ABŞ Dövlət Departamenti müsəlmanları Ramazan ayı münasibətilə təbrik edib

ABŞ dövlət katibi Con Kerri şəxsən öz adından, eləcə də ABŞ Dövlət Departamenti adından dünya müsəlmanlarını müqəddəs Ramazan ayının başlanması münasibətilə təbrik edib. Təbrikdə deyilir: “Bütün dünyada olan səfirlik və konsulluqlarımızın vasitəsilə biz Ramazan ayı ilə əlaqədar hadisələrin dəyərinin nə qədər mühüm olduğunu təsdiqləyirik. Beləliklə biz sosial birliyə sadiqliyi, ictimaiyyətin özünəməxsusluğuna və müxtəlifliyinə hörməti çatdırmağa çalışırıq”. Dövlət katibi, sayı1,6 milyard olan dünya müsəlmanlarına sevincli Ramazan ayı arzulayıb. Dövlət Departamentindən verilən məlumata görə, Ramazan İslamda çox mühüm olan dua, oruc, qonaqpərvərlik və daha az təminatlılara diqqət ayıdır.xeber100.com

Qazaxıstan Milli Təhlükəsizlik Komitəsinin məlumatına əsasən…

Qazaxıstanda bir qrup yüksək vəzifəli məmur və hərbçi hakimiyyəti ələ keçirmək cəhdində şübhəli bilinərək saxlanılıb. Bu barədə Qazaxıstan Milli Təhlükəsizlik Komitəsi məlumat yayıb. Şübhəli şəxslər arasında Qazaxıstan baş prokurorunun sabiq birinci müavini, Konstitusiya Şurasının keçmiş üzvü, ikinci dərəcəli dövlət ədliyyə müşaviri İlyas Baxtıbayev və Cənubi Qazaxıstan vilayətinin daxili işlər departamentinin keçmiş rəisi general-mayor Doskaliyevin adı var.Saxlanılan şəxslər istintaq təcridxanasına aparılıb. Hazırda araşdırma gedir.Qazaxıstanın Aktobe şəhərində baş vermiş terror aktı zamanı ölənlərin sayı isə 17 nəfərə çatıb. Daxili İşlər Nazirliyinin dövlət dili və informasiya departamentinin direktoru Almas Sadubayevin məlumata görə, onlardan üçü yerli sakin, üçü hərbçi, 11 nəfər isə ekstremistdir.O bildirib ki, ekstremistlər əvvəlcə silah mağazasına hücum ediblər. Onlar satıcını öldürüb, mühafizə xidməti əməkdaşının birini güllələyib, digərini isə yaralayıblar. Sonra 3 polis əməkdaşı yaralanıb. Mağazaya hücum edənlər 17 odlu silah, 3 qaz tapançası, güllə və bıçaqlar götürüblər. Bundan sonra ekstremistlərin bir hissəsi digər silah mağazasına hücum edib. Hücum zamanı müştərilərdən biri öldürülüb. Digər ekstremistlər ələ keçirdikləri avtobusla hərbi hissənin darvazasını qırıblar. Sonra orada Milli Qvardiyanın döyüşçüləri ilə döyüş olub. Atışma zamanı 3 hərbçi ölüb.xeber100.com

Hərbi müdaxilə və terrorçu qruplara dağıdıcı dəstək olmasaydı…

Rəsmi Tehran ABŞ maliyyə naziri vəzifəsini icra edən Adam Şubinin İranın terrorizmə dəstək verməsi barədə bəyanatına münasibət bildirib. Faktinfo.az bildirir ki, İran Xarici İşlər Nazirliyinin təmsilçisi Hüsyen Caber Ansari deyib ki, ABŞ-dan fərqli olaraq İran təcrübədə terrorizmə qarşı mübarizədə ən ciddi və effektiv qüvvə olduğunu sübut edib. H. C. Ansari Vaşinqtonu dünyada terror təhlükəsini artırmaqda da günahlandırıb: “Əgər İraq, Əfqanıstan, Suriya, Liviya və Yəməndə hərbi müdaxilə və terrorçu qruplara dağıdıcı dəstək olmasaydı, beynəlxalq ictimaiyyət bu gün terrorçu qruplardan qaynaqlanan təhdidə qarşı mübarizədə böyük əziyyətlə üzləşməzdi”. Qeyd edək ki, ABŞ maliyyə naziri vəzifəsini icra edən A. Şubin bildirib ki, 7-8 iyun tarixlərində Paris və Berlinə səfəri zamanı Avropa İttifaqı rəsmiləri ilə İranın stabilliyi pozmağa yönəlmiş fəaliyyəti və terrorizmə dəstək verməsinə qarşı birgə mübarizə ilə bağlı müzakirə aparacaq.xeber100.com

RİA Novosti agentliyinin məlumatına görə…

Bu gün Peruda prezident seçkilərinin ikinci turuna start verilib. RİA Novosti agentliyinin verdiyi məlumata görə, prezident postu uğrunda həbs cəzasına məhkum edilmiş sabiq prezident Alberto Fuxumorinin qızı, sağ-mərkəzçi Keyko Fuxumori və texnokrat, sabiq baş nazir və sabiq iqtisadiyyat naziri Pedro Kuçinski mübarizə aparır. Seçki məntəqələri yerli vaxtla saat 8.00-da (Bakı vaxtı ilə 17.00) açılıb. Seçici siyahısında 23 milyon nəfərin adı var. Qeyd edək ki, aprelin 10-da keçirilən seçkinin birinci turunda qalib müəyyənləşməyib. K. Fuxumori 40 faiz səs toplayıb və qalibiyyət üçün vacib olan 50 faiz səs baryerini keçə bilməyib. P. Kuçinski isə 21 faiz səslə ikinci yerdə qərarlaşıb. Müşahidəçilər son rəy sorğularına əsasən K. Fuxumori və P. Kuçinskinin qələbə şanslarının bərabərləşdiyini, K. Fuxumorinin az fərqlə öndə olduğunu bildirirlər. Ona görə də hazırda seçkinin qalibinin kim olacağını heç Kim dəqiq proqnozlaşdıra bilmir. Seçkilərdən bir neçə gün əvvəl ilk turda üçüncü yerdə qərarlaşmış Veronika Mendosa öz tərəfdarlarını K. Fuxumorinin əleyhinə səs verməyə çağırıb.xeber100.com

Viza rejiminin ləğvi barədə sənəd imzalanacaq

Bu gün Ermənistanın xarici işlər naziri Edvard Nalbəndyan Tehrana rəsmi səfər edib. Apa-nın Tehran Bürosunun məlumatına görə, E. Nalbəndyanı İranın xarici işlər naziri Məhəmməd Cavad Zərif qarşılayıb. İki günlük səfər zamanı E.Nalbəndyan iranlı həmkarı və digər rəsmilərlə görüşəcək. Səfər çərçivəsində iki ölkə arasında viza rejiminin ləğvi barədə sənəd imzalanacaq. Sənədə əsasən viza tələb edilmədən İran vətəndaşları Ermənistanda, Ermənistan vətəndaşları İranda 90 gün müddətinə qala biləcəklər.xeber100.com

Kuba Amerika Dövlətləri Təşkilatına üzv olmayacaq

Kuba heç vaxt Amerika Dövlətləri Təşkilatına üzv olmayacaq. BBC-nin verdiyi xəbərə görə, bunu Karib hövzəsi ölkələrinin sammitində çıxışı zamanı Kubanın lideri Raul Kastro deyib. Kastro mənzil-qərargahı Vaşinqtonda yerləşən Amerika Dövlətləri Təşkilatının imperialist hökmdarlığının aləti olduğunu bildirib. Qeyd edək ki, soyuq müharibə dövründə Kuba ABŞ-ın təkidi ilə təşkilatdan xaric edilmişdir. Kastronun sərt mövqeyi ADT-nin Venesuelaya dair tənqidinə reaksiya olub. Venesuelanın təşkilatda üzvlüyü dayandırıla bilər. Kastro Venesuela xalqı və prezidenti Nikolas Maduro ilə həmrəy olduğunu bildirib. Maduro ABŞ-ı region ölkələrinə təzyiq göstərməkdə günahlandırıb. O hesab edir ki, ABŞ Venesuelanı təcrid etməyə çalışır. Venesuelada neftin qiymətinin aşağı düşməsinin səbəb olduğu kəskin ərzaq çatışmazlığı, yüksək inflyasiya və gəlirlərin azalması fonunda vəziyyət kritik həddə çatıb.xeber100.com

“Avstraliya təcrübəsi”nin tətbiqi…

Avstriya xarici işlər naziri Sebastyan Kurts Avropada sığınacaq axtaran miqrantları qitəyə buraxmaq əvəzində adalarda saxlamağın daha yaxşı olduğunu bəyan edib.Apa-nın məlumatına görə, S. Kurts Avstriyanın “Die Presse” miqrantların Avropaya təhlükəli səfərinin qarşısının alınması üçün “Avstraliya təcrübəsi”ni tətbiq etməyi təkli edib. Avstraliya qayıqlarla gəlməyə çalışan miqrantları Naur və Papua-Yeni Qvineya adalarındakı düşərgələrə göndərir və qaçqın statusu alana qədər onları qeyri-müəyyən müddətdə həmin yerlərdə saxlayır. Bu müddət ərzində hətta onlar qaçqın statusu alsalar da, Avstraliyada məskunlaşmaları qadağan edilir. S. Kurts deyib ki, Avstraliya modeli tam tətbiq olunmasa da, bu prinsiplərdən Avropada istifadə etmək olar: "Mən bir müddət əvvəl Avropa İttifaqı ilə Türkiyə arasında imzalanan miqrant sazişinə skeptik yanaşıram. Avropa İttifaqı qətnamə qəbul etməlidir ki, Avropaya qanunsuz yolla gələnlər sığınacaq istəmək hüququnu itirirlər”. Qeyd edək ki, Avropa İkinci Dünya Müharibəsindən sonra ən ciddi miqrasiya böhranı yaşayır. Yaxın Şərq və Şimali Afrikadan 2015-ci il ərzində 1,8 milyon miqrant Avropaya gəlib. Bu ilin əvvəlindən isə Avropaya 194 min 611 miqrant gəlib, 1475 miqrant isə dəniz yolu ilə təhlükəli səfər zamanı itkin düşüb, ölüb. Avropa İttifaqı və Türkiyə arasında miqrant sazişi isə bu il martın 20-də qüvvəyə minib. Sazişə əsasən martın 20-dən qeyri-leqal yolla Türkiyədən Yunanıstana gələn miqrantlar Türkiyəyə geri qaytarılır. Bunun əvəzində Avropa İttifaqı Türkiyədən eyni sayda miqrantı qəbul edir.xeber100.com

“Die Welt” nəşrinin verdiyi məlumata görə…

Almaniya 2006-cı ildən sonra ilk dəfə hökumətin milli təhlükəsizlik siyasətinin əsaslandığı “Ağ kitab”ı yeniləyəcək.  “Die Welt” nəşrinin verdiyi məlumata görə, kitabda əsas dəyişikliklərdən biri Rusiyanın tərəfdaş statusunun dəyişdirilməsi, bu ölkənin Almaniyanın rəqibi qismində əksini tapması olacaq. Almaniya Müdafiə Nazirliyinin hazırladığı 80 səhifəlik sənəddə qeyd edilib ki, Moskva öz maraqlarını güc vasitələri ilə həyata keçirməyə və özbaşına beynəlxalq hüquqla qorunan sərhədləri dəyişdirməyə çalışır. Buna görə də Rusiya “Soyuq Müharibə”dən sonra Avropada sülh və təhlükəsizlik üçün təhdidə çevrilib. Sənəddə vurğulanıb ki, Rusiya kursunu dəyişməsə, gələcəkdə Avropada təhlükəsizlik üçün təhdid olaraq qaralacaq. Sənəddə ümumilikdə Almaniya üçün 10 təhdid sadalanıb. Bu sırada beynəlxalq terrorizm, radikal millətçilik, miqrasiya məsələsi və əhalinin sayının artması ilə bağlı epidemiya riski də yer alıb. Ağ kitab yeni redaksiyada yay tətilinə qədər Nazirlər Kabinetinə təqdim edilməli və təsdiqlənməlidir.xeber100.com

Parlament seçkiləri oktyabrın 8-ə təyin edilib

Gürcüstan prezidenti Qeorqi Marqvelaşvili bugünkü sərəncamı ilə ölkədə parlament seçkilərini oktyabrın 8-ə təyin edib. “Gürcüstan-onlayn”-ın verdiyi məlumata görə, bu barədə dövlət başçısının mətbuat katibi Eka Mişveladze bildirib. Onun sözlərinə görə, Gürcüstan prezidentinin imzaladığı sərəncam artıq baş nazir Qeorqi Kvirikaşvili göndərilib. Ölkədə seçkiqabağı kampaniyaya iyunun 8-dən start veriləcək. Qeyd edək ki, 2010-cu ildə Konstitusiyaya edilən dəyişiklərə əsasən parlament seçkilərində qalib gələn partiya və yaxud siyasi birlik yeni baş nazirin namizədliyini irəli sürmək, eləcə də hökuməti formalaşdırmaq hüququna malik olacaq.xeber100.com

Reuters agentliyinin keçirdiyi rəy sorğusuna əsasən…

ABŞ-ın sabiq dövlət katibi, prezidentliyə namizəd Hillari Klinton əsas rəqibi olan Donald Trampı 11% qabaqlayır. Bu, Reuters agentliyi və “İpsos” araşdırma mərkəzinin keçirdiyi rəy sorğusunda bəlli olub. Demokrat partiyasının təmsilçisi H.Klintonu rəyi soruşulanların 46%-i, respublikaçı D.Trampı isə - 35%-i dəstəkləməyə hazırdır. Qeyd edək ki, mayın sonunda Klinton Donald Trampı cəmi 3%-lıq üstünlüklə qabaqlayırdı. Xatırladaq ki, ABŞ-da növbəti prezident seçkiləri noyabrın 8-də keçiriləcək.xeber100.com