Yunanıstan Super Liqasında 2021/2022-ci il mövsümünün qalibi bəlli olub

Yunanıstan Super Liqasında 2021/2022-ci il mövsümünün qalibi bəlli olub.30-cu turdan təxirə salınmış matçda PAOK-a 2:1 hesabı ilə qalib gələn "Olimpiakos" vaxtından əvvəl çempionluğunu rəsmiləşdirib.Otuz iki turdan sonra aktivində 76 xalı olan “Olimpiakos” ən yaxın izləyicisi olan PAOK klubunu 16 xal qabaqlayır. PAOK-un son 4 turda xal fərqini aradan qaldırması mümkün deyil.“Olimpiakos” ardıcıl 3-cü, ümumilikdə isə 47-ci dəfə futbol üzrə Yunanıstan çempionu olub.xeber100.com

UEFA Konfrans Liqasında yarımfinal mərhələsinin cavab oyunları keçiriləcək

Bu gün futbol üzrə UEFA Konfrans Liqasında yarımfinal mərhələsinin cavab oyunları keçiriləcək.Bununla finala vəsiqə qazanan komandalar məlum olacaq.Turnirin favoritlərindən “Roma” komandası İtaliyada İngiltərə “Lester”ini qəbul edəcək. “Olimpiko” stadionundakı görüşü serbiyalı referi Srcan Yovanoviç idarə edəcək. Lesterdə keçirilmiş ilk qarşılaşmada qalib müəyyənləşməyib - 1:1.Digər cavab oyununda isə Niderlandın “Feyenoord” klubu Fransada “Marsel”lə üz-üzə gələcək. “Velodrom” stadionundakı matçın baş hakimi isveçrəli Sandro Şerer olacaq. Rotterdamdakı ilk görüşdə meydan sahibləri 3:2 hesablı qələbə qazanıblar.“Marsel” turnirin pley-off mərhələsində “Qarabağ” komandasını iki oyunun (3:1, 3:0) nəticəsinə görə mübarizədən kənarlaşdırıb.xeber100.com

Cüdoçular arasında Azərbaycan birinciliyi təşkil olunacaq

Mayın 6-8-də Azərbaycan Respublikası Gənclər və İdman Nazirliyinin və Azərbaycan Cüdo Federasiyasının birgə təşkilatçılığı ilə kiçik yaşlı yeniyetmə (U-15) cüdoçular arasında Azərbaycan birinciliyi təşkil olunacaq.Federasiyanın mətbuat xidmətindən bildiriblər ki, Fövqəladə Hallar Nazirliyinin İdman-Sağlamlıq Mərkəzində keçiriləcək yarışda Azərbaycanın müxtəlif regionlarından, klublarından, cəmiyyətlərindən və idman təşkilatlarından 650-yə yaxın idmançı gücünü sınayacaq. Üç gün davam edəcək turnirdə 2008-2010-cü illər təvəllüdlü idmançılar iştirak edəcəklər.Qeyd edək ki, Azərbaycan birinciliyinə seçim mərhələsi çərçivəsində keçirilən yarışlarda 1837 (131 qız, 1706 oğlan) idmançı iştirak edib.Yarışın təşkilində Azərbaycan Cüdo Federasiyasının əsas məqsədlərindən biri yeniyetmələr və gənclər arasında cüdo idman növünə marağın artırılması, təbliği və yarışlarda ölkənin bütün regionlarının təmsil olunmasına nail olmaqdır.xeber100.com

Daşkənddə şahmat üzrə Aqzamov memorialı start götürür

Bu gün Daşkənddə şahmat üzrə Aqzamov memorialı start götürür.15-ci dəfə keçirilən yarışın güclü A turnirində Azərbaycan şahmatçıları Misrətdin İsgəndərov, Vüqar Əsədli, Məhəmməd Muradlı, Şahin Vəliyev iştirak edəcəklər. On turdan ibarət olacaq yarış İsveçrə sistemi üzrə keçiriləcək.Mayın 11-dək davam edəcək turnirdə 66 şahmatçı iştirak edir ki, onlardan da 16-sı qrosmeysterlərdir.xeber100.com

Azərbaycan Premyer Liqasında XXV tura yekun vurulacaq

Mayın 4-də futbol üzrə Azərbaycan Premyer Liqasında XXV tura yekun vurulacaq.Son oyun günündə iki görüş keçiriləcək.Günün ilk matçında avrokuboklara vəsiqə uğrunda mübarizə aparan “Zirə” və “Qəbələ” komandaları qarşılaşacaq. Hazırda “Zirə” 42 xalla üçüncü, “qırmızı-qaralar” isə 35 xalla dördüncü pillədə qərarlaşıb. Paytaxt təmsilçisi qalib gələcəyi halda avrokuboklara vəsiqəni təmin edəcək.Komandalar indiyədək ölkə çempionatında 26 dəfə qarşılaşıblar. Bunların beşində meydan sahibləri, səkkizində qonaqlar qələbə qazanıblar. On üç oyunda heç-heçə qeydə alınıb.“Qəbələ” beş oyundur rəqibinə uduzmur. “Zirə” son altı ev matçında cəmi bir dəfə qələbə qazanıb.Tura Sumqayıtda yekun vurulacaq. On beş xalla yeddinci sırada yer alan şəhərin eyniadlı təmsilçisi 47 xalla ikinci yerdə gedən “Neftçi”ni qəbul edəcək.Bu, komandaların Premyer Liqada 38-ci qarşılaşması olacaq. İndiyədək keçirilmiş görüşlərin 12-si “gənclik şəhəri” təmsilçisinin, 18-i paytaxt klubunun qələbəsi ilə yekunlaşıb. Səkkiz qarşılaşmada qalib müəyyənləşməyib.“Neftçi” dörd oyundur məğlub olmur. “Sumqayıt” isə son altı ev qarşılaşmasında qalib gəlməyib.xeber100.com

Futbolçular arasında “Bahar turniri” keçiriləcək

Mayın 7-8-də AFFA-nın təşkilatçılığı ilə Bakıda 12 yaşlı qız futbolçular arasında "Bahar turniri" keçiriləcək."Rəvan" futbol klubunun bazasında təşkil olunacaq turnirdə 7 komanda mübarizə aparacaq.Turnirin ilk günü qrup oyunları (A və B qrupu), növbəti gün isə final mərhələsinin matçları keçiriləcək. Hər komandada 3 nəfər 2010-cu il olmaqla 2011-ci və 2012-ci il təvəllüdlü 7 qız futbolçunun iştirakına icazə verilir. İştirakçı komandalar AFFA tərəfindən idman geyimi ilə təmin olunacaq. İlk üç yeri tutan komandalar diplom və medallarla, qalib komanda isə kubokla mükafatlandırılacaq.Qeyd edək ki, layihənin əsas məqsədi növbəti mövsüm U-12 Qızlar Liqasının yaradılması və qadın futbolçulardan ibarət milli komandalara futbolçuların hazırlanmasıdır. Növbəti aylarda daha 2 regionda (Şimal-Qərb və Qərb) bu layihənin həyata keçirilməsi planlaşdırılır.xeber100.com

“Federasiya kuboku-2022” respublika turniri keçirilir

Azərbaycan Basketbol Federasiyasının təşkilatçılığı ilə 17 yaşadək oğlanlar və qızlar arasında “Federasiya kuboku-2022” respublika turniri keçirilir.Azərbaycan Memarlıq və İnşaat Universitetinin idman zalında təşkil edilən yarışda qruplar üzrə oyunlar baş tutub. Belə ki, oğlanlar arasında A qrupunda RİOEUGİM-2, “Gənclik”, B qrupunda “Gəncə”, “Torpaq”, C qrupunda “Təhsil”, “UGİM-10” komandaları qalib adını qazanıblar. Qızların yarışlarında isə birinci turda BBA və “Təhsil”in basketbolçuları fərqləniblər.xeber100.com

Azərbaycan Stolüstü Tennis Federasiyasının təşkilatçılığı ilə…

Azərbaycan Stolüstü Tennis Federasiyasının (ASTF) təşkilatçılığı ilə mayın 7-8-də Əməkdar bədən tərbiyəsi və idman xadimi, Əməkdar məşqçi, Beynəlxalq dərəcəli hakim Sara Sultanovanın xatirəsinə həsr olunan stolüstü tennis turniri keçiriləcək.ASTF-nin mətbuat xidmətindən bildiriblər ki, yarışda veteran idmançılar bacarıqlarını göstərəcəklər. “Şüa” İdman-Sağlamlıq Kompleksində keçiriləcək turnirin əsas məqsədi veteran idmançıların sağlamlığının möhkəmləndirilməsi, fəal həyata cəlb edilməsi, idman ustalığının qorunub saxlanılması və stolüstü tennisin geniş kütlə arasında təbliğidir.Yarış şəxsi və qoşa proqramlar üzrə beynəlxalq stolüstü tennis qaydalarına əsasən təşkil olunacaq. Turnirin qalibləri Azərbaycan Stolüstü Tennis Federasiyası tərəfindən mükafatlandırılacaqlar.xeber100.com

Azərbaycan şahmatçısının iddiaçılar turnirindəki görüşlərinin təqvimi açıqlanıb

Azərbaycan şahmatçısı Teymur Rəcəbovun iddiaçılar turnirindəki görüşlərinin təqvimi açıqlanıb.Azərbaycan Şahmat Federasiyasının mətbuat xidmətinin məlumatına görə,  qrosmeysterimizin iki tur – iyunun 22-də keçirilən 5-ci və iyulun 1-də təşkil ediləcək 12-ci turlar istisna olmaqla, digər görüşlərdə rəqibləri müəyyənləşib. Belə ki, iyunun 1-də ağ fiqurlarla Fransa təmsilçisi Alireza Firuzcaya qarşı oynayacaq şahmatçımız, sonrakı görüşlərində - iyunun 17-də Hikaru Nakamura (ABŞ), 19-da Yan Nepomnyaşi (FIDE), 21-də Yan-Kşiştof Duda (Polşa), 23-də Riçard Rapport (Macarıstan), 25-də Fabiano Karuana (ABŞ), 26-da A.Firuzca, ertəsi gün H.Nakamura, 29-da Y.Nepomnyaşi, 30-da Y.Duda, iyulun 3-də F.Karuana, nəhayət ertəsi gün Riçard Rapport (Macarıstan) ilə qarşılaşacaq.Qeyd edək ki, iddiaçılar turniri iyunun 16-dan iyulun 7-dək İspaniyanın paytaxtı Madriddə təşkil olunacaq. Yarışın qalibi şahmat tacı uğrunda görüşdə norveçli dünya çempionu Maqnus Karlsenlə qarşılaşacaq.xeber100.com  

Azərbaycan Güləş Federasiyasının məlumatı əsasında…

Mayın 5-6-da çimərlik güləşi üzrə ilk Azərbaycan çempionatı keçiriləcək.Azərbaycan Güləş Federasiyasının mətbuat xidmətinə istinadla xəbər verir ki, Avropa Oyunları Parkında təşkil olunacaq yarışda U-17, U-20 və böyüklər arasında ölkə çempionları müəyyənləşəcək.Çempionatın keçirilməsində məqsəd çimərlik güləşində kütləviliyə nail olmaq və müvafiq yığma komandaların tərkibini formalaşdırmaqdan ibarətdir.Mayın 5-də U-17 və U-20 yaş qrupu üzrə mübarizə baş tutacaq. Növbəti gün isə böyüklər arasında yarış keçiriləcək. Görüşlər hər gün saat 11:00-da başlayacaq.Qeyd edək ki, U-17 yaş qrupunda 50, 60, 70, 80, U-20 və böyüklər arasında isə 70, 80, 90 kiloqram və 90 kiloqramdan yuxarı çəki dərəcələrində qaliblər müəyyənləşəcək.xeber100.com