“Böyük dəbilqə” turnirindən sonra cüdoçuların reytinq cədvəli açıqlanıb

Parisdə təşkil edilən “Böyük dəbilqə” turnirindən sonra cüdoçuların dünya reytinq cədvəli açıqlanıb.Yarışda gümüş medal qazanan Uşanqi Kokauri (+100 kq) 4 pillə irəliləyərək 12-ci yerə yüksəlib (2376 xal). Turnirdə ikinci yeri tutan digər cüdoçumuz Məmmədəli Mehdiyev (90 kq) isə 1 pillə irəliləyib. İdmançımız 3920 xalla 5-ci yerdədir.İlk onluqda yer alan cüdoçularımızdan Kəramət Hüseynov (60 kq, 2992 xal, 4-cü yer), Orxan Səfərov (66 kq, 3280 xal, 6-cı yer) və Zelim Kotsoyevin (100 kq, 3092 xal, 9-cu yer) mövqeləri dəyişməyib. İlk iyirmilikdə yer alan cüdoçularımızdan isə Hidayət Heydərov (73 kq, 2580 xal, 11-ci yer) əvvəlki mövqeyində qalıb. Murad Fətiyev (81 kq, 2384 xal, 13-cü yer) 1, İrina Kindzerska (+78 kq, 2570 xal, 14-cü yer), Rüstəm Orucov (73 kq, 2412 xal, 14-cü yer) hərəyə 2 pillə geriləyiblər.xeber100.com

“Bordo” futbol klubu baş məşqçisi ilə yollarını ayırıb

Fransanın “Bordo” klubu baş məşqçisi Vladimir Petkoviçlə yollarını ayırıb.Bu barədə Fransa mətbuatı məlumat yayıb.İsveçrəli mütəxəssisin müqaviləsinə qarşılıqlı razılaşma əsasında xitam verildiyi bildirilib. Klubun mətbuat xidməti hələlik bununla bağlı rəsmi açıqlama yaymayıb.İstefaya komandanın uğursuz çıxışı səbəb göstərilir.“Bordo” Liqa 1-də turnir cədvəlində 19-cu sırada qərarlaşıb və elitada qalmaq uğrunda mübarizə aparır.xeber100.com

Milli Karate Federasiyasının məlumatına görə…

Fevralın 12-14-də uşaq, yeniyetmə və gənclər arasında karate üzrə 22-ci respublika birinciliyi keçiriləcək.Azərbaycan Milli Karate Federasiyasının mətbuat xidmətinin məlumatına görə, yarışda 12-13 yaşlı uşaqlar, 14-15 yaşlı yeniyetmələr və 16-17 yaşadək gənclər mübarizə aparacaqlar.Yarış Bakı İdman Sarayında keçiriləcək.xeber100.com

“Bavariya” futbol klubu “Leyptsiq”i 3:2 hesabı ilə məğlub edib

Münxenin “Bavariya” klubu Almaniya Bundesliqasında “Leyptsiq”i 3:2 hesabı ilə məğlub edib.Həmin oyunda iştirak edən “Bavariya”nın qapıçısı Manuel Noyer yeni uğura imza atıb. “Leyptsiq” üzərindəki qələbə Noyerin Münxen təmsilçisindəki 310-cu qalibiyyəti olub. O, bununla da, keçmiş qapıçı Oliver Kanın qələbə sayındakı rekorduna şərik olub.Kan 310 qələbəyə 557 oyunda nail olub, Noyer isə bu saya 458 oyunda çatıb.xeber100.com

Klublararası dünya çempionatının yarımfinalçıları müəyyənləşib

Birləşmiş Ərəb Əmirliklərinin (BƏƏ) paytaxtı Əbu-Dabidə keçirilən futbol üzrə klublararası dünya çempionatının yarımfinalçıları müəyyənləşib.Finala gedən yolda Səudiyyə Ərəbistanının “Əl-Xilyal” komandası İngiltərə “Çelsi”si, Braziliyanın “Palmeyras” komandası isə Misirin “Əl-Əhli” kollektivi ilə üz-üzə gələcək. Misir təmsilçisi Asiya Çempionlar Liqasının qalibidir.“Palmeyras” -“Əl-Əhli” oyunu fevralın 8-də, “Əl-Xilyal” - “Çelsi” matçı isə bir gün sonra keçiriləcək.Fevralın 12-də yekun vurulacaq çempionatın hazırkı qalibi Almaniyanın “Bavariya” komandasıdır.xeber100.com

Afrika Millətlər kuboku yarışının ən yaxşı oyunçusu seçilib

Seneqal millisinin hücumçusu Sadio Mane Afrika Millətlər kuboku yarışının ən yaxşı oyunçusu seçilib.Bu barədə turnirin mətbuat xidməti məlumat yayıb. "Liverpul"un üzvü komandasının bütün görüşlərində iştirak edərək 3 qol və 2 məhsuldar ötürmə ilə yadda qalıb.Seneqal yığmasının qapıçısı Eduard Mendi turnirin ən yaxşı qapıçısı, Kamerun millisinin hücumçusu Vensan Abubakar 8 qolla yarışın bombardiri seçilib.Qeyd edək ki, Seneqal millisi finalda Misir komandasını məğlub edərək (4:2) tarixdə ilk dəfə Afrika Millətlər kuboku yarışının qalibi olub.xeber100.com

Azərbaycan Premyer Liqasında XV turuna start verilir

Bu gün futbol üzrə Azərbaycan Premyer Liqasında XV turuna start verilir.2021-2022-ci il mövsümünün ikinci yarısı XV turun iki oyunu ilə start götürəcək.Turun açılış matçında “Keşlə” klubu “Zirə”ni qəbul edəcək. “ASK Arena”da İnqilab Məmmədovun idarə edəcəyi görüş saat 16:00-da başlayacaq. Hazırda meydan sahibləri 14 xalla 6-cı, qonaqlar isə 22 xalla 4-cü pillədə qərarlaşıblar.Komandalar indiyədək ölkə çempionatında 25 dəfə üz-üzə gəliblər. Bunların 6-da “Keşlə”, 9-da “Zirə” qələbə qazanıb. On oyunda isə qalib müəyyənləşməyib. Topların nisbəti də “qartallar”ın xeyrinədir - 32:27. “Zirə” son 6 oyunda uduzmayıb. “Keşlə” isə üç matçdır rəqiblərinə qol vura bilmir.Günün ikinci oyunu Azərbaycan derbisi ilə əlamətdar olacaq. Turun mərkəzi qarşılaşmasında 33 xalla turnir cədvəlinə başçılıq edən “Qarabağ” və 22 xalla 3-cü sırada yer alan “Neftçi” münasibətlərinə aydınlıq gətirəcək. Tofiq Bəhramov adına Respublika Stadionundakı matç saat 19:00-da başlayacaq. Görüşü Kamal Umudlu idarə edəcək.Ağdam klubunda zədəlilər Xayme Romero və Şahruddin Məhəmmədəliyevlə yanaşı, cəzalı olan Patrik Andrade də vacib oyunu buraxacaq. Paytaxt təmsilçisində isə yeganə itki qapıçı Aqil Məmmədovdur.Bu, komandaların Premyer Liqadakı 86-cı dueli olacaq. İndiyədək baş tutmuş 85 qarşılaşmada “köhlən atlar” rəqibini 32 dəfə məğlub edib. 23 oyun “ağ-qaralar”ın xeyrinə başa çatıbsa, 30 oyun heç-heçə ilə yekunlaşıb. “Qarabağ”ın vurduğu 98 qola “Neftçi” 77 topla cavab verib. Son 6 matçda bərabərlik qeydə alınmayıb. Qurban Qurbanovun baş məşqçi olduğu kollektiv son iki oyunda rəqibinə qalib gəlib.Turun digər iki qarşılaşması – “Sabah” – “Qəbələ” və “Səbail” – “Sumqayıt” fevralın 8-də baş tutacaq.On dörd turdan sonra turnir cədvəlinə 33 xalla “Qarabağ” klubu başçılıq edir. İyirmi altı xal toplayan olan “Qəbələ” ikinci, 22 xalları olan “Neftçi” və “Zirə” klubları isə 3-4-cü yerləri bölüşürlər. Digər pillələrdə müvafiq olaraq “Sabah” (17), “Keşlə” (14), “Sumqayıt” (12) və “Səbail” (10) klubları qərarlaşıblar.xeber100.com

“Pekin-2022” Qış Olimpiya Oyunlarının birinci günündə

Fevralın 5-də - “Pekin-2022” Qış Olimpiya Oyunlarının birinci günündə 13 ölkənin idmançıları medal qazanıblar.Medal siyahısına Norveç komandası liderlik edir. Bu ölkənin idmançıları 2 qızıl medal qazanıblar. Sloveniya təmsilçiləri 1 qızıl və 1 bürünc medalla ikinci pillədə yer alıblar. Niderland, İsveç və Çin 1 qızıl medalla 3-5-ci yerləri bölüşürlər.Fevralın 20-dək davam edəcək Qış Olimpiya Oyunlarında 91 Milli Olimpiya Komitəsindən 2 min 800-dən çox atlet idmanın 15 növü üzrə 109 dəst medal uğrunda mübarizə aparır.Azərbaycan milli komandası “Pekin-2022”də 2 idmançı ilə təmsil olunur. Bunlar fiqurlu konkisürənlər - Vladimir Litvintsev və Yekaterina Ryabovadır. V.Litvintsev fevralın 8-də və 10-da buz üzərinə çıxacaq. Y.Ryabova isə fevralın 15-də və 17-də bacarığını nümayiş etdirəcək.xeber100.com

İtaliya çempionatının 24-cü turunun mərkəzi qarşılaşması keçirilir

Fevralın 5-də futbol üzrə İtaliya çempionatının 24-cü turunun mərkəzi qarşılaşması keçirilir.“Cuzzepe Meazza” stadionunda baş tutan görüşdə iki əzəli rəqib - “İnter” və “Milan” komandaları qarşılaşıb. Gərgin keçən derbidə "Milan" klubu əzmkar qələbə qazanıb - 1:2.Oyunu daha fəal başlayan "İnter" klubu hesabı matçın 38-ci dəqiqəsində açıb. Hakan Çalxanoğlunun künc ötürməsindən sonra İvan Perişiç qapıya birbaşa zərbə endirib - 1:0.Qoldan sonra irəli atılan meydan rəqibin qapısı qarşısında təhlükəli vəziyyətlər yaradıb. Buna baxmayaraq, komandalar fasiləyə minimal hesabla yollanıb.Qarşılaşmanın ikinci hissəsində "Milan" klubu daha istəkli görsənirdi. Matçın 78-ci dəqiqəsində qonaqlar hesabı bərabərləşdirib. Təcrübəli hücumçu iki dəqiqə sonra komandasının qələbə topunu vurmağa da nail olub - 1:2. Beləliklə, "Milan" derbidə geri dönüş edərək qələbə qazanıb. Bu qələbə sayəsində "rossoneri"lər xal ehtiyatını 52-yə çatdıraraq ikinci pilləyə yüksəlib. "İnter" isə 53 xalla liderdir.Qeyd edək ki, Milan derbisi 179-cu dəfə baş tutub. Bu matçların 69-da “İnter”, 54-də isə “Milan” qalib gəlib. Bundan başqa, 56 görüş heç-heçə nəticələnib. “Della Madonnina” adlanan Milan derbilərinin sonuncusu İtaliya A Seriyasının 10-cu turuna təsadüf etmişdi. Həmin oyunda qalib müəyyənləşməyib – 1:1.xeber100.com

“Sabah” futbol klubu heyətini yeni futbolçu ilə gücləndirib

Paytaxt təmsilçisi “Sabah” klubu heyətini yeni futbolçu ilə gücləndirib.Klubun rəsmi saytı xəbər verir ki, Kristian da Silva Fil bundan sonra paytaxt təmsilçisinin uğurları üçün çalışacaq. Braziliyalı yarımmüdafiəçi ilə 1,5 illik müqavilə bağlanıb.Otuz üç yaşlı oyunçu yeni komandasında 15 nömrəli formada çıxış edəcək.Qeyd edək ki, Kristian da Silva Fil karyerası ərzində ölkəsinin “Tuna Luso”, “Anapolis”, Kiprin APOEL, Rumıniyanın ÇFR, Portuqaliyanın “Nasional”, “Pasuş de Ferreyra”, “Feyrense”, “Kaza Pia” klublarında çıxış edib. Onun son komandası Portuqaliyanın "Koimbra" klubu olub.xeber100.com