ABŞ Patent və Əmtəə Nişanları Bürosuna müraciət…

Cənubi Koreyanın “Samsung” şirkəti insanabənzər robotun yaradılmasına patent hüququ əldə etmək üçün ABŞ Patent və Əmtəə Nişanları Bürosuna müraciət edib.“Rusnews Info” resursu xəbər verir ki, müraciətdə insan kimi addımlamağı bacaran insanabənzər robot təsvir edilib.Sənəd barədə məlumat internetdə bu yaxınlarda yayılsa da, şirkətin büroya ərizəsi 2011-ci ildə daxil olub. Sənədə görə, “Samsung” insanın yerişini tam imitasiya edən, kök hüceyrəsinə cavabdeh xüsusi sistem sayəsində nəfəsi təkrarlayan robot ərsəyə gətirəcək. Robot hərəkət zamanı adi yerimə sürətinə nail olmaq üçün marşrutu təhlil edəcək.Qeyd olunur ki, A nöqtəsindən B nöqtəsinə çatmaq üçün “Samsung” robotu öz ağırlıq mərkəzini bölüşdürməklə hündürlüyə qalxma və ya dağdan aşağı enmə zamanı şaquli vəziyyəti saxlamaqla yolu bir neçə hissəyə ayıracaq. Qeyri-adi robotun hansı sahədə tətbiq ediləcəyi barədə məlumat verilmir.xeber100.com

Cənubi Amerikanın şimal-şərqində beşinci Avropa peyki buraxılıb

Martın 7-nə keçən gecə Cənubi Amerikanın şimal-şərqində, Fransa Qvianası ərazisindəki Kuru kosmodromunda beşinci Avropa peyki buraxılıb. Yerin müşahidə edilməsi üçün nəzərdə tutulan və “Sentinel-2B” adlanan bu peyk analoji “Sentinel-2A” aparatı ilə birlikdə materiklərin, adaların və sahilyanı rayonların şəklini çəkəcək.“Sentinel” aparatları Avropa İttifaqının və Avropa Kosmik Agentliyinin (ESA) büdcəsi hesabına maliyyələşdirilən “Copernicus” proqramı çərçivəsində buraxılıb. Bu peyklər vasitəsilə alınan məlumatlar pulsuz istifadə üçün əlyetərli olacaq. Həmin məlumatlardan meşə sənayesində və meşə təsərrüfatında istifadə etmək planlaşdırılır.xeber100.com

Prezident seçkilərinin ilk turu aprelin 23-də keçiriləcək

Bordo şəhərinin meri Alen Jüppe prezident seçkilərində “Respublikaçılar” partiyasından namizədliyini irəli sürməkdən qəti surətdə imtina edib. O, bu barədə qərarını təcili çağırılan konfransda açıqlayıb.TASS informasiya agentliyi xəbər verir ki, Fransua Fiyonla bağlı qalmaqal fonunda prezident seçkilərində mübarizəyə qoşulmaq barədə partiya yoldaşlarından çoxsaylı təkliflər aldığını deyən Jüppe bu “bazarlıqda” iştirak etmək istəmədiyini vurğulayıb.Siyasətçi “Respublikaçılar” partiyasında baş verən böhrana və mərkəzçilərlə ənənəvi vahid mövqenin olmadığına görə da təəssüf hissini dilə gətirib. Onun sözlərinə görə, Fransada seçkilər heç vaxt belə dolaşığa düşməyib. “Marşda” hərəkatının lideri Emmanuel Makronun seçilməsi Fransua Olandın məhvedici siyasətinin davamı ola bilər, “Milli cəbhə” isə ölkəni fəlakətə aparar.Xatırladaq ki, Fransada prezident seçkilərinin ilk turu aprelin 23-də, ikinci turu mayın 7-də keçiriləcək. Namizədlərin qeydiyyatı isə martın 17-də başa çatır.xeber100.com  

TASS informasiya agentliyinin məlumatı

Prezident Donald Tramp İraqı vətəndaşlarının Birləşmiş Ştatlara girişi məhdudlaşdırılan müsəlman ölkələrinin siyahısından çıxarıb.TASS informasiya agentliyi xəbər verir ki, Bağdad hökumətinin Vaşinqtonla terrorizmə qarşı əməkdaşlığı aktivləşdirməsi İraqın siyahıdan çıxarılmasına şərait yaradıb. Bu barədə xarici jurnalistlərə məlumat verən Ağ ev rəsmiləri ölkə başçısının miqrasıya ilə bağlı yeni sənəd imzalanmaq niyyətində olduğunu bildiriblər.Qeyd edilib ki, İran, Yəmən, Liviya, Suriya, Somali və Sudan vətəndaşlarının ABŞ-a girişinin 90 günlük məhdudlaşdırılması artıq təsdiqlənib. İraqın istisna edilməsinin səbəbi hökumətin ölkədən çıxanlara qarşı yeni yoxlamalar tətbiq etməsidir.xeber100.com

Yaponiya qanunlarına əsasən…

Yaponiyanın hakim Liberal Demokratik Partiyası (LDP) növbəti qurultayında Nizamnamədə dəyişiklik edərək partiya liderinin səlahiyyət müddətini 9 ilədək uzadıb. Bu barədə Kyodo agentliyi məlumat yayıb.LDP-nin növbəti qurultayı martın 5-də Tokioda öz işinə başlayıb. Qurultayın qərarına əsasən, partiya sədrinin səlahiyyət müddəti hər biri 3 il olmaqla iki müddətdən üç müddətə uzadılıb.Yaponiya qanunlarına əsasən, parlamentin aşağı palatasının seçkilərində qalib gələn partiya ölkənin Baş naziri vəzifəsinə öz namizədini irəli sürür. Beləliklə, hakim partiyanın lideri Nazirlər Kabinetinə rəhbərlik edir. Bu, o deməkdir ki, əgər qarşıdakı seçkilərdə LDP parlamentdəki mövqelərini saxlamağa nail olarsa, Şinzo Abe 2021-ci ilədək Baş nazir vəzifəsində qalacaq. Əvvəlki sistemə görə, partiya sədrinin səlahiyyət müddəti 2018-ci ildə başa çatmalı idi.xeber100.com

“Channel News Asia” tv-nin məlumatı

2014-cü ildə itmiş, Malayziya Hava Yollarına məxsus “Boeing-777” təyyarəsinin sərnişinlərinin qohumları onun axtarışının davam etdirilməsində təkid edirlər. “Channel News Asia” telekanalının yaydığı məlumata görə, onlar təyyarənin parçalarının özəl qaydada axtarışı üçün kampaniyaya start veriblər.Xəbər verdiyimiz kimi, Avstraliya, Malayziya və Çinin nümayəndələrinin daxil olduğu Axtarışları Əlaqələndirmə Mərkəzi (JACC) yanvarın ortalarında bəyanatla çıxış edərək 2014-cü il martın 8-də itmiş təyyarənin axtarışlarının dayandırıldığını bildirib. Bundan sonra Malayziya hökuməti fərdi şəxslərə və təşkilatlara qırıntıların axtarışını davam etdirməyə icazə verib.xeber100.com

Çin Xalq Respublikasının növbəti hədəfi…

Çin Xalq Respublikası (ÇXR) hökuməti cari ildə ümumi daxili məhsulun artımını 6,5 faiz səviyyəsində hədəfləyib. Bu barədə ÇXR Dövlət Şurasının sədri (Baş nazir) Li Keçyan 12-ci çağırış Ümumçin Xalq Nümayəndələri Yığıncağının beşinci sessiyasında hökumətin hesabatını təqdim edərkən deyib.Qeyd edək ki, bu rəqəm dünyanın ikinci ən böyük iqtisadiyyatına malik Çinin son 25 ildə ən aşağı ümumi daxili məhsul artımı göstərici ola bilər. Belə ki, Çinin ildən-ilə artan iqtisadi inkişaf tempində son 6 ildə hər il azalma müşahidə olunur. Ötən il Çinin ümumi daxili məhsulu 6,7 faiz artmışdı.Baş nazir bildirib ki, hökumət bu il şəhər yerlərində 11 milyon yeni iş yeri açmağı planlaşdırır ki, bu da ötənilki rəqəmdən 1 milyon çoxdur.Ölkənin ali qanunverici orqanı olan Ümumçin Xalq Nümayəndələri Yığıncağının sessiyasında Çin üzrə təxminən 3 minə yaxın nümayəndə iştirak edir. Bir həftə davam edəcək sessiyada ölkə həyatının müxtəlif sahələrinə aid məsələlərlə bağlı müzakirələr aparılacaq, cari il üçün ölkə büdcəsi və iqtisadi inkişaf planı təsdiq olunacaq.xeber100.com

5,9 bal gücündə zəlzələ baş verib

Martın 4-də Solomon adalarında 5,9 bal gücündə zəlzələ baş verib. Bu barədə ABŞ-ın Geoloji Xidməti məlumat yayıb.Yeraltı təkanlar yerli vaxtla saat 2:58 dəqiqədə Buqenvil adası yaxınlığında qeydə alınıb. Zəlzələnin ocağı 53,7 kilometr dərinlikdə yerləşib.Dağıntılar və zərərçəkənlər barədə məlumat verilmir.xeber100.com

ABŞ hökumətinin hərbi xərcləri artırmaqla bağlı qərarı…

ABŞ Prezidenti Donald Trampın hərbi xərcləri artırmaqla bağlı qərarından sonra Çin də müdafiə büdcəsini artırır.BBC xəbər verir ki, hökumət bu ildən etibarən hərbi büdcəyə 7 faiz əlavə vəsait ayıracağını bəyan edib. Bu isə ölkənin ümumi daxili məhsulunun 1,3 faizi deməkdir. Ayrılan vəsait əsasən ordunun müasirləşdirilməsinə sərf olunacaq.xeber100.com

NTV telekanalının məlumatına əsasən…

Martın 4-də Moskvanın mərkəzindən 8 min kilometrlik super marafon başlayıb. Bu məsafəni Aleksandr Kaper qət edəcək.Rusiyanın NTV telekanalı xəbər verir ki, Aleksandr Kaper Moskvadan Pekinədək olan 8 min kilometrlik məsafəni 200 günə başa vurmaq niyyətindədir.Aleksandrın ailə üzvləri ona bu işdə dəstək olacaq. Mariya Kaper həyat yoldaşında Rusiyanı yaxından görmək və başqalarına göstərmək arzusunun üç il bundan əvvəl məzuniyyətdə olduğu vaxt yarandığını deyib.xeber100.com