“Challenges” jurnalı 500 ən varlı ailənin siyahısını açıqlayıb

Fransanın həftəlik “Challenges” jurnalı 2018-ci il üçün ölkənin 500 ən varlı ailəsinin siyahısını açıqlayıb.Azərtac xəbər verir ki, jurnalın təqdimatında Bernard Arnault və ailəsinə məxsus Louis Vuitton Moet Henessy (LVMH) lüks markası 73 200 milyard avro ilə birinci, “Chanel”, “Eres”, “Bourgeois” markaları və bir çox qəsrlərin sahibi Alən və Jerar Vertemer və ailələri 40 milyard avro ilə ikinci pillədə durub.“Hermes” markası ilə Aksel Dumas və ailəsi 39 600 milyard avro ilə üçüncü yerdədir. Həmçinin “OREAL” qrupu 39 300 milyard avro ilə dördüncü, “Auchan” qrupu 30 500 milyard avro ilə beşinci, “Kering” qrupu 38 000 milyard avro ilə altıncı, “Marcel Dassault” sənaye qrupu 23 800 milyard avro ilə yeddinci, “Kastel” qardaşları qrupu 12 500 milyard avro ilə səkkizinci, “Laktalis” aqroərzaq qrupu 12 000 milyard avro ilə doqquzuncu və “PERENKO” enerji kampaniyası 8 500 milyard avro ilə onuncu yerdə göstərilib.xeber100.com

“AliExpress” ticarət platforması avtomobillərin satışına başlayır

Çinin “AliExpress” qlobal ticarət platforması Rusiyada avtomobillərin onlayn satışına başlayır.Azərtac xəbər verir ki, “Kommersant” qəzetinin yazdığına görə, satışlara martın 5-dən başlanır. İlk olaraq “Chery” avtomobilləri satışa çıxarılacaq. “AliExpress”də onlayn mağazasını açan “Chery” şirkəti “Chery Tiggo” 3, 4, 5 və 7 modellərini, eləcə də avtomobil hissələri və aksessuarlar təklif edəcək. İlkin mərhələdə Çində yığılan avtomobillər satışa çıxarılacaq. Sonrakı mərhələdə “Chery” avtomobillərinin Rusiyada yığılması nəzərdə tutulub.Ötən il Rusiyada Çin avtomobillərinin satışı cəmi 2 faiz təşkil edib. Ən çox satılan Çin avtomobilləri isə “Chery Tiggo” və “Lifan” olub.Ekspertlərin fikrincə, “AliExpress”in yeni platforması ənənəvi avtomobil dilerləri ilə rəqabət aparacaq. Lakin sürücülərin texniki xidmətlər, təmir və “test-drayv” ehtiyaclarını nəzərə alsaq, bu rəqabətin güclü olacağı ehtimal edilmir.xeber100.com

Prezident seçkisi ilə bağlı potensial namizədlər reytinqində

Ukraynada keçiriləcək prezident seçkisi ilə bağlı potensial namizədlər reytinqində şoumen Vladimir Zelenskiy, hazırki Prezident Petro Poroşenko, Ukraynanın sabiq baş naziri, “Batkivşina” partiyasının lideri, deputat Yuliya Timoşenko liderlik edirlər.Azərtac xəbər verir ki, seçkiyə bir ay qalmış “Reytinq” Sosioloji Qrupun apardığı sorğuya görə, respondentlərin 25,1 faizi V.Zelenskiyə, 16,6 faizi P.Poroşenkoya, 16,2 faizi isə Timoşenkoya səs veriblər.Sosioloji Qrupun sorğusuna əsasən səsvermədə iştirakçıların 85 faizi seçki məntəqələrinə gələrək iştirak edəcəklərini açıqlayıblar.Qeyd edək ki, Ukraynada prezident seçkiləri martın 31-də keçiriləcək.xeber100.com

Parlament seçkilərində Liberal İslahatlar Partiyası qalib gəlib

Martın 3-də Estoniyada keçirilən parlament seçkilərinin qalibi ümumi səslərin 28,8 faizini toplayan müxalif partiya - Liberal İslahatlar Partiyası olub. Azərtac xəbər verir ki, Avropa Parlamentinin keçmiş üzvü Kaya Kallasın rəhbərlik etdiyi partiya hazırkı baş nazir Yuri Ratasın təmsil etdiyi respublikaçıları keçərək Rigikoquda ən çox mandata sahib olub.Baş nazirin partiyası ilə koalisiya təşkil edən sosial demokratlar və mühafizəkarlar isə müvafiq olaraq 9,8 və 11,2 faiz səs toplayıblar. Lakin hər iki partiyanın bu dəfə də islahatçılarla koalisiya qurub-qurmayacağı hələlik bəlli deyil.Yaxın günlərdə hazırkı baş nazir Yuri Ratasın da istefaya gedəcəyi bildirilir. Estoniya qanunlarına görə, parlament seçkilərində qalib gələn qüvvələr hökuməti qurmalıdır. Bu halda yeni baş nazirin məhz Kaya Kallas olacağı gündəmdədir.xeber100.com

Türkiyə döyüş təyyarəsini 2023-cü ildə istehsal edəcək

Türkiyə ilk yerli döyüş təyyarəsini 2023-cü ildən etibarən istehsala başlayacaq.TRT xəbər verir ki, bu barədə prezidentin köməkçisi Fuad Oqtay məlumat verib.O, təyyarənin "Türkiyə Havaçılıq və Kosmos Sənayesi AŞ" (TUSAŞ) tərəfindən hazırlanacağını bildirib."2026-cı ildə təyyarəmizi göylərdə görmək mümkün olacaq, 2031-ci ildən isə təyyarə inventarına daxil ediləcək.Beləliklə, Türkiyə Amerika Birləşmiş Ştatları, Rusiya və Çindən sonra 5-ci nəsil döyüş təyyarəsi istehsal edən ölkələr arasında yerini alacaq".xeber100.com

6,2 bal gücündə zəlzələ baş verib

Yaponiyanın Hokkaydo adası sahillərində 6,2 bal gücündə zəlzələ baş verib.Trend-in Avropa-Aralıq dənizi Seysmoloji Mərkəzinə istinadən verdiyi məlumata görə, yeraltı təkanların episetnri Nemuro şəhərindən 193 kilometr cənub-şərqdə, ocağı isə 20 kilometr dərinlkdə yerləşib.Zəlzələ nəticəsində xəsarət alanlar və dağıntılar barədə məlumat verilməyib. Sunami təhlükəsi elan edilməyib.xeber100.com

Hərbi təlimlər bu il ənənəvi formada keçirilməyəcək

ABŞ və Cənubi Koreya hakimiyyəti birgə hərbi təlimlərin miqyasının azaldılması barədə elan etmək niyyətindədirlər.Bu barədə "Reuters" agentliyi xəbər verir ki, dünyada ən böyük təlimlərdən biri sayılan ABŞ və Cənubi Koreyanın birgə hərbi təlimləri bu il ənənəvi formada keçirilməyəcək.Mənbələrdən biri bildirib ki, hərbi təlimlərin miqyasının azaldılması barədə qərar bu həftə ABŞ və KXDR liderlərinin Hanoyda keçirilən görüşündən öncə qəbul edilib və bu səbəbdən sözügedən görüşün nəticələrindən biri sayılmır.xeber100.com

Peru hökuməti fövqəladə vəziyyət elan edib

Peru hökuməti leysan yağışların törətdiyi fəsadlara görə daha iki regionda fövqəladə vəziyyət elan edib.Trend-in məlumatına görə, 51 nəfər leysanların qurbanı olub.Qeyd edək ki, fövqəladə vəziyyət 60 gün müddətinə elan olunub.xeber100.com

Hindistan-Pakistan sərhədində gərginlik davam edir

Fevralın 28-də səhər saatlarında Hindistan-Pakistan sərhədindəki qoşunların təmas xəttində atışmalar olub.Azərtac xarici KİV-ə istinadla xəbər verir ki, iki ölkə arasında mübahisəli Kəşmir bölgəsində 1 saat davam edən atışmalar nəticəsində itkilər barədə məlumat verilmir. Hindistan Müdafiə Nazirliyinin mətbuat katibi Devender Anand məlumatı təsdiq edib.Pakistanın informasiya naziri Şövkət Əli Yusifzayi isə ölkənin şərq sərhədlərində ordunun “yüksək hazırlıq” vəziyyətinə gətirildiyini bəyan edib.Nüvə silahına malik olan iki ölkə arasında gərginliyin artması bütün dünya ictimaiyyətini narahat edir. Pakistanın Baş naziri İmran xan hindistanlı həmkarına müraciət edərək sülhün qorunub saxlanılması üçün dialoq təklif edib.xeber100.com

Birləşmiş Ərəb Əmirlikləri ilk kosmonavtını kosmosa göndərəcək

Birləşmiş Ərəb Əmirliklərinin ilk kosmonavtı bu il sentyabrın 25-də kosmosa göndəriləcək.Azərtac Məhəmməd bin Rəşid adına Kosmik Mərkəzə istinadla xəbər verir ki, kosmosa göndərilmək üçün seçilmiş iki kosmonavt – Hazza Əl Mansuri yaxud Sultan Əl Neyadi 18 günlük uçuşu həyata keçirmək üçün Rusiya missiyasının tərkibində Beynəlxalq Kosmik Stansiyadan (BKS) orbitə yollanacaq və oktyabrın 3-də geriyə - Yer kürəsinə qayıdacaq.Artıq hər iki kosmonavt Rusiyada Y.Qaqarin adına kosmonavtların hazırlığı mərkəzində hərtərəfli hazırlıq keçiblər. Onlar hazırlıq zamanı zədələnmiş kapsuldan necə çıxmağı, müvafiq resursların və rabitə vasitələrinin istifadə edilməsini öyrəniblər. BƏƏ-dən olan kosmonavt BKS-də insan orqanizminin uçuşdan əvvəlki və sonrakı həyati vacib göstəricilərinin reaksiyasını tədqiqat edəcək. Bu tədqiqatların nəticələri bir müddətdən sonra digər regionlardan olan kosmonavtların müvafiq sahədə topladıqları tədqiqatlarla müqayisə olunacaq.xeber100.com