Türkmənistanın yeni parlamenti ikipalatalı sistemə keçəcək

Türkmənistanın yeni parlamenti Məclis və Xalq Maslixatı olmaqla ikipalatalı sistemə keçəcək. Yeni sistemə keçid Prezident Qurbanqulu Berdiməhəmmədov tərəfindən Xalq Maslixatının iclasında irəli sürülüb.Azərtac xəbər verir ki, bununla da Türkmənistanın birpalatalı Məclisi ikipalatalı parlamentə çevriləcək. Məclis və Xalq Maslixatı müxtəlif səlahiyyətlərə malik olsalar da, parlamentə bərabər hüquqla daxil olacaqlar. Türkmənistanda aparılan Konstitusiya islahatı məhz bu dəyişiklikləri nəzərdə tutur.Yeni parlament Milli Şura (Milli Geňeş) adlanacaq. Onun qanunverici palatasının Məclis, nümayəndələr palatasının isə Xalq Maslixatı adlandırılması təklif olunur.xeber100.com

Beynəlxalq Miqrasiya Təşkilatının məlumatı əsasında…

Beynəlxalq Miqrasiya Təşkilatı (IOM) bəyan edib ki, Misir hökumətinin səyləri nəticəsində bu ölkənin ərazisindən Avropaya qeyri-leqal miqrasiya tamamilə dayanıb.Azərtac “Egypttoday” portalına istinadla xəbər verir ki, təşkilatın Qahirədəki missiyasının rəhbəri Loren de Bok Misir Prezidenti Əbdülfəttah əs-Sisinin “Həyat xilas edən qayıqlar” (“Life Saving Boats”) təşəbbüsü və misirli gənclər üçün yaradılan yeni iş yerləri sayəsində bu ölkənin vətəndaşlarının Avropaya qeyri-leqal missiyasının qarşısının alındığını bildirib. Onun sözlərinə görə, IOM bu sahədə Misir hökuməti ilə sıx əməkdaşlıq şəraitində fəaliyyət göstərib. “Misir hökumətinin səyləri nəticəsində bu 2016-cı ilədək minlərlə qanunsuz miqrantı əhatə edən bu göstərici artıq sıfıra enib”, -deyə təşkilatın nümayəndəsi əlavə edib.Qeyd olunub ki, Misir Prezidentinin göstərişinə əsasən Miqrasiya naziri Nabila Makram ölkənin Beheyra əyalətində qanunsuz miqrasiyanın qarşısının alınması ilə bağlı layihənin növbəti mərhələsini həyata keçirir. Prezident əs-Sisi ötən ilin dekabrında Şarm əl-Şeyxdə keçirilən Dünya Gənclər Forumunun bağlanış mərasimində Beynəlxalq İnsan Haqları Şurasının da bu sahədə Misirin səylərinə verdiyi yüksək qiyməti vurğulayıb. Dövlət başçısı qeyd edib ki, Qahirə bu məsələdə Avropa İttifaqından heç bir yardım almayıb və bütün işləri öz vəsaiti hesabına görüb.xeber100.com

“DiaNeoSis” təşkilatının apardığı sorğuya əsasən…

“DiaNeoSis” təşkilatının apardığı sorğuya əsasən, yunanlar miqrant axınına qarşı ölkələrinin tab gətirməyəcəklərindən narahatdırlar. Sorğuda iştirak edənlərin 72 faizi hökumətin miqrant axınına qarşı daha sərt olmasını arzulayırlar. 85 faiz miqrantların həddən çox olmasından gileylənir. 88 faiz hökumətin Avropa İttifaqından tezliklə yardım alınmasına ehtiyac olduğunu bildirib. Yalnız 5 faiz sorğu iştirakçıları hökumətin bu istiqamətdə apardığı fəaliyyətdən razı olduğunu deyib.Qeyd edək ki, Yunanıstan artıq bir neçə ildir ki, miqrant axını ilə üzləşib. Qaçqınların gəlişi bir müddət azalsa da, son zamanlar onların sayı yenidən çoxlamağa başlayıb.xeber100.com

Böyük Britaniyanın borcu ilə bağlı məhkəmə prosesi başlayıb

Böyük Britaniyanın İrana olan borcu ilə bağlı məhkəmə prosesi başlayıb.Azərtac xəbər verir ki, İran məhkəməyə müraciət edərək Böyük Britaniyanın 480 milyon dollarlıq borcunun ödənilməsini tələb edir. Məsələnin mahiyyəti ondan ibarətdir ki, 1974-cü ildə İran ordusunu gücləndirmək məqsədilə Böyük Britaniyadan 1500 ədəd “Çiften” tankının alınmasına dair müqavilə imzalayıb və əvvəlcədən müəyyən ödəniş edib. Lakin 1979-cu ildə İranda islam inqilabı baş verdikdən sonra rəsmi Tehranın Qərb dövlətləri, o cümlədən Böyük Britaniya ilə münasibətləri gərgin xarakter aldığından rəsmi London beh almasına baxmayaraq, üzərinə düşən öhdəliyi yerinə yetirməyib.İran bununla əlaqədar BMT-nin Haaqadakı Beynəlxalq Ədalət Məhkəməsinə müraciət edib. Beynəlxalq məhkəmə 2012-ci ildə işə baxaraq Böyük Britaniyanın İrana 480 milyon dollar məbləğində təzminat ödəməsinə dair hökm çıxarıb. Buna baxmayaraq, İran borcunu ala bilməyib. Böyük Britaniya hökuməti pulu ödəməkdən imtina etmədiyini açıqlayıb. Lakin İranın Müdafiə Nazirliyi beynəlxalq saksiyalarla üzləşdiyi üçün pulun ödənilməsi hələlik mümkün deyil.Britaniya məhkəməsi beynəlxalq məhkəmənin qərarına etiraz etməyib. Lakin işə baxacağını bildirib.xeber100.com

Rixter cədvəli ilə 5.4 bal gücündə zəlzələ baş verib

Türkiyənin Manisa vilayətinin Akhisar rayonunda Rixter cədvəli ilə 5.4 bal gücündə zəlzələ baş verib.Azərtac xəbər verir ki, bu barədə Türkiyənin Fövqəladə Halların İdarə Olunması Agentliyi məlumat yayıb.Yeraltı təkan yerli vaxtla saat 22.22-də qeydə alınıb.Təkan ətraf bölgələrdə, o cümlədən İstanbul və Bursada hiss olunub. Əhali zəlzələni böyük təlaşla qarşılayıb.Hələlik dağıntı və tələfat barədə məlumat yoxdur.xeber100.com

İRNA xəbər agentliyinin binasında keçirilən təqdimat mərasimində

İranda Rusiya Prezidenti Vladimir Putin haqqında fars dilində “Rus əfsanəsi” kitabı çapdan çıxıb.Azərtac xəbər verir ki, İRNA xəbər agentliyinin binasında keçirilən təqdimat mərasimində kitabın müəllifi Əli Məhdumi çıxış edib. O bildirib ki, kitabda Rusiya Prezidentinin psixoloji portreti yaradılıb. Yeni nəşrdə V. Putinin həyata keçirdiyi siyasi və iqtisadi islahatlardan, eləcə də Rusiyanın inkişafından bəhs olunub.Təqdimat mərasimində Rusiyanın İrandakı səfirliyinin əməkdaşları, İranının tanınmış qələm adamları və jurnalistlər iştirak ediblər.xeber100.com

Böyük Britaniya-Afrika sərmayə sammiti öz işinə başlayıb

Londonda Böyük Britaniya-Afrika sərmayə sammiti öz işinə başlayıb. Azərtac BBC telekanalına istinadla xəbər verir ki, üçgünlük tədbirdə Böyük Britaniyanın Baş Naziri Boris Conson, Afrikanın 21 ölkəsinin dövlət və hökumət başçıları iştirak edirlər.Böyük Britaniya hökumətinin başçısı açılış mərasimindəki çıxışında vurğulayıb ki, onun ölkəsi artıq daş kömürdən və bu yanacaq növü ilə işləyən elektrik stansiyalarından imtina edib. O əlavə edib ki, London yenilənən enerji sahələrinin inkişafı, habelə iqtisadiyyatın dirçəldilməsi üçün Afrika ölkələrinə milyardlarla funt sterlinq sərmayə yatırmaq niyyətindədir.Afrika İttifaqına sədrlik edən Misir Prezidenti Əbdülfəttah əs-Sisi və digər ölkələrin liderləri Böyük Britaniyanın Afrikada sərmayə siyasətinin əhəmiyyətini vurğulayıblar. Qeyd olunub ki, sərmayələrin həcminin artması bu qitədə yeni iş yerlərinin açılmasına, yoxsulluq və quraqlıqdan əziyyət çəkən insanların Avropaya kütləvi immiqrasiyasının qarşısının alınmasına kömək edəcək.Sammitin iştirakçıları Böyük Britaniya və Şimali İrlandiyanın Kraliçası II Elizabetlə də görüşəcəklər.xeber100.com

Liviyada gedən proseslərlə bağlı beynəlxalq konfrans başlayıb

Almaniyanın paytaxtı Berlində Liviyada gedən proseslərlə bağlı beynəlxalq konfrans başlayıb. Anadolu Agentliyi xəbər verir ki, Almaniya Kansleri Angela Merkelin BMT-nin Liviya məsələsindəki cəhdlərinə dəstək vermək məqsədilə keçirdiyi konfransda atəşkəsin əldə edilməsi, tərəflər arasında qarşılıqlı inamın bərpası, Liviyanın ərazi bütövlüyü çərçivəsində sülhün bərpası üçün görüşlərin keçirilməsi planlaşdırılır.Konfransda Türkiyənin Prezidenti Rəcəb Tayyib Ərdoğan, Rusiyanın Prezidenti Vladimir Putin, Böyük Britaniyanın Baş Naziri Boris Conson, Fransa Prezidenti Emmanuel Makron və digər ölkələrin dövlət başçıları iştirak edir.Qeyd edək ki, konfransdan əvvəl Türkiyə ilə Rusiya prezidentləri arasında görüş baş tutub.xeber100.com

Çinin şimal-qərbində 6,4 bal gücündə zəlzələ olub

Çinin şimal-qərbindəki Sincan-Uyğur Muxtar Rayonunda 6,4 bal gücündə zəlzələ olub.Azərtac xəbər verir ki, bu barədə Çin Seysmologiya Mərkəzi məlumat yayıb. Yeraltı təkanlar Qaşğar prefekturasında yerli vaxtla saat 21:27-də qeydə alınıb. Zəlzələnin ocağı 16 kilometr dərinlikdə yerləşib. Hələlik tələfat və dağıntı barədə məlumat yoxdur.Qeyd edək ki, bu, son 4 gündə muxtar rayonda qeydə alınmış 3-cü zəlzələdir. Yanvarın 16-da muxtar rayonun Ağsu prefekturasında 5,6, yanvarın 18-də isə Qaşğar prefekturasında 5,4 bal gücündə zəlzələ olmuşdu.xeber100.com

Dövlət hakimiyyəti sisteminə əsaslı dəyişikliklər olunması təklif edilib

Yanvarın 15-də Rusiya Prezidenti Vladimir Putinin Federal Məclisə növbəti müraciətində ölkədə köklü dəyişikliklərin anonsu verilib.Rusiya lideri dövlət hakimiyyəti sisteminə əsaslı dəyişikliklər olunmasını təklif edib. Belə görünür ki, ölkədə prezident səlahiyyətləri azaldılacaq, əvəzində isə Federal Məclisin və Dövlət Şurasının səlahiyyətləri genişləndiriləcək.Vladimir Putin çıxışında bildirib ki, ölkədə yeni Konstitusiya qəbul edilməsinə ehtiyac yoxdur və ali qanunun bir neçə bəndinə dəyişikliklər olunması kifayətdir. Ekspertlərin fikrincə, Prezidentin təklifləri 1993-cü ildə qəbul edilmiş Konstitusiyaya ən əsaslı dəyişikliklər olacaq. Bəs bunlar hansı dəyişikliklərdir?Konstitusiya ölkənin hüquq məkanında prioritet təşkil etməlidir. Konstitusiyaya dəyişiklərə əsasən, məmurlar, deputatlar və digər vəzifəli şəxslərin xarici ölkənin vətəndaşı olması və ya xarici ölkədə yaşamaq hüququna malik olması qadağan ediləcək.Prezidentliyə namizədlərlə bağlı da mühüm dəyişikliklər nəzərdə tutulub. Prezident olmaq istəyən şəxs Rusiyada ən azı 25 il yaşamalı (indi bu müddət 10 ildir) və nə namizədliyi dövründə, nə də ondan əvvəl xarici vətəndaşlığı olmamalıdır. Bundan əlavə, Konstitusiyanın bir şəxsin iki müddət seçilmə hüququ barədə bəndindən “ard-arda” sözü götürüləcək.Rusiyada dövlət hakimiyyəti və yerli özünüidarə orqanlarından ibarət vahid publik hakimiyyət sistemi yaradılacaq.xeber100.com