AFR Daxili İşlər Nazirliyinin məlumatına görə…

Bu il fevral ayında Almaniyaya gələn qaçqınların sayı 14 mindən bir qədər artıq olub. Onların əksəriyyəti Suriya, İraq, Eritreya və Əfqanıstandandır.AFR Daxili İşlər Nazirliyinin bu gün dərc etdiyi məlumata görə, 2017-ci ilin əvvəlindən bəri AFR-ə 29 minə yaxın qaçqın gəlib. Müqayisə üçün xatırladaq ki, 2016-cı ildə təkcə fevral ayında sığınacaq tapmaq üçün bu ölkəyə üz tutanların sayı 60 mindən çox idi.Nazir Tomas de Mezyer daha əvvəl bildirib ki, miqrantların qeyri-leqal yolla Qərbi Avropaya keçmək üçün istifadə etdikləri “Balkan marşrutu”nun bağlanması, habelə Avropa İttifaqı ilə Türkiyə arasında 2016-cı ilin ikinci rübündə bağlanmış Qaçqınlar haqqında saziş AFR-ə qaçqın axınının azalmasına kömək edib.AFR-ə qaçqın axınının azalmasının bir səbəbi də AFR-də təhlükəsiz mənşə ölkələri sayıla biləcək Əlcəzair, Mərakeş və Tunisdən olan miqrantların sayının azalmasıdır.xeber100.com

Anadolu informasiya agentliyinin məlumatı

Martın 10-da Türkiyə Prezidenti Rəcəb Tayyib Ərdoğanın Moskvaya səfəri başlayıb.Anadolu informasiya agentliyi xəbər verir ki, Türkiyə nümayəndə heyətinə xarici işlər naziri Mövlud Çavuşoğlu, ədliyyə naziri Bəkir Bozdağ, iqtisadiyyat naziri Nihat Zeybekçi, müdafiə naziri Fikri İşık, nəqliyyat, dənizçilik və kommunikasiya naziri Əhməd Arslan, energetika və təbii sərvətlər naziri Berat Albayraq, qida, əkinçilik və heyvandarlıq naziri Faruk Çelik, mədəniyyət və turizm naziri Nəbi Avcı, baş qərargah rəisi general Hulusi Akar daxildir.Rəcəb Tayyib Ərdoğan Moskvada Rusiya Prezidenti Vladimir Putinlə görüşəcək, yüksək səviyyəli əməkdaşlıq şurasının iclasında iştirak edəcək. Dövlət başçılarının iki ölkə arasında əlaqələrin yaxşılaşdırılması, regional problemlər, xüsusən Suriya məsələsi və terrorla mübarizə mövzuları ətrafında müzakirələr aparması planlaşdırılır.Türkiyə Prezidenti sazişlərin imzalanması mərasimindən və Vladimir Putinlə birgə mətbuat konfransından sonra naməlum əsgərin abidəsi önünə əklil qoyacaq.xeber100.com

ABŞ-ın Enerji İnformasiya Administrasiyasının məlumatına görə…

ABŞ-da xam neft ehtiyatları ötən hesabat həftəsində əvvəlki həftəyə görə gündəlik 8,2 milyon barrel (1,58 faiz) artaraq 528,4 milyon barrel olub.Azərtac xəbər verir ki, bu barədə ABŞ-ın Enerji İnformasiya Administrasiyası (EIA) məlumat yayıb.Bu göstəricinin xam neft ehtiyatlarındakı həftəlik artım hesabatı hazırlanmağa başladığı 1992-ci ildən indiyədək maksimal həcm olduğu bildirilib.xeber100.com

Reuters agentliyinin məlumatı

Suriyanın şimalındakı Rəqqa şəhərində ABŞ hərbi hava qüvvələrinə məxsus qırıcıların açdığı atəş nəticəsində altı uşaq daxil olmaqla on dörd mülki vətəndaş öldürülüb.Reuters agentliyi xəbər ki, ölənlərin çoxu eyni ailədəndir. ABŞ hökuməti İŞİD-ə qarşı mübarizədə mülki vətəndaşların ölümünü maksimum dərəcədə azaltmaq üçün lazım olan bütün tədbirləri gördüyünü bildirib.xeber100.com

Çexiya hökumətinin qərarı ilə…

Çexiya hökumətinin qərarı ilə Praqanın Dyablitse rayonundakı qəbiristanlığa milli abidə statusu verilib. Burada nasist və kommunist rejimlərinin qurbanlarının - edam edilən və işgəncə verilən siyasi məhbusların məzarları yerləşir.Keçmiş Siyasi Məhbuslar Birliyinin (SBPV) sədri İrji Linek deyib: “Biz məzarlığa status verilməsini təkcə Dyablitse qəbiristanının bədii-arxitektonik dəyərinin etiraf edilməsinin deyil, ilk növbədə, nasist və ya kommunistlərin hakimiyyətdə olduqları dövrdə qətlə yetirilən və kütləvi məzarlıqlarda dəfn edilən insanların xatirəsinə ehtiramın əlaməti kimi qəbul edirik”.xeber100.com

Müstəqillik barədə ikinci referendum gələn il keçirilə bilər

Şotlandiyanın birinci naziri Nikola Stercen 2018-ci ilin payızında Böyük Britaniyadan ayrılmaq barədə ikinci referendumun keçirilməsini istisna etməyib. Bu barədə o, BBC telekanalına müsahibəsində bildirib.Interfax informasiya agentliyi xəbər verir ki, birinci nazir referendum barədə yekun qərarın hələlik qəbul edilmədiyini də diqqətə çatdırıb. “Mən heç bir variantı istisna etmirəm, lakin ölkə üçün düzgün saydığım templə hərəkət edəcəyəm”, - deyə xanım siyasətçi əlavə edib.Xatırladaq ki, Şotlandiyada artıq 2014-cü ilin sentyabr ayında müstəqillik barədə referendum keçirilib. Səsvermənin nəticəsinə əsasən, o vaxt əhalinin 55,3 faizi ölkənin Birləşmiş Krallığın tərkibindən çıxmasının əleyhinə səs verib.xeber100.com

NATO 71 milyon avro yatırmağı planlaşdırır

NATO 2021-ci ilə qədər Latviyanın müdafiəsinə təxminən 71 milyon avro yatırmağı planlaşdırır. Bu barədə məlumatı “nra.lv” saytı Latviya Müdafiə Nazirliyinə istinadla yayıb.Həmin vəsaiti Latviya Milli Silahlı Qüvvələrinin (HBC) infrastrukturunun inkişafına, müttəfiqlərin qəbul edilməsinin və yerləşdirilməsinin təmin olunmasına yatırmaq planlaşdırılır.Latviya Nazirlər Kabinetinin fevral tarixli əmrinə görə, Latviya Müdafiə Nazirliyi 2017-2021-ci illərdə üzərinə uzunmüddətli öhdəliklər götürə, NATO-nun təhlükəsizliyə investisiyalar üzrə proqramının maliyyələşdirilməsi üçün təqribən 71 milyon avro xarici maliyyə yardımı, layihələrin Latviya hökuməti hesabına və xarici ölkələrlə müştərək maliyyələşdirilməsi üçün vergilərin ödənilməsinə 27 milyon avroya qədər vəsait cəlb edərək müqavilələr imzalaya bilər.xeber100.com

Hökumətlərarası Şuranın iclası keçirilib

Bişkekdə Qırğızıstanın Avrasiya İqtisadi Birliyinə (AİB) sədrliyi çərçivəsində qurumun Hökumətlərarası Şurasının iclası keçirilib.İclasda Rusiya, Qazaxıstan, Qırğızıstan, Belorus və Ermənistanın baş nazirləri iştirak edib.Tədbirdə bu ölkələr arasında inteqrasiya proseslərinin gücləndirilməsi, 2019-cu ilə qədər vahid energetika bazarının yaradılması, bu ölkələrin iqtisadiyyatına sərmayə qoyuluşu, 2025-ci ilə qədər AİB-nin üzvü olan ölkələr arasında iqtisadi inkişafın əsas istiqamətləri, kənd təsərrüfatı üçün maşın və mexanizmlərin buraxılmasının qaydaya salınması və digər məsələlər müzakirə edilib.İclasda bu və digər məsələlərlə bağlı 10 sənəd imzalanıb.Avrasiya İqtisadi Birliyi Hökumətlərarası Şurasının növbəti iclası Tatarıstanın mərkəzi Kazan şəhərində keçiriləcək.xeber100.com

“New Straits Times” qəzeti yazır…

NHK telekanalının Malayziyanın “New Straits Times” qəzetinə istinadla yaydığı məlumata görə, Şimali Koreyanın 37 vətəndaşı Borneoda Malayziya hökuməti tərəfindən saxlanılıb.Qəzetin hökumətdəki mənbələrə istinadla yaydığı məlumatda bildirilir ki, Malayziyanın İmmiqrasiya İdarəsinin apardığı yoxlama zamanı Borneoda qeyri-leqal yaşayan və tikinti işlərində çalışan 37 nəfər Şimali Koreya vətəndaşı saxlanılıb.İki ölkə arasında münasibətlər fevralın 13-də Kuala-Lumpurun beynəlxalq hava limanında Şimali Koreya vətəndaşı Kim Çan Namın qətlindən sonra gərginləşib. Cənubi Koreya rəsmi Pxenyanı bu qətlin təşkilində günahlandırıb. Malayziya hökuməti hadisədə bir neçə Şimali Koreya vətəndaşını təqsirli bilərək bir diplomatın və “Air Koryo” aviaşirkətinin əməkdaşının həbsi barədə order verib.xeber100.com

İmmiqrasiya haqqında yeni fərman imzalanıb

Prezident Donald Tramp Suriya, Sudan, Somali, İran, Liviya və Yəmən vətəndaşlarının 90 gün ərzində ABŞ-a gəlişini qadağan edən yeni fərman imzalayıb. Fərmanda İraq siyahıdan çıxarılıb. Bundan əvvəl Pentaqon və Dövlət Departamenti Ağ Evə davamlı təzyiq göstərib, D.Tramp Administrasiyasını İŞİD-ə və bütövlükdə terrorizmə qarşı mübarizədə mühüm rol oynayan bu ölkəni yeni siyahıya salmamağa çağırıb. Beləliklə, yeni fərmanda Suriya, Sudan, Somali, İran, Liviya və Yəmən vətəndaşlarının ABŞ-a gəlişi qadağan olunur, bundan əvvəl viza verilmiş adamlar istisna təşkil edir.xeber100.com