Təhsil sistemindəki dəyişikliklərə qarşı etiraz aksiyası keçirilir

Yunanıstanda müəllimlər 24 saatlıq tətil edirlər. Azərtac xəbər verir ki, Yunanıstan Orta Məktəblərin Müəllimlər Birliyi (OLME) tərəfindən təşkil olunan tətil ali təhsil sistemində nəzərdə tutulan dəyişikliklərə qarşı etiraz aksiyasıdır. Tətil Afina, Saloniki və digər şəhərləri əhatə edib. Müəllimlər və şagirdlər bildirirlər ki, yeni dəyişikliklərə əsasən təhsil alanların üzərinə daha çox ağırlıq düşəcək və dövlət ali təhsil müəssisələrinə qəbul çətinləşəcək.xeber100.com

Sakit okean sahillərində 6 bal gücündə zəlzələ olub

Aprelin 11-də Yaponiyanın Sakit okean sahillərində 6 bal gücündə zəlzələ olub. Azərtac Yaponiya Baş Meteorologiya Agentliyinə istinadla xəbər verir ki, yeraltı təkanlar Hönşü adasının şimal-şərqində və Hokkaydo adasının cənubunda hiss olunub.Zəlzələnin ocağının 10 kilometr dərinlikdə yerləşdiyi bildirilir.Dağıntılar və zərərçəkənlər barədə məlumat verilmir. Sunami təhlükəsi elan edilməyib.xeber100.com

Parlament seçkilərinin ilkin nəticələri açıqlanıb

İsrailin Mərkəzi Seçki Komissiyası parlament seçkilərinin ilkin nəticələrini açıqlayıb.Milli.az xəbər verir ki, bu barədə qurumun rəsmi saytında məlumat dərc olunub.Məlumata görə, səslərin 96 faizinin hesablanmasından sonra İsrail baş naziri Benyamin Netanyahunun hakim "Likud" partiyası müxalifətin "Kaxol-Lavan" mərkəzçi blokunu cüzi fərqlə üstələyir.Netanyahunun partiyası beləcə Knessetdə 37 mandat qazanıb. Benni Qansın (Benny Gantz) başçılıq etdiyi müxalifət bloku isə 36 deputatla parlamentdə təmsil olunacaq.Bundan əvvəl yayılan ekzit-pol nəticələri isə Qansın qələbə çalacağı ehtimallarını artırmışdı. İlkin nəticələr açıqlanmazdan əvvəl hər iki partiya lideri tərəfdarları qarşısında öz qələbələrini elan etmişdi.xeber100.com

BMT təbii fəlakət nəticəsində zərər çəkənlərə yardım edib

BMT İranda baş verən təbii fəlakət nəticəsində zərər çəkənlərə 1,42 milyon dollar yardım edib.Azərtac xəbər verir ki, bu sözləri BMT-nin İrandakı rezident əlaqələndiricisi Uqoçi Daniels deyib. O bildirib ki, BMT sel zamanı evlərini itirmiş insanlara humanitar yardım şəklində dava-dərman, isti paltar, içməli su, çadır və digər ləvazimatlardan əlavə, İrana 1,42 milyon dollar həcmində pul da verib.İran hökuməti bu vəsaiti fəlakət bölgəsində evlərin və infrastrukturun bərpasına yönəldəcək.xeber100.com

Əlcəzair parlamenti dövlət başçısının adını açıqlayıb

Əlcəzair parlamentinin yuxarı palatası - Millət Şurası ölkənin müvəqqəti dövlət başçısının adını açıqlayıb. Sabiq Prezident Əbdüləziz Buteflikanın istefasından sonra keçid dövründə ölkəyə rəhbərlik Əbdülkader Bensalehə həvalə olunub.Reuters agentliyi xəbər verir ki, parlamentarilər bu qərarı ölkə Konstitusiyasının 102-ci maddəsi əsasında qəbul ediblər. Həmin maddəyə görə, dövlət başçısının istefası və ya ölümü baş verdikdə, parlamentin spikeri 90 gün müddətində - yeni seçkilər keçirilənə qədər keçici olaraq dövlət başçısının seçilməsi üçün qanunverici orqanın aşağı və yuxarı palatalarını toplaya bilər.Sessiyada parlamentin hər iki palatasından 470 deputat iştirak edib və onların hamısı Bensalehin namizədliyini dəstəkləyib.xeber100.com

Avtobus marşrutları reyslərində irimiqyaslı əməliyyat keçirilib

Belçikanın iri şəhərlərinin polisi beynəlxalq avtobus marşrutları reyslərində reydlər aparır.Azərtac xəbər verir ki, şənbə günü Antverpendə beynəlxalq avtobus daşıyıcılarından istifadə edən sərnişinlərin baqajının və şəxsiyyətinin yoxlanılması ilə bağlı irimiqyaslı polis əməliyyatı həyata keçirilib. Axtarışlar narkotik maddə daşınmasının aşkarlanmasına istiqamətlənib. Yoxlanılmış 171 nəfər sərnişindən 41-də narkotik maddələr aşkarlanıb. Bu isə onların təxminən dörddəbiri deməkdir!Sərnişinlərin əksəriyyətində viza və ya ölkədə müvəqqəti yaşamağa icazə sənədi etibarlı olmayıb. Reydlər zamanı axtarışda olan 3 nəfər də tutulub.xeber100.com

5,7 bal gücündə zəlzələ baş verib

Çili sahillərində 5,7 bal gücündə zəlzələ baş verib.Trend-in ABŞ Geoloji Xidmətinə istinadən verdiyi məlumata görə, yeraltı təkanların episentri San-Antonio şəhərindən 85 kilometr aralıda, ocağı isə 10 kilometr dərinlikdə yerləşib.Zəlzələ nəticəsində xəsarət alanlar və dağıntılar barədə məlumat verilməyib.xeber100.com

Ukrayna Mərkəzi Seçki Komissiyasının məlumatı

Ukrayna Mərkəzi Seçki Komissiyası (MSK) prezident seçkilərinin birinci turunun rəsmi nəticələrini açıqlayıb.Milli.az xəbər verir ki, MSK rəhbəri Tatyana Slipaçukun açıqlamasına görə, Vladimir Zelenski seçicilərin 30,24% (5 713 825 nəfər), Petro Poroşenko isə 15,95% (3 014 523 nəfər) səsini toplayıb.Qeyd edək ki, Ukraynada prezident seçkilərinin ikinci turu aprelin 21-də keçiriləcək.xeber100.com

Avropa Kommunistləri Şurası sərt bəyanatla çıxış edib

Avropa Kommunistləri Şurası NATO-nun yaranmasının 70-ci ildönümü münasibəti ilə Nyu-Yorkda keçirilmmiş toplantı haqda bəyanat yayıb.Milli.az xəbər verir ki, bəyanatda NATO "imperialist ittifaq" adlandırılıb.Qeyd edilib ki, bəşəriyyət tezliklə bu dağıdıcı ittifaqdan xilas olmalıdır.Bəyanatda müttəfiqlər arasında silahlanma yarışı pislənilib və alyans "kommunizmə qarşı inqilab təşkilatı" adlandırılıb:"NATO 70 ildir fəaliyyət göstərən müharibə təşkilatıdır. Yalanlarla, zorakılıqlarla, cinayət və qətliamlarla dolu 70 illik bir cinayət dosyesi var. 70-ci ilində deyiləcək bir söz var: NATO yox edilməlidir!"xeber100.com

“Hayabuşa-2” kosmik zondu Ryuqu asteroidində süni krater yaradacaq

Yaponiyanın “Hayabuşa-2” kosmik zondu Ryuqu asteroidində süni krater yaratmaq məqsədilə bu kosmik cismə növbəti enişə hazırlaşır. Məqsəd yerdən 340 milyon kilometr məsafədə yerləşən asteroidin daxili quruluşunu öyrənməkdir.Azərtac Yaponiya Aerokosmik Məkanın Tədqiqi Agentliyinə (JAXA) istinadla xəbər verir ki, “Hayabuşa-2” zondu martın 4-də yapon vaxtı ilə saat 13:00-dan başlayaraq 20 min metr yüksəklikdən asteroidə enişə başlayıb. Plana əsasən, martın 5-də saat 11:00 radələrində zond asteroidin səthindən 500 metr yüksəklikdə olarkən onun asteroidə “impaktor” adlı qurğu göndərəcəyi gözlənilir. Bundan 40 dəqiqə sonra “impaktor” süni krater yaratmaq və xüsusi metal obyekti saniyədə 2 kilometr sürətlə asteroidin daxilinə yerləşdirmək üçün partlayış törədəcək.JAXA Ryuqu asteroidindən nümunələr götürmək məqsədilə “Hayabuşa-2” zondunu bir daha asteroidə endirməyi planlaşdırır. JAXA-nın nümayəndələri bildiriblər ki, “Hayabuşa-2” zondunun fevralda asteroidə enərkən oradan süxur nümunələri götürməyə artıq nail olduğu güman edilir.xeber100.com