UEFA Çempionlar Liqasının keçiriləcəyi ölkə müəyyənləşib

Futzal üzrə UEFA Çempionlar Liqasının “Dördlər finalı”nın keçiriləcəyi ölkə müəyyənləşib.UEFA İcraiyyə Komitəsinin qərarı ilə 2021/2022-ci il mövsümünün qalibi Latviyanın paytaxtı Riqada bəlli olacaq.“Riqa Arena”da yarımfinal oyunları aprelin 28-də və ya 29-da, üçüncü yer və final matçı isə aprelin 30-da və ya mayın 1-də keçiriləcək.Bu arenada 2019-cu ildə 19 yaşadək futzalçılardan ibarət komandalar arasında Avropa çempionatının final mərhələsi təşkil olunub.xeber100.com

“Zirə” klubunun qış təlim-məşq toplanışının proqramı məlum olub

Bakının “Zirə” klubunun qış təlim-məşq toplanışının proqramı məlum olub.Komanda yanvarın 5-də Türkiyənin Antalya şəhərinə yola düşəcək.Bakı təmsilçisi Türkiyədə 3 yoxlama oyunu keçirməyi planlaşdırır. Paytaxt təmsilçisi yanvarın 13-də Macarıstanın “Peç”, 20-də Polşanın “Qurnik” (Leçna), dörd gün sonra isə Şimali Makedoniyanın “Breqalniça” klubları ilə qarşılaşacaq.“Zirə” yanvarın 25-də Bakıya qayıdacaq.xeber100.com

Ölkə çempionatlarının açılış mərasimi keçirilib

Dekabrın 17-də qadın və kişi voleybolçular arasında ölkə çempionatlarının açılış mərasimi keçirilib.“Murov” idman klubunda təşkil olunan mərasimdə əvvəlcə şəhidlərimizin xatirəsi bir dəqiqəlik sükutla yad edilib.Federasiya prezidenti Cavid Qurbanov mərasimdə çıxış edərək ölkəmizdə və dünyada tüğyan edən koronavirus pandemiyasının bütün sahələrə, o cümlədən idmana, eləcə də voleybola təsirsiz ötüşmədiyini bildirib. Qeyd edib ki, bu səbəbdən voleybol üzrə sonuncu ölkə çempionatı da yarımçıq dayandırılıb.Azərbaycanın Vətən müharibəsində qazandığı tarixi Qələbədən söhbət açan C.Qurbanov bildirib: "Prezident Müzəffər Ali Baş Komandan İlham Əliyevin rəhbərliyi altında Azərbaycan Ordusu böyük Qələbəyə imza ataraq tarixi torpaqlarını işğaldan azad edib. Torpaqlarımızın azadlığı uğrunda şəhid olan Vətən övladlarının xatirəsi xalqımızın yaddaşında əbədi yaşayacaq”.O, otuz ilə yaxın müddətdə ata-baba yurdunun həsrətini çəkən xalqımızın bu şanlı Zəfər sayəsində artıq doğma torpaqlarına qovuşduqlarını bildirib.Federasiya prezidenti yaxın gələcəkdə voleybolun inkişafı istiqamətində bir sıra işlərin görüləcəyini vurğulayıb.Azərbaycan Voleybol Federasiyasının birinci vitse-prezidenti Faiq Qarayev çıxışında son illərdə ölkəmizdə voleybolun inkişaf etdiyini bildirib. Qeyd edib ki, gələcəkdə regionlardan gənc və perspektivli voleybolçuların, eləcə də əcnəbi idmançıların oyunçuların cəlb olunması planlaşdırılır.Azərbaycan Respublikasının Dövlət Himni səsləndirildikdən sonra çempionat açıq elan olunub.Qeyd edək ki, mövsümə qadın voleybolçular arasında Super Liqanın “Murov” və “Abşeron” komandalarının oyunu ilə start verilib. Daha sonra kişi voleybolçular meydana çıxacaqlar. Yüksək Liqa çərçivəsində MOİK və “Neftçi” üz-üzə gələcəklər. Qarşılaşmalardan əvvəl çempionatların rəsmi açılış mərasimi təşkil olunacaq.Super Liqada “Murov” və “Abşeron” ilə yanaşı, “Azərreyl” və UNEC çempion adı uğrunda mübarizə aparacaq. Yüksək Liqada isə MOİK, “Neftçi” “Murov”, “Express” və “Sərhədçi” komandaları qüvvələrini sınayacaqlar. Qadın voleybolçuların yarışı 6, kişilərin mübarizəsi 4 dövrədən ibarət olacaq. Yekunda xallar bərabər olarsa, çempion qələbə sayına əsasən elan ediləcək. Koronavirus pandemiyası ilə əlaqədar karantin rejiminə uyğun olaraq qarşılaşmalar azarkeşsiz keçiriləcək .Qeyd edək ki, dekabrda qadınlar və kişi voleybolçular arasında Birinci liqa yarışlarına da start veriləcək.xeber100.com

Futbol üzrə Azərbaycan Premyer Liqasının XIV turuna start veriləcək

Dekabrın 15-də futbol üzrə Azərbaycan Premyer Liqasının XIV turuna start veriləcək.İlin sonuncu turu iki qarşılaşma ilə başlayacaq.Günün birinci matçı Qəbələdə keçiriləcək. Şəhərin eyniadlı komandası “Neftçi”ni qəbul edəcək. Meydan sahibləri 25 xalla ikinci, qonaqlar isə 21 xalla dördüncü pillədə qərarlaşıblar.Komandalar çempionatda 52 dəfə üz-üzə gəliblər. Bunların 16-da bölgə təmsilçisi, 24-də paytaxt klubu qələbə qazanıb. On iki qarşılaşmada heç-heçə qeydə alınıb. Top nisbətində də “ağ-qaralar”ın üstünlüyü var - 77:64. “Neftçi” 17 oyundur ki, rəqibi ilə görüşdə meydanı qolsuz tərk etmir. “Qəbələ” isə son on Premyer Liqa matçında “Neftçi”yə qalib gələ bilməyib.Günün ikinci oyununda “Sumqayıt” klubu “Keşlə”ni qəbul edəcək. “Gənclik şəhəri” təmsilçisi 12 xalla altıncı, paytaxt klubu 11 xalla yeddinci yerdədir. Çempionatdakı əvvəlki 36 görüşün 16-da qonaqlar, 10-da isə meydan sahibləri meydanı 3 xalla tərk edib. On qarşılaşmada qalib müəyyənləşməyib. Top fərqində də “Keşlə” üstündür - 51:37. Buna baxmayaraq, bu il ölkə kubokunun finalında “Sumqayıt”a qalib gələn komanda çempionatdakı son dörd matçda qələbə qazana bilmir. “Gənclik şəhəri” təmsilçisi isə evdəki 4 qarşılaşmada 3 xala həsrət qalıb.Tura dekabrın 16-da oynanılacaq “Səbail” – “Sabah” və “Qarabağ” – “Zirə” görüşləri ilə yekun vurulacaq.Qeyd edək ki, 13 turdan sonra turnir cədvəlinə 30 xalla “Qarabağ” klubu başçılıq edir. Aktivində 25 xal olan “Qəbələ” ikinci, 22 xal olan “Zirə” üçüncü, bir xal az toplayan “Neftçi” isə dördüncü yerdə qərarlaşıb. Digər pillələrdə müvafiq olaraq “Sabah” (14), “Sumqayıt” (12), “Keşlə” (11) və “Səbail” (10) yer alıblar.xeber100.com

İspaniyanın Sitjes şəhərində şahmat festivalı davam edir

İspaniyanın Sitjes şəhərində şahmat festivalı davam edir.Yarışın güclü A turnirində mübarizə aparan Azərbaycan şahmatçıları - Aydın Süleymanlı, Eltac Səfərli və Məhəmməd Muradlı 2 turdan sonra maksimum xalla (2 xal) liderlər qrupunda yer alıblar.Digər təmsilçilərimiz Ülviyyə Fətəliyeva, Niyazi Cəfərov və Amil Abbasov isə 1 xala malikdirlər.İsveçrə sistemi üzrə keçirilən turnirdə 300-dək şahmatçı iştirak edir ki, onlardan da 55-i qrossmeysterdir. Turnir 10 turdan ibarət olacaq və dekabrın 23-dək davam edəcək.xeber100.com

Azərbaycan Basketbol Federasiyasının hesabat-seçki konfransı keçirilib

Dekabrın 14-də Azərbaycan Basketbol Federasiyasının hesabat-seçki konfransı keçirilib.Gənclər və İdman Nazirliyinin inzibati binasında keçirilən tədbirdə nazir Fərid Qayıbov çıxış edərək konfrans iştirakçılarını salamlayıb, onlara uğurlar arzulayıb.Sonra Azərbaycan Basketbol Federasiyasının prezidenti Nadir Nəsibov çıxış edərək federasiyanın son illərdəki fəaliyyəti barədə məlumat verib və yeni seçiləcək heyətə uğurlar arzulayıb.Daha sonra federasiya rəhbərliyinə yeni seçki keçirilib. Azərbaycan Respublikasının təhsil naziri Emin Əmrullayev Azərbaycan Basketbol Federasiyanın yeni prezidenti seçilib.Konfransda, həmçinin Simuzər Feyzullayeva, Vilayət Vəliyev, Bəxtiyar Aslanbəyli və Elnur Əliyev Azərbaycan Basketbol Federasiyası Rəyasət Heyətinə üzv seçiliblər.Tədbirin sonunda Milli Olimpiya Komitəsinin vitse-prezidenti Çingiz Hüseynzadə çıxış edərək federasiyanın yeni rəhbərliyinə uğurlar arzulayıb.xeber100.com

Ukrayna komandasına qarşı oyunların hakimləri müəyyənləşib

Avropa çempionatının final mərhələsinə hazırlıq məqsədi ilə iki yoldaşlıq oyunu keçirəcək futzal üzrə Azərbaycan millisinin Ukrayna komandasına qarşı oyunların hakimləri müəyyənləşib.Dekabrın 18-də keçiriləcək oyunun baş hakimi Knyaz Əmiraslanov olacaq. Ona Hikmət Qafarlı və Əli Cəbrayılov kömək edəcəklər. Ertəsi gün təşkil olunacaq matç Hikmət Qafarlıya tapşırılıb. Əli Cəbrayılov və Knyaz Əmiraslanov köməkçi hakimlər olacaqlar.Oyunlar FHN-in İdman-sağlamlıq Mərkəzində keçiriləcək.xeber100.com

7-ci beynəlxalq super turnir start götürəcək

Dekabrın 17-də Bakıda beynəlxalq qrosmeyster Vüqar Həşimovun xatirəsinə həsr olunan 7-ci beynəlxalq super turnir start götürəcək.Səkkiz şahmatçının iştirakı ilə baş tutacaq turnir rapid və blits üzrə təşkil olunacaq. İndiyədək yarışda 14 ölkədən 28 şahmatçı qalib adı uğrunda mübarizə aparıb. Builki yarışda Macarıstan təmsilçisi Riçard Rapport debüt edəcək. 2017-ci ildə 13 yaş, 11 ay, 6 günlüyündə Macarıstan çempionu olan qrosmeyster “Vüqar Həşimov Memoralı-2021”in rapid yarışlarında 2750 əmsalla 8 şahmatçı arasında üçüncü, blits üzrə isə 2754 əmsalla dördüncüdür.R.Rapport ilə yanaşı, turnirdə Azərbaycan təmsilçiləri Şəhriyar Məmmədyarov, Rauf Məmmədov, Vüqar Əsədli, Fabiano Karuana (ABŞ), Sergey Karyakin (Rusiya), hindistanlı Vişvanatan Anand və David Navara (Çexiya) qalib adı uğrunda yarışacaqlar.Dekabrın 24-dək davam edəcək yarış Vüqar Həşimov Şahmat Fondunun təşkilatçılığı, Gənclər və İdman Nazirliyinin, Azərbaycan Şahmat Federasiyasının dəstəyi, SOCAR-ın sponsorluğu ilə keçiriləcək. Yarışa “Fairmont Baku” oteli ev sahibliyi edəcək.Vüqar Həşimov memorialı ilk dəfə 2014-cü ildə Şəmkirdə keçirilib. Hazırkı dünya çempionu Maqnus Karlsen dörd (2014, 2015, 2018, 2019), Azərbaycan şahmatçısı Şəhriyar Məmmədyarov isə iki (2016, 2017) dəfə turnirin qalibi olublar.xeber100.com

Boks üzrə beynəlxalq turnir start götürəcək

Sabah - dekabrın 15-də Serbiyanın Loznitsa şəhərində boks üzrə beynəlxalq turnir start götürəcək.4 gün davam edəcək yarışda Azərbaycan yığması 1 idmançı ilə təmsil olunacaq. Belə ki, millimizin üzvlərindən Mirşərif Kazımzadə rinqə çıxacaq. O, 75 kiloqram çəki dərəcəsində gücünü yoxlayacaq.Qeyd edək ki, yarışda püşkatma mərasimi dekabrın 14-də keçiriləcək.xeber100.com

“Qarabağ” futbol klubuna maliyyə dəstəyi göstərilməsi ilə bağlı Sərəncam

Dekabrın 13-də Prezident İlham Əliyev “Qarabağ” futbol klubuna maliyyə dəstəyi göstərilməsi ilə bağlı Sərəncam imzalayıb.Sərəncama əsasən, UEFA Konfrans Liqasının qrup mərhələsində uğurla iştirak edərək növbəti mərhələyə vəsiqə qazanması ilə əlaqədar “Qarabağ” futbol klubuna Prezidentin ehtiyat fondundan 5 milyon manat vəsait ayrılıb.Qeyd edək ki, dekabrın 13-də Azərbaycan Respublikasının Prezidenti İlham Əliyev UEFA Konfrans Liqasında pley-off mərhələsinə yüksələn "Qarabağ" futbol klubunun üzvlərini qəbul edib.xeber100.com