Avropa Komissiyasının araşdırmasına əsasən…

İtalyanlar vergi fırıldağına görə dünyada öndə gedənlər sırasındadırlar. Avropa Komissiyasının yeni araşdırmasına əsasən, 2014-cü ildə ƏDV ödənişindən yayınmalar İtaliya büdcəsinə 36,9 milyard avro bahasına başa gəlib. "vergiler.az” saytı bildirir ki, bütün Avropa İttifaqı üzrə xəzinəyə daxil olmamış ƏDV-nin az qala dörddəbiri təkcə bu ölkənin payına düşür. Avropa Komissiyasının təhqiqatının gedişi zamanı mütəxəssislər ƏDV-dən gözlənilən gəlirləri hər bir ölkə üzrə real əldə olunmuş nəticələrlə müqayisə ediblər. Məlum olub ki, ƏDV ödənişindən yayınma İtaliyada 27,55 faiz təşkil edir. Bu göstərici Avropa İttifaqına üzv ölkələr arasında yalnız Yunanıstanda, Litvada, Maltada, Slovakiyada və Rumıniyada yüksək olub. ƏDV ödənişindən yayınma nəticəsində itirilən məbləğə görə isə İtaliya 36,9 milyard avro göstərici ilə “vahid liderdir”.xeber100.com

Finlandiyada ölkənin ən uzun körpüsü inşa ediləcək

Yaxın zamanda Finlandiyada ölkənin ən uzun körpüsü inşa ediləcək. “novate.ru” saytı bildirir ki, Finlandiyanın “Knight Architects” arxitektura şirkətinin layihəsi ilə hazırlanan körpü Helsinki şəhərini Kruunuvuori mikrorayonu ilə birləşdirəcək. Uzunluğu 1,2 kilometr olan körpünün missiyası metropoliten xəttinin yükünü azaltmaqdır. Onun üzərində əsasən qatarlar və tramvaylar hərəkət edəcək. Eyni zamanda, velosiped üçün zolaq da ayrılacaq. Layihənin dəyəri 259 milyon avrodur. Körpünün inşasına 2018-ci ildə başlanılacaq. Tikintinin 2025-ci ildə yekunlaşdırılması nəzərdə tutulub.xeber100.com

Anadolu informasiya agentliyinin məlumatına görə…

Türkiyənin ədliyyə naziri Bəkir Bozdağ Türkiyədə dövlət çevrilişinə cəhdlə bağlı təhqiqat çərçivəsində həbs olunanların sayının 32 min nəfərə çatdığını bildirib. Anadolu informasiya agentliyi xəbər verir ki, nazir, həmçinin uğursuz çevriliş cəhdindən ötən müddətdə Fətullah Gülənlə əlaqədə şübhəli bilinən 70 min nəfər barədə araşdırma aparıldığını da qeyd edib. Bəkir Bozdağın sözlərinə görə, təhqiqatın nəticələrindən asılı olaraq həbs edilənlərin sayı arta və ya azala bilər. Xatırladaq ki, iyulun 16-na keçən gecə Türkiyədə dövlət çevrilişinə silahlı cəhd göstərilib. Ankara qiyamın arxasında ABŞ-da yaşayan Fətullah Gülənin dayandığını bildirir və Vaşinqtondan onun Türkiyəyə verilməsini təkidlə tələb edir.xeber100.com

“Die Zeit” qəzeti yazır…

Almaniyanın "Die Zeit" qəzetinin xəbərinə görə, Almaniya hökuməti "Deutshe Bank"ı xilas etmək üçün plan hazırlayır. Hökumətin variantları arasında "Deutshe Bank"dan səhm alışı da var. “banks.eu” saytı xəbər verir ki, "Die Zeit" bütün təkliflərin təcili fəaliyyət planı çərçivəsində qiymətləndirildiyini və Almaniya hökumətinin bankın hər hansı bir yardıma ehtiyac duymayacağına ümid etdiyini bildirib. Bank xilas olmaq üçün mümkün ssenariləri müzakirə edir. Fövqəladə vəziyyətdə hökumət bankın səhmlərinin 25 faizini alacaq. Almaniya hökuməti hələ də ümid edir ki, "Deutsche Bank"ın dövlətin dəstəyinə ehtiyacı olmayacaq. "Deutsche Bank" banka dövlət yardımının verilməsi barədə məlumatı təkzib edib və bildirib ki, bank Berlinin köməyi olmadan özü öz problemlərini həll edəcək.xeber100.com

BMT-nin baş katibi postuna namizəd dəyişikliyi…

Bolqarıstanın Baş naziri Boyko Borisov avrokomissar Kristalina Georgiyevanın BMT-nin baş katibi postuna namizədliyinin irəli sürüldüyü barədə məlumat verib. Interfax informasiya agentliyi xəbər verir ki, Georgiyeva bundan əvvəl Bolqarıstan hökuməti tərəfindən irəli sürülən namizədi - UNESCO-nun Baş direktoru İrina Bokovanı əvəz edəcək. Bir qədər əvvəl Borisov Bolqarıstanın BMT-nin başçısı postuna keçirilən seçkilərdə aralıq səsverməsinin nəticəsinə görə birinci və ya ikinci yeri tutacağı təqdirdə Bokovanın namizədliyini dəstəkləyəcəyini bildirmişdi. Sentyabrın 26-da baş tutan səsvermənin nəticəsinə əsasən Bokova namizədlər arasında yalnız 6-cı yeri tuta bilib.Xatırladaq ki, qurumun Baş katibi postuna seçkilər iyul ayında BMT-nin Təhlükəsizlik Şurasında başlayıb. Bağlı qapılar arxasında keçirilən seçkilər mərhələli şəkildə bir neçə ay davam edəcək.xeber100.com

Əməkdaşlıq barədə memorandum imzalanıb

Avstraliya ilə İran arasında ticarətin inkişafı sahəsində əməkdaşlıq barədə memorandum imzalanıb. Bu barədə yaxın günlərdə avstraliyalı biznesmenlərlə birlikdə Tehranda səfərdə olmuş ticarət və investisiyalar naziri Stiven Çobo məlumat verib. Sənədi şərh edən nazir deyib: “Bu memorandum tərəflərə iqtisadi əməkdaşlığı genişləndirməyə və ticarət sahəsində prioritet bölmələri dəqiqləşdirməyə imkan verəcək”. Nazir əlavə edib ki, Avstraliya-İran ticari-iqtisadi əməkdaşlığında əsasən aqrobiznes, energetika və təbii ehtiyatlar, səhiyyə, su mənbələrindən istifadə, təhsil və peşə hazırlığı sahələrinə üstünlük veriləcək. Səfərin nəticələri barədə danışan S.Çobo qeyd edib ki, Avstraliya 2010-cu ildə bağlanan ticarət nümayəndəliyinin fəaliyyətini yenidən bərpa edib. Bu, avstraliyalı biznesmenlərə İran bazarının imkanlarını öyrənmək üçün əlverişli şərait yaradacaq.xeber100.com

ABŞ-da ilk teledebat keçirilib

Birləşmiş Ştatlarda Demokratik və Respublika partiyalarından prezidentliyə namizədlər Hillari Klinton və Donald Tramp arasında ilk teledebat keçirilib. Teledebat Nyu-York ştatının Hempsted qəsəbəsində yerləşən Hofstra Universitetində baş tutub. Namizədlər ölkənin sosiali-iqtisadi problemlərini müzakirə edib və beynəlxalq münasibətlərə, təhlükəsizlik məsələlərinə, həmçinin ABŞ-ın xarici siyasətinə xüsusi diqqət yetiriblər. Klintonu Şimali Amerika azad ticarət zonası layihəsinin reallaşdırılmasında ittiham edən Tramp qəbuledilməz olan “Kanada, ABŞ, və Meksika arasında azad ticarət barədə sazişdən” Meksikanın ABŞ-dan daha çox qazanc əldə edəcəyini deyib. Namizədlər, həmçinin məxfi yazışmaların qaydaları və vergi məsələləri barədə də qarşılıqlı ittihamlar irəli sürüblər. Hillari Klinton ABŞ-ın dövlət katibi işlədiyi dövrlərdə mühafizə olunmayan şəxsi serverlərdən xidməti yazışma üçün istifadə edib; Trampı isə adətən bütün prezidentliyə namizədlərin vergi tranzaksiyalarının şəffaflığı üçün təqdim etdiyi vergi haqda sənədləri verməkdən imtina etməkdə qınayırlar. ABŞ-da irqlər arası münasibətlərdən danışarkən, namizədlər həm də odlu silahdan istifadə etməklə törədilən zorakılıqla bağlı problemlərə də münasibət bildiriblər. Namizədlər Trampın uzun illər ərzində inkar etdiyi Prezident Barak Obamanın Amerika vətəndaşlığı, terrora qarşı mübarizə, İŞİD və nüvə təhdidi barədə də fikirlərini açıqlayıblar. CNN telekompaniyasının teledebatın ardından izləyicilər arasında telefon vasitəsilə keçirdiyi sorğuya əsasən, respondentlərin 62 faizi ABŞ prezidenti postunda Hillari Klintonu, 27 faizi isə Donald Trampı görmək istədiyini bildirib. Klinton və Tramp arasında ikinci debat oktyabrın 9-da Missuri ştatının Sent-Luis şəhərindəki Vaşinqton Universitetində, üçüncü teledebat isə oktyabrın 19-da Nevada ştatının Las-Veqas şəhərindəki Nevada Universitetində keçiriləcək. Oktyabrın 4-də Virciniya ştatının Farmvill qəsəbəsində vitse-prezident postuna Demokrat Partiyasının namizədi Timoti Keynlə Respublika Partiyasının namizədi Mayk Pens arasında debatlar olacaq.xeber100.com  

Vətəndaş müharibəsinin başa çatması və sülhün bəyan olunması barədə saziş imzalanıb

Kolumbiya prezidenti Xuan Manuel Santos və “Kolumbiyanın İnqilabi Silahlı Qüvvələri” (FARC) adlandırılan üsyançı qruplaşmanın başçısı Rodriqo Londonyo Eçeverri ölkədə vətəndaş müharibəsinin başa çatması və sülhün bəyan olunması barədə sazişə imza atıblar. Saziş patrondan hazırlanmış qələmlə imzalanıb. Euronews telekanalı xəbər verir ki, Kartaxena şəhərində keçirilən təntənəli mərasimdə minlərlə insan, o cümlədən Latın Amerikasında yerləşən 15 dövlətin başçısı və BMT nümayəndələri iştirak ediblər. Sənəd FARC qruplaşmasının silahları yerə qoymasını, keçmiş partizanların işi üzrə xüsusi qanun sisteminin yaradılmasını və hökumət tərəfindən torpaq islahatlarının aparılmasını nəzərdə tutur. Kartaxenada baş tutan tarixi mərasim yarım əsirə yaxın davam edən və on minlərlə insanın ölümünə səbəb olan münaqişəyə son qoyub. Münaqişə nəticəsində zərər görən bütün insanlardan səmimi üzr istəyən FARC qruplaşmasının lideri Rodriqo Londonyo Eçeverri bundan sonra siyasi baxışlarını silahsız müdafiə edəcəyinə söz verib.xeber100.com

5,9 bal gücündə zəlzələ baş verib

Sentyabrın 26-da Yaponiyanın cənubunda, Okinava prefekturası sahillərində 5,9 bal gücündə zəlzələ baş verib. Yaponiya meteoroloji Agentliyinin yaydığı məlumata görə, zəlzələnin episentri Okinava arxipelaqının qərbində, ocağı 40 kilometr dərinlikdə yerləşib.xeber100.com

Banklar daxili bazarı canlandırmaq məqsədilə müştərilərinə kredit kartı paylayıb

İrandakı banklar daxili bazarı canlandırmaq məqsədilə müştərilərinə ilk dəfə kredit kartı paylayıb. “IRNA” xəbər verir ki, ölkə iqtisadiyyatını gücləndirmək məqsədilə çıxarılan kredit kartları Mərkəzi Bank tərəfindən təyin olunan ən aşağı limit 100 milyon rial (2800 dollar), 300 milyon rial (8400 dollar) və ən yuxarı limit 500 milyon rial (14 min dollar) olmaqla üç fərqli kart limiti ilə əhaliyə təqdim edilib. Banklar tərəfindən verilən kredit kartlarının beynəlxalq kredit kartı şirkətləri ilə bir əlaqəsinin olmadığı, təkcə ölkə daxilinə istifadə ediləcəyi bildirilib.xeber100.com