Avropa Voleybol Konfederasiyasının məlumatına görə…

Qadın və kişi voleybolçulardan ibarət Azərbaycan milli komandaları Avropa Liqası yarışlarında mübarizə aparacaqlar.Bu barədə Avropa Voleybol Konfederasiyası (CEV) məlumat yayıb.Qadınlardan ibarət millimiz Qızıl Avropa Liqasında, kişilərdən ibarət komandamız isə Gümüş Avropa Liqasında gücünü yoxlayacaq.Yarışların 2022-ci ilin may-iyun aylarında keçiriləcəyi planlaşdırılır.xeber100.com

“Atalanta” futbol klubu baş məşqçisi ilə müqaviləni yeniləyib

İtaliyanın “Atalanta” futbol klubu baş məşqçisi Can Pyer Qasperini ilə müqaviləni yeniləyib.63 yaşlı mütəxəssisin yeni sözləşməsi 2024-cü ilin yayınadək uzadılıb.Qeyd edək ki, italyan məşqçi 2016-cı ildən A seriyası təmsilçisində çalışır. Onun komandası hazırda A seriyasında 31 xalla 4-cüdür.xeber100.com  

İspaniyanın “Levante” klubu baş məşqçisi ilə yolları ayırıb

İspaniyanın “Levante” klubu baş məşqçisi Xavier Pereyra ilə yolları ayırıb.Bu barədə klubun rəsmi tvitter səhifəsi məlumat yayıb.Əlli beş yaşlı ispaniyalı çalışdırıcı uğursuz çıxışların ardından bu postundan gedib. Pereyra bu ilin oktyabrından “Levante”yə rəhbərlik edirdi.Qeyd edək ki, mütəxəssisin rəhbərliyi altında "Levante" La Liqada oynadığı 7 matçın 4-də məğlub olub, 3 oyunda isə heç-heçə edib.xeber100.com

Argentina millisinin sabiq futbolçusu məşqçiliyə başlayıb

Argentina millisinin sabiq futbolçusu Xavyer Maskerano məşqçiliyə başlayıb.“Barselona” və “Liverpul”un keçmiş yarımmüdafiəçisi ölkəsində fəaliyyət göstərəcək. Otuz yeddi yaşlı mütəxəssis Argentinanın 20 yaşadək futbolçulardan ibarət yığmanın baş məşqçisi təyin olunub. Fernando Batista Venesuela yığmasının baş məşqçisi postuna gətirilən Xose Pekermanın məşqçilər korpusuna daxil olduğundan, U-20 millisi Maskeranoya tapşırılıb.Qeyd edək ki, Xavyer Maskerano ötən ilin noyabrında “Estudiantes”in heyətində karyerasını başa vurub.xeber100.com

“Bavariya” klubunun futbolçusu ilin hücumçusu seçilib

Polşa millisinin və Almaniyanın "Bavariya" klubunun futbolçusu Robert Levandovski ilin hücumçusu seçilib.32 yaşlı forvard 2021-ci ildə vurduğu 53 qolla bütün rəqiblərini qabaqlayıb.xeber100.com

“France Football” nəşri “Qızıl top” mükafatının qalibini müəyyənləşdirib

"France Football" nəşrinin təsis etdiyi "Qızıl top" mükafatının qalibi müəyyənləşib.Bu mükafata Fransanın “Paris Sen-Jermen” klubunun hücumçusu Lionel Messi layiq görülüb.xeber100.com

Taekvondo üzrə Azərbaycan birinciliyi start götürüb

Bu gün Sumqayıt Olimpiya İdman Kompleksində taekvondo üzrə yeniyetmələr arasında Azərbaycan birinciliyi start götürüb.Azərtac xəbər verir ki, yarışda 2008-2010-cu il təvəllüdlü idmançılar iştirak edirlər. Belə ki, turnirdə 372 taekvondoçu mübarizə aparır. Onlardan 281-i oğlan, 91-i isə qızdır.Yarış koronavirus pandemiyası ilə əlaqədar müəyyən olunan karantin rejimi qaydalarına uyğun və bütün şərtlərə əməl edilməklə keçirilir.Turnir iki gün davam edəcək.xeber100.com

İspaniya La Liqasının növbəti turu çərçivəsində

İspaniya La Liqasının növbəti turu çərçivəsində “Real Madrid”in “Sevilya”nı 2:1 hesabı ilə məğlub etdiyi oyun madridlilərin fransalı hücumçusu Kərim Benzema üçün əlamətdar olub.Həmin oyunda karyerasında 361-ci dəfə fərqlənən Benzema ən çox qol vuran fransalı futbolçu kimi tarixə düşüb. O, 360 qolla indiyədək bu rekordun sahibi olan Tyeri Anrini geridə qoyub.Benzema bununla bağlı tviterdəki paylaşımında Fransanın ən yaxşı bombardiri olması ilə fəxr etdiyini bildirib.xeber100.com

“Mançester Yunayted” klubunun yeni baş məşqçisi müəyyənləşib

“Mançester Yunayted” klubunun yeni baş məşqçisi müəyyənləşib.Ule Qunnar Sulşerin istefasından sonra klubun baş məşqçisi vəzifəsinə almaniyalı Ralf Ranqnik gətirilib.Rusiyanın “Lokomotiv” klubunun idman və inkişaf şöbəsinin rəhbəri olmuş 63 yaşlı mütəxəssis ilə mövsümün sonunadək müqavilə imzalanıb. Müqavilənin müddəti başa çatandan sonra Ralf Ranqnik İngiltərə klubunda daha iki il müddətində məsləhətçi kimi fəaliyyətini davam etdirəcək.Xatırladaq ki, Ralf Ranqnik bu ilin fevralında “Lokomotiv” ilə əməkdaşlıq etməyə başlayıb. Birinci yarımildə klubun məsləhətçisi olan mütəxəssis sonradan idman və inkişaf şöbəsinin rəhbəri olub.xeber100.com  

Klublararası dünya çempionatının püşkü atılıb

2022-ci ildə Birləşmiş Ərəb Əmirliklərinin paytaxtı Əbu-Dabidə təşkil olunacaq klublararası dünya çempionatının püşkatma mərasimi keçirilib.İsveçrənin Sürix şəhərində baş tutan tədbirdə ilk üç mərhələdə, yarımfinal və finalda üz-üzə gələcək cütlüklər müəyyənləşib.UEFA Çempionlar Liqasının son qalibi olan İngiltərənin "Çelsi" klubu və Libertadores Kubokunun son sahibi Braziliyanın "Palmeyras" komandası mübarizəyə yarımfinal mərhələsindən başlayacaq.Püşkatma tam olaraq aşağıdakı kimidir: I mərhələ 1. "Əl-Cəzirə" (Birləşmiş Ərəb Əmirlikləri) - "Oklend Siti" (Yeni Zelandiya) II mərhələ 2. "Əl-Əhli" (Misir) - "Monterrey" (Meksika) III mərhələ 3. "Əl-Hilal" (Səudiyyə Ərəbistanı) - 1-ci cütün qalibi Yarımfinal 4. "Palmeyras" (Braziliya) - 2-ci cütün qalibi 5. 3-cü cütün qalibi - "Çelsi" (İngiltərə) Qeyd edək ki, klublararası dünya çempionatı fevralın 3-dən 12-dək keçiriləcək. Oyunların dəqiq tarixi hələlik bəlli deyil. Turnirin son qalibi Almaniyanın "Bavariya" klubudur.xeber100.com