Gürcüstan “Avropa ailəsi” istiqamətində addımlayır…

Gürcüstan prezidenti Georgi Marqvelaşvili Tbilisidə Opera və Balet Teatrında Avropa Gününə həsr olunmuş tədbirdə Gürcüstanın “Avropa ailəsi” istiqamətində addımladığını bildirib. APA-nın məlumatına görə, G. Marqvelaşvilinin çıxışı rəsmi saytında yerləşdirilib. Marqvelaşvili deyib ki, Gürcüstan 25 il əvvəl azad olmaq üçün müstəqillik qazanıb, hələ də bu istiqamətdə addımlayır: “Bizim dəyərlərimiz və Avropa cəmiyyətinin dəyərləri eynidir. Cəmiyyət və ölkənin siyasi rəhbərliyi “Avropa ailəsi” istiqamətində dəqiq və qətiyyətli addımlar atır. “Gürcüstan Avropa İttifaqının üzvü olacaq, mən buna əminəm”.xeber100.com

“Novosti-Kazaxstan” agentliyinin xəbərinə görə,

Qazaxıstanın Almata şəhəri və Almata vilayətində 9-10 may tarixlərində sel və subasmaya səbəb ola biləcək fırtına ilə bağlı xəbərdarlıq edilib. “Novosti-Kazaxstan” agentliyinin verdiyi məlumata görə, bu barədə Almata şəhər Fövqəladə hallar departamenti məlumat yayıb. Xəbərdarlıqda qeyd edilib ki, 9-10 may tarixlərində leysan yağışların Almata vilayətindəki çaylarda sel təhlükəsi yaradacağı proqnozlaşdırılır. xeber100.com

“Sky News Arabia” telekanalının verdiyi məlumata görə…

Səudiyyə Ərəbistanı neft sahəsində hazırkı siyasətini davam etdirmək niyyətindədir. “Sky News Arabia” telekanalının verdiyi məlumata görə, bunu Səudiyyə Ərəbistanının yeni energetika, sənaye və mineral resurslar naziri Haled Əl-Faleh bəyan edib. H. Əl-Faleh Səudiyyə Ərəbistanının müştərilərinin neftə ehtiyaclarını qarşılamaq sahəsində liderliyini qoruyacağını vurğulayıb. Qeyd edək ki, kral Salman Səudiyyə Ərəbistanı hökumətinin tərkibində böyük dəyişiklik edib və səhiyyə naziri olan H. Əl-Faleh energetika, sənaye və mineral resurslar naziri təyin edilib. Ancaq Əl-Faleh əvvəllər Səudiyyə Ərəbistanının “Aramco” neft şirkətinin rəhbəri də olub.xeber100.com

5,7 bal gücündə zəlzələ baş verib

Meksika sahillərində 5,7 bal gücündə zəlzələ baş verib. TASS agentliyinin verdiyi məlumata görə, yeraltı təkanların episentri San-Patrisio şəhərindən 114 km cənub-qərbdə, ocağı isə 13 km dərinlikdə yerləşib.Dağıntı və zərərçəkənlər barədə məlumat verilmir.xeber100.com

Qızıl meydanda hərbi paradın hazırlıq prosesi…

Moskvada Böyük Vətən müharibəsində qələbənin 71 illiyi münasibətilə təşkil olunacaq hərbi paradın baş məşqi keçirilib. RİA "Novosti”nin verdiyi məlumata görə, təntənəli mərasim üçün son məşq Qızıl meydanda yerli vaxtla saat 10:00-da başlayıb. Məşqdə 10 min hərbçi, 135 döyüş maşını, 100-dən çox uçuş aparatı iştirak edib. Yürüşə Quru Qoşunları komandanı, general-polkovnik Oleq Salyukov komandanlıq edib, müdafiə naziri Sergey Şoyqu isə məşqi qəbul edib.xeber100.com

“Airbus 330-200” təyyarəsi güclü hava burulğanına düşüb

“Hong Kong Airlines” aviaşirkətinə məxsus təyyarə güclü hava burulğanına düşüb. thestar.com saytı xəbər verir ki, İndoneziyanın Denpasar şəhərindən Honkonqa uçan “Airbus 330-200” təyyarəsi Malayziyanın Boneo adası üzərində olarkən güclü hava burulğanına düşüb. Hadisə nəticəsində 17 nəfər xəsarət alıb. Qeyd edək ki, təyyarənin göyərtəsində 204 sərnişin və 12 ekipaj üzvü olub. Xəsarət alan sərnişinlər xəstəxanaya yerləşdirilib və onlardan 5-i artıq xəstəxanadan buraxılıb.xeber100.com

İrlandiyanın Stomatoloji Assosiasiyasının məlumatına görə…

İrlandiyanın nüfuzlu ictimai təşkilatı sayılan Stomatoloji Assosiasiyasının məlumatına görə, şəkərə vergi tətbiq olunması “uşaqların karies xəstəliyindən azad olmasına ağlagəlməz dərəcədə təsir göstərəcək”. Həmin məlumata görə, dişlərdə karies yaranmasının qarşısının alınması hərtərəfli yanaşma tələb edir. Vergilər.az saytı bildirir ki, təşkilat qazlı alkoqolsuz içkilərlə bağlı yeni qanun tətbiq olunmasından əlavə, bu içkilərin üzərində şəkərin miqdarı barədə xəbərdarlıq qeydlərinin olmasını dəstəkləyəcəyini də vurğulayıb. Assosiasiya bəyan edib ki, şirkətlər bu vergini tarazlaşdırmaq üçün digər ərzaq məhsullarının da qiymətini artıra bilərlər.xeber100.com

“Vedomosti” qəzeti yazır…

Bu ilin ilk rübündə 2015-ci ilin eyni dövrü ilə müqayisədə Rusiya təbii qazının qiymətlərinin 50 faiz azaldığı açıqlanıb. Rusiyanın “Vedomosti” qəzeti Beynəlxalq Valyuta Fondunun (BVF) məlumatlarına əsaslanaraq cari ilin birinci rübündə Almaniyanın sərhəd bölgəsində Rusiya qazının 2015-ci ilin eyni dövrünə görə 50,2 faiz azalaraq 1000 kubmetr qaz üçün 167,6 dollara düşdüyünü xəbər verib. Bu ilin martında isə təbii qazın müqavilə orta qiymətlərinin fevral ayı ilə müqayisədə 14,6 faiz azalaraq 100 kubmetr qaz üçün 147,2 dollar olub. Rusiyanın İqtisadi İnkişaf Nazirliyinin nümayəndələri Avropa bazarında Rusiya qazının qiymətlərinin ucuzlaşmasına əsas səbəb kimi 2015-ci ildən etibarən neft qiymətinin aşağı düşməsini göstərirlər.xeber100.com

RİA Novosti-nin məlumatına görə…

Şotland Milli Partiyası (SNP) regionun parlament seçkilərində üçüncü dəfə ardıcıl olaraq inamlı qələbə qazansa da, parlament çoxluğunu əldə saxlaya bilməyib. RİA Novosti informasiya agentliyi xəbər verir ki, Şotlandiyanın birinci naziri Nikola Stercenin liderlik etdiyi SNP parlamentdə 129 yerdən 63-nə sahib çıxıb. Eyni zamanda, mühafizəkarlar 31, leyboristlər isə cəmi 24 mandat əldə edə bilib. Nəticədə SNP parlamentdə 6 yer, leyboristlər 13 yer itirib, mühafizəkarlar isə əksinə, əlavə 16 yer qazanmağa nail olub. Qeyd edək ki, mayın 5-də İngiltərə əhalisi yerli hakimiyyət orqanlarının 2747 nümayəndəsini seçib. Paralel olaraq 36 dairədə polisin fəaliyyətinə nəzarət edən idarə başçılarının seçkiləri keçirilib. Birləşmiş Krallığın digər hissələrində isə parlament seçkiləri baş tutub. Şotlandiyada parlamentin 129 deputatı, Uelsdə 60 regional parlament nümayəndəsi, Şimali İrlandiyada məclisin 108 üzvü, London, Bristol, Liverpul və Solford şəhərlərində isə merlər seçilib.xeber100.com

“İlin siyasətçisi” London şəhərinin meri seçildi

Britaniyanın Leyboristlər Partiyasından olan Sadiq Xan Mühafizəkarlar Partiyasından Tori Zac Qoldsmitə 10 faizdən artıq səs çoxluğu ilə qalib gələrək London şəhərinin meri seçilib. Beləliklə, S.Xan London şəhərinin ilk müsəlman meri olub. Əslən pakistanlı olan 46 yaşlı S.Xan ixtisasca hüquqşünasdır. 2009-2010-cu illərdə nəqliyyat naziri işləyən yeni mer 2013-cü və 2015-ci illərdə Britaniyada müsəlmanlar arasında “İlin siyasətçisi” adına layiq görülüb.xeber100.com