Beynəlxalq Futbol Tarixi və Statistikaları Federasiyası rəmzi komandasını açıqlayıb

Beynəlxalq Futbol Tarixi və Statistikaları Federasiyası (IFFHS) 20 yaşadək futbolçulardan ibarət 2021-ci ilin rəmzi komandasını açıqlayıb.Heyətdə 3-4-3 taktiki sxeminə yer verilib.Heyətdə qapıçı - Anatoli Trubin ("Şaxtyor", Donetsk Ukrayna), müdafiəçilər - Benua Badyaşil ("Monako"), Erik Qarsiya ("Barselona", İspaniya), Nunu Mendeş (PSJ, Fransa), yarımmüdafiəçilər - Cud Bellingem ("Borussiya" Dortmund, Almaniya), Pedri ("Barselona", İspaniya), Eduardu Kamavinqa ("Real Madrid, İspaniya), Bukayo Saka ("Arsenal", İngiltərə), hücumçular - Rodriqo ("Real Madrid", İspaniya), Meyson Qrinvud ("Mançester Yunayted", İngiltərə) və Camal Musiala ("Bavariya", Almaniya) yer alıblar.xeber100.com

Şahmat tacı uğrunda dünya çempionatı davam edir

Dubayda hazırkı dünya çempionu, norveçli Maqnus Karlsen ilə Rusiya təmsilçisi Yan Nepomnyaşi arasında şahmat tacı uğrunda dünya çempionatı davam edir.Bu gün – dekabrın 9-da 11-ci turun qarşılaşması keçiriləcək. Ötən turların nəticəsinə görə, dünya çempionu 6,5:3,5 hesabla Rusiya şahmatçısını üstələyib.Turnir on dörd turdan ibarətdir.Xatırladaq ki, Maqnus Karlsen 2013-cü ildə Hindistan təmsilçisi Vişvanatan Anand üzərində qələbə qazanaraq dünya şahmat tacına sahib olub. O, 2014-cü ildə Rusiyada V.Anand, 2016-cı ildə ABŞ-da rusiyalı Sergey Karyakin və iki il sonra isə Böyük Britaniyada ABŞ təmsilçisi Fabiano Karuananı məğlub edərək titulunu qoruyub.xeber100.com

Beynəlxalq Futbol Tarixi və Statistikaları Federasiyasının açıqlamasına əsasən…

Beynəlxalq Futbol Tarixi və Statistikaları Federasiyası (IFFHS) 2021-ci ilin rəmzi komandasını açıqlayıb.Federasiyanın saytının verdiyi məlumata görə, simvolik heyətdə 4-3-3 taktiki sxeminə yer verilib.Heyətdə qapıçı - Canluici Donnaruma (PSJ), müdafiəçilər - Əşrəf Hakimi (PSJ), Leonardo Bonuççi (“Yuventus”), Ruben Diaş (“Mançester Siti”), Alfonso Deyvis (“Bavariya”), yarımmüdafiəçilər - Kevin De Bröyne (“Mançester Siti”), Lionel Messi (PSJ), Jorjinyo (“Çelsi”), hücumçular: Kilian Mbappe (PSJ), Robert Levandovski (“Bavariya”) və Kriştiano Ronaldo (“Mançester Yunayted”) yer alıblar.xeber100.com  

Azərbaycan Premyer Liqasının XIV tur oyununda

“Neftçi” klubu “Qəbələ”yə qarşı keçirəcəyi Azərbaycan Premyer Liqasının XIV tur oyununa ciddi itkilərlə çıxacaq.Azərtac xəbər verir ki, zədəli qapıçı Aqil Məmmədov, müdafiəçi Mamadu Mboc, yarımmüdafiəçilər Sezar Meza Kolli ilə Xorxe Korrea matçı buraxacaqlar.Flaqmanın “Sumqayıt”la qolsuz heç-heçə etdiyi XIII tur matçından əvvəl əzələsini dartan Yusuf Lavalın və temperaturu yüksək olan Romen Baskın durumu isə hələlik bəlli deyil.Qeyd edək ki, “Qəbələ”-“Neftçi” matçı dekabrın 15-də keçiriləcək.xeber100.com

Sərbəst və yunan-Roma güləşi üzrə Azərbaycan çempionatı davam edir

Bakı İdman Sarayında sərbəst və yunan-Roma güləşi üzrə Azərbaycan çempionatı davam edir.Milli komandalara seçim xarakteri daşıyan ölkə birinciliyinin birinci günündə - dekabrın 7-də yunan-Roma güləşi üzrə 55, 60, 63, 67, 72, 77 və 82 kiloqram çəki dərəcələrində finalçılar müəyyənləşib. Belə ki, həlledici görüşdə İbrahim Nurullayev, Fərid Sadıxlı (55 kq), Elmir Əliyev, Fərdi Hümbətov (60 kq), Murad Məmmədov, Təvəkgül Həziyev (63 kq), Taleh Məmmədov, Namaz Rüstəmov (67 kq), Ruslan Nurullayev, Ülvi Qənizadə (72 kq), Sənan Süleymanov, Xasay Həsənli (77 kq) və Həsən Nəsirov isə Tuncay Vəzirzadə (82 kq) ilə qarşılaşacaqlar.Dekabrın 8-də klassik güləşdə 87, 97 və 130, sərbəst güləşdə isə 57, 61, 65 və 70 kiloqram çəki dərəcələrində medalçıların adına aydınlıq gələcək. Yarışın sonuncu günündə isə 74, 79, 86, 92, 97 və 125 kiloqram çəki dərəcələrində ölkənin ən güclü sərbəst güləşçiləri bəlli olacaq.Yarış dekabrın 9-dək davam edəcək.Qeyd edək ki, ölkədə davam edən karantin rejimi ilə əlaqədar olaraq Azərbaycan çempionatı azarkeşsiz keçirilir.xeber100.com

Ukrayna Premyer Liqasında 17-ci turun oyunları keçirilib

Futbol üzrə Ukrayna Premyer Liqasında 17-ci turun oyunları keçirilib.Azərtac xəbər verir ki, Azərbaycan millisinin hücumçusu Rüstəm Əhmədzadənin formasını geyindiyi “Minay” səfərdə “Aleksandriya” ilə qarşılaşıb.Qarşılaşma meydan sahiblərinin 3:0 hesablı qələbəsi ilə yekunlaşıb. “Aleksandriya”nın azərbaycanlı futbolçusu Emil Mustafayev zədəli olduğu üçün bu görüşün iştirakçısı olmayıb. Əvəzində R.Əhmədzadə 90 dəqiqə meydanda olub. “Minay”ın digər azərbaycanlı futbolçusu – Eldar Quliyev isə start heyətdə meydana çıxıb və 69-cu dəqiqədə əvəzlənib.“Aleksandriya” bu qələbədən sonra 26 xalla altıncı pillədə qərarlaşıb. “Minay” isə 10 xalla 16 kollektiv arasında 15-cidir.xeber100.com

“Sent-Etyen” klubu baş məşqçisi ilə yolları ayırıb

Fransanın “Sent-Etyen” klubu baş məşqçisi Klod Pyuellə yolları ayırıb.Azərtac xəbər verir ki, bu barədə Liqa 1 təmsilçisinin rəsmi saytı məlumat yayıb.Klod Liqa 1-in 17-ci turunda “Renn”ə məğlubiyyətdən (0:5) sonra istefaya göndərilib.Pyuel 2019-cu ilin oktyabrından “Sent-Etyen”i çalışdırırdı.xeber100.com

Azərbaycan Cüdo Federasiyasının məlumatına görə…

İstanbulda Avropa Cüdo Birliyinin (ACB) növbəti konqresi keçirilib.Azərbaycan Cüdo Federasiyasından (ACF) Azərtac-a bildiriblər ki, tədbirdə federasiyanı vitse-prezident Elnur Məmmədli və baş katib Rəşad Rəsullu təmsil ediblər.Konqresdə ACB-nin prezidentinin, vitse-prezidentlərinin, baş katibinin, hakimlər üzrə direktorunun, həmçinin baş xəzinədarın hesabatları, o cümlədən 2020-ci il üçün maliyyə hesabatı dinlənilib və təsdiq edilib.Qəbul edilmiş digər önəmli bir qərar isə ACB-nin hüquqi qeydiyyatının və mərkəzinin Maltadan Avstriyaya keçirilməsi olub.Konqres zamanı ACF nümayəndələri ACB-nin prezidenti Sergey Soloveyçik, təhsil üzrə vitse-prezident Ceyn Bric, marketinq üzrə vitse-prezident Otto Naytinqer, hakimlər üzrə direktor Aleksandr Yatskeviç ilə görüşüblər. Görüş zamanı ACB və ACF arasında müxtəlif istiqamətlər üzrə əməkdaşlıq imkanları müzakirə edilib və iş birliyinin genişləndirilməsi üçün atılacaq növbəti addımlar müəyyən edilib. Eyni zamanda, konqresdə iştirak edən müxtəlif ölkələrin (Türkiyə, Almaniya, Polşa, Ukrayna, Belarus, Avstriya, Fransa, Yunanıstan, Şimali Makedoniya, İsveçrə, Estoniya və s.) cüdo federasiyaları ilə ikitərəfli görüşlər keçirilib, federasiyalararası əməkdaşlıq potensialı müzakirə edilib.Konqresin sonunda keçirilən təntənəli mərasim zamanı Tokio Yay Olimpiya Oyunlarında medal qazanmış Avropa ölkələrinin federasiyaları, o cümlədən Azərbaycan Cüdo Federasiyası “ACB Olimpiya Mükafatı – Tokio-2020” ilə mükafatlandırılıb. Mükafat ACF-nin vitse-prezidenti, Olimpiya çempionu Elnur Məmmədliyə təqdim olunub.Eyni zamanda, ACB-nin eyniadlı mükafatı Tokio Olimpiadasında bürünc medal qazanmış xanım cüdoçumuz İrina Kindzerskaya da təqdim olunub və mükafatı onun adından ACF-nin baş katibi Rəşad Rəsullu qəbul edib.xeber100.com

Yunan-Roma güləşi üzrə Azərbaycan çempionatı start götürəcək

Sabah sərbəst və yunan-Roma güləşi üzrə Azərbaycan çempionatı start götürəcək.Azərtac xəbər verir ki, milli komandalara seçim xarakteri daşıyan ölkə birinciliyi Bakı İdman Sarayında baş tutacaq. Azərbaycan Güləş Federasiyasının və Gənclər və İdman Nazirliyi ilə birgə təşkil edəcəyi yarış beynəlxalq və milli dərəcəli hakimlər tərəfindən idarə olunacaq.Çempionatın proqramına əsasən, dekabrın 7-də yunan-Roma güləşi üzrə 55, 60, 63, 67, 72, 77 və 82 kiloqram çəki dərəcələrində qaliblər müəyyənləşəcək. Həmin gün saat 16:00-da yarışın təntənəli açılış mərasimi başlayacaq. Növbəti gün klassik güləşdə 87, 97 və 130, sərbəst güləşdə isə 57, 61, 65 və 70 kiloqram çəki dərəcələrində medalçıların adına aydınlıq gələcək. Yarışın sonuncu günündə isə 74, 79, 86, 92, 97 və 125 kiloqram çəki dərəcələrində ölkənin ən güclü sərbəst güləşçiləri bəlli olacaq.Yarış dekabrın 9-dək davam edəcək.Qeyd edək ki, ölkədə davam edən karantin rejimi ilə əlaqədar olaraq Azərbaycan çempionatı azarkeşsiz keçiriləcək.xeber100.com

7-ci beynəlxalq super turnir ilə əlaqədar mətbuat konfransı təşkil edilib

Dekabrın 18-dən 23-dək Bakıda keçiriləcək, Azərbaycanın görkəmli şahmatçısı Vüqar Həşimovun xatirəsinə həsr olunan 7-ci beynəlxalq super turniri ilə əlaqədar mətbuat konfransı təşkil edilib.Vüqar Həşimov Şahmat Akademiyasında keçirilən tədbirdə əvvəlcə Dövlət Sərhəd Xidmətinin hərbi helikopterinin qəzaya uğraması nəticəsində həlak olan hərbçilərimizin və ölkəmizin ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla anılıb.Yarışın yenilənmiş rəsmi internet səhifəsinin yaxın günlərdə istifadəyə veriləcəyini deyən turnirin media rəhbəri Sənan Şəfizadə bildirib ki, Vüqar Həşimov memorialı ilk dəfə 2014-cü ildə Şəmkirdə keçirilib. Hazırkı dünya çempionu Maqnus Karlsen dörd (2014-cü, 2015-ci, 2018-ci, 2019-cü), Azərbaycan şahmatçısı Şəhriyar Məmmədyarov isə iki (2016-cı, 2017-ci) dəfə bu turnirin qalibi olublar. Turnirin baş hakimi, Azərbaycan Şahmat Federasiyasının birinci vitse-prezidenti Faiq Həsənov yarışın rapid və blits üzrə təşkil olunacağını deyib. Bildirib ki, turnirin reytinq favoritləri ABŞ təmsilçisi Fabiano Karuana və hindistanlı Vişvanatan Ananddır. ABŞ şahmatçısı 2770 reytinq əmsalı ilə rapid, V.Anand isə 2825 reytinq əmsalı ilə blits turnirinin reytinq favoritidir.Ölkəmizdə mövcud karantin qaydalarına əməl olunmaqla keçiriləcək turnirin iki dövrədən ibarət olacağını xatırladan F.Həsənov qeyd edib ki, rapid turnirində nəzarət vaxtı hər iştirakçıya 15 dəqiqə + 10 saniyə, digər yarışda isə 5 dəqiqə + 3 saniyə nəzərdə tutulub. Oyunlar hər gün saat 15:00-da start götürəcək. Super turnirin qalibi iki yarışın nəticəsinə əsasən, ən çox xal toplayan şahmatçı olacaq.xeber100.com