2021/2022-ci il mövsümünün ən yaxşı futbolçusu müəyyənləşib

“Mançester Yunayted” klubunda 2021/2022-ci il mövsümünün ən yaxşı futbolçusu müəyyənləşib. Kriştiano Ronaldo mövsümün ən yaxşısı seçilib. Otuz yeddi yaşlı hücumçu azarkeşlərin səsverməsi ilə mövsümün ən yaxşısı adına layiq görülüb. O, “Mett Basbi” kubokunu alıb.Kriştiano Ronaldo karyerasında 4-cü dəfə bu mükafatı qazanıb ki, bu da qapıçı David De Xea ilə birgə rekorddur.Portuqaliyalı futbolçu 2003/2004-cü, 2006/2007-ci və 2007/2008-ci il mövsümlərində "Mançester Yunayted"də ilin oyunçusu mükafatını alıb.Qeyd edək ki, Kriştiano Ronaldo geridə qalan mövsüm "Mançester Yunayted"in heyətində bütün turnirlərdə 38 matçda 24 qol vurub.xeber100.com

“Səbail” klubu 2022/2023-cü il mövsümü üçün ilk transferini gerçəkləşdirib

Bakının “Səbail” futbol klubu 2022/2023-cü il mövsümü üçün ilk transferini gerçəkləşdirib. “Zirə”dən ayrılan Ağabala Ramazanov “Səbail”ə keçib.Qeyd edək ki, 29 yaşlı hücumçu 2018/2019-cu il mövsümündə də “Səbail”in formasını geyinib.xeber100.com  

UEFA Millətlər Liqasının yeni mövsümündə ilk oyununu keçirib

Futbol üzrə Azərbaycan yığma komandası UEFA Millətlər Liqasının yeni mövsümündə ilk oyununu keçirib.Millimiz C Liqasının üçüncü qrupunun birinci turunda Qazaxıstan seçməsinin qonağı olub.Nur–Sultandakı “Astana Arena”da keçirilən görüşdə Azərbaycan millisinin start heyətində Şahrudin Məhəmmədəliyev, Azər Salahlı, Bəhlul Mustafazadə, Maksim Medvedev, Höccət Haqqverdi, Emin Mahmudov, Renat Dadaşov, Mahir Emreli, Eddi İsrafilov, Bədavi Hüseynov və Aleksey İsayev yer alıblar.Macarıstanlı baş hakim İştvan Vadın idarə etdiyi matçın ilk hissəsində hesab açılmayıb. İkinci hissəyə fəal başlayan Qazaxıstan millisi istəyinə nail olub. Görüşün 50-ci dəqiqəsində Abat Aimbetov hesabı açıb. On dəqiqə sonra A.Aimbetov dubl edərək hesab arasındakı fərqi artırıb və bu, oyunda vurulan sonuncu qol olub.Beləliklə, görüş 2:0 hesabı ilə Qazaxıstan millisinin qələbəsi ilə başa çatıb.Azərbaycan millisi tarixində bu matçadək Qazaxıstanın əsas komandası ilə 9 görüş, U-21 yığması ilə 1 oyun keçirib. Komandamız 10 qarşılaşmanın 4-də məğlub olub, eyni sayda heç-heçə edib, cəmi 2 dəfə qələbə qazanıb.Milli komandamız növbəti görüşünü iyunun 6-da Serbiyanın Novi-Sad şəhərində Belarusa qarşı keçirəcək.xeber100.com

Azərbaycana həsr olunmuş şahmat turniri keçirilib

ABŞ-ın Kaliforniya ştatının San-Dieqo şəhərində Azərbaycanın Los-Ancelesdəki Baş Konsulluğunun təşəbbüsü və dəstəyi ilə ölkəmizin Müstəqillik Gününə həsr olunmuş növbəti şahmat turniri keçirilib.Azərbaycanın Los-Ancelesdəki baş konsulluğundan Azərtac-a bildiriblər ki, La Xoya-Riford Kitabxanasında təşkil olunan 4-cü San-Dieqo - Azərbaycan gənclərarası şahmat turnirində 8-18 yaş arasında olan 30 gənc amerikalı şahmatçı mübarizə aparıb.İlk üç yeri tutan şahmatçılara Azərbaycanın Los-Ancelesdəki baş konsulluğu tərəfindən müvafiq diplomlar və hədiyyələr, həmçinin bütün iştirakçılara Azərbaycana dair müxtəlif suvenirlər və nəşrlər təqdim olunub.Turnirin iştirakçılarına Azərbaycanın Müstəqillik Günü, ölkəmizdə şahmat idmanının inkişafı və məhşur azərbaycanlı şahmatçılar barədə məlumat verilib və kitabçalar paylanılıb.xeber100.com

Futbol üzrə dünya çempionatı Qətərdə təşkil olunacaq

İyunun 1-də futbol üzrə Şotlandiya və Ukrayna milli komandaları arasında dünya çempionatının pley-off mərhələsinin təxirə salınmış yarımfinal oyunu keçirilib. Qlazqo şəhərindəki “Hempden Park” stadionunda keçirilən oyunu niderlandlı FIFA referisi Denni Makkelli idarə edib.Qarşılaşma Ukrayna yığmasının inamlı qələbəsi ilə başa çatıb – 3:1.Beləliklə, iyunun 5-də Kardiffdə baş tutacaq matçda Ukrayna və Uels yığmaları dünya çempionatına sonuncu vəsiqənin sahibini müəyyənləşdirəcəklər.Xatırladaq ki, UEFA Ukraynadakı vəziyyətə görə yarımfinal və final görüşlərinin vaxtını dəyişmişdi.Futbol üzrə dünya çempionatı noyabrın 21-dən dekabrın 18-dək Qətərdə təşkil olunacaq.xeber100.com

“Norway Chess” beynəlxalq şahmat turnirində növbəti turun oyunları keçirilib

Norveçin Stavanger şəhərində "Norway Chess" beynəlxalq şahmat turnirində növbəti turun oyunları keçirilib.Azərbaycan təmsilçisi Teymur Rəcəbov ikinci turda norveçli Aryan Tari üzərində qələbə qazanıb. Şəhriyar Məmmədyarov isə fransalı Maksim Vaşye-Laqrava məğlub olub. Bundan əvvəlki turda isə T.Rəcəbov ABŞ təmsilçisi Uesli Soya uduzub, Ş.Məmmədyarov isə Aryan Tarini məğlub edib.Qeyd edək ki, Şəhriyar Məmmədyarovun 2,5, Teymur Rəcəbovun 1,5 xalı var.“Norway Chess” turniri iyunun 10-dək davam edəcək. Reqlamentə əsasən, qələbəyə görə şahmatçılara 3 xal verilir. Heç-heçə olacağı təqdirdə iştirakçılar qalibi “armageddon”da müəyyənləşdirirlər.xeber100.com

Həndbol üzrə Azərbaycan birinciliyinə start veriləcək

İyunun 3-də Şağan Olimpiya İdman Kompleksində yeniyetmələr arasında həndbol üzrə Azərbaycan birinciliyinə start veriləcək.Azərbaycan Həndbol Federasiyası (AHF) xəbər verir ki, yarışlarda Bakının 3 komandası ilə yanaşı, Gəncə, Mingəçevir şəhərlərindən olan 2006-2008-ci il təvəllüdlü oğlanlar mübarizə aparacaqlar.İki gün davam edəcək yarış Gənclər və İdman Nazirliyi və AHF-in birgə təşkilatçılığı ilə keçiriləcək.Yarışın qaliblərinə diplom və hədiyyələr təqdim olunacaq.Bu yarışla yanaşı, Bakı Şəhər Gənclər və İdman Baş İdarəsi və AHF-in birgə təşkilatçılığı ilə 2006-cı il təvəllüdlü və ondan kiçik yaşlı yeniyetmə qızlar arasında 28 may - Müstəqillik Gününə həsr olunmuş Bakı şəhər birinciliyi də keçiriləcək.xeber100.com

Qazaxıstan Premyer Liqasında komandaların sayı azaldılacaq

Futbol üzrə Qazaxıstan Premyer Liqasında komandaların sayı azaldılacaq.Bu barədə ölkənin futbol federasiyasının yeni prezidenti Adilet Barmenkulov qərar verib.Ancaq dəyişikliyin nə zaman qüvvəyə minəcəyi məlum deyil.Qazaxıstan çempionatında 2021-ci ildən 14 klub mübarizə aparır. 2013-cü ildən həmin vaxtadək əsas liqada 12 komanda çıxış edib.xeber100.com

Şahmat üzrə beynəlxalq turnir davam edir

Birləşmiş Ərəb Əmirliklərinin Şarja şəhərində şahmat üzrə beynəlxalq turnir davam edir.Şahmatçımız Misrətdin İsgəndərov ötən 3 turda maksimum xal toplayaraq liderlər qrupunda qərarlaşıb. Komandamızın digər üzvləri Məhəmməd Muradlı 2,5, Nicat Abasov 2, Aydın Süleymanlı 1 xal toplayıblar.Turnirdə 32 ölkədən 80 şahmatçı iştirak edir ki, onlardan da 65-i qrosmeysterdir.Qeyd edək ki, mayın 29-da başa çatacaq yarış 9 turdan ibarətdir və İsveçrə sistemi ilə keçirilir.xeber100.com

“Sabah” futbol klubu futbolçusu ilə yollarını ayırıb

Bakının “Sabah” klubu futbolçusu Şpiro Periçiçlə yollarını ayırıb.28 yaşlı müdafiəçi ilə mövsümün sonunda başa çatan müqaviləsi yenilənməyib. Ş.Periçiç 2021-ci ilin avqustunda “Sabah”a transfer olub.Klub rəhbərliyi futbolçuya göstərdiyi xidmətlərə görə təşəkkür edib, ona gələcək karyerasında uğurlar arzulayıb.xeber100.com