Stolüstü tennisçilər arasında Azərbaycan çempionatına start verilib

Yeniyetmə və gənc stolüstü tennisçilər arasında Azərbaycan çempionatına start verilib.“Şüa” İdman-Sağlamlıq Kompleksində təşkil olunan ölkə birinciliyi şəxsi, komanda, qoşa və qarışıq-qoşa proqramında keçirilir.Dörd gün davam edəcək yarışın keçirilməsində əsas məqsəd stolüstü tennisin təbliği, perspektivli idmançıların üzə çıxarılması, bu idman növünün inkişafına töhfə verməkdir.Fərqlənən idmançılara federasiyanın mükafatları təqdim olunacaq. Fəxri kürsüyə yüksələn tennisçilər, həmçinin milli komandaların heyətinə cəlb olunaraq, beynəlxalq yarışlarda ölkəmizi təmsil etmək imkanı qazanacaqlar.xeber100.com

Formula 1 Qran-Prisinə akkreditasiya prosesi sona yaxınlaşır

Formula 1 Azərbaycan Qran-Prisinə yerli media nümayəndələrinin akkreditasiyası prosesi sona yaxınlaşır. Qeydiyyat prosesinə aprelin 14-də yekun vurulacaq.Bakı Şəhər Halqası Əməliyyat Şirkətinin (BŞH) mətbuat xidmətinin məlumatına görə, iyunun 10-12-də keçiriləcək Formula 1 Azərbaycan Qran-Prisi də daxil olmaqla 2022-ci il üzrə dünya çempionatında yer alan hər bir yarış üçün media nümayəndələrinin akkreditasiyası Beynəlxalq Avtomobil Federasiyası (FIA) və “Formula One Management” (FOM) şirkəti tərəfindən həyata keçirilir. Yerli media nümayəndələrinin yarışa qeydiyyatı prosesi BŞH tərəfindən icra olunur.Qeydiyyatdan keçmək istəyən jurnalistlər BŞH-nin rəsmi akkreditasiya səhifəsinə daxil olaraq, müvafiq formanı doldurmalı və tələb olunan sənədləri sistemə yüklədikdən sonra onlayn qaydada müraciət etməlidirlər. Natamam və ya vaxtından gec göndərilmiş müraciət formaları nəzərə alınmayacaq.Yerli jurnalistlərdən ölkə daxilindəki COVID-19 qaydalarına riayət olunması tələb ediləcək. 2022-ci ildəki yarışlara COVID-19 virusuna qarşı iki doza vaksin vurdurmuş və peyvənd sertifikatının etibarlılıq müddəti bitməmiş yerli jurnalistlər akkreditasiyadan keçə biləcəklər. Peyvəndin ikinci dozasının üzərindən altı aydan çox keçmiş media nümayəndələrindən “buster” doza vurdurmaları xahiş edilir. Vaksinasiya ilə bağlı şəxsi məlumatlar artıq akkreditasiya üçün ərizə formasında tələb olunacaq.xeber100.com

“Real Madrid”in baş məşqçisi yeni rekorda imza atıb

“Real Madrid”in baş məşqçisi Karlo Ançelotti UEFA Çempionlar Liqasında yeni rekorda imza atıb.62 yaşlı mütəxəssis buna turnirin yarımfinal mərhələsinə vəsiqə qazanmaqla nail olub.İtaliyalı məşqçi ardıcıl 4 onillikdə bunu bacaran ilk baş məşqçi kimi tarixə düşüb. Təcrübəli mütəxəssis 1999-cu ildə İtaliyanın “Yuventus”, 2003-ci, 2005-ci, 2006-cı, 2007-ci illərdə “Milan” klubu ilə, 2014-ci və 2015-ci illərdə isə “Real”la yarımfinala yüksəlib.O, qitənin bir nömrəli klub turnirində 8-ci dəfə bu raunda vəsiqə qazanmaqla Xosep Qvardiola və Joze Mourinyonun rekordunu da təkrarlayıb.“Real Madrid” dörddəbir inalda “Çelsi”ni iki oyunun nəticəsinə (3:1, 2:3) əsasən mübarizədən kənarlaşdırıb.xeber100.com

Azərbaycan Velosiped İdmanı Federasiyasının nümayəndəliyi açılıb

Ölkəmizdə velosiped idmanının inkişaf etdirilməsi və coğrafiyasının genişləndirilməsi istiqamətində görülən işlər çərçivəsində Azərbaycan Velosiped İdmanı Federasiyasının növbəti regional nümayəndəliyi açılıb.Federasiyadan bildiriblər ki, bundan sonra Şamaxı rayonunda velosiped idmanı üzrə bölmə fəaliyyət göstərəcək. Şamaxı Olimpiya İdman Kompleksində yerləşən filialda yeniyetmə və gənclər peşəkar şəkildə idmanın bu növü ilə məşğul ola bilərlər. Federasiyanın prezidenti Mədət Quliyev tərəfindən Şamaxı filialına velosipedlər və ehtiyat hissələri də hədiyyə edilib.Regional nümayəndəliklərin açılmasında əsas məqsəd kütləviliyi təmin etmək, insanları ekoloji cəhətdən təmiz nəqliyyat vasitəsi olan velosipeddən istifadəyə həvəsləndirmək, həmçinin yeniyetmə və gənclər arasında sağlam həyat tərzini təbliğ etməkdir.Məlumat üçün bildirək ki, son bir həftə ərzində açılan İsmayıllı və Şamaxı filialları Ədliyyə Nazirliyində dövlət qeydiyyatından keçərək rəsmi şəkildə fəaliyyətə başlayıb.xeber100.com

Cüdo üzrə Olimpiya təlim-məşq toplanışına start verilib

Avropa Cüdo Birliyinin təşkiltaçılığı ilə Macarıstanın Tata şəhərində cüdo üzrə Olimpiya təlim-məşq toplanışına start verilib.Azərbaycan Cüdo Federasiyasından bildiriblər ki, yüksək səviyyədə təşkil olunan hazırlıqda Azərbaycanın qadınlardan ibarət yığma komandasının üzvləri də iştirak edirlər. İdmançılar müntəzəm məşqlər nəticəsində taktiki və texniki bacarıqlarını mənimsəməklə, hazırlıq səviyyələrini təkmilləşdirəcəklər.xeber100.com

İspaniya La Liqasının 31-ci turunun daha bir oyunu keçirilib

Aprelin 10-da futbol üzrə İspaniya La Liqasının 31-ci turunun daha bir oyunu keçirilib.İkinci pillədə qərarlaşan "Barselona" səfərdə autsayder "Levante" komandasının qonağı olub.Görüş qonaqların 2:3 hesablı qələbəsi ilə başa çatıb.Kataloniya təmsilçisinin heyətində Pyer Emerik Obemeyanq (59), Pedri (63), Lyuk de Yonq (90+2), meydan sahiblərinin heyətində isə Jose Luis Morales (52) və Qonzalo Melero (83) fərqləniblər. Qeyd edək ki, "Levante" 56-cı dəqiqədə penalti zərbəsini dəqiq yerinə yetirə bilməyib.Bu qələbədən sonra xallarını 60-a çatdıran "Barselona" 2-ci pilləyə yüksəlib. "Levante" isə 22 xalla La Liqada qalmaq (19-cu yer) uğrunda mübarizə aparır.xeber100.com

İngiltərə Premyer Liqasının XXXII turunda…

İngiltərə Premyer Liqasının XXXII turunda “Liverpul”la oyun “Mançester Siti”nin uğurlu seriyasının başa çatmasına səbəb olub.Mançester təmsilçisi matçda iki dəfə önə keçsə də, meydanı 2:2 hesablı bərabərliklə tərk edib. Pep Qvardiolanın yetirmələri bundan əvvəl 22 liqa görüşünün hamısında qalib gəlməyi bacarıb. Qeyd edək ki, hazırda “Mançester Siti” 74 xalla turnir cədvəlinə başçılıq edir. “Liverpul” 73 xalla ikinci pillədə yer alıb.xeber100.com

Bədii gimnastika üzrə dünya kuboku yarışları keçiriləcək

Aprelin 22-dən 24-dək Milli Gimnastika Arenasında bədii gimnastika üzrə dünya kuboku yarışları keçiriləcək. Mötəbər yarışda 33 ölkədən 140 idmançının iştirakı gözlənilir.Azərbaycan Gimnastika Federasiyasının mətbuat xidmətinə istinadla xəbər verir ki, dünya kuboku yarışında Monqolustanı 1 idmançı təmsil edəcək. Monqolustan təmsilçisi Undram Xaşbat fərdi yarışlarda gücünü sınayacaq.Üç gün davam edəcək yarışda gimnastlar ayrı-ayrı alətlər və çoxnövçülük üzrə mübarizə aparacaqlar.Ənənəyə uyğun olaraq, turnirdə ən çox icra xalını yığmış gimnast və qrup komandasına ənənəvi “AGF Trophy” kuboku da təqdim olunacaq. Qeyd edək ki, ikiillik fasilədən sonra xüsusi karantin rejimi çərçivəsində yumşalma tədbirləri ilə əlaqədar olaraq tamaşaçılar Milli Gimnastika Arenasında bu növ üzrə də yarışları izləmək imkanı əldə edəcəklər. Yarışlarda tamaşaçı qismində iştirak edəcək şəxslər etibarlı olan COVID-19-a qarşı peyvənd olunmanı təsdiqləyən peyvənd sertifikatına və ya COVID-19-dan sağalaraq immunitetə malik olmanı təsdiqləyən sənədə, COVID-19-a qarşı peyvənd əks-göstərişi müəyyən edən əks-göstəriş sertifikatına (yaşı 18-dən aşağı olan şəxslər istisna olmaqla) malik olmalıdırlar.xeber100.com      

“Porto” futbol klubu yeni rekorda imza atıb

“Porto” futbol klubu yeni rekorda imza atıb.Klub Portuqaliya çempionatında məğlubiyyətsiz oyunlar sayını 57-yə çatdırıb.Bu, “Gimaraeş”lə matçda rəsmiləşib. 1:0 hesablı qələbə qazanan Portonun eyniadlı təmsilçisi bununla da ölkə çempionatları tarixində yeni rekorda imza atıb.Qeyd edək ki, yarışın lideri olan “Porto” “Sportinq”i 6 xal qabaqlayır.xeber100.com  

İngiltərə Premyer Liqasında 31-ci turun mərkəzi qarşılaması keçirilb

Aprelin 10-da futbol üzrə İngiltərə Premyer Liqasında 31-ci turun mərkəzi qarşılaması keçirilib.Çempionatın lideri "Mançester Siti" doğma meydanda əzəli rəqibi, ikinci pillədə qərarlaşan "Liverpul" komandasını qəbul edib. Görüş 2:2 hesablı heç-heçə başa çatıb. Qarşılaşmada hesabı meydan sahibləri erkən qolla açıblar. Belə ki, 5-ci dəqiqədə Kevin De Brüyne komandasını önə keçirib. Lakin "şəhərlilər"in üstünlüyü cəmi 8 dəqiqə çəkib. Dioqu Jota hesabı bərabərləşdirib. Daha sonra - 36-cı dəqiqədə Qabriel Jezus "Liverpul"u yenidən meydanın mərkəzinə dəvət edib. "Liverpul"un heyətində Sadio Mane 46-cı dəqiqədə yekun hesabı müəyyənləşdirib.Bu nəticədən sonra xallarını 74-ə çatdıran "Mançester Siti" zirvədəki mövqeyini qoruyub. Liderdən 1 xal geri qalan "Liverpul" isə 2-ci pillədə qərarlaşıb.Ötən gün turun açılış matçında "Mançester Yunayted" səfərdə "Everton" komandasının qonağı olub. Görüş meydan sahiblərinin minimal hesablı qələbəsi ilə başa çatıb - 1:0. Oyunda yeganə qolun müəllifi 27-ci dəqiqədə Entoni Qordon olub. Bu qələbə sayəsində "Everton" xal ehtiyatını 51-ə çatdıraraq turnir cədvəlində 17-ci, "Mançester Yunayted" isə 51 xalla 7-ci yerdə qərarlaşıb.Günün ən məhsuldar görüşü "Southemton" və "Çelsi" komandaları arasında qeydə alınıb. London təmsilçisi səfərdə rəqibinə altı cavabsız qolla qalib gəlib. "Çelsi"nin heyətində Meyson Mount və Timo Verner dublu ilə yadda qalıb. Digər qolları Markos Alonso və Kay Haverts vurub. "Çelsi" 62 xalla üçüncü, "Southemton" isə 36 xalla 13-cü yerdədir.Turun digər görüşlərində "Arsenal" öz meydanında "Brayton"a (1:2), "Uotford" isə "Lids Yunayted"ə (0:3) məğlub olub. Dördüncü pillədə qərarlaşan "Tottenhem" isə səfərdə "Aston Villa"nı darmadağın edib - 0:4.xeber100.com