Beynəlxalq Üzgüçülük Federasiyasının konqresi keçirilib

Birləşmiş Ərəb Əmirliklərinin paytaxtı Əbu-Dabidə Beynəlxalq Üzgüçülük Federasiyasının (FINA) konqresi keçirilib.Tədbirə 201 dövlətdən nümayəndə qatılıb. Azərbaycanı konqresdə də Azərbaycan Üzgüçülük Federasiyasının vitse-prezidenti Elçin Həsənov və baş katibi Fərid Bənənyarlı təmsil ediblər.F.Bənəyarlının sözlərinə görə, konqres çərçivəsində FINA-nın prezidenti Hüseyn Əl-Müsəlləm altı aylıq hesabatla çıxış edib. Ümumilikdə 2021-ci ildə görülən işlər qənaətbəxş hesab olunub.Sora FINA-nın əsasnaməsində bəzi dəyişiklər barədə müzakirələr aparılıb. Müzakirələrdən sonra yeni təkliflər qəbul edilib. Konqres çərçivəsində Azərbaycan Üzgüçülük Federasiyasının rəhbərliyi digər ölkələrdən olan həmkarları ilə görüşlər keçirib, ikitərəfli əməkdaşlıq məsələlərini müzakirə ediblər.xeber100.com

Türkiyə çempionatının XVII turu çərçivəsində keçirilən qarşılaşmada

Dekabrın 18-də futbol üzrə Türkiyə çempionatının XVII turu çərçivəsində keçirilən qarşılaşmada “Qalatasaray" doğma meydanda "Başakşəhər”i qəbul edib.Gərgin keçən görüşdə hesabı 20-ci dəqiqədə qonaqların hücumçusu Stefano Okaka açıb. Meydan sahibləri isə 87-ci dəqiqədə Mustafa Mohamedin vurduğu qolla hesabı bərabərləşdirib. Oyun elə bu hesabla bitib - 1:1.Günün digər matçlarında "Trabzonspor" öz meydanında "Hatayspor"u 2:0 hesabı ilə üstələyib. "Sivasspor" səfərdə "Kasımpaşa"nı 3:1 hesabı ilə məğlub edib. "Konyaspor"da doğma divarlar arasında "Antalyaspor"u minimal hesabla udub. "Adana Dəmirspor" isə səfərdə "Alanyaspor"a 3:1 hesabı ilə qalib gəlib.Hazırda Türkiyə Superliqasının turnir cədvəlinə 42 xalla "Trabzonspor" başçılıq edir. Ondan 9 xal geri qalan "Konyaspor" ikinci, sonuncudan dörd xal geri qalan "Başakşəhər" isə üçüncü pillələrdə qərarlaşıblar.xeber100.com

7-ci beynəlxalq super turnirdə ikinci yarış gününə start verilib

Azərbaycanın görkəmli şahmatçısı Vüqar Həşimovun xatirəsinə həsr olunan 7-ci beynəlxalq super turnirdə dekabrın 19-da ikinci yarış gününə start verilib.Bu gün rapid yarışlarında ikinci və üçüncü turun oyunları keçiriləcək.İkinci turunda Azərbaycan təmsilçiləri Şəhriyar Məmmədyarov və Vüqar Əsədli üz-üzə gəlirlər. Rauf Məmmədov ABŞ şahmatçısı Fabiano Karuana ilə qarşılaşır. Riçard Rapport (Macarıstan) sabiq dünya çempionu hindistanlı Vişvanatan Anand, Çexiya təmsilçisi David Navara isə rusiyalı Sergey Karyakin ilə üz-üzə gəlir.Üçüncü turda Ş.Məmmədyarov rusiyalı S.Karyakinlə, V.Əsədli isə R.Məmmədovla oynayacaqlar. Çexiyalı D.Navara V.Anand (Hindistan), macarıstanlı R.Rapport isə F.Karuana (ABŞ) ilə qarşılaşacaqlar.Vüqar Həşimov memorialına dekabrın 24-də yekun vurulacaq. İlk turdan sonra Ş.Məmmədyarov, R.Rapport və F.Karuana 3 xalla ilk sıraları bölüşürlər. R.Məmmədov 2 xalla 4-cü, V.Anand isə 1 xalla 5-cidir. V.Əsədli, D.Navara və S.Karyakinin isə xalı yoxdur.Qeyd edək ki, sayca yeddinci dəfə təşkil olunan “Vüqar Həşimov memorialı”nda şahmatçılar rapid və blits turnirlərində yarışırlar. Dekabrın 21-dək davam edəcək rapid yarışları 7 turdan ibarət olacaq. Turnirin reqlamentinə əsasən, rapid yarışlarında bir tur iki oyundan ibarətdir. Dekabrın 22-23-də isə blits yarışları keçiriləcək. Rapid yarışı 15 dəqiqə + 10 saniyə, blits isə 5 dəqiqə + 3 saniyə nəzarət vaxtı ilə təşkil olunacaq.Yarış Vüqar Həşimov Şahmat Fondunun təşkilatçılığı, Gənclər və İdman Nazirliyinin, Azərbaycan Şahmat Federasiyasının dəstəyi, SOCAR-ın sponsorluğu ilə keçirilir. Yarışa “Fairmont Baku” oteli ev sahibliyi edir.Vüqar Həşimov memorialı ilk dəfə 2014-cü ildə Şəmkirdə keçirilib. Hazırkı dünya çempionu Maqnus Karlsen dörd (2014, 2015, 2018, 2019), Azərbaycan şahmatçısı Şəhriyar Məmmədyarov isə iki (2016, 2017) dəfə turnirin qalibi olublar.xeber100.com

Azərbaycan Respublikası Atçılıq Federasiyasının təşkilatçılığı ilə…

Azərbaycan Respublikası Atçılıq Federasiyasının (ARAF) təşkilatçılığı ilə çövkən milli atüstü oyunu üzrə “Prezident Kuboku” turnirinə start verilib.ARAF-dan Azərtac-a bildiriblər ki, səkkizinci dəfə təşkil olunan turnirdə bu dəfə yalnız DNT təhlili vasitəsilə valideyn mənsubiyyəti müəyyən olunmuş milli cins atlardan istifadəyə icazə verilir. Bu şərtlərə əməl edən altı komandanın iştirakı ilə keçiriləcək yarışlarda ümumilikdə 10 qarşılaşma oynanılacaq.Püşkatmanın nəticələrinə əsasən, üç güc səbətindən eyni reytinqə sahib olan komandalar iki qrupa ayrılıb. A qrupunda “Sərhədçi”, “Buta Qolden” və “Köhlən”, B qrupunda isə “Polad”, “Murad” və “Omar” komandaları yer alıblar.Turnirin açılış gününün ilk oyununda “Buta Qolden” komandası “Köhlən” komandası üzərində 9:0 hesablı qələbə qazanıb. İkinci görüşdə “Murad” komandası “Omar”ı 2:1 hesabı ilə məğlub edib.Yarış dekabrın 18-dən 20-dək qrup oyunları, 22-dən 24-dək isə yarımfinal və final mərhələləri ilə davam edəcək. Qrup və yarımfinal oyunları Bakı Dövlət Cıdır Meydanında, final oyunu isə Binə Atçılıq Mərkəzində açıq havada və tamaşaçıların iştirakı olmadan keçiriləcək.xeber100.com

Azərbaycan Qılıncoynatma Federasiyasının məlumatına görə…

Yeniyetmə qılıncoynadanlar arasında Bakı birinciliyinə yekun vurulub.Azərbaycan Qılıncoynatma Federasiyasının məlumatına görə, Azərbaycan Texniki Universitetinin İdman Sarayında keçirilən turnirdə sablya, şpaqa və rapira üzrə 2005-2009-cu il təvəllüdlü oğlan və qızlar arasında qaliblər müəyyənləşib.Belə ki, sablya üzrə oğlanlar arasında Ayxan Xasıyev, qızlar arasında Fidan Quliyeva birinci yeri tutublar. Şpaqa üzrə Raul Aruslanov oğlanlar, Nazilə Rəhimova isə qızların yarışında qalib gəliblər. Rapira üzrə keçirilən turnirdə Məhəmməd Nuriyev oğlanlar arasında fəxri kürsünün ən yüksək pilləsində yer alıb, qızların yarışında isə Kamilla Məmmədova birinci yeri əldə edib.Azərbaycan Qılıncoynatma Federasiyası ilə Bakı Şəhər Gənclər və İdman Baş İdarəsinin birgə təşkilatçılığı ilə keçirilən turnirin mükafatçıları diplom və medallarla təltif olunublar.xeber100.com

“Spartak” futbol klubunun yeni baş məşqçisi müəyyənləşib

Moskvanın “Spartak” futbol klubunun yeni baş məşqçisi müəyyənləşib.Klubun saytına istinadla xəbər verir ki, Ruy Vitoriyanın istefaya göndərilməsindən sonra boş qalmış baş məşqçi vəzifəsi Paolo Vanoliyə həvalə olunub. Qırx doqquz yaşlı mütəxəssis son 4 ildə “İnter”, “Çelsi” və İtaliya A millisində Antonio Kontenin köməkçisi işləyib.Xatırladaq ki, “Spartak” bir neçə gün əvvəl portuqaliyalı Ruy Vitoriyanı istefaya göndərib. Moskva təmsilçisi Rusiya Premyer Liqasında cari mövsümün ilk hissəsini 23 xalla doqquzuncu pillədə başa vurub.xeber100.com

UEFA Çempionlar Liqasının keçiriləcəyi ölkə müəyyənləşib

Futzal üzrə UEFA Çempionlar Liqasının “Dördlər finalı”nın keçiriləcəyi ölkə müəyyənləşib.UEFA İcraiyyə Komitəsinin qərarı ilə 2021/2022-ci il mövsümünün qalibi Latviyanın paytaxtı Riqada bəlli olacaq.“Riqa Arena”da yarımfinal oyunları aprelin 28-də və ya 29-da, üçüncü yer və final matçı isə aprelin 30-da və ya mayın 1-də keçiriləcək.Bu arenada 2019-cu ildə 19 yaşadək futzalçılardan ibarət komandalar arasında Avropa çempionatının final mərhələsi təşkil olunub.xeber100.com

“Zirə” klubunun qış təlim-məşq toplanışının proqramı məlum olub

Bakının “Zirə” klubunun qış təlim-məşq toplanışının proqramı məlum olub.Komanda yanvarın 5-də Türkiyənin Antalya şəhərinə yola düşəcək.Bakı təmsilçisi Türkiyədə 3 yoxlama oyunu keçirməyi planlaşdırır. Paytaxt təmsilçisi yanvarın 13-də Macarıstanın “Peç”, 20-də Polşanın “Qurnik” (Leçna), dörd gün sonra isə Şimali Makedoniyanın “Breqalniça” klubları ilə qarşılaşacaq.“Zirə” yanvarın 25-də Bakıya qayıdacaq.xeber100.com

Ölkə çempionatlarının açılış mərasimi keçirilib

Dekabrın 17-də qadın və kişi voleybolçular arasında ölkə çempionatlarının açılış mərasimi keçirilib.“Murov” idman klubunda təşkil olunan mərasimdə əvvəlcə şəhidlərimizin xatirəsi bir dəqiqəlik sükutla yad edilib.Federasiya prezidenti Cavid Qurbanov mərasimdə çıxış edərək ölkəmizdə və dünyada tüğyan edən koronavirus pandemiyasının bütün sahələrə, o cümlədən idmana, eləcə də voleybola təsirsiz ötüşmədiyini bildirib. Qeyd edib ki, bu səbəbdən voleybol üzrə sonuncu ölkə çempionatı da yarımçıq dayandırılıb.Azərbaycanın Vətən müharibəsində qazandığı tarixi Qələbədən söhbət açan C.Qurbanov bildirib: "Prezident Müzəffər Ali Baş Komandan İlham Əliyevin rəhbərliyi altında Azərbaycan Ordusu böyük Qələbəyə imza ataraq tarixi torpaqlarını işğaldan azad edib. Torpaqlarımızın azadlığı uğrunda şəhid olan Vətən övladlarının xatirəsi xalqımızın yaddaşında əbədi yaşayacaq”.O, otuz ilə yaxın müddətdə ata-baba yurdunun həsrətini çəkən xalqımızın bu şanlı Zəfər sayəsində artıq doğma torpaqlarına qovuşduqlarını bildirib.Federasiya prezidenti yaxın gələcəkdə voleybolun inkişafı istiqamətində bir sıra işlərin görüləcəyini vurğulayıb.Azərbaycan Voleybol Federasiyasının birinci vitse-prezidenti Faiq Qarayev çıxışında son illərdə ölkəmizdə voleybolun inkişaf etdiyini bildirib. Qeyd edib ki, gələcəkdə regionlardan gənc və perspektivli voleybolçuların, eləcə də əcnəbi idmançıların oyunçuların cəlb olunması planlaşdırılır.Azərbaycan Respublikasının Dövlət Himni səsləndirildikdən sonra çempionat açıq elan olunub.Qeyd edək ki, mövsümə qadın voleybolçular arasında Super Liqanın “Murov” və “Abşeron” komandalarının oyunu ilə start verilib. Daha sonra kişi voleybolçular meydana çıxacaqlar. Yüksək Liqa çərçivəsində MOİK və “Neftçi” üz-üzə gələcəklər. Qarşılaşmalardan əvvəl çempionatların rəsmi açılış mərasimi təşkil olunacaq.Super Liqada “Murov” və “Abşeron” ilə yanaşı, “Azərreyl” və UNEC çempion adı uğrunda mübarizə aparacaq. Yüksək Liqada isə MOİK, “Neftçi” “Murov”, “Express” və “Sərhədçi” komandaları qüvvələrini sınayacaqlar. Qadın voleybolçuların yarışı 6, kişilərin mübarizəsi 4 dövrədən ibarət olacaq. Yekunda xallar bərabər olarsa, çempion qələbə sayına əsasən elan ediləcək. Koronavirus pandemiyası ilə əlaqədar karantin rejiminə uyğun olaraq qarşılaşmalar azarkeşsiz keçiriləcək .Qeyd edək ki, dekabrda qadınlar və kişi voleybolçular arasında Birinci liqa yarışlarına da start veriləcək.xeber100.com

Futbol üzrə Azərbaycan Premyer Liqasının XIV turuna start veriləcək

Dekabrın 15-də futbol üzrə Azərbaycan Premyer Liqasının XIV turuna start veriləcək.İlin sonuncu turu iki qarşılaşma ilə başlayacaq.Günün birinci matçı Qəbələdə keçiriləcək. Şəhərin eyniadlı komandası “Neftçi”ni qəbul edəcək. Meydan sahibləri 25 xalla ikinci, qonaqlar isə 21 xalla dördüncü pillədə qərarlaşıblar.Komandalar çempionatda 52 dəfə üz-üzə gəliblər. Bunların 16-da bölgə təmsilçisi, 24-də paytaxt klubu qələbə qazanıb. On iki qarşılaşmada heç-heçə qeydə alınıb. Top nisbətində də “ağ-qaralar”ın üstünlüyü var - 77:64. “Neftçi” 17 oyundur ki, rəqibi ilə görüşdə meydanı qolsuz tərk etmir. “Qəbələ” isə son on Premyer Liqa matçında “Neftçi”yə qalib gələ bilməyib.Günün ikinci oyununda “Sumqayıt” klubu “Keşlə”ni qəbul edəcək. “Gənclik şəhəri” təmsilçisi 12 xalla altıncı, paytaxt klubu 11 xalla yeddinci yerdədir. Çempionatdakı əvvəlki 36 görüşün 16-da qonaqlar, 10-da isə meydan sahibləri meydanı 3 xalla tərk edib. On qarşılaşmada qalib müəyyənləşməyib. Top fərqində də “Keşlə” üstündür - 51:37. Buna baxmayaraq, bu il ölkə kubokunun finalında “Sumqayıt”a qalib gələn komanda çempionatdakı son dörd matçda qələbə qazana bilmir. “Gənclik şəhəri” təmsilçisi isə evdəki 4 qarşılaşmada 3 xala həsrət qalıb.Tura dekabrın 16-da oynanılacaq “Səbail” – “Sabah” və “Qarabağ” – “Zirə” görüşləri ilə yekun vurulacaq.Qeyd edək ki, 13 turdan sonra turnir cədvəlinə 30 xalla “Qarabağ” klubu başçılıq edir. Aktivində 25 xal olan “Qəbələ” ikinci, 22 xal olan “Zirə” üçüncü, bir xal az toplayan “Neftçi” isə dördüncü yerdə qərarlaşıb. Digər pillələrdə müvafiq olaraq “Sabah” (14), “Sumqayıt” (12), “Keşlə” (11) və “Səbail” (10) yer alıblar.xeber100.com