UEFA Konfrans Liqasının qrup mərhələsində növbəti oyununda

Ağdamın “Qarabağ” klubu noyabrın 4-də UEFA Konfrans Liqasının qrup mərhələsində növbəti oyununu keçirəcək.Azərtac xəbər verir ki, H qrupunda yer alan ağdamlılar səfərdə Qazaxıstanın “Kayrat” klubunun qonağı olacaqlar. Almatıdakı “Ortalık” stadionunda oynanılacaq qarşılaşma Bakı vaxtı ilə saat 19:30-da başlayacaq. Görüşü moldovalı FIFA referisi Dumitri Muntian idarə edəcək.“Kayrat” ilə oyundan əvvəl Qurban Qurbanovun yetirmələrinin heyətində üç itki var. Bədavi Hüseynov və Xayme Romero zədəli olduqları, Qaspar Panadero zədəsi yeni sağaldığı üçün Qazaxıstana aparılmayıb. Bundan başqa, “Neftçi” ilə Premyer Liqanın IX tur matçından (4:0) sonra ayaq əzələsində problem aşkarlanan Abdullah Zubirin meydana çıxması sual altındadır. Almatı təmsilçisinin heyətində isə müdafiəçi Qafurjan Suyumbayev zədə səbəbindən matçı buraxacaq.Hazırda qrup lideri ilə eyni – 7 xal toplayaraq, ikinci pillədə qərarlaşan “Qarabağ” bu turda pley-offa vəsiqəni vaxtından əvvəl təmin edə bilər. Bunun üçün “köhlən atlar” həm rəqibinə uduzmamalı, həm də qrupun digər görüşünün nəticəsini gözləməlidir.Qeyd edək ki, UEFA Konfrans Liqasında qrupların liderləri birbaşa səkkizdəbir finala yüksələcəklər. İkinci yeri tutan komandalar isə UEFA Avropa Liqasında qrupları üçüncü sırada başa vuran kollektivlərlə pley-off matçları keçirəcəklər.xeber100.com  

“Grand Swiss-2021” turnirində səkkizinci turun oyunları keçiriləcək

Riqada şahmat üzrə “Grand Swiss-2021” turnirində səkkizinci turun oyunları keçiriləcək.Azərtac xəbər verir ki, təmsilçimiz Rauf Məmmədov Alan Piçot (Argentina), Nicat Abasov Mixail Antipov (Rusiya), Vasif Durarbəyli Tay Dan Van Nquyen (Çexiya), Aydın Süleymanlı Boris Gelgandla (İsrail) qarşılaşacaqlar.Yeddi turun nəticəsinə görə, şahmatçılarımız hərəyə 3 xal qazanıblar.İsveçrə sistemi üzrə keçirilən və 11 turdan ibarət olan turnirə noyabrın 7-də yekun vurulacaq.xeber100.com

Boks üzrə dünya çempionatında yarımfinal mərhələsinin qarşılaşmalarında

Serbiyanın paytaxtı Belqradda boks üzrə dünya çempionatında yarımfinal mərhələsinin qarşılaşmalarına start veriləcək.Azərtac xəbər verir ki, bu gün 3 boksçumuz rinqə çıxacaq. Belə ki, AIBA bayrağı altında çıxış edən Tavfiqulla Suleymanini, ardınca rumıniyalı Pol Aradoaeni mübarizədən kənarlaşdıran Alfonso Dominqes (86 kq) dörddəbir finalda rusiyalı Şarabutdin Atayevi məğlub edib. Yarımfinala yüksəlməklə özü üçün ən azı bürünc medalı təmin edən "Asif Axundov" klubunun üzvü bu gün kubalı Ruis Kordoba ilə üz-üzə gələcək.Digər boksçumuz Məhəmməd Abdullayev (+92 kq) ilk qarşılaşmalarında Yonas Yazeviçius (Litva) və Vladan Babiç (Serbiya), dörddəbir finalda isə Narender (Hindistan) üzərində qələbə qazanıb. “Baku Fight Lab”ın boksçusu yarımfinalda Davit Çaloyanla (Ermənistan) qarşılaşacaq.İlk iki mərhələdə Stefen Nevns (Şotlandiya) və Yuta Akiyamanı (Yaponiya) məğlub edən Sərxan Əliyev (71 kq) dörddəbir finalda Obed Bartini (ABŞ) mübarizədən kənarlaşdırıb. Naxçıvan boks məktəbinin yetirməsi olan və hazırda MOİK-i təmsil edən həmyerlimiz final uğrunda ukraynalı Yuri Zaxariyevlə üz-üzə gələcək.Qeyd edək ki, ölkəmiz dünya çempionatında doqquz boksçu ilə təmsil olunur.xeber100.com

Cüdo üzrə “Böyük dəbilqə” turniri start götürəcək

Noyabrın 5-də Bakıda cüdo üzrə “Böyük dəbilqə” turniri start götürəcək. Azərtac xəbər verir ki, Azərbaycanı nüfuzlu yarışda 33 cüdoçu təmsil edəcək. Belə ki, kişilərin yarışında Balabəy Ağayev, Rövşən Əliyev, Əhməd Yusifov, Turan Bayramov (60 kq), İbrahim Əliyev, Orxan Səfərov, İsmayıl İbrahimov, Tofiq Məmmədov (66 kq), Hidayət Heydərov, Rüstəm Orucov, Telman Vəliyev, Rüfət Məmmədov (73 kq), Elcan Hacıyev, Ömər Rəcəbli, Kərim Məmmədov, Hasil Cəfərov (81 kq), Rüfət İsmayılov, Vüqar Talıbov, Məmmədəli Mehdiyev (90 kq), Adil Kərimli, Ruslan Nəsirli (100 kq), Kənan Abdullaxanlı, Uşangi Kokauri, Camal Feyziyev və Hüseyn Məmmədov (+100 kq) mübarizə aparacaqlar.Qadınların yarışında isə Aişə Qurbanlı, Şəfəq Həmidova (48 kq), Zeynəb Məmmədova, Ülviyyə Bayramova (52 kq), İçinxorloo Münxsedev (57 kq), Aytac Qardaşxanlı (63 kq), Günel Həsənli və Südabə Ağayeva (70 kq) güclərini sınayacaqlar.Qeyd edək ki, 3 gün davam edəcək yarışda 29 ölkədən 200-ə yaxın cüdoçu iştirak edəcək.xeber100.com

“Grand Swiss-2021” turnirinin altıncı turunun oyunları keçirilib

Riqada şahmat üzrə “Grand Swiss-2021” turnirinin altıncı turunun oyunları keçirilib.Azərtac xəbər verir ki, şahmatçılarımızdan yalnız Aydın Süleymanlı altıncı turda qələbə qazanıb. Qeyd edək ki, təmsilçimiz ötən turda da rəqibini məğlub edib. Digər şahmatçılarımızdan Rauf Məmmədov Surya Şekhar Ganquli (Hindistan), Nicat Abasov Villagra Cristobal Henriquez (Çili), Vasif Durarbəyli İvan Çeparinov (Bolqarıstan) ilə heç-heçə ediblər.Altı turun nəticəsinə görə, R.Məmmədov, N.Abasov, A.Süleymanov hərəyə 2,5 xal qazanıblar. V.Durarbəylinin aktivində isə 2 xal var.İsveçrə sistemi üzrə keçirilən və 11 turdan ibarət olan turnirə noyabrın 7-də yekun vurulacaq.xeber100.com

Boks üzrə dünya çempionatının qarşılaşmalarına start veriləcək

Serbiyanın paytaxtı Belqradda boks üzrə dünya çempionatının dörddəbir final mərhələsinin qarşılaşmalarına start veriləcək.Azərtac xəbər verir ki, bu gün üç boksçumuz rinqə çıxacaq. Belə ki, Sərxan Əliyev (71 kq) Obed Barti (ABŞ), Alfonso Dominqes (86 kq) Şarabutdin Atayev (Rusiya) və Məhəmməd Abdullayev (+92 kq) isə Narenderlə (Hindistan) mübarizə aparacaqlar.Qeyd edək ki, ölkəmiz dünya çempionatında doqquz boksçu ilə təmsil olunur.xeber100.com

UEFA Avropa Konfrans Liqasının qrup mərhələsi çərçivəsində

UEFA Avropa Konfrans Liqasının qrup mərhələsi çərçivəsində keçiriləcək “Kayrat” (Qazaxıstan) - “Qarabağ” (Ağdam) oyununu idarə edəcək hakimlər məlum olub.Qarşılaşmanı Moldovadan olan hakimlər briqadası idarə edəcək. Matçın baş hakimi Dumitri Muntyana olacaq. Ona Andrey Bodyan və Viktor Mardari kömək edəcəklər. Dördüncü hakim funksiyasını Vyaceslav Banari yerinə yetirəcək.Noyabrın 4-də Almatı şəhərindəki "Ortalık" stadionunda keçiriləcək görüş Bakı vaxtı ilə saat 19:30-da start götürəcək.xeber100.com

“Böyük dəbilqə” turniri üçün Ukrayna komandasının heyəti açıqlanıb

Noyabrın 5-7-də Bakıda keçiriləcək cüdo üzrə “Böyük dəbilqə” turniri üçün Ukrayna komandasının heyəti açıqlanıb.Beynəlxalq Cüdo Federasiyasının saytı xəbər verir ki, yarışda ölkəni kişilərdən ibarət komandanın heyətində 7 cüdoçu təmsil edəcək. Belə ki, Dilşot Xalmatov, Kiril Samotuq (60 kq), Danilo Xlopetski, Yevhen Honçarko (66 kq), Oleksandr Koşliak, Artyom Xomula (73 kq), Sergiy Krıvçaç (81 kq) mükafatlar uğrunda mübarizə aparacaqlar.Qeyd edək ki, Bakıda keçiriləcək “Böyük dəbilqə” turnirində indiyədək 30 ölkədən 200 cüdoçu iştirakını təsdiqləyib.xeber100.com

Türkiyə çempionatının XI turu çərçivəsində keçirilən qarşılaşmada

Oktyabrın 31-də futbol üzrə Türkiyə çempionatının XI turu çərçivəsində keçirilən qarşılaşmada “Qalatasaray" doğma meydanda “Qaziantep”i qəbul edib.Azərtac xəbər verir ki, qarşılıqlı hücumlar şəraitində keçən görüşdə meydan sahibləri qonaqların qapısından iki cavabsız top keçirib. İstanbul təmsilçisinin qollarını Olimpiu Morutan və Kərəm Aktürkoğlu vurub.Günün digər matçlarında isə "Kayserispor" doğma meydanda "Fatih Karagümük"ü 2:1 hesabı ilə üstələyib. "Alanyaspor" - "Göztəpə" görüşündə isə qalib müəyyənləşməyib - 2:2.Hazırda Türkiyə Superliqasının turnir cədvəlinə 27 xalla "Trabzonspor" başçılıq edir. Ondan dörd xal geri qalan "Hatayspor" ikinci, 21 xala malik olan "Alanyaspor" isə üçüncü pillələrdə qərarlaşıb.xeber100.com

İtaliya A Seriyasında 11-ci turun mərkəzi qarşılaşması keçirilib

Oktyabrın 31-də futbol üzrə İtaliya A Seriyasında 11-ci turun mərkəzi qarşılaşması keçirilib.Azərtac xəbər verir ki, turun əsas maraq doğuran görüşü “Olimpiko” stadionunda oynanılıb. “Roma” klubu cari mövsüm məğlub olmayan “Milan” komandasını qəbul edib. Gərgin keçən görüşə daha fəal başlayan “Milan” ardıcıl təhlükəli hücumlardan sonra matçın 26-cı dəqiqəsində hesabı açıb. Zlatan İbrahimoviç uzaq məsafədən təyin olunmuş cərimə zərbəsini baxımlı qolla tamamlayıb. Baş hakim Fabio Mareska ilk hissənin sonuna qədər hər iki komandanın futbolçularına dörd sarı vərəqə göstərib.Fasilədən sonra hücumlarını davam etdirən milanlılar yenidən fərqlənsə də, baş hakim qolu qeydə almayıb. Buna səbəb isə Zlatan İbrahimoviçin ötürmə zamanı oyundan kənar vəziyyətdə olması olub. Buna baxmayaraq, yeddi dəqiqə sonra "Milan" hesab arasındakı fərqi iki topa çatdırmağa nail olub. "Roma" klubunun müdafiəçisi Rojer İbanez cərimə meydançasının daxilində Zlatan İbrahimoviçə qarşı kobud oynayıb. Buna görə hakim paytaxt təmsilçisinin qapısına penalti zərbəsi təyin edib. Topa yaxınlaşan Frank Kessi fürsəti əldən verməyib. Matçın 66-cı dəqiqəsində "Milan" komandası azlıqda qalıb. Teo Hernandes ikinci sarı vərəqə alaraq meydandan kənarlaşdırılıb.Oyunun əsas vaxtına əlavə olunmuş dəqiqələrdə "Roma" qollardan birinin əvəzini çıxıb.Məğlubiyyətdən qaçmaq üçün "Roma" klubunun baş məşqçisi Joze Mourinyo bir neçə əvəzetmə etsə də, hesab dəyişilməyib. Beləliklə, "Milan" cari mövsüm məğlubiyyətsiz seriyasını davam etdirir.Bu nəticədən sonra xal ehtiyatını 31-ə çatdıran "Milan" eyni xal toplayan "Napoli" ilə birinci və ikinci yerləri bölüşür. "Roma" isə 19 xalla beşinci yerdə qərarlaşıb.Turun bütün görüşlərində aşağıdakı hesablar qeydə alınıb: "Atalanta" - "Latsio" - 2:2; "Verona" - "Yuventus" - 2:1; "Torino" - "Sampdoriya" - 3:0; "İnter" - "Udineze" - 2:0; "Genoa" - "Venesiya" - 0:0; "Sassuolo" - "Empoli" - 1:2; "Fiorentina" - "Spesiya" - 3:0; "Salernitana" - "Napoli" - 0:1. Tura bu gün keçiriləcək "Bolonya" - "Kalyari" oyunu ilə yekun vurulacaq.xeber100.com