Siyasi partiyalar seçkilərə hazırlaşır

İyunun 1-də Yaponiya parlamentinin sessiyası başa çatdıqdan sonra siyasi partiyalar gələn ay qanunverici orqanın yuxarı palatasına keçiriləcək seçkilərə hazırlığı intensivləşdiriblər. Sessiyanın sonuncu günü Baş nazir Şinzo Abe bəyan edib ki, gələn il istehlak vergisinin artırılması ilə bağlı qərarı 2019-cu ilin oktyabrınadək təxirə salmaq niyyətindədir. Çünki həmin qərarın icrası ölkədə istehlakın azalmasına səbəb ola bilər. Ş.Abe bildirib ki, iyulun 10-na təyin olunmuş seçkilərdə hökumət seçicilərin ölkədə həyata keçirilən “abenomika” adlı iqtisadi siyasətə münasibətini aydınlaşdırmaq istəyir. Baş nazir deyib ki, bu seçkilər “abenomika”nı sürətləndirmək və ya bu yoldan dönmək lazım olduğunu dəqiqləşdirmək imkanı yaradacaq. Ş.Abe, həmçinin əlavə edib ki, hakim koalisiya qarşıdakı seçkilərdə parlamentdə daha çox yer qazanmağı planlaşdırır. Aparıcı müxalifət partiyası - Demokratik Partiya və onun üç tərəfdaşı birmandatlı dairələrdən vahid namizədlə çıxış etmək, ölkədə iqtisadi siyasət xəttini dəyişmək niyyətində olduqlarını bildirirlər. Seçki kampaniyasına rəsmi olaraq iyunun 22-də start veriləcək.xeber100.com

Belarusda dövriyyəyə yeni pullar buraxılacaq

Bir aydan sonra Belarusda dövriyyəyə yeni pullar buraxılacaq. Belarus KİV-lərinə istinadla xəbər verir ki, denominasiya nəticəsində banknotlardan dörd sıfır silinəcək. Hazırda Belarus bankları test üçün yeni əsginaslar və sikkələr götürüblər. Testin əsas məqsədi hesablama və çeşidləmə texnikasının yeni pullara uyğunlaşdırılmasını müəyyən etməkdən ibarətdir. Həmçinin yaxın günlərdə banklar bankomat, mübadiləçilər, kassa yüklənməsi üçün nə qədər vəsait lazım olduğunu hesablayaraq sorğu göndərəcək. Məhz bundan sonra yeni partiya pullar Milli Bankın ehtiyat anbarından banklara paylanacaq. Köhnə əsginaslar bu il dekabrın 31-dək dövriyyədə olacaq, banklar və mağazalar onları qəbul etməlidirlər. Oktyabrın 1-dən isə bütün bankomatlar yeni pula keçəcək. Bankirlər bildirirlər ki, köhnə pulları yeniləri ilə dəyişmək ödənişsizdir. Denominasiya edilmiş pullarla “doldurulmuş” bankomatlarda ən populyar əsginas 5 rubl olacaq. Bu isə hazırda 50 000 rubl təşkil edir.xeber100.com

Ümumxalq referendumunun son nəticələri elan edilib

Tacikistanda Konstitusiyaya düzəliş və əlavələrlə bağlı keçirilən ümumxalq referendumunun son nəticələri elan edilib. Tacikistan Seçkilər və Referendumlar üzrə Mərkəzi Komissiyasının yaydığı məlumata görə, referendumda səs hüququ olan vətəndaşların 92 faizi iştirak edib ki, bu da 4 milyon 95 min 422 səs deməkdir. Yekun nəticələrə əsasən hazırki Prezident Emoməli Rəhmon bundan sonra istənilən qədər prezident seçilə bilər. Yeni düzəlişə görə, prezidentliyə namizədin yaş senzi 35-dən 30-a endirilib. Əsas Qanuna edilən əlavəyə əsasən Konstitusiya Şurası ləğv olunur, milli və dini xarakterli partiya və hərəkatların yaradılması, siyasi partiyaların xarici ölkələr tərəfindən maliyyələşdirilməsi qadağan edilir. Xatırladaq ki, Tacikistan Prezidentinin indiki səlahiyyət müddəti 2020-ci ildə başa çatır.xeber100.com

6,5 bal gücündə zəlzələ baş verib

İyunun 2-də İndoneziyanın Sumatra adası yaxınlığında 6,5 bal gücündə zəlzələ baş verib. "Figaro.fr” saytı xəbər verir ki, yeraltı təkanlar nəticəsində dağıntı və zərərçəkənlər barədə məlumat yoxdur.xeber100.com

“Müharibə, kapitalizm və azadlıq” adlı sərgi açılıb

Roma şəhərinin “Palatso Çipolla” adlanan qəsəbəsində yerləşən “Arte-Musei” muzeyində dünya şöhrətli britaniyalı küçə rəssamı Benksinin “Müharibə, kapitalizm və azadlıq” adlı sərgisi açılıb. buro247.az saytı xəbər verir ki, sərgidə rəssamın şəxsi kolleksiyalardan olan 150-dək sənət əsərini görmək olar. Onlardan bəziləri ictimaiyyətə ilk dəfə olaraq təqdim edilir və ekspozisiyanın adında göstərilən 3 tematik bölmədə paylaşdırılıb. Onun əsərlərində müharibə, konsyumerizm və siyasət mövzuları analiz edilib. Rəssamın ən böyük sərgisi sayılan ekspozisiyanı təşkil etmək üçün 1 milyon avro civarında maliyyə sərf olunub. Sərgi sentyabrın 4-dək davam edəcək.xeber100.com

Dünyanın ən uzun tuneli İsveçrədə istifadəyə təqdim olunacaq

Bu gün dünyada ən uzun yeraltı tunel olan Qotard Baza istifadəyə veriləcək. Nəqliyyat tunelinin ümumi uzunluğu 57 kilometrdir. Dünyanın ən uzun tuneli İsveçrədə istifadəyə təqdim olunacaq. Tunel dəmiryol qatarları üçün nəzərdə tutulub. Qotard aşırımından keçən tunelin açılışında Avropa Birliyinin (AB) nəqliyyat komissarı Violeta Bulc iştirak edəcək. O, tunelin açılışını əsl tarixi hadisə adlandırıb. Qotard Baza tuneli Alp dağlarının içindən keçərək Avropanın şimalı ilə cənubu birləşdirəcək. 2016-cı ilin dekabrından etibarən tuneldən kommersiya məqsədilə istifadə edilməyə başlanılacaq. Buradan Avropanın fərqli ölkələri keçid kimi istifadə edə biləcək. Açılışa yüz mindən artıq ziyarətçinin gələcəyi deyilib. Qotard tunelinin uzunluğu 57 kilometrdir və o, 20 il ərzində tikilib. Layihə ümumilikdə 12.3 milyard ABŞ dollarına başa gəlib. Tuneldə sərnişin qatarları üçün saatda 250 kilometr, yük qatarları üçün isə saatda 100 kilometr sürət nəzərdə tutlub. Sen-Qotard aşırımının altından 16.9 kilometr uzunluğunda avtomobillər üçün nəzərdə tutulmuş tunel də mövcuddur. İsveçrə hökuməti və AB isə daha ekoloji variant olan dəmiryolunun inkişafına yatırım etməyi planlaşdırır.xeber100.com

Rusiyanın sabiq maliyyə naziri Aleksey Kudrinin etirafı…

Rusiyanın sabiq maliyyə naziri Aleksey Kudrin sanksiya rejiminin  Rusiyanın ÜDM-nin ildə 0.8-1 faizədək azalmasına səbəb olduğunu bildirib. Rusiyanın RNS-ə istinadən verdiyi xəbərə görə, Kudrin qeyd edib ki, Rusiyanın dünya bazarlarında və beynəlxalq kooperasiyada iştirakının genişləndirilməsi perspektivlərinə dair müşahidə olunan yüksək qeyri-müəyyənlik ölkəyə yeni investisiyaların cəlb olunmasını ləngidir. Sabiq maliyyə naziri əlavə edib ki, Rusiya iqtisadiyyatı rublun zəifləməsi səbəbindən 2004-2005-ci illərdəki səviyyəyə qayıdıb (milli valyutanın real kursunun göstəricisinə görə).

Suriyanın neft obyektləri bombalanıb

Rusiyanın “SU-34” bombardmançı təyyarələri İŞİD terror qruplaşmasının  Suriyanın Rakka şəhəri yaxınlığındakı neft obyektlərini bombalayıb. “RİA Novosti”nin verdiyi xəbərə görə, bu barədə  Rusiya Müdafiə Nazirliyinin saytında dərc olunmuş məlumatda bildirilir.“Rusiya aviasiyası İŞİD terrorçularının iqtisadi bazasının sıradan çıxarılmasına dair tapşırıqları yerinə yetirməkdə davam edir. “SU-34” bombardmançı təyyarələri İŞİD terror qruplaşmasının  Rakka şəhərindən 42 km cənub-qərbdə yerləşən Ət-Taura yaşayış məntəqəsi yaxınlığındakı qeyri-qanuni neft obyektlərini məhv edib”, - deyə məlumatda qeyd olunur.xeber100.

“Fingertips Lab” startapı smartfonu idarə etmək üçün orijinal qurğu təqdim edib

Fırlanan halqa formasında olan, səsli idarəetmə üçün mikrofon və akselerometrlə təchiz edilmiş yenilik ekrana baxmadan, yalnız düyməyə sıxmaqla bir çox məsələləri asanlıqla yerinə yetirməyə imkan verir. Azərtac  “hitech.vesti.ru” saytına istinadən xəbər ki, həb formasında olan cihaz “O6” adlandırılıb. Yeni qurğunu bilərzik kimi də istifadə etmək olar, yaxud geyimə, hətta avtomobilin sükanına bərkitmək mümkündür. Səs vasitəsilə aksessuarı idarə etmək olar, bundan başqa qurğu fırlatma təkəri, 4 ədəd naviqasiya klavişi və daxili akselerometrlə təchiz edilib. “O6” cihazı “Bluetooth”un köməyi ilə telefona qoşulur. Qurğu poçtu dinləməyə, mesajlara cavab verməyə, zəng etməyə və ya musiqi seçib dinləməyə imkan verir. Daxili akkumulyator sayəsində qurğu 10 gün müddətində avtonom işləyir. Hazırda “O6” cihazı yalnız “iPhone” və “iPad” qurğularını dəstəkləyir, ancaq istehsalçı yaxın gələcəkdə “Android” dəstəyini planlaşdırır. “Fingertips Lab” startapı “O6” cihazının kütləvi istehsalı üçün lazımi vəsaiti “Kickstarter” platforması üzərindən toplayır. Şirkət lazım olan məbləği toplaya bilsə, qurğu 149 dollara satışa çıxarılacaq.xeber100.com

Çinin vergi sisteminin islahatı yolunda atdığı daha bir addım…

Çində iyul ayının 1-dən təbii resurslardan istifadə sahəsində aparılması nəzərdə tutulan islahat qüvvəyə minəcək. Vergiler.az saytı bildirir ki, bu Çinin vergi sisteminin islahatı yolunda 2016-cı ildə atdığı daha bir addımdır. Ölkənin Baş Dövlət Vergi İdarəsinin məlumatında göstərilir ki, ölkənin şimalında yerləşən Hebey əyalətində su vergisinin tutulması ilə bağlı eksperimentin tətbiqinə başlanılacaq. Bu vergi yeraltı və yerüstü su obyektlərindən suyun götürülməsinə tətbiq ediləcək. Bununla yanaşı, daha çox su sərf edən sənaye sahələri və sudan müəyyənləşdirilmiş normadan artıq istifadə edən müəssisələr üçün tariflər də artırılacaq. Suyun normal məişət istifadəsi üçün vergi yükü isə əvvəlki səviyyədə saxlanılacaq. Əldə olunacaq nəticələrə əsaslanaraq, hökumət eksperimentin coğrafiyasını genişləndirməyi nəzərdə tutur. Çində meşə resurslarından, örüşlərdən və qumluqlardan təsərrüfat məqsədilə istifadə də vergiyə cəlb olunacaq. Əgər layihə uğurla davam edərsə, yeni vergi növü bütün ölkə ərazisini əhatə edəcək.xeber100.com