“Süddeutsche Zeitung” qəzeti yazır…

Avropa Komissiyasının rəhbərliyində ABŞ və Avropa İttifaqı (Aİ) arasında Transatlantik Ticarət və İnvestisiya Tərəfdaşlığı (TTİP) haqqında müqavilənin yaxın gələcəkdə ümumiyyətlə imzalanacağına ciddi şübhələr var. “Süddeutsche Zeitung” qəzeti yazır ki, Aİ-nin yüksək rütbəli nümayəndəsində istinadla bildirilib ki, sazişin artıq 2016-ci ildə imzalanmasını təmin etmək üçün ABŞ çox az səy göstərir.Aİ nümayəndəsinin sözlərinə görə, ABŞ, Almaniya və Fransada seçkilər ilə əlaqədar yaranan fasilə 2017-ci ilin sonuna qədər uzana bilər, o zaman azad ticarət zonasına dair danışıqlara qayıtmaq çətin olacaq. Qəzetin qeyd etdiyi kimi, avropalılar müqavilənin mətni haqqında məlumatın sızmasına ABŞ-ın reaksiyasından da ehtiyatlanırlar. Belə ki, amerikalılar həmişə danışıqların ciddi məxfiliyinin tərəfdarı olublar.“Greenpeace” ekoloji təşkilatı dünən TTIP üzrə aparılan danışıqlar barədə əlinə keçən sənədləri yayıb. ABŞ hökuməti bu sızmaya nümayişkaranə surətdə laqeyd qalıb. ABŞ Prezidentinin rəsmi nümayəndəsi Coş Ernest bildirib ki, Amerika rəsmiləri bu faktdan bir o qədər xüsusi narahatlıq keçirmirlər.xeber100.com

Fransız mədəniyyətinə həsr olunmuş sərgi açılıb

Kubanın paytaxtı Havanada dünya şöhrətli modelyer və fotoqraf Karl Laqerfeldin “Work in Progress” və ya Kuba dilində “Obra en Proceso” adlı fotosərgisi açılıb. buro247.az  xəbər verir ki, mayın 12-dək davam edəcək sərgi Kubada fransız mədəniyyəti ayına həsr olunub. Sərginin ekspozisiyasında moda, memarlıq, peyzaj kimi müxtəlif mövzularda 200-dək sənət əsəri yer alıb. İyun ayında isə Florensiyada keçiriləcək “Pitti Uomo” layihəsi çərçivəsində Karl Laqerfeldin “Visions of Fashion” adlı retrospektiv sərgisi açılacaq.xeber100.com  

“Gazeta.ru”nun verdiyi xəbərə görə…

Britaniyanın “Sky News” telekanalı Suriya hakimiyyətinin İŞİD terror qruplaşmasını  dəstəkləməsi barədə məlumatların əks olunduğu məxfi sənədlərin əldə etdiyini bildirib.  "Gazeta.ru”nun verdiyi xəbərə görə, sənədlərdə qeyd olunur ki, Palmira şəhərinin azad edilməsi İŞİD və Suriya hakimiyyəti arasında əldə olunan bir neçə razılaşma əsasında  həyata keçirilib. Razılaşmalar arasında neftin gübrələrə dəyişdirilməsi, əhalinin bir neçə rayondan hücumlardan əvvəl təxliyə olunması və s.  Telekanalın məlumatına görə, məxfi sənədlər İŞİD sıralarından fərarilik etmiş şəxslər tərəfindən təqdim olunub. Sənədlərdəki məlumatların doğruluğu hələlik təsdiqlənməyib.xeber100.com  

“Vilayət-95” irimiqyaslı təlimlərin 2017-ci ilin fevralında keçirilməsi nəzərdə tutulub

İran Hərbi-Dəniz Qüvvələri cari ildə  (İranda yeni təqvim ili martın 21-dən başlayır) 20 təlim keçirəcək. APA-nın “TASS”a istinadən verdiyi xəbərə görə, bu barədə İran Hərbi-Dəniz Qüvvələrinin komandanı kontr-admiral Həbibulla Səyyari bildirib.  “İran Hərbi-Dəniz Qüvvələri raket buraxılışı, sualtı qüvvələrin təlimləri, hərbi-dəniz kəşfiyyatı daxil olmaqla cari ildə 20 xüsusi təlim keçirəcək. İlk təlimlərə artıq gələn ay start veriləcək. Təlim çərçivəsində hərbi gəmilərin şəxsi heyətləri elektron müharibə sahəsində biliklərini təkmilləşdirəcəklər”, - deyə kontr-admiral qeyd edib.  Səyyari qeyd edib ki, “Vilayət-95” irimiqyaslı təlimlərin 2017-ci ilin fevralında keçirilməsi nəzərdə tutulub. "Baxmayaraq ki, ABŞ Fars körfəzində İranın hərbi qüvvəsinin artırılmasında maraqlı deyil, onlar bilməlidirlər ki, bu bölgədə qüvvələrimiz kifayət qədərdir və biz orada təlimlərimizi keçiririk. Bu məsələnin onlara heç bir aidiyyəti yoxdur”, - deyə Həbibulla Səyyari bildirib. xeber100.com  

Rusiya 3 yeni diviziya yaradır

Rusiyanın müdafiə naziri Sergey Şoyqu NATO-nun Rusiya sərhədlərində möhkəmlənməsinə qarşı bu ilin sonuna qədər 3 yeni diviziyanın yaradılacağını bəyan edib.Apa-nın Moskva müxbirinin verdiyi məlumata görə, yeni diviziyalardan 2-si Qərb, 1-i Cənub hərbi dairəsində yaradılacaq. “Müdafiə Nazirliyi tərəfindən NATO-nun Rusiya sərhədlərində möhkəmlənməsinə qarşı bir sıra tədbirlər görülür. Bu ilin sonuna kimi Qərb və Cənub hərbi dairələrində 3 yeni diviziya formalaşdırılacaq. Hazırda dislokasiya yerlərinin yaradılması prosesi gedir”, - deyə nazir qeyd edib.  

Türkiyə Aİ ölkələr üçün viza rejiminin aradan qaldırılması barədə qərar qəbul edib

Türkiyə hökuməti Avropa İttifaqına üzv ölkələr üçün viza rejiminin aradan qaldırılması barədə qərar qəbul edib. apa-nın  məlumatına görə, qərar hökumətin rəsmi orqanı olan “Resmi Gazete”də çap olunub. Qərar Türkiyə vətəndaşlarının Şengen zonasına vizasız gediş-gəlişi barədə Avropa Komissiyasının qərarından sonra qüvvəyə minəcək. Avropa Komissiyası Türkiyənin bu addımını alqışlayıb. Komissiyanın nümayəndəsi Marqaritis Sxinasın sözlərinə görə, bu günə kimi Türkiyə 11 Aİ ölkəsinə viza rejimi tətbiq edirdi.xeber100.com

“Dəniz ovçusu” adlı tam avtomatlaşdırılmış gəminin sınaqları başlayıb

ABŞ-da “Dəniz ovçusu” adlı tam avtomatlaşdırılmış gəminin sınaqları başlayıb.Azərtac Interfax informasiya agentliyinə istinadla xəbər verir ki, robot-gəmi sınaqdan uğurla keçərsə, 5 ildən sonra ABŞ Hərbi Dəniz Qüvvələrinin arsenalına daxil ediləcək. Üç aya qədər müstəqil şəkildə fəaliyyət göstərə bilən gəmi dənizdə növbə çəkmək üçün nəzərdə tutulub. Özü idarə olunan robot-gəminin uzunluğu 40 metrdir. Gözlənilməz vəziyyətlərin yarana biləcəyi nəzərə alınaraq, sınaqların ilkin mərhələsındə gəminin göyərtəsində ekipaj yerləşdiriləcək.xeber100.com  

Qırğızıstan mətbuatının məlumatına görə…

Qırğızıstanın Cəlalabad vilayətinin Almaluu Bulak kəndində güclü torpaq sürüşməsi baş verib. Nəticədə bir nəfər həlak olub. Torpaq altında qalan bir neçə nəfəri isə xilas etmək mümkün olub. Qırğızıstan Hökumətinin mətbuat xidmətinin yaydığı məlumata görə, son bir neçə gündə bu ərazidə iki torpaq sürüşməsi qeydə alınıb. Yeni torpaq sürüşməsi təhlükəsi qaldığından kəndin təhlükəsiz əraziyə köçürülməsi ilə bağlı qərar qəbul edilib. Qırğızıstanın fövqəladə hallar naziri Kubatbek Boronov bildirib ki, kənddə yaşayan təxminən 80 ailənin köçürülməsinə başlanılıb. O deyib ki, dövlət yeni evlərin tikintisi üçün vəsait ayıracaq.xeber100.com  

İspaniyanı yenə də köhnə hökumət idarə edəcək

Ötən ilin sonunda keçirilən seçkilər nəticəsində formalaşmiş İspaniya parlamenti mayın 3-də buraxılacaq. Bu parlament ötən müddət ərzində yeni hökuməti qura bilmədi və konstitusiya ilə ayrılmış vaxt artıq başa çatdı. Parlamentdə təmsil olunan bütün siyasi qüvvələrin yekdil fikri bundan ibarətdir ki, təkrar parlament seçkiləri üçün ən uğurlu tarix iyun ayının son bazar günü - 26-dır. Seçkilərin daha sonraya saxlanılması yay mövsümünə görə seçicilərin əksəriyyətinin seçki məntəqələrinə gəlməməsi riskini artıra bilər. Bu, o deməkdir ki, yeni parlament formalaşana və onun yeni hökumət quracağı vaxtadək İspaniyanı yenə də Mariano Raxoyun rəhbərlik etdiyi köhnə hökumət idarə edəcək. Baş nazir funksiyalarını müvəqqəti icra edən M.Raxoy və kabinetin digər üzvləri isə ölkədə ciddi islahatlar apara, yeni qanunlar çıxara bilməzlər. Onlar yalnız cari idarəetməni həyata keçirə bilərlər. Parlamentin kiçik hissəsi seçkilərə qədər saxlanılacaq. Onların da əsas funksiyası məhz yeni seçkiləri hazırlamaq və keçirilməsinə nəzarət etmək olacaq.xeber100.com  

19 sənəd imzalanıb…

İran və Cənubi Koreya arasında 19 sənəd imzalanıb.apa-nın Tehran bürosunun məlumatına görə, sənədlər bu gün iki ölkə prezidentlərinin iştirakı ilə müvafiq qurum rəhbərləri tərəfindən imzalanıb. İmzalanan sazişlər neft, qaz, neft-kimya, yük daşımaları, nəqliyyat, limanların inkişaf etdirilməsi, iqtisadiyyat, ticarət, səhiyyə və digər sahələrdə əməkdaşlığı nəzərdə tutur. Qeyd edək ki, Pak Kın He iki ölkə arasında diplomatik əlaqələr qurulduqdan (1962-ci il) sonra Tehrana səfər edən ilk Cənubi Koreya prezidentdir.xeber100.com