“Huawei” korporasiyası Harmoni OS əməliyyat sistemini təqdim edib

Çinin “Huawei” telekommunikasiya korporasiyası ABŞ tərəfindən qoyulan məhdudiyyətlər fonunda özünün Harmoni OS əməliyyat sistemini təqdim edib.Azərtac xarici KİV-lərə istinadla xəbər verir ki, təqdimat Dunquan şəhərində keçirilən Huawei Developer Conference çərçivəsində baş tutub. “Biz öz əməliyyat sistemimizi hazırlamışıq. O, smartfonlara, ağıllı saatlara, planşetlərə uyğun gəlir”, - deyə CBG “Huawei” kompaniyasının başçısı bildirib. Onun sözlərinə görə, Harmoni əməliyyat sistemi Androidi əvəzləyə bilər.Kompaniya, eyni zamanda, yenilənmiş EMUI 10 interfeysini də təqdim edib.Xatırladaq ki, mayın 15-də Prezident Donald Tramp ABŞ-ın informasiya-kommunikasiya infrastrukturunun xarici təhdidlərdən qorunması üçün fövqəladə vəziyyət rejiminin tətbiqi barədə fərman imzalayıb. Birləşmiş Ştatların Ticarət Nazirliyi isə mayın 17-də milli təhlükəsizliyə təhdid səbəbindən “Huawei” kompaniyasını qara siyahıya salıb.Osaka şəhərində keçirilən G20 sammitində ÇXR sədri Si Cinpinlə görüşən ABŞ prezidenti Amerika məhsullarını alması üçün “Huawei” kompaniyasına icazə verəcəyini deyib. Donald Tramp Çin lideri ilə danışıqlarda mili təhlükəsizliyin təmin olunması probleminin müzakirə edildiyini və yaxın günlərdə kompaniyanın qara siyahıdan çıxarılması məsələsinə baxılacağını bildirib. Sonradan Ağ ev sanksiyaların aradan qaldırılması qərarının Amerika firmalarının bütün məhsullarına aid olmadığını vurğulayıb.2018-ci ildə “Huawei” kompaniyasının gəliri 105 milyard dollar təşkil edib. O, dünyada ikinci ən böyük smartfon istehsalçısıdır.xeber100.com

Lahor və Dehli şəhərləri arasında qatarların hərəkəti dayandırılıb

Pakistanın Lahor və Hindistanın Dehli şəhərləri arasında qatarların hərəkəti dayandırılıb.Anadolu Agentliyi xəbər verir ki, Pakistan Dəmir Yolları naziri Şeyx Raşid Əhməd keçirdiyi mətbuat konfransında qatarların fəaliyyətinin Milli Təhlükəsizlik Şurasının qəbul etdiyi sanksiyalara uyğun olaraq dayandırıldığını bildirib. Qatarların hərəkəti Hindistanın Cammu və Kəşmirin xüsusi statusunu ləğv etməsindən sonra bərpa ediləcək. Bu xətt üzrə hərəkət edən vaqonlar hələlik digər marşrutlara cəlb olunacaq.Qeyd edək ki, fevral ayında iki ölkə arasında gərginlik artdıqdan sonra qatarların bu istiqamətdə hərəkəti dayandırılsa da, bir həftə sonra bərpa edilmişdi.xeber100.com

“Halal Expo DUBAI 2019” sərgisi keçiriləcək

Oktyabrın 22-23-də Birləşmiş Ərəb Əmirliklərində Yaxın Şərqdə ən böyük “Halal Expo DUBAI 2019” sərgisi keçiriləcək.Azərtac xəbər verir ki, Dubay şəhərində keçiriləcək sərgidə dünyanın 50 ölkəsindən 4 mindən çox ziyarətçinin iştirakı gözlənilir. Sərgidə halal məhsul istehsalçıları və ixracatçıları, bu sənayenin aparıcı mütəxəssisləri bir araya gələcək və orada ənənəvi olaraq halal məhsul sənayesinin inkişafının perspektivləri, bu sahədə əməkdaşlıq məsələləri müzakirə olunacaq, müqavilələr və tərəfdaşlıq barədə sazişlər imzalanacaq.xeber100.com

Beynəlxalq Sərgilər Bürosunun məlumatı əsasında…

Birləşmiş Ərəb Əmirlikləri gələn il Dubayda möhtəşəm “EXPO-2020” sərgisinin keçirilməsinə hazırdır.Azərtac xəbər verir ki, bu barədə Beynəlxalq Sərgilər Bürosunun (BSB) Baş direktoru Qonzales Losertales bildirib. Onun sözlərinə görə, BSB-u sərginin hazırlıq işlərindən tamamilə məmnundur. O, qeyd edib ki, BSB-u 2020-ci ilin oktyabrında açılacaq bu qlobal tədbirə Dubayın necə hazırlaşdığını diqqətlə izləyir. Bütün hazırlıq işləri plana uyğun aparılır.Xatırladaq ki, Azərbaycan Respublikası bu sərgidə öz milli pavilyonu ilə iştirak edəcək.xeber100.com

İraqın paytaxtında üçtərəfli görüş keçiriləcək

Misirin Xarici İşlər naziri Sameh Şükri iraqlı və iordaniyalı həmkarları ilə üçtərəfli görüş keçirmək üçün bu gün Bağdada yola düşüb.“Əl-Youm7” xəbər portalı xəbər verir ki, İraqın paytaxtında keçiriləcək üçtərəfli görüş Qahirə, Bağdad və Əmman arasında siyasi koordinasiya və iqtisadi inteqrasiyanın inkişafı sahəsində tərəfdaşlıq məsələlərinə həsr olunacaq.Misir XİN-nin rəsmi nümayəndəsi Əhməd Hafizin verdiyi məlumata görə, Xarici İşlər nazirləri xalqların tərəqqi və çiçəklənmə yolu ilə getmək istəklərinə uyğun olaraq, üç ölkə arasında iqtisadi inteqrasiyası sahəsində gələcəkdə atılacaq addımları müzakirə edəcəklər. XİN-in rəsmi nümayəndəsi xüsusi vurğulayıb ki, bu görüş martın 24-də Qahirədə baş tutan Misir, İordaniya və İraq liderlərinin üçtərəfli sammitinin qərarına uyğun keçirilir.xeber100.com  

Hərbçilərlə müxalifət arasında saziş imzalanıb

Minlərlə sudanlı ölkədə hərbçilərlə müxalifət arasında hakimiyyət bölgüsünə dair sazişin imzalanmasını bayram etmək üçün paytaxt Xartumun küçələrinə çıxıb. Ölkədə sivil hökumətin tərəfdarları demokratiya şüarları səsləndirib, bu sahədə islahatlar keçirilməsini tələb ediblər. Azərtac BBC telekanalının saytına istinadla xəbər verir ki, paytaxt Xartumla yanaşı, ölkənin əyalətlərində də izdihamlı mitinqlər keçirilib.Sudanda keçid dövrünün Hərbi Şurası və Azadlıq və İslahatlar Şurası arasında bir neçə gündür davam edən danışıqlar avqustun 3-də keçid dövründə müvəqqəti hökumət yaradılmasına dair Konstitusiya Bəyannaməsinin imzalanması ilə başa çatıb. Tərəflər yeni Nazirlər Şurasının tabeliyində təhlükəsizlik orqanları və Çevik Dəstək Qüvvələri yaradılması barədə də razılıq əldə ediblər.Xatırladaq ki, bu ölkədə cari il aprelin 11-dən – otuz il ərzində Sudana rəhbərlik edən Prezident Ömər Bəşirin hərbçilər tərəfindən vəzifəsindən kənarlaşdırılmasından sonra iğtişaşlar başlayıb. Əhali hərbçilərdən ölkədə sivil hökumətin qurulmasını və azad seçkilərin keçirilməsini tələb edirdi.xeber100.com

7,54 bal gücündə zəlzələdən sonra sunami təhlükəsi elan edilib

Avqustun 2-də İndoneziyanın Yava adasında yerli vaxtla saat 12:03-də baş vermiş Rixter cədvəli üzrə 7,54 bal gücündə zəlzələdən sonra sunami təhlükəsi elan edilib. Reuters agentliyi xəbər verir ki, ölkənin Banten, Lampunq, Qərbi Yava və Bengkulu rayonlarında sunami təhlükəsi ilə əlaqədar əhalinin təxliyəsinə başlanılıb. Adalara gəlmiş turistlərin də ərazini tərk etdikləri bildirilir.Məlumatda qeyd olunur ki, yeraltı təkanların episentri Sumur-Bantendən 174 kilometr cənub-qərbdə yerin 10 km dərinliyində olub. Zəlzələ ölkənin paytaxtında da hiss edilib. Dağıntılar və itkilər haqqında məlumat verilmir.xeber100.com

Seçkiqabağı debatların ikinci turunun növbəti mərhələsi keçirilib

İyulun 31-də Miçiqan ştatının Detroyt şəhərində ABŞ prezidenti vəzifəsinə Demokratlar Partiyasının namizədləri arasında seçkiqabağı debatların ikinci turunun ikinci mərhələsi keçirilib.Azərtac xəbər verir ki, Demokratlar Partiyasının nümayəndələri 2020-ci ildə ABŞ prezidenti vəzifəsinə seçkilərdə Donald Tramp ilə mübarizə aparacaq namizədi seçməlidirlər. Debatlar iki gün keçirilir. Debatların ikinci turunun ikinci mərhələsində 10 namizəd - Co Bayden, Kamala Harris, Kori Buker, Xulian Kastro, Kirsten Cillibrend, Tulsi Qabbard, Cey Aynsli, Maykl Bennet, Endrü Yanq və Bill de Blazio iştirak ediblər.Debatların moderatorları CNN kanalının nümayəndələri olub. Aparıcılar debatlar üçün ayrılmış vaxtın çox hissəsini qarşıdakı illərdə ölkə iqtisadiyyatının inkişafı, minimum əməkhaqqının artırılması, tibbi sığorta və immiqrasiya sahələrində islahatlar mövzusunda diskussiyalara həsr ediblər. İqlim dəyişmələri problemi, pulsuz təhsil, əməyin ödənilməsində gender fərqləri və ABŞ-ın xarici siyasəti məsələləri də müzakirə edilib.xeber100.com

Polşa hökuməti 2 milyon vətəndaşını gəlir vergisindən azad edib

Polşa hökuməti iyulun 30-dan etibarən bu ölkədə yaşayan və çalışan 2 milyona yaxın gənc vətəndaşını gəlir vergisindən azad edib. Buna səbəb gənc kadrların sürətlə ölkəni tərk etməsidir.Azərtac xəbər verir ki, 26 yaşadək olan gənc polyaklar ildə orta hesabla 85 min 528 zlotı (22 min 547 dollar) qazanır. Artıq avqustun 1-dən etibarən gənclər yeni ay üçün əməkhaqlarından tutulan aylıq 18 faiz vergidən azad olacaqlar.Bu məsələ ilə bağlı parlamentdə çıxış edən Baş Nazir Mateus Moraveskiy bildirib ki, son 15 ildə Polşanı 1,7 milyon gənc mütəxəssis tərk edib. Bu rəqəm Varşavanın əhalisi qədərdir və ölkə iqtisadiyyatına, habelə demoqrafik artıma ciddi zərbə vurur.Lakin ölkənin bəzi siyasi qüvvələri bu qərardan narazılıqlarını ifadə ediblər. Belə ki, onlar güzəştin 26 yaşdan sonra ləğv olunacağı halda baş verəcəklərdən narahatlıqlarını dilə gətiriblər.Polşalı miqrantların ən çox üz tutduqları ölkə isə Böyük Britaniyadır. Bu ölkədə təxminən 1 milyon polyak yaşayır.xeber100.com

Federal Ehtiyat Sisteminin uçot dərəcəsi azaldılacaq

ABŞ Federal Ehtiyat Sisteminin (FED) son 10 ildə ilk dəfə uçot dərəcəsini aşağı salacağı nəzərdə tutulur.Azərtac xəbər verir ki, bazar proqnozları FED-in bu həftə keçiriləcək iclasında uçot dərəcəsinin 0,25 faiz azaldılacağı istiqamətindədir.Ekspertlər beynəlxalq bazarlar tərəfindən də diqqətlə izləniləcək FED-in iclasında zəifləyən qlobal iqtisadi vəziyyət və artan ticari gərginliklər fonunda bankın 2008-ci ildəki qlobal iqtisadi böhrandan bəri ilk dəfə uçot dərəcəsini azaldacağını gözləyirlər.Uçot dərəcəsinin azaldılması qlobal iqtisadiyyatın 1854-cü ildən indiyədək ən böyük uzunmüddətli artım göstərdiyi, işsizliyin rekord aşağı səviyyədə olduğu və birjaların dəyərinin maksimuma çatdığı bir vaxtda baş verəcək.xeber100.com