Türkiyədə cüdo üzrə beynəlxalq turnir keçirilib

Türkiyədə “Yunus Emre”nin xatirəsinə həsr olunmuş cüdo üzrə beynəlxalq turnir keçirilib.“Təhsil” Respublika İdman Mərkəzinin idmançıları beynəlxalq turnirdə yüksək nailiyyət əldə ediblər. Belə ki, turnirdə iştirak edən təmsilçilərimiz Ayxan Ələkbərov (50 kq), Əli Əhmədov (60 kq), Ələkbər Zeynallı (55 kq), Mehman Əsgərov (46 kq), Murad Novruzov (+55 kq), Nazim Kamilov (42 kq), Fərid İbişli (34 kq), Ağabala Bağırov (73 kq) bütün rəqiblərinə qalib gələrək qızıl medal qazanıblar.Əhməd Əhmədov (66 kq), Anar Quliyev (42 kq), Vaqif Əsgərov (46 kq) ikinci, Hüseyn Quliyev (55 kq), Vasif Səfərov (50 kq), Şahin Zeynalov (60 kq), Əli Hümbətov (55 kq) və Fərid Seyidov (34 kq) üçüncü yeri tutublar.Turnirdə 4 ölkədən 470 idmançı iştirak edib.xeber100.com

Azərbaycan Premyer Liqasında mövsümün ilk hissəsi başa çatıb

Azərbaycan Premyer Liqasında 2021/2022-ci il mövsümünün ilk hissəsi başa çatıb. “Qəbələ” mövsümün arxada qalan ilk iki dövrəsində 14 matça çıxıb.Azərtac xəbər verir ki, baş məşqçi Elmar Baxşıyev bu qarşılaşmalarda 19 futbolçuya şans verib. Altı oyunçu 14 görüşün hamısında iştirak edib. Bunlar İsnik Alimi, Nicat Mehbalıyev, Ruan Renato, Urfan Abbasov, Rövlan Muradov və Ülvi İsgəndərovdur. Onlardan ikisi – İ.Alimi və N.Mehbalıyev bu görüşləri əvəzolunmadan keçirib. Bu cütlük 1260 dəqiqə meydanda olub. On doqquz futbolçudan 13-ü matçların yarıdan çoxunda - ən azı 8 qarşılaşmada iştirak edib.Mövsümün ilk hissəsində “Qəbələ”nin 11 futbolçusu qol vurub. “Qırmızı-qaralar”ın ən yaxşı bombardiri Ü.İsgəndərovdur. O, rəqib qapılarına 5 dəfə yol tapıb.İ.Alimi və Rafael Utziq hərəyə 4 qola imza atıb. İ.Alimi qollarından ikisini penaltidən vurub. Rövlan Muradov və Yaovi Akakponun hərəsinin 2 qolu var. Altı oyunçu hərəyə 1 dəfə fərqlənib.xeber100.com  

İtaliya hökuməti Formula 1 yarışları üçün xüsusi büdcə ayıracaq

İtaliya hökuməti Formula 1-in İmola və Monza yarışları üçün xüsusi büdcə ayıracaq.Azərtac xəbər verir ki, İtaliya parlamentinin yuxarı palatası ölkənin 2022-ci il büdcəsi ilə bağlı qanunu təsdiqləyib və qanunda Formula 1 ilə bağlı maddələr də öz əksini tapıb. Belə ki, İmola və Monzada keçiriləcək iki Qran-Prinin maliyyələşdirilməsi üçün İtaliya Avtomobil Klubuna (ACI) 2025-ci ilə qədər illik 10 milyon avro ayrılacaq. 2022-ci ildə Monzadakı yarışa əlavə 5 milyon avro, 2023-cü ildə başa çatdırılması planlaşdırılan genişmiqyaslı yenidənqurma üçün isə daha 15 milyon avro ayrılacaq.Beləliklə, həm İmola, həm də Monza qarşıdakı illərdə Formula 1 təqvimində qalacaq.Qeyd edək ki, Monza ilk gündən Formula 1-ə ev sahibliyi edir. Lakin vaxtaşırı maliyyə problemləri yaransa da, bu yarış heç vaxt siyahıdan çıxarılmayıb. Keçən il pandemiya sayəsində İmola da təqvimə qayıdıb. Bu iki tras gələn il ardıcıl üçüncü dəfə F1-ə ev sahibliyi edəcək.2022-ci ildə, həmçinin Monza trasının 100 illiyi qeyd olunacaq.xeber100.com

“Real Madrid” klubunun rəhbərliyi heyətlə bağlı qərarını verib

İspaniyanın “Real Madrid” futbol klubunun rəhbərliyi növbəti il üçün heyətlə bağlı qərarını verib.Xarici KİV xəbər verir ki, Qaret Beyl və İsko ilə yollarını ayırmaq qərarına gələn klub rəhbərliyi Eden Hazar, Mariano Dias və Luka Yoviçlə danışıqlar aparmaq niyyətindədir.Bu barədə İspaniyanın “Marca” nəşri məlumat yayıb.Məlumatda qeyd olunub ki, “Real Madrid”in yanvarda açılacaq transfer pəncərəsində heyətinə yeni futbolçu cəlb etmək imkanı yoxdur. Bu səbəbdən klub yeni oyunçu almağı 2022-ci ilin yayına planlaşdırır.xeber100.com

Varşavada blits və rapid üzrə dünya çempionatı start götürəcək

Dekabrın 26-da Varşavada blits və rapid üzrə dünya çempionatı start götürəcək.Kişilər arasında Azərbaycanı Şəhriyar Məmmədyarov, Rauf Məmmədov, Vüqar Əsədli, Məhəmməd Muradlı, Aydın Süleymanlı və Xəzər Babazadə təmsil edəcəklər.Qadınların turnirində isə Gülnar Məmmədova, Türkan və Zeynəb Məmmədyarovalar, Xanım Balacayeva və Gövhər Beydullayeva güclərini sınayacaqlar.Dekabrın 30-dək davam edəcək dünya çempionatının mükafat fondu 1 milyon ABŞ dolları təşkil edir.Qeyd edək ki, son dünya çempionatında - 2019-cu ildə Moskvada keçirilən analoji yarışda kişilər arasında Maqnus Karlsen həm rapid, həm də blits üzrə yarışların qalibi olub. Qadınların yarışında isə Hindistan şahmatçısı Humpu Koneru rapid, rusiyalı Katerina Laqno isə blits üzrə dünya çempionatının qalibi adını qazanıblar.xeber100.com

İspaniyanın Sitjes şəhərində keçirilən şahmat festivalı başa çatıb

İspaniyanın Sitjes şəhərində keçirilən şahmat festivalı başa çatıb.Turnirdə ən yaxşı nəticəni Eltac Səfərli göstərib. Belə ki, festivalın güclü A turnirində mübarizə aparan şahmatçımız 10 turda 7,5 xal toplayaraq 7-ci pillədə qərarlaşıb. Azərbaycan şahmatçılarından Aydın Süleymanlı 7 xalla 19-cu, Məhəmməd Muradlı 6,5 xalla 26-cı olub.İsveçrə sistemi üzrə keçirilən turnirdə 300-ə yaxın şahmatçı iştirak edib ki, onlardan da 55-i qrossmeysterlər olub.xeber100.com

“Milan” futbol klubu məşqlərini onlayn keçirəcək

İtaliyanın “Milan” klubu koronavirus səbəbindən məşqlərini onlayn keçirəcək.Bunu klubun baş məşqçisi Stefano Pioli “Sky Sport Italia”ya açıqlamasında bildirib.O, futbolçuların “Zoom” onlayn platformasında məşqlərə qatılacaqlarını və dekabrın 30-da yenidən bir araya gələcəklərini söyləyib.Qeyd edək ki, İtaliyanın bir neçə klubunda koronavirusa kütləvi yoluxma qeydə alınıb. “Milan” A Seriyasındakı növbəti matçını yanvarın 6-da “Roma”ya qarşı keçirəcək.xeber100.com

Türkiyə çempionatının XVIII turu çərçivəsində keçirilən qarşılaşmada

Dekabrın 22-də futbol üzrə Türkiyə çempionatının XVIII turu çərçivəsində keçirilən qarşılaşmada “Fatih Karagümrük" doğma meydanda “Fənərbağça”nı qəbul edib.Gərgin keçən görüşdə hesabı 31-ci dəqiqədə meydan sahiblərinin hücumçusu Aleksandar Pesic açıb. Matçın 39-cu dəqiqəsində “Fatih Karagümrük”ün iki futbolçusu cərimə meydançasında etdiyi kobudluğa görə meydandan qovulublar. “Fənərbağca”nın yarımmüdafiəçisi Mesut Özül onbirmetrlik cərimə zərbəsini dəqiq yerinə yetirib.Oyun elə bu hesabla bitib - 1:1.Günün digər matçlarında “Qaziantep” öz meydanında “Alanyaspor”u 2:1 hesabı ilə üstələyib. “Konyaspor” səfərdə “Hatayspor”u 3:1 hesabı ilə məğlub edib. “Sivasspor”-“Rizəspor”a görüşündə isə qalib müəyyənləşməyib - 1:1.Hazırda Türkiyə Superliqasının turnir cədvəlinə 45 xalla “Trabzonspor” başçılıq edir. Ondan 9 xal geri qalan “Konyaspor” ikinci, sonuncudan dörd xal geri qalan “Başakşəhər” isə üçüncü pillələrdə qərarlaşıblar.xeber100.com

İspaniya La Liqasının 19-cu turunda

İspaniya La Liqasının 19-cu turunda “Real Madrid” klubunun “Atletiko” üzərində qalib gəldiyi (2:1) oyun “kral klubu”nun fransalı forvardı Kərim Benzema üçün əlamətdar olub.Həmin oyunda dubl edən Benzema peşəkar karyerasında 400-cü və 401-ci qollarını vurub. O, bu nəticəyə həm klub, həm də yığma komandanın heyətində vurduğu qollar sayəsində nail olub. Bununla da Benzema Fransanın futbol tarixində 400-dən çox qol vuran ikinci futbolçu kimi tarixə düşüb.Xatırladaq ki, Fransanın futbol tarixində ən çox qol vuran oyunçu “Arsenal” və “Barselona” klublarının və milli komandanın sabiq forvardı Tyerri Anridir. O, karyerası ərzində rəqib qapılarına 411 dəfə yol tapıb.xeber100.com

7-ci beynəlxalq superturnirə bu gün yekun vurulacaq

Azərbaycanın görkəmli şahmatçısı Vüqar Həşimovun xatirəsinə həsr olunan 7-ci beynəlxalq superturnirə bu gün yekun vurulacaq.Turnirin altıncı günündə blits yarışlarının səkkizinci turunda Azərbaycan təmsilçiləri Şəhriyar Məmmədyarov çexiyalı David Navara, Rauf Məmmədov sabiq dünya çempionu hindistanlı Vişvanatan Anand, Vüqar Əsədli ABŞ təmsilçisi Fabiano Karuana ilə qarşılaşır. Rusiya idmançısı Sergey Karyakin isə macarıstanlı Riçard Rapport ilə üz-üzə gəlir.Rapid turnirinin və blits yarışlarının 7 turunun yekunlarına görə, R.Rapport 20,5 xalla turnir cədvəlində birinci pillədə qərarlaşıb. Ş.Məmmədyarov 19 xalla ikinci, F.Karuana 18,5 xalla üçüncü, S.Karyakin isə 18 xalla dördüncü pillədə yer alıblar. D.Navara 12 xalla beşinci, R.Məmmədov 10,5 xalla altıncı, V.Əsədli 8 xalla yeddinci, V.Anand isə 5,5 xalla sonuncu - səkkizinci yerdə qərarlaşıblar.Rapid və blits yarışlarının yekununda ən çox xal qazanan şahmatçı memorialın qalibi olacaq.Blits yarışı 5 dəqiqə + 3 saniyə nəzarət vaxtı ilə təşkil olunur.Qeyd edək ki, sayca yeddinci dəfə təşkil olunan “Vüqar Həşimov memorial”ına dekabrın 23-də yekun vurulacaq. Yarış Vüqar Həşimov Şahmat Fondunun təşkilatçılığı, Gənclər və İdman Nazirliyinin, Azərbaycan Şahmat Federasiyasının dəstəyi, SOCAR-ın sponsorluğu ilə keçirilir.Vüqar Həşimov memorialı ilk dəfə 2014-cü ildə Şəmkirdə keçirilib. Hazırkı dünya çempionu Maqnus Karlsen dörd (2014, 2015, 2018, 2019), Azərbaycan şahmatçısı Şəhriyar Məmmədyarov isə iki (2016, 2017) dəfə turnirin qalibi olublar.xeber100.com