“Rossiya-1” və “NewsOne” telekanalları telekörpü təşkil edəcəklər

Rusiya və Ukrayna telekanalları arasında telekörpü keçiriləcək.Azərtac xəbər verir ki, “Rossiya-1” və “NewsOne” telekanalları 2 saatlıq telekörpü təşkil edəcəklər. İyulun 12-i Moskva vaxtı ilə saat 18:00-a nəzərdə tutulmuş verilişin anonsunu “Vesti nedeli” proqramında Dmitri Kiselyov verib.“Danışmaq lazımdır” (“Надо поговорить”) adlanan verilişdə hər iki ölkənin vətəndaşları iştirak edəcəklər.xeber100.com

Yunanıstanda növbədənkənar parlament seçkiləri start götürüb

Bir qədər əvvəl Yunanıstanda növbədənkənar parlament seçkiləri start götürüb.Azərtac yunan mediasına istinadla xəbər verir ki, 10 milyona yaxın seçicinin qeydə alındığı ölkədə 59 seçki dairəsində 21 min 478 seçki qutusu qoyulub. Səsvermə yerli vaxtla saat 7:00-dan 19:00-dək davam edəcək.Baş Nazir Aleksis Tsiprasın qərarı ilə dörd ay əvvələ çəkilən seçkiyə 20 siyasi partiya qatılıb. Onlar parlamentdəki 300 kürsü uğrunda mübarizə aparırlar. Ölkənin seçki sisteminə əsasən, hökumət qurmağı asanlaşdırmaq məqsədilə seçkilərdə qalib gələn partiya əlavə 50 deputat mandatı qazanacaq.Analitiklərin fikrincə, əsas mübarizə Tsiprasın liderlik etdiyi SYRIZA və müxalifətdəki Yeni Demokratiya partiyaları arasında gedəcək.Bununla yanaşı, ictimai rəy sorğuları seçkilərdə sabiq nazir, 51 yaşlı Kiriakos Miçotakisin rəhbərlik etdiy sağ mərkəzçi Yeni Demokratiya partiyasının qalib gələcəyini göstərir. Belə ki, MARC sosioloji kompaniyasının iyulun 5-də dərc olunmuş son rəy sorğusunun nəticələrinə əsasən, “Yeni Demokratiya” səslərin 35,7 faizini, SYRIZA isə 24,7 faizini qazana bilər. Bu isə 300 yerlik birpalatalı parlamentdə müvafiq olaraq 151-165 və 70-82 mandat deməkdir.xeber100.com

Latviyanın yeni prezidentinin andiçmə mərasimi keçiriləcək

Latviyanın yeni prezidenti Eqil Levitsin iyulun 8-də andiçmə mərasimi keçiriləcək.Azərtac xəbər verir ki, bununla bağlı Riqada avtomobillərin hərəkəti məhdudlaşdırılacaq. Eyni zamanda, ictimai nəqliyyat da gün ərzində pulsuz hərəkət edəcək.Eqil Levits əvvəlcə Azadlıq heykəlinin önünə çələng qoyacaq, daha sonra isə elə oradan xalqa müraciət edəcək. Bu müraciət forması Latviyada ilk dəfədir.Yeni Prezident andiçmədən sonra ilk rəsmi səfərini Estoniyaya edəcək.xeber100.com

Polşa parlamenti qanunvericilikdə dəyişikliklər edib

Polşa parlamenti qanunvericilikdə gənclərlə bağlı müəyyən dəyişikliklər edib.Azərtac xəbər verir ki, yeni qaydalara əsasən, yaşı 26-dan aşağı olan işçilər əməkhaqqından vergi ödəməyəcəklər. Bu qərar gənc polyakların ölkəni kütləvi surətdə tərk etmələrinin qarşısını almaq üçün atılıb.Yaşı 26-dan aşağı olanlar ildə 20 min avrodan az əməkhaqqı alırsa onlar vergi ödəməyəcəklər. Məbləğ bundan çox olduğu təqdirdə ödəniləcək vergi isə illik 18 faiz təşkil edəcək. Qeyd edək ki, Polşada orta illik əməkhaqqı 14 min avrodur. Qanun avqustun 1-dən qüvvəyə minəcək.xeber100.com

Türkiyə, Rusiya, İran ölkələrinin üçtərəfli sammiti keçiriləcək

Avqustda Türkiyə, Rusiya və İran liderlərinin sammiti keçiriləcək. Anadolu agentliyi xəbər verir ki, bunu ənənəvi mətbuat konfransında Türkiyə Prezidentinin sözçüsü İbrahim Kalın bildirib.Türkiyə rəsmisi qeyd edib ki, üçtərəfli sammitdə Rəcəb Tayyib Ərdoğan, Vladimir Putin və Həsən Ruhani Suriyanın İdlib bölgəsindəki vəziyyəti, regionda təhlükəsizlik məsələlərini, digər beynəlxalq problemləri müzakirə edəcəklər. Onun sözlərinə görə, digər yüksəksəviyyəli görüş isə Türkiyə, Almaniya, Rusiya və Fransa arasında keçiriləcək. Əsas müzakirə mövzusunun Suriyadakı vəziyyət olacağı bu sammit İstanbulda Türkiyə Prezidentinin sədrliyi ilə BMT-nin Baş Assambleyası ərəfəsində təşkil ediləcək.İ.Kalın Rusiyadan S-400 raket komplekslərinin alınması məsələsinə də toxunub. Bildirib ki, bu silahlar tezliklər Türkiyəyə gətiriləcək. O əlavə edib ki, bu müdafiə sistemi digər ölkələrin, xüsusilə NATO-nun təhlükəsizlik sisteminə təhlükə törətmir. Kalın qeyd edib ki, raket sistemlərinin Türkiyənin hansı bölgəsində yerləşdiriləcəyinə isə Silahlı Qüvvələrin Baş Komandanlığı qərar verəcək.xeber100.com

“Emirates Airline” aviaşirkəti iyul ayından Sudana uçuşları bərpa edir

Əmirliklərin iri aviaşirkəti olan “Emirates Airline” cari ilin iyul ayının 8-dən Sudana uçuşları bərpa edir.Azərtac-ın məlumatına görə, şirkətin bəyanatında Sudandakı vəziyyət ətraflı öyrənildikdən sonra Xartuma reyslərin bərpa edilməsi barədə qərar qəbul olunduğu deyilir. Bildirilir ki, iyulun 8-dən başlayaraq aviaşirkət Dubay-Xartum marşrutu üzrə gündə bir reys həyata keçirəcək.Qeyd edək ki, Əmirliklərin aviaşirkəti Sudanda ictimai-siyasi vəziyyətin gərgin olması ilə əlaqədar bu ölkəyə uçuşları cari ilin iyun ayının əvvəllərində dayandırmışdı.xeber100.com

Rusiya Xarici İşlər Nazirliyi etiraz notası göndərib

Rusiya Xarici İşlər Nazirliyi Osakada keçirilmiş G20 sammitinin materiallarında Kuril adalarının cənubunu yapon adası kimi göstərdiyinə görə Yaponiyaya etiraz notası göndərib. Bunu iyulun 4-də keçirdiyi brifinqdə Rusiyanın xarici siyasət idarəsinin sözçüsü Mariya Zaxarova bildirib.TASS informasiya agentliyi xəbər verir ki, M.Zaxarovanın sözlərinə görə, iyulun 2-də Yaponiyanın Moskvadakı səfirliyinin nümayəndəsinə müvafiq etiraz notası təqdim olunub. Sənəddə göstərilib ki, yapon tərəfinin Osaka sammitində özünün sədrlik funksiyalarından Rusiyaya qarşı ərazi iddiaları məqsədilə sui-istifadə etməsi yolverilməzdir.M.Zaxarova əlavə edib ki, bu cür hərəkətlər Yaponiyanın Baş Naziri Sindzo Abenin Rusiya ilə münasibətlərə xələlə gətirəcək hər hansı addımlardan çəkinmək barədə dəfələrlə verdiyi bəyanatlara da ziddir.Moskva və Tokio uzun illərdir İkinci Dünya müharibəsinin yekunlarına dair sülh müqaviləsinin hazırlanması istiqamətində danışıqlar aparırlar. Bu məsələdə başlıca əngəl Kuril adalarının cənub hissəsi ilə əlaqədar fikir ayrılığıdır. Müharibədən sonra arxipelaq Sovet İttifaqının tərkibinə daxil edilib, lakin Yaponiya İturup, Kunaşir, Şikotan və onlara bitişik kiçik adaların ona məxsus olduğunu bildirir. İyunun 29-da Vladimir Putin və Sindzo Abe arasında keçirilən görüşdən sonra yapon lider mətbuat konfransında bildirmişdi ki, tərəflər Kurilin cənub hissəsində keçmiş yapon sakinlərin əcdadlarının məzarlarının avqust-sentyabr aylarında ziyarət edilməsi barədə razılıq əldə ediblər. O, həmçinin qeyd edib ki, Rusiya Prezidenti ilə görüşdə danışıqları davam etdirmək və bu adalarda birgə təsərrüfat fəaliyyətini həyata keçirmək qərara alınıb.xeber100.com

1,2 milyondan çox insan daşqın təhlükəsinə görə təxliyə ediləcək

Yaponiyanın cənub-qərbində yerləşən Küsyu adasının 1,2 milyondan çox sakini leysan yağışlarının səbəb olduğu daşqın və torpaq sürüşməsi təhlükəsi səbəbindən təxliyə xəbərdarlığı alıb.Kyodo agentliyi xəbər verir ki, təcili təxliyə zonasında təxminən 1,24 milyon insanın yaşadığı 58 min bina yerləşir. Adanın Kaqosima, Amakusa, Kirisima və Ayra şəhərlərində insanların həyatı üçün real təhlükə yaranıb.Kaqosima şəhərində təbii fəlakət yaşlı qadının ölümünə səbəb olub. O, torpaq sürüşməsinin altında qalan evini vaxtında tərk edə bilməyib.Yaponiya hökuməti regiondakı vəziyyətlə bağlı təcili qərargah yaradıb. Hazırda özünümüdafiə qüvvələrinin yerli əhaliyə və xilasetmə xidmətlərinə yardım etmək məqsədilə zərərçəkən rayonlara göndərilməsi imkanları müzakirə olunur.Bu saatlarda Küsyu adasında intensiv yağış yağır. Milli Meteorologiya İdarəsinin proqnozuna əsasən, sutka ərzində regiona 900 millimetr yağıntı düşə bilər.xeber100.com

Ən yüksək məvacibli fəaliyyət sahələri müəyyən edilib

Portuqaliya Əmək Nazirliyi ölkədə ən yüksək məvacibli fəaliyyət sahələrini müəyyən edib. Məlum olub ki, qaz və elektrik enerjisi sektorlarının işçiləri ən yüksək orta aylıq əməkhaqqı alırlar. 2018-ci ilin sonuna olan məlumata görə, bu işçilərin orta aylıq əməkhaqqı 1170 avro təşkil edib. Azərtac xəbər verir ki, bu barədə məlumatı “Lusa” xəbər agentliyi Strategiya və Planlaşdırma İdarəsinə istinadla yayıb.Turizm sahəsinin inkişaf etməsinə baxmayaraq, bu sektorda məvaciblərin artımında ən aşağı sürət qeydə alınıb. 2018-ci ildə bu sahədə baza əməkhaqqı 818 avro, inişil təqribən 788 avro təşkil edib.Bildirilib ki, ölkədə kişilərlə qadınların məvacibləri arasında hələ də xeyli fərq var. Statistika göstərir ki, Portuqaliyada qadınlar orta hesabla kişilərdən 250 avro az məvacib alırlar.xeber100.com

Rusdilli təhsilin miqyasını genişləndirmək nəzərdə tutulur

Litvanın Klaypeda Dövlət Universitetində rusdilli təhsilin miqyasını genişləndirmək nəzərdə tutulur.Azərtac xəbər verir ki, universitet yeni dərs ilindən etibarən rus dilində daha bir neçə fakültə açacaq. Universitetin yeni təyin olunmuş rektoru Arturas Razbadauskas hesab edir ki, Klaypeda keçmiş sovet ölkələrindən gələn abituriyent sayını artırmalıdır. Bu addım şəhərin də inkişafına ciddi təkan verəcək. Klaypeda rəhbərliyi şəhər əhalisinin sayının 2030-cu ilədək 190 min nəfərə çatdırılmasını qarşısına məqsəd qoyub. Bu istiqamətdə işlərdən biri də keçmiş postsovet ölkələrindən, o cümlədən Azərbaycandan şəhərə gənc mütəxəssislərin cəlb olunmasıdır.Rus dilində açılacaq fakültələr isə bunlardır: Avropa tarixi, informatika, bədən tərbiyəsi, psixologiya, neft hasilatı və emalı və etikadır.xeber100.com