2021/2022-ci il mövsümünün ən yaxşı qolu müəyyənləşib

UEFA Avropa Liqasında 2021/2022-ci il mövsümünün ən yaxşı qolu müəyyənləşib.Azarkeşlərin səsverməsinə əsasən, Türkiyənin “Fənərbağça” klubunun hücumçusu Mergim Berişanın Belçikada “Antverpen”i 3:0 hesabı ilə məğlub etdikləri qrup mərhələsinin dördüncü tur matçında qayçı zərbəsi ilə vurduğu qol ən yaxşı seçilib.Matçın 29-cu dəqiqəsində rəqib qapısına yol tapan 24 yaşlı almaniyalı forvard görüşdəki yekun hesabı müəyyənləşdirib.Qeyd edək ki, "Fənərbağça" Avropa Liqası ilə qrup mərhələsində vidalaşıb.xeber100.com

İtaliya A seriyasının sonuncu turunun oyunlarından sonra…

İtaliya A seriyasının sonuncu turunun oyunlarından sonra elitanı tərk edən üçüncü klub da müəyyənləşib. Azərtac xəbər verir ki, bu “Kalyari”dir. Komanda sonuncu turda “Salernitana”ya 0:4 hesabı ilə uduzub. Bununla da 30 xalla 18-ci pillədə qalan “Kalyari” yüksək liqa ilə vidalaşıb.Qeyd edək ki, bundan əvvəl “Cenoa” və “Venesiya”nın A seriyasını tərk edəcəyi dəqiqləşmişdi.xeber100.com

2022-2023-cü il mövsümü üçün transfer çalışmaları davam edir

“Sumqayıt” futbol klubu 2022-2023-cü il mövsümü üçün transfer çalışmalarını davam etdirir. Klub daha bir futbolçusu ilə müqaviləni yeniləyib.Futbol klubunun mətbuat xidmətindən bildirilib ki, Vüqar Mustafayevlə 3 illik yeni müqavilə imzalanıb. 2019-cu ildən komandanın şərəfini qoruyan Vüqar Mustafayev bu müddət ərzində ümumilikdə 64 oyunda meydana çıxıb.V.Mustafayev, həmçinin Azərbaycanın U-21, U-23 və “A” millilərinin uğurları üçün çalışıb.xeber100.com

Bakı Şəhər Halqası Əməliyyat Şirkətinin məlumatı

Bakıda keçiriləcək Formula 1 Azərbaycan Qran-Prisinə hazırlıq işləri çərçivəsində yollarda quraşdırma işləri davam edir.Bakı Şəhər Halqası Əməliyyat Şirkətindən Azərtac-a bildiriblər ki, mayın 23-də saat 23:00-dan etibarən yolun Azadlıq-Neftçilər prospektinin kəsişməsi yarış bitənədək nəqliyyatın hərəkəti üçün bağlı olacaq. Sürücülərdən Zərifə Əliyeva küçəsini alternativ yol olaraq istifadə etmələri xahiş olunur.Qeyd edək ki, növbəti Formula 1 Azərbaycan Qran-Prisi iyunun 10-12-də keçiriləcək.xeber100.com

“Chessable Masters” yarışında dörddəbir final mərhələsinin oyunları keçiriləcək

Bu gün şahmat üzrə “Champions Chess Tour” onlayn seriyasının dördüncü mərhələsi olan “Chessable Masters” yarışında dörddəbir final mərhələsinin oyunları keçiriləcək.Turnirin ilkin mərhələsində 15 turdan əldə etdiyi 22 xalla 6-cı yerdə qərarlaşmaqla dörddəbir finala vəsiqə qazanan Azərbaycan təmsilçisi Şəhriyar Məmmədyarov çinli Dinq Lirenlə üz-üzə gələcək. Turun digər oyunlarına gəldikdə, hazırkı dünya çempionu, norveçli Maqnus Karlsen David Guizarro (İspaniya), hindistanlı Rameşbabu Praqnanandha çinli Vey Yu, Tari Aryan (Norveç) Aniş Giri (Niderland) ilə mübarizə aparacaqlar.Mayın 26-dək davam edəcək turnirin mükafat fondu 210 min ABŞ dollarıdır.xeber100.com

2021-2022-ci illər üzrə mövsümün mükafatlandırma mərasimi keçiriləcək

Bu gün Premyer Liqada sayca 30-cu olan 2021-2022-ci illər üzrə mövsümün mükafatlandırma mərasimi keçiriləcək.XXVIII turun “Qarabağ” – “Neftçi” görüşündən sonra “Azersun Arena”da təşkil ediləcək tədbirdə “Qarabağ”a çempionluq kuboku və qızıl medal, “Neftçi”yə gümüş mükafat təqdim olunacaq. Bu mövsümün üçüncüsü “Zirə” olacağı halda, kluba medal eyni gündə “Azersun Arena”da veriləcək. Bu yerin sahibi “Qəbələ” olacaqsa, mükafatlandırma qarşıdakı günlərdə keçiriləcək.Qeyd edək ki, "CBC Sport" telekanalı vasitəsilə canlı yayımlanacaq mərasimdə turnirin bombardirinin də mükafatlandırılması nəzərdə tutulur.xeber100.com

Şahmat üzrə beynəlxalq turnir start götürür

Bu gün Birləşmiş Ərəb Əmirliyinin Şarja şəhərində şahmat üzrə beynəlxalq turnir start götürür. Azərbaycanı yarışda Nicat Abasov, Misrətdin İsgəndərov, Məhəmməd Muradlı, Aydın Süleymanlı və Günay Məmmədzadə təmsil edirlər.Turnirdə 32 ölkədən 80 şahmatçı iştirak edir ki, onlardan da 65-i qrosmeysterdir.Qeyd edək ki, mayın 29-da başa çatacaq yarış doqquz turdan ibarətdir və İsveçrə sistemi ilə keçirilir.xeber100.com

İngiltərə Premyer Liqasında ən yaxşı futbolçu müəyyənləşib

İngiltərə Premyer Liqasında cari mövsümün ən yaxşı gənc futbolçusu müəyyənləşib.Ən yaxşı gənc futbolçu adına “Mançester Siti” klubunun yarımmüdafiəçisi Fil Foden layiq görülüb.Cari mövsümdə Premyer Liqada 27 oyunda iştirak edən 22 yaşlı futbolçu 9 qol və 4 məhsuldar ötürmə ilə yadda qalıb.xeber100.com

Taekvondo üzrə Avropa çempionatı davam edir

Böyük Britaniyanın Mançester şəhərində böyüklər arasında taekvondo üzrə Avropa çempionatı davam edir.Yarışın ikinci günündə kişi taekvondoçularımızdan Pərviz İskəndərov (58 kq), Milad Hərçəqani (87 kq) və parataekvondoçu İmaməddin Xəlilov (K44 70 kq) döyüşlərə qatılacaqlar.Təmsilçilərimizin rəqibləri də artıq bəllidir. Belə ki, P.İskəndərov ilk qarşılaşmasını fransalı taekvondoçu Cyrian Ravet, M.Hərçəqani yunanıstanlı İoannis Papadopoulos, İ.Xəlilov isə özbəkistanlı Asilbek Husanova qarşı keçirəcək.xeber100.com

2021/2022-ci il mövsümünün ən yaxşı futbolçusu müəyyənləşib

Azərbaycan Premyer Liqasında 2021/2022-ci il mövsümünün ən yaxşı futbolçusu müəyyənləşib.İdman Araşdırmalar Mərkəzinin (İAM) “Huner Group”un sponsorluğu və "Report"un informasiya dəstəyi ilə keçirdiyi səsvermə nəticəsində "Qarabağ"ın futbolçusu Kadi Borges Malinovski bu ada layiq görülüb.Mükafatlandırma mərasimi mayın 22-də Bakı Olimpiya Stadionunun qapalı meydançasında İAM-ın və ETOPAZ-ın 10 illik yubileyi münasibətilə jurnalistlər arasında Zəfər Kuboku çərçivəsində keçiriləcək "Suqovuşan" - "Xocalı" oyunundan əvvəl fəxri qonaqların iştirakı ilə keçiriləcək.Səsvermədə 8 komandadan adları Peşəkar Futbol Liqasının rəsmi saytında əsas komandaların heyətində göstərilən ümumilikdə 189 nəfər (181 futbolçu, 8 baş məşqçi) iştirak edib.“Qarabağ” və “Sumqayıt”ın 25, “Qəbələ”, “Zirə” və “Sabah”ın 24, “Şamaxı”nın 23, “Neftçi” və “Səbail”in 22 üzvü (oyunçular və baş məşqçi) öz variantlarını açıqlayıb.Respondentlər ümumilikdə 38 futbolçu arasında seçim ediblər. Nəticədə Kadi Borges 47 səslə birinci olub. İyirmi altı yaşlı braziliyalı yarımmüdafiəçi səslərdən 44-nü oyunçulardan, 3-nü isə baş məşqçilərdən alıb.“Qarabağ”ın digər yarımmüdafiəçisi Abdullah Zubir 24 səslə ikinci olub. Üçüncü yeri isə "Sabah"da çıxış edən Azərbaycan millisinin üzvü Aleksey İsayev 19 səslə tutub.Qalan baş məşqçilərdən 2-si "Neftçi"dən Emin Mahmudova, 2-si isə "Qarabağ"dan Maksim Medvedev və Patrik Andradeyə səs verib.Səsvermənin əsas şərtinə əsasən, respondentlər öz komandalarının futbolçularına səs verməyiblər.Qeyd edək ki, mövsümün ən yaxşı futbolçusunu ardıcıl beş ildir İAM “Report”un dəstəyi ilə 8 klubun oyunçuları və baş məşqçiləri arasında sorğu nəticəsində müəyyənləşdirir. Əvvəlki 4 mövsümdə hazırda “Kəpəz”də çıxış edən Cavid İmamverdiyev (2017/2018-ci il mövsümü), “Neftçi”nin yarımmüdafiəçisi Emin Mahmudov (2018/2019-cu), “Qarabağ”ın legioneri Abdullah Zubir (2019/2020-ci) və hazırda Türkiyənin “Bursaspor” komandasının formasını geyinən Namik Ələskərov (2020/2021-ci) ən yaxşı seçilib.xeber100.com