Bədii gimnastika üzrə 27-ci Azərbaycan çempionatı davam edir

Bədii gimnastika üzrə 27-ci Azərbaycan çempionatı davam edir.Çempionatda fərdi gimnastlar gənclər (2007-2009-cu illər təvəllüdlü) və böyüklər (2006-cı il təvəllüdlü və daha böyük) yaş qruplarında medallar uğrunda mübarizə aparırlar.Gənc gimnastların çöxnövçülük yarışına Nərmin Bayramova liderlik edir. N.Bayramovanın dörd alətdə çıxışı hakimlər tərəfindən 86,900 xalla qiymətləndirilib. Dəniz Əsgərova 80,950 xalla ikinci pillədə qərarlaşıb. Hesabında 80,400 xal olan Nuray Əhmədzadə isə üçüncü pillədə yer alıb.İki gün davam edəcək çempionatda paytaxt üzrə “Ocaq Sport”, Bakı Gimnastika Məktəbi, Respublika Kompleks İdman Məktəbi, digər şəhər və bölgələr üzrə Xırdalanın “Zirvə” klubu, Sumqayıt, Gəncə və Mingəçevirdən ümumilikdə 40 idmançı birincilik uğrunda yarışır.Qaliblər həm ayrı-ayrı alətlərdə (top, halqa, gürzlər, lent), həm də çoxnövçülük xalına görə müəyyənləşəcək. Çempionatın ilk günü gənclər və böyüklər arasında çoxnövçülük yarışları, ikinci günü isə alətlər üzrə final mərhələləri baş tutacaq.Qeyd edək ki, ikiillik fasilədən sonra xüsusi karantin rejimi çərçivəsində yumşalma tədbirləri ilə əlaqədar olaraq tamaşaçılar Milli Gimnastika Arenasında yarışları izləmək imkanı əldə ediblər.xeber100.com

“Eurotalents development camp U-13” təlim-məşq toplanışı start götürüb

Martın 13-də Slovakiyanın Senec şəhərində stolüstü tennis üzrə “Eurotalents development camp U-13” təlim-məşq toplanışı start götürüb. Hazırlıq prosesi çərçivəsində 13 yaşadək uşaqlar arasında turnir də təşkil ediləcək.Stolüstü tennis üzrə Azərbaycan yığma komandasının baş məşqçisi Mixail Timofeyevin rəhbərliyi altında yarışda təmsilçimiz Onur Quluzadə də iştirak edəcək.Təlim-məşq toplanışı martın 20-dək davam edəcək.xeber100.com

“Herta” futbol klubunun yeni baş məşqçisi müəyyənləşib

Almaniyanın “Herta” futbol klubunun yeni baş məşqçisi müəyyənləşib.Klubun rəsmi saytı xəbər verir ki, komandanı Feliks Maqat çalışdıracaq. Almaniyalı mütəxəssislə mövsümün sonunadək müqavilə imzalanıb. O, bu vəzifədə Tayfun Korkutu əvəzləyib.Qeyd edək ki, F.Maqat 5 ildir işsizdir. O, sonuncu iş yeri olan Çinin "Şandun Tayşan" klubundan 2017-ci ildə ayrılıb.xeber100.com  

“Barselona” İspaniya La Liqasının 28-ci turunda əsrin rekorduna imza atıb

"Barselona" İspaniya La Liqasının 28-ci turunda "Osasuna" ilə matçında (4:0) 21-ci əsrin rekorduna imza atıb.Xarici KİV-lər  xəbər verir ki, Kataloniya klubunun heyətində yarımmüdafiəçi Riki Puç qollardan birini vurub. Beləliklə, İspaniya çempionatının bu mövsümündə “Barselona”da 22 fərqli futbolçu qol vurub. Bununla da, Kataloniya təmsilçisi “Real Madrid”in rekordunu qırıb. Belə ki, Madrid klubunda 2019-2020-ci il mövsümündə 21 futbolçu qol vurub.Qeyd edək ki, "Barselona" 27 matçdan sonra 51 xalla üçüncü pillədə qərarlaşıb.xeber100.com

Azərbaycan Voleybol Federasiyasının məlumatı

Kişi voleybolçular arasında Azərbaycan Yüksək Liqasında üçüncü dövrəyə martın 15-də start veriləcək.Azərbaycan Voleybol Federasiyasının mətbuat xidməti xəbər verir ki, həmin gün XI tur çərçivəsində “Ekspress” – “Neftçi” və “Murov” - “Sərhədçi” matçları keçiriləcək. Görüşlər müvafiq olaraq, saat 16:00-da və 18:00-da start götürəcək.Martın 18-də isə XII turun oyunları keçiriləcək. Əvvəlcə meydana saat 15:00-da MOİK və “Neftçi” komandaları çıxacaqlar. Bu qarşılaşmadan 2 saat sonra “Murov” - “Ekspress” duelinə start veriləcək.Görüşlər “Murov” voleybol klubunun idman zalında baş tutacaq.xeber100.com

UEFA Avropa Liqasında final mərhələsinin daha beş oyunu keçiriləcək

Martın 10-da UEFA Avropa Liqasında səkkizdəbir final mərhələsinin daha beş oyunu keçiriləcək.Günün ilk matçında İspaniyanın “Sevilya” və İngiltərənin “Vest Hem Yunayted” komandaları üz-üzə gələcək. Qarşılaşma Bakı vaxtı ilə saat 21:45-də başlayacaq. Digər dörd görüş isə 00:00-da start götürəcək. Türkiyənin turnirdəki yeganə təmsilçisi “Qalatasaray” komandası İspaniyada “Barselona”nın qonağı olacaq.Ümumilikdə bu mərhələdə 8 oyundan 7-si keçiriləcək. Rusiyanın “Spartak” klubu UEFA Avropa Liqasından kənarlaşdırıldığı üçün Almaniyanın “Leyptsiq” komandası dörddəbir finala birbaşa vəsiqə qazanıb.İlk oyun günündə Fransanın “Lion” komandası Portuqaliyada “Portu”nu 1:0, Almaniyanın “Ayntraxt” klubu isə İspaniyada “Real Betis”i 2:1 hesabı ilə məğlub edib. Günün digər görüşləri aşağıdakılardır: “Sevilya” (İspaniya) – “Vest Hem Yunayted” (İngiltərə) “Qlazqo Reyncers” (Şotlandiya) – “Srvena Zvezda” (Serbiya) “Braqa” (Portuqaliya) – “Monako” (Fransa) “Atalanta” (İtaliya) – “Bayer Leverkuzen” (Almaniya) “Barselona” (İspaniya) – “Qalatasaray” (Türkiyə) Qeyd edək ki, bütün cavab görüşləri martın 17-də keçiriləcək.xeber100.com

Akrobatika gimnastikası üzrə dünya çempionatında finalçılar müəyyənləşib

Bakıda keçirilən akrobatika gimnastikası üzrə 28-ci dünya çempionatında qadın cütlüklərin balans hərəkətində finalçılar müəyyənləşib.Təsnifat mərhələsində uğurla çıxış edən Portuqaliya, Böyük Britaniya, Qazaxıstan, Macarıstan, ABŞ və Polşa cütlükləri finala adlayıblar.Bu kateqoriyada final mərhələsi martın 12-də təşkil olunacaq.Çempionatda 17 ölkədən 170 gimnast iştirak edir.Dörd gün davam edəcək yarışda idmançılar qadın, kişi və qarışıq cütlükləri, eləcə də qadın və kişi qrupları proqramlarında balans, temp və qarışıq hərəkətlər üzrə çıxış edəcəklər.Xatırladaq ki, 2018-ci ildə Azərbaycan ilk dəfə akrobatika gimnastikası üzrə dünya kuboku turnirinə, bu il martın 3-dən 6-dək isə 12-ci dünya yaş qrupları yarışlarına ev sahibliyi edib.xeber100.com

Azərbaycan Cüdo Federasiyasının məlumatı əsasında…

Cüdo üzrə yeniyetmələrdən ibarət yığma komanda qarşıdakı yarışlara hazırlaşır.Azərbaycan Cüdo Federasiyasının məlumatına görə, hazırda baş məşqçi Ramiz Ramizzadənin rəhbərlik etdiyi oğlanlardan ibarət komanda Bakıda təlim-məşq toplanışındadır. İdmançılar daha sonra hazırlıqlarını Sumqayıtda davam etdirəcəklər.Təlim-məşqlərin təşkilində əsas məqsəd cüdoçuların bacarıqlarını təkmilləşdirmək, onların qarşıdakı beynəlxalq yarışlarda yüksək səviyyədə çıxışını təmin etməkdir.xeber100.com

Güləşçilərin Avropa çempionatı davam edir

Bolqarıstanın Plovdiv şəhərində 23 yaşadək güləşçilərin Avropa çempionatı davam edir.Azərbaycan Güləş Federasiyasının mətbuat xidmətinin məlumatına görə, yarışın dördüncü günündə - martın 10-da 3 qadın güləşçimiz mübarizəyə qoşulub.Gültəkin Şirinova (53 kq) dörddəbir finalda fransalı Çadya Ayaçiyə qalib gəlib - 12:7. Həmyerlimiz yarımfinalda almaniyalı Anastasiya Blayvasla qarşılaşacaq.Milli komandamızın üzvü Jalə Əliyeva (62 kq) dörddəbir finalda Fransanın digər təmsilçisi Amelin Duarreni "tuşe" ilə məğlub edib. Güləşçimiz yarımfinalda polşalı Paulina Malqorzata Danişlə üz-üzə gələcək.Birgül Soltanova (65 kq) dörddəbir finalda estoniyalı Viktoriya Vessoyla gərgin idman mübarizəsi şəraitində keçən görüşdə uduzub - 7:8.Qeyd edək ki, yarımfinal qarşılaşmaları Bakı vaxtı ilə saat 18:45-də başlayacaq.xeber100.com

Formula 1 Azərbaycan Qran-Prisinə akkreditasiya prosesinə start verilib

Martın 9-da Formula 1 Azərbaycan Qran-Prisinə yerli media nümayəndələrinin akkreditasiyası prosesinə start verilib. Qeydiyyat prosesi aprelin 14-dək davam edəcək.Bakı Şəhər Halqası Əməliyyat Şirkətinin (BŞH) mətbuat xidmətinin məlumatına görə, iyunun 10-12-də keçiriləcək Formula 1 Azərbaycan Qran-Prisi də daxil olmaqla 2022-ci il üzrə dünya çempionatında yer alan hər bir yarış üçün media nümayəndələrinin akkreditasiyası Beynəlxalq Avtomobil Federasiyası (FIA) və “Formula One Management” (FOM) şirkəti tərəfindən həyata keçirilir. Yerli media nümayəndələrinin yarışa qeydiyyatı prosesi BŞH tərəfindən icra olunur.Qeydiyyatdan keçmək istəyən jurnalistlər BŞH-nin rəsmi akkreditasiya səhifəsinə daxil olaraq, müvafiq formanı doldurmalı və tələb olunan sənədləri sistemə yüklədikdən sonra onlayn qaydada müraciət etməlidirlər. Natamam və ya vaxtından gec göndərilmiş müraciət formaları nəzərə alınmayacaq.Yerli jurnalistlərdən ölkə daxilindəki COVID-19 qaydalarına riayət olunması tələb ediləcək. 2022-ci ildəki yarışlara COVID-19 virusuna qarşı iki doza vaksin vurdurmuş və peyvənd sertifikatının etibarlılıq müddəti bitməmiş yerli jurnalistlər akkreditasiyadan keçə biləcəklər. Peyvəndin ikinci dozasının üzərindən altı aydan çox keçmiş media nümayəndələrindən “buster” doza vurdurmaları xahiş edilir. Vaksinasiya ilə bağlı şəxsi məlumatlar artıq akkreditasiya üçün ərizə formasında tələb olunacaq.xeber100.com