də, onların bütün iştirakçıları müxtəlif qəhrəmanların maska və kostyumlarını geyinirlər. Onlar həmin kostyumlarda qonşuların evinə girərək şən əhval-ruhiyyə yaradırlar.Bu festivallar arasında Akita prefekturasının Oqa rayonunda keçirilən Namahaqe festivalı öz məşhurluğu ilə diqqəti daha çox cəlb edir.xeber100.com

Avstriya mətbuatının məlumatına əsasən…

Avstriyanın gündəlik “Kurier” qəzetinin yaydığı məlumata əsasən, Böyük Britaniyanın keçmiş Baş naziri Devid Kameron gələn il NATO-nun növbəti Baş katibi ola bilər. O, hazırda bu vəzifəni tutan norveçli sosial-demokrat Yens Stoltenberqi əvəz etməlidir.Hərbi dairələrdən mətbuata sızan məlumata əsasən, bu vəzifəyə D. Kameronun namizədliyinin irəli sürülməsi ilk növbədə ABŞ rəhbərliyinin razılığı ilə baş tutub. Çünki Böyük Britaniya öz arsenalında nüvə silahlarına malik güclü orduya sahibdir və ABŞ-ın tələbinə əsasən ümumi daxili məhsulun iki faizi həcmində xərcləri müdafiə məqsədləri üçün sərf edir.xeber100.com

“Goodix” şirkəti “MWC 2017” sərgisi çərçivəsində…

Sensor displeyə barmaq izləri skanerini quraşdırmaq ideyası çoxdan mövcuddur. Bəzi nəhəng mobil qurğu istehsalçıları, məsələn, “Apple” şirkəti, hətta belə həllin yaradılması üçün müxtəlif variantları təsvir edən bir neçə patenti qeydiyyatdan keçirib. Ancaq “Goodix” şirkəti “MWC 2017” sərgisi çərçivəsində “AMOLED” displeyə qurulmuş dünyada ilk barmaq izləri sensorunu təqdim edib. Yeni həll “In-Display Fingerprint Sensor” adlandırılıb. “4pda.ru” saytı xəbər verir ki, “Goodix” şirkətinin nümayəndələrinin sözlərinə görə, “In-Display Fingerprint Sensor” həlli “AMOLED” displeyin ayrıca sahəsini biometrik skanerə çevirir.Şirkət nümayəndələrinin məlumatına görə, yüksək işləmə sürəti, aşağı enerji sərfiyyatı və yığcam ölçü yeni texnologiyanın əsas üstünlüyüdür.xeber100.com

20 min rubl dəyərində qızıl sikkə dövriyyəyə buraxılacaq

Rusiya Bankı 999 əyarlı 1,75 qram qızıldan ibarət 20 min rubl dəyərində sikkə dövriyyəyə buraxacaq."lenta.ru" saytı xəbər verir ki, sikkə 200 və 2000 rubl nominalında banknot üçün rəmz seçimi üzrə müsabiqənin 10 finalçısına həsr olunacaq. Sikkənin il ərzində 50 ədədədək tirajla buraxılması nəzərdə tutulur.Sikkənin rəsmiləşdirilməsi barədə qərar ötən ilin iyun-oktyabrında keçirilən Ümumrusiya müsabiqəsinin yekunları üzrə qəbul edilib. Tədbirə qatılmaq üçün Rusiyanın 1113 şəhərindən beş mindən artıq iştirakçı namizədliyini irəli sürmüşdü.xeber100.com

Reuters agentliyinin məlumatı

Malayziya martın 6-dan etibarən Şimali Koreya ilə vizasız gediş-gəliş rejimini ləğv edəcək.Reuters agentliyi bildirir ki, bu barədə ölkənin dövlət informasiya agentliyi - Bernama məlumat yayıb. Məlumatda buna səbəb olaraq Şimali Koreya lideri Kim Çen Inın qardaşı Kim Çen Namın Kuala Lumpur hava limanında öldürülməsi ilə iki ölkə arasında yaranan gərginlik göstərilir.xeber100.com

AFR hökumətinin məlumatına görə…

AFR hökumətinin məlumatına görə, 2016-cı ildə Almaniyada qaçqınlara, eləcə də qaçqın yataqxanalarına 3533 hücum faktı qeydə alınıb. “Funke” media qrupundan olan qəzetlərin yaydığı xəbərə görə, bu barədə məlumat Federal Daxili İşlər Nazirliyinin parlament sorğusuna cavabında yer alıb.Sığınacaq üçün müraciət etmiş adamlara onların qaldığı yerdən kənarda 2545 hücum halı qeydə alınıb. Yataqxanalara 988 dəfə hücum edilib, 2015-ci ildə isə 1031 bu cür hal qeydə alınıb. 2016-cı ildə belə cinayətlər zamanı 560 adam, o cümlədən 43 uşaq yaralanıb.Bundan başqa, könüllülərə və xeyriyyə təşkilatlarına 217 hücum faktı qeydə alınıb.“Funke” media qrupunun qəzetləri yazır ki, son vaxtlar miqrantlara zorakılıq aktlarında azalma tendensiyası nəzərə çarpır.xeber100.com

5,5 bal gücündə zəlzələ olub

Bu gün yerli vaxtla saat 14:07-də (Bakı vaxtı ilə 15:07) Türkiyənin Adıyaman vilayətinin Samsat rayonunda 5,5 bal gücündə zəlzələ baş verib.Anadolu informasiya agentliyi xəbər verir ki, zəlzələnin episentri 11,3 kilometr dərinlikdə yerləşib. Təxminən 10 dəqiqə sonra həmin bölgədə 4,4 bal gücündə daha bir yeraltı təkan qeydə alınıb.Yerli hakimiyyət orqanlarının bildirdiyinə görə, təbii fəlakət nəticəsində bəzi kəndlərə ziyan dəyib. Tələfat barədə hələlik məlumat alınmayıb.Bölgədə vali Abdullah Ərin başçılığı ilə böhran mərkəzi yaradılıb.xeber100.com

RİA Novosti xəbər agentliyinin məlumatı

Böyük Britanıya vətəndaşı “hər şeyə malik insanlara” butulkası 247 dollardan İsveçrənin dağ havasını satır.RİA Novosti xəbər agentliyinə istinadla xəbər verir ki, İsveçrənin Basel vilayətində yaşayan ingilis Djon Qrin “həqiqi dağ havası” satışı biznesinə başlayıb. Hava ilə doldurulmuş yarım litrlik butulkanın qiyməti 97 dollar, bir litrlik butulkanın qiyməti 167 dollar, 3 litrlik butulkanın qiyməti isə 247 dollardır.Djon Drin bu qeyri-adi biznesindən əldə etdiyi gəlirin 25 faizini World Vision xeyriyyə təşkilatının hesabına köçürür. Butulkalar orijinallıq sertifikatı və GPS-koordinatı ilə təchiz olunub.xeber100.com

İsveç KİV-lərinin yaydığı məlumata görə…

Son bir neçə ildə İsveç Krallığının azı 300 təbəəsi İŞİD terror təşkilatının silahlılarına qoşulmaq üçün Suriya və İraqa yola düşüb. Daha sonra onların yarısından çoxu vətənə qayıdıb.İsveç KİV-lərinin yaydığı məlumata görə, bunu Krallığın Təhlükəsizlik Polisinin (SÄPO) baş direktoru Anders Turnberq jurnalistlər üçün xüsusi brifinqdə bəyan edib.Baş direktor qeyd edib ki, “İslam dövləti”nə köçmək istəyənlərin sayının getdikcə azalmasına baxmayaraq, onlara rəğbət bəsləyən adamların sayı artır. Gizli maliyyə köçürmələri şəbəkəsinin fəaliyyət göstərməsindən danışan A.Turnberq bildirib ki, bir çox İsveç vətəndaşları həmin şəbəkələr vasitəsilə terrorçulara sponsorluq edirlər.SÄPO-nun başçısı onu da bildirib ki, İsveçdə yerli gənclərin İŞİD sıralarına cəlb olunması üzrə şəbəkə fəaliyyət göstərir.xeber100.com