Kişi boksçular arasında dünya çempionatı davam edir

Serbiyanın paytaxtı Belqradda kişi boksçular arasında dünya çempionatı davam edir.Azərtac xəbər verir ki, mundialın ikinci günündə Azərbaycan millisinin iki üzvü yarışa qələbə ilə başlayıb. Belə ki, boksçumuz Malik Həsənov (63,5 kq) otuz ikidəbir final mərhələsi çərçivəsində Xuan Reyes Donislə (Qvatemala) üz-üzə gəlib. Qarşılaşma təmsilçimizin qələbəsi ilə yekunlaşıb.M.Həsənov on altıdabir finalda ilk görüşdən azad olan Ovannes Baçkovla (Ermənistan) qarşılaşacaq.Digər boksçumuz 51 kiloqram çəki dərəcəsində çıxış edən Məsud Yusifzadə on altıdabir finalda monqolustanlı Enxmandağ Xarxuunu məğlub edərək adını səkkizdəbir finala yazdırıb. Onun bu mərhələdə rəqibi puerto-rikolu Yankiel Rivera olacaq.Ölkəmiz dünya çempionatında 9 boksçu ilə təmsil olunur.xeber100.com

Zəfər Gününə həsr olunmuş şahmat turniri start götürəcək

Noyabrın 6-da Vüqar Həşimov Şahmat Akademiyasının təşkilatçılığı ilə Zəfər Gününə həsr olunmuş şahmat turniri start götürəcək.Azərtac xəbər verir ki, beynəlxalq reytinq xarakterli yarış Vüqar Həşimov Şahmat Akademiyasında keçiriləcək. Yarışın nəticələrinə uyğun olaraq şahmatçılar FIDE reytinqlərini artırmaqla bərabər, idman ustalığına namizəd, 1, 2, 3 və 4-cü idman dərəcələrinin normalarını da yerinə yetirmək imkanı qazanacaqlar.İsveçrə sistemi üzrə keçiriləcək turnir 7 turdan ibarət olacaq.Turnirə noyabrın 14-də yekun vurulacaq.xeber100.com

Azərbaycan Premyer Liqasında VIII tura yekun vurulub

Oktyabrın 24-də futbol üzrə Azərbaycan Premyer Liqasında VIII tura yekun vurulub.Azərtac xəbər verir ki, turun son matçında "Qarabağ" klubu "Səbail"in qonağı olub. "ASCO Arena"dakı oyun meydan sahiblərinin 3:1 hesablı qələbəsi ilə başa çatıb.Qarşılaşmada hesab 32-ci dəqiqədə açılıb. Nikolas Raysel "dənizçilər"i önə keçirib. On dəqiqə sonra Mirsayib Abbasov fərqi 2 topa çatdırıb. Matçın 65-ci dəqiqəsində qonaqların braziliyalı yarımmüdafiəçi Kadi Borges topu künc nöqtəsindən birbaşa qapıya göndərməklə baxımlı qola imza atıb. Matçda son nöqtəni isə Turan Manafov qoyub. O, əsas vaxta əlavə olunmuş 1-ci dəqiqədə cərimə zərbəsindən əla qolla yekun hesabı müəyyənləşdirib.Bu, "Qarabağ"ın cari mövsümdə ilk məğlubiyyəti olub. Həmçinin "köhlən atlar"ın 16 oyunluq məğlubiyyətsizlik seriyasına son qoyulub.Bu nəticədən sonra "Qarabağ" 17 xalla liderliyini qoruyub. Xallarını 9-a çatdıran "Səbail" isə 5-ci pilləyə yüksəlib.Qeyd edək ki, ilk oyun günündə "Sabah" evdə "Sumqayıt"a 3:0, "Qəbələ" səfərdə "Keşlə"yə 3:2 hesabı ilə qalib gəlib. Ötən gün baş tutan matçda isə "Neftçi" klubu "Zirə"ni məğlub edib - 2:1.xeber100.com

Belqradda boksçular arasında dünya çempionatı davam edir

Serbiyanın paytaxtı Belqradda kişi boksçular arasında dünya çempionatı davam edir.Azərtac xəbər verir ki, mundialın ilk günündə Azərbaycan millisinin bir üzvü - Ümid Rüstəmov (57 kq) rinqə çıxıb. Otuz ikidəbir final çərçivəsində kubalı Osvel Kaballero Qarsia ilə üz-üzə gələn boksçumuz məğlub olaraq mübarizəni dayandırıb.Qeyd edək ki, noyabrın 6-da başa çatacaq dünya çempionatında Azərbaycan komandasının heyətində 9 boksçu mübarizə aparır.xeber100.com    

İtaliya A Seriyasının doqquzuncu turunun növbəti oyunları keçirilib

Futbol üzrə İtaliya A Seriyasının doqquzuncu turunun növbəti oyunları keçirilib.Çempionluğa iddialı “Milan” səfərdə “Bolonya” komandasının qonağı olub.Gərgin keçən görüş 4:2 hesablı qonaqların qələbəsi ilə başa çatıb.Milan təmsilçisinin heyətində Rafael Leao, Davide Kalabriya, İsmayıl Benaser, Zlatan İbrahimoviç fərqləniblər. “Bolonya”nın qollarını Musa Barov və Zlatan İbrahimoviç (avtoqol) vurub.Bu qələbədən sonra xallarını 25-ə çatdıran "Milan" turnir cədvəlində qismən liderliyə yüksəlib. Ondan bir xal geri qalan “Napoli” oktyabrın 24-də səfərdə “Roma” ilə üz-üzə gələcək. “Bolonya” 12 xalla 9-cu yerdədir.Turun digər görüşlərində aşağıdakı hesablar qeydə alınıb: "Salernitana" - "Empoli" - 2:4; "Sassuolo" - "Venesiya" - 3:1; "Torino" - "Genoa" - 3:2; "Sampdoriya" - "Spesiya" - 2:1.xeber100.com  

Futbol üzrə Azərbaycan Premyer Liqasının VIII turun növbəti oyununda

Oktyabrın 24-də futbol üzrə Azərbaycan Premyer Liqasında VIII turun daha bir oyunu keçirilib.Turun ikinci oyun gününün yeganə matçında "Keşlə" klubu "Qəbələ"ni qəbul edib. Qarşılaşma qonaqların 3:2 hesablı qələbəsi ilə yekunlaşıb. Görüşdə ilk qol 23-cü dəqiqədə qeydə alınıb. "Qırmızı-qaralar"ın heyətində Ruan Renato fərqlənib. Yeddi dəqiqə sonra "Qəbələ"nin kapitanı Asif Məmmədov fərqi iki topa çatdırıb. Matçın 38-ci dəqiqəsində "Keşlə"nin portuqaliyalı legioneri Aldair Neto fərqi azaltsa da, 59-cu dəqiqədə İsnik Alimi əyalət təmsilçisinin üçüncü qolunu vurub.69-cu dəqiqədə qonaqların yarımmüdafiəçisi Stefan Vukçeviç ikinci sarı vərəqəni alaraq meydandan qovulub. Qarşılaşmanın 90+7-ci dəqiqəsində Amil Yunanov "Keşlə"nin təsəlli qolunun müəllifi olub.Bu nəticədən sonra xallarının sayını 15-ə çatdıran "Qəbələ" 3-cü pillədə qalıb. Paytaxt klubu isə 7 xalla 6-cı sıradadır.Qeyd edək ki, ilk oyun günündə "Sabah" evdə "Sumqayıt"a 3:0, "Neftçi" isə "Zirə"yə 2:1 hesabı ilə qalib gəlib. Tura oktyabrın 25-də "Səbail" - "Qarabağ" matçı ilə yekun vurulacaq.xeber100.com

İspaniya çempionatında onuncu turun mərkəzi qarşılaşması keçirilib

Bu gün futbol üzrə İspaniya çempionatında onuncu turun mərkəzi qarşılaşması keçirilib.“Nou Kamp” stadionunda baş tutan görüşdə "Barselona" və "Real Madrid" komandaları qarşılaşıb.Hesab matçın 32-ci dəqiqəsində açılıb. Madridlilərin yeni transferi David Alaba uzaqdan vurduğu zərbə ilə baxımlı qola imza atıb. Komandalar fasiləyə "Real Madrid"in minimal hesablı üstünlüyü ilə yollanıb.İkinci hissədə "Barselona"nın baş məqşçisi Ronald Kuman hücum xəttini gücləndirmək məqsədilə Oskar Minqesanın yerinə meydançaya Felipe Koutinyonu buraxıb. Oyunun 73-cü dəqiqəsində Vinisius Juniorun cərimə meydançası daxilində ötürməsini Kərim Benzema qola çevirə bilməyib. Bundan bir dəqiqə sonra "Barselona"nın ulduz futbolçusu Serxio Aquera meydançaya daxil olub.Görüşün əsas vaxtın əlavə olunmuş dördüncü dəqiqədə madridlilər hesab arasındakı fərqi artırıblar. Marko Assensionun başladığı əks-hücumu Lukas Vaskez dəqiq zərbə ilə tamamlayıb - 0:2. Matçın 97-ci dəqiqəsində meydan sahibləri buraxılan qollardan birinin əvəzin çıxıb. Serxio Aquera hesab arasındakı fərqi azaldıb.Beləliklə, "Real Madrid" 183-cü "el-klasiko"da "Barselona"nı 2:1 hesabı ilə məğlub edib. Bu qələbə sayəsində "Kral klubu" 9 oyundan sonra 20 xal toplayaraq turnir cədvəlində liderliyə yüksəlib. Kataloniya təmsilçisi isə 15 xalla səkkizinci pillədə qərarlaşıb. Hər iki komanda çempionatda bir oyun az keçirib.xeber100.com

Cüdo üzrə “Böyük dəbilqə” turnirinin heyəti açıqlanıb

Noyabrın 5-7-də Bakıda keçiriləcək cüdo üzrə “Böyük dəbilqə” turniri üçün Azərbaycan komandası heyətini açıqlayıb.Turnirdə Azərbaycan 27 (20 kişi, 7 qadın) cüdoçu ilə təmsil olunacaq. Kişilərin yarışında Balabəy Ağayev, Rövşən Əliyev, Əhməd Yusifov, Turan Bayramov (60 kq), İbrahim Əliyev, Orxan Səfərov, İsmayıl İbrahimov (66 kq), Hidayət Heydərov, Rüstəm Orucov, Telman Vəliyev (73 kq), Elcan Hacıyev, Ömər Rəcəbli, Kərim Məmmədov (81 kq), Rüfət İsmayılov, Vüqar Talıbov, Məmmədəli Mehdiyev (90 kq), Adil Kərimli, Ruslan Nəsirli (100 kq), Uşangi Kokauri, Camal Feyziyev (+100 kq) mübarizə aparacaqlar.Qadınların turnirində isə Aişə Qurbanlı, Şəfəq Həmidova (48 kq), Zeynəb Məmmədova, Ülviyyə Bayramova (52 kq), Aytac Qardaşxanlı (63 kq), Günel Həsənli, Südabə Ağayeva (70 kq) güclərini sınayacaqlar.Qeyd edək ki, Bakıda keçiriləcək “Böyük dəbilqə” turnirində indiyədək 28 ölkədən 185 cüdoçu iştirakını təsdiqləyib.xeber100.com

İngiltərə Premyer Liqasının doqquzuncu turunun növbəti oyunlarında

Bu gün futbol üzrə İngiltərə Premyer Liqasının doqquzuncu turunun növbəti oyunları keçirilib.Turun ikinci oyun günündə altı oyun baş tutub.Gecənin ən məhsuldar oyunu "Stenford Bric" stadionunda qeydə alınıb.Çempionluğa iddialı "Çelsi" klubu autsayder "Norviç Siti"nin qapısına yeddi cavabsız qol keçirib.Oyunda Meyson Mount (3), Kallum Xodson-Odoi, Ris Ceyms, Benjamin Çiluel və Ceyms Arons (avtoqol) fərqləniblər.Bu nəticədən sonra xallarını 22-yə çatdıran "Çelsi" turnir cədvəlində liderliyini qoruyub. "Norviç Siti" isə iki xalla sonuncu - 20-ci yerdə qərarlaşıb."Çelsi"nin turnir cədvəlində əsas rəqibi "Mançester Siti" səfərdə "Brayton"la qarşılaşır. Həmin görüşdə Mançester təmsilçisi 3:0 öndədir.Turun digər görüşlərində aşağıdakı hesablar qeydə alınıb: "Kristal Palas" - "Nyukasl Yunayted" - 1:1; "Everton" - "Vatford" - 2:5; "Lids Yuneyted" - "Volverhemton" - 1:1; "Southemton" - "Börnli" - 2:2; "Arsenal" - "Aston Villa" - 3:1.xeber100.com

“Qarabağ” və Qazaxıstanın “Kayrat” komandalarının start heyətləri açıqlanıb

Oktyabrın 21-də UEFA Konfrans Liqasının qrup mərhələsinin üçüncü turu çərçivəsində üz-üzə gələcək Ağdamın “Qarabağ” və Qazaxıstanın “Kayrat” komandalarının start heyətləri açıqlanıb.Saat 20:45-də Tofiq Bəhramov adına Respublika Stadionunda start götürəcək oyunu ukraynalı FIFA referisi Yevgeni Aranovski idarə edəcək.Ağdam təmsilçisinin heyətində Şahruddin Məhəmmədəliyev, Tural Bayramov, Kevin Medina, Maksim Medvedev, Abbas Hüseynov, Patrik Andrade, Qara Qarayev, Abdullah Zubir, Filip Ozobiç, Kadi Borqes və İbrahim Vadji meydana çıxacaqlar.“Kayrat” klubunun ilk onbirliyində isə Stas Pokatilov, Yan Voroqovski, Nurali Alip, Rade Duqaliç, Maki Baqnak, Dino Mikanoviç, Rikardo Alves, Denis Polyakov, Neboyşa Kosoviç, Joao Paulo və Jose Kante yer alıblar.Ağdam təmsilçisinin heyətində 3 futbolçu - Xayme Romero, Bədavi Hüseynov və Elvin Cəfərquliyev zədə üzündən görüşü buraxmalı olacaqlar. Qonaq komandanın heyətində bombardir Artur Şuşenaçev və Kamo Ohanesyan meydana çıxmayacaqlar.Qeyd edək ki, hazırda “Qarabağ” 4 xalla H qrupuna liderlik edir. Ağdam təmsilçisi ilə eyni xala malik “Bazel” ikinci, 1 xalı olan “Kayrat” və “Omoniya” isə 3-4-cü pillələrdə qərarlaşıblar. Bu qrupun digər oyununda Kiprin “Omoniya” klubu İsveçrədə “Bazel” komandasının qonağı olacaq.Xatırladaq ki, “Qarabağ” klubu birinci turda “Bazel” ilə heç-heçə edib – 0:0. Qurban Qurbanovun yetirmələri ikinci turda Kiprdə “Omoniya” klubunu 4:1 hesabı ilə darmadağın ediblər.xeber100.com