Fransa çempionatının Rusiyada yayımlanmasına qadağa qoyulub

Fransa Peşəkar Futbol Liqası (LPF) Liqa 1-in Rusiyada yayımlanmasını qadağan edib.Bu barədə qurumun mətbuat xidməti məlumat yayıb.LPF Fransa çempionatının oyunlarının “Matç TV” kanalında yayımlanması ilə bağlı müqaviləni dayandırıb.

Futbol üzrə Türkiyə Birinci liqasında 28-ci turun oyunları keçirilib

Futbol üzrə Türkiyə Birinci liqasında 28-ci turun oyunları keçirilib.Azərbaycanlı futbolçu Vüsal İsgəndərli formasını geyindiyi “Keçiörengücü”də növbəti matçına çıxıb.Komanda səfərdə “Kocaelispor”la qarşılaşıb. Futbolçumuzun komandası bu oyundan məğlubiyyətlə ayrılıb - 0:1.V.İsgəndərli də bu görüşün iştirakçısı olub. O, 46-cı dəqiqədə meydana buraxılıb.“Keçiörengücü” 28 turdan sonra 34 xalla 19 kollektiv arasında 12-ci pillədə qərarlaşıb.xeber100.com

“Krasnodar” futbol klubunun 8 legioneri komandadan ayrılıb

Rusiyanın “Krasnodar” futbol klubunun 8 legioneri komandadan ayrılıb.Bu barədə klubun rəsmi saytı məlumat yayıb.Vanderson Masiel, Kayo, Erik Butheym, Kristian Ramires, Junior Alonso, Con Kordoba, Viktor Klasson və Remi Kabella "Krasnodar"la müqaviləni ləğv edib.Xatırladaq ki, UEFA Rusiyanın klublarını bütün beynəlxalq yarışlardan kənarlaşdırıb. Buna görə də artıq əcnəbi futbolçular Rusiya klublarını tərk edirlər.xeber100.com

İngiltərə kubokunun dörddədir final mərhələsinin püşkü atılıb

Martın 4-də futbol üzrə İngiltərə kubokunun dörddədir final mərhələsinin püşkü atılıb.Dörddəbir finalda aşağıdakı komandalar üz-üzə gələcəklər: “Southemton” – “Mançester Siti” “Kristal Palas” – “Everton” “Nottihem Forest”/”Xaddersfild” – “Liverpul” “Midlsbro” – “Çelsi”. Qeyd edək ki, dörddəbir final mərhələsinin görüşləri martın 19-da və 20-də keçiriləcək.xeber100.com

Futbol üzrə yarımfinal mərhələsinin ilk oyunları keçirilib

Futbol üzrə Portuqaliya kuboku yarışında yarımfinal mərhələsinin ilk oyunları keçirilib.Azərbaycan millisinin hücumçusu Renat Dadaşovun çıxış etdiyi “Tondela” doğma meydanda “Mafra” ilə qarşılaşıb. Matç “Tondela”nın 3:0 hesablı qələbəsi ilə başa çatıb. R.Dadaşov görüşün 79-cu dəqiqəsində meydana daxil olub.Komandalar arasında cavab oyunu aprelin 20-də “Mafra”nın meydanında keçiriləcək.xeber100.com

Akrobatika gimnastikası üzrə Azərbaycan millisinin heyəti açıqlanıb

Bakıda keçiriləcək akrobatika gimnastikası üzrə 28-ci dünya çempionatında iştirak edəcək Azərbaycan millisinin heyəti açıqlanıb.Azərbaycan Gimnastika Federasiyası xəbər verir ki, yarışda ölkəmizi Daniel Abbasov, Murad Rəfiyev, Sabir Ağayev, Ağasəf Rəhimov, Mehriban Salamova və Raziyə Seyidli təmsil edəcəklər.Dünya çempionatı martın 10-dan 13-dək Milli Gimnastika Arenasında keçiriləcək.xeber100.com

Azərbaycan Boks Federasiyasının məlumatı əsasında…

Gənc oğlan boksçulardan ibarət Azərbaycan milli komandasına yeni baş məşqçi təyin olunub.Azərbaycan Boks Federasiyasının (ABF) qərarı ilə bu vəzifə Elbrus Rzayevə həvalə edilib.İndiyədək qadınlardan ibarət yığmada baş məşqçi funksiyasını yerinə yetirən mütəxəssis bu gündən işinin icrasına başlayacaq. Onun ilk sınağı aprelin 10-22-də Bolqarıstanın paytaxtı Sofiyada keçiriləcək Avropa çempionatına təsadüf edəcək. Yarışa hazırlıq məqsədilə komanda bu günlərdə təlim-məşq toplanışına başlayacaq.xeber100.com

Dünya Güləş Birliyinin İcraiyyə Komitəsinin növbəti iclası keçirilib

Dünya Güləş Birliyinin (UWW) İcraiyyə Komitəsinin növbəti iclası keçirilib.Onlayn formatda keçirilən vebinarda UWW-nin Büro üzvü, Azərbaycan Güləş Federasiyasının vitse-prezidenti Namiq Əliyev də iştirak edib. İclasda bir sıra mühüm qərarlar qəbul olunub.Ali qurum Beynəlxalq Olimpiya Komitəsinin fevralın 28-də beynəlxalq idman federasiyalarına çağırışına cavab olaraq, Rusiya və Belarus güləşçilərini bütün yarışlardan qeyri-müəyyən müddətə uzaqlaşdırıb. Bu ölkələrin rəsmi nümayəndələri də heç bir beynəlxalq turnirdə qonaq qismində iştirak edə bilməyəcək. Həmçinin Rusiya və Belarusda beynəlxalq yarışlar da keçirilməyəcək. Bu səbəbdən təqvimdə bu ölkələrdə baş tutması planlaşdırılan beynəlxalq turnirlər ləğv olunub.UWW bəzi mühüm yarışların təşkilatçılığı ilə bağlı qərarlar da qəbul edib. Belə ki, bu il noyabrın 5-6-da yunan-Roma güləşi üzrə dünya kuboku yarışının Bakıda keçirilməsi rəsmiləşib. Paytaxtımız 2024-cü ildə 23 yaşadək güləşçilərin Avropa çempionatına da ev sahibliyi edəcək. Gələn il böyüklər arasında baş tutacaq qitə birinciliyinin təşkilatçılığı isə Xorvatiyaya həvalə olunub.xeber100.com

Akrobatika gimnastikası üzrə 12-ci dünya yaş qrupları yarışları davam edir

Bakıda keçirilən akrobatika gimnastikası üzrə 12-ci dünya yaş qrupları yarışları davam edir.12-18 yaş kateqoriyasında temp hərəkətində mübarizə aparan qarışıq cütlüyümüz - Milana Əliyeva və Nizam Xamidulinin çıxışı hakimlər tərəfindən 27 xalla qiymətləndirilib. Cütlüyümüz hazırda üçüncü pillədə qərarlaşıb.Martın 6-dək davam edəcək yarışda idmançılar 12-18 və 13-19 yaş qrupları üzrə kişi cütlükləri, qadın cütlükləri, qarışıq cütlüklər, kişi qrupları, qadın qrupları proqramında qüvvələrini sınayacaqlar.Turnirdə Azərbaycanı 12-18 yaş kateqoriyasında Rəsul Seyidli, Rəvan Zeynallıdan ibarət kişi cütlüyü, Nəzrin Qasımova, Xanım Məmmədzadədən ibarət qadın cütlüyü, Milana Əliyeva, Nizam Xamidulindən ibarət qarışıq cütlük, Anahita Başiri, Zəhra Rəşidova, Nəzrin Zeyniyevadan ibarət qadın qrupu və 13-19 yaş kateqoriyasında Leyla Bəşirova, Nəzrin Fərmanova, Mənsumə Məmmədzadədən ibarət qadın qrupu təmsil edəcək.Qeyd edək ki, yarış Azərbaycan Respublikası Nazirlər Kabinetinin xüsusi icazəsi ilə ölkəmizdə tətbiq edilən mövcud karantin qaydalarına və sanitar-epidemioloji tələblərə uyğun, tamaşaçı iştirakı olmadan keçirilir.xeber100.com

FIDE Qran-Pri seriyasının üçüncü turunda

Belqradda Azərbaycan şahmatçısı Şəhriyar Məmmədyarovun iştirak etdiyi FIDE Qran-Pri seriyasının martın 3-də ikinci mərhələsinin üçüncü turunun oyunları keçiriləcək.D qrupunda çıxış edən təmsilçimiz üçüncü görüşdə rusiyalı Aleksandr Predke ilə üz-üzə gələcək. Şahmatçımız ağ fiqurlarla oynayacaq.Ş.Məmmədyarov ikinci turda Maksim Vaşye-Laqrav (Fransa) ilə heç-heçə edib. Qrupda hər şahmatçının aktivində 1 xal var.Xatırladaq ki, seriyada ümumilikdə 24 şahmatçı iştirak edir. Hər turnirdə isə 16 oyunçu mübarizə aparır. Şahmatçıların hər biri seriyanın maksimum iki turnirində oynaya bilər. Şəhriyar Məmmədyarov, həmçinin seriyanın üçüncü mərhələsində də iştirak edəcək.Oyunçular hər turnirin nəticəsinə görə Qran-Pri xalları qazanacaqlar. Ümumi hesabda ən çox xal toplayacaq iki şahmatçı 2022-ci il namizədlər turnirinə vəsiqə qazanacaq.xeber100.com