Güləş üzrə yeniyetmə və gənclərin Avropa çempionatı keçirilib

Yunanıstanın Katerini şəhərində çimərlik güləşi üzrə yeniyetmə və gənclərin Avropa çempionatı keçirilib.Qitə birinciliyində baş məşqçi Oyan Nəzəriani və məşqçi Ağahüseyn Mustafayevin rəhbərliyi altında 4 güləşçimiz mübarizə aparıb. Onların ikisi yeniyetmələr, ikisi isə gənclər arasında qüvvəsini sınayıb. Güləşçilərimizin hamısı Avropa çempionatında fəxri kürsüyə qalxıb.Yeniyetmə güləşçimiz Musa Ağayev (60 kq) Moldova təmsilçisi və daha sonra 2 ispaniyalı rəqibinə qalib gələrək yarımfinala yüksəlib. Ukrayna güləşçisinə də heç bir şans tanımayan M.Ağayev adını finala yazdırıb. Həlledici görüşdə yenidən Moldova təmsilçisi ilə üz-üzə gələn M.Ağayev bu görüşdə də tam üstünlüklə qələbə qazanaraq Avropa çempionu olub.Hüseyn Əliyev (70 kq) təsnifat mərhələsində Türkiyə güləşçisini mübarizədən kənarlaşdırıb. Yunanıstanın iki təmsilçisinə qalib gələn həmyerlimiz Moldova idmançısını sonuncu xal prinsipinə əsasən üstələyib. İspaniyadan olan həmkarını xal vermədən məyus edən H.Əliyev finala vəsiqə qazanıb. Rumıniya güləşçisi ilə gərgin idman mübarizəsi şəraitində keçən həlledici qarşılaşmada minimal fərqlə uduzan H.Əliyev gümüş medal əldə edib.Gənclər kateqoriyasında çıxış edən güləşçimiz Rübail İbrahimli (70 kq) Bolqarıstan, Norveç və Yunanıstan güləşçilərindən güclü olub. Ancaq yarımfinalda türkiyəli rəqibinə minimal fərqlə uduzub. Ruhdan düşməyən R.İbrahimli bolqar rəqibinə növbəti dəfə qalib gələrək Avropa çempionatının bürünc medalına sahib çıxıb.Fərid Cabbarov (80 kq) Avropa çempionatına Portuqaliya idmançısı üzərində qazandığı inamlı qələbə ilə start verib. Gənc pəhləvanımız daha sonra Yunanıstanın iki güləşçisi ilə qarşılaşıb. Onlardan birinə qalib gələn F.Cabbarov digərinə məğlub olub. Ancaq bu məğlubiyyət onun yarımfinala yüksəlməsinə əngəl olmayıb. Ukrayna təmsilçisini üstələyən idmançımız finala adlayıb. Həlledici görüşdə həmyerlimiz üçüncü turda məğlub olduğu Yunanıstan güləşçisi ilə üz-üzə gəlib. Finalda yerli idmançıdan revanşı alan F.Cabbarov Avropa çempionu olub.Beləliklə, millimiz Avropa çempionatında uğurlu çıxış edərək 2 qızıl, 1 gümüş və 1 bürünc medal qazanıb.xeber100.com    

Azərbaycan Premyer Liqasında III turun mərkəzi qarşılaşması keçirilib

Sentyabrın 12-də futbol üzrə Azərbaycan Premyer Liqasında III turun mərkəzi qarşılaşması keçirilib.Günün və turun son oyununda son çempion “Neftçi” klubu “Qarabağ” komandasını qəbul edib.“Bakcell Arena”dakı qarşılaşma Ağdam təmsilçisinin 2:1 hesablı qələbəsi ilə yekunlaşıb.“Qarabağ”ın yeni transferi İbrahima Vadji 21-ci dəqiqədə İsmayıl Zülfüqarlının səhvindən sonra hesabı açıb. Seneqallı hücumçu 45-ci dəqiqədə özünün və komandasının ikinci qoluna imza atıb.İkinci hissəyə meydan sahibləri daha fəal başlayıb. “Neftçi”nin kapitanı Emin Mahmudov 47-ci dəqiqədə hesab arasındakı fərqi azalda bilib. “Ağ-qaralar” bir neçə dəfə təhlükəli qol epizodu yaratsalar da, istəklərinə çata bilməyiblər.Bu nəticədən sonra xallarının sayını 7-ə çatdıran “Qarabağ” klubu “Qəbələ” ilə birlikdə ilk iki pilləni bölüşür. “Neftçi” isə 4 xalla 5-cidir.Qeyd edək ki, günün digər matçında “Səbail” evdə “Sumqayıt”ı məğlub edib. Turun digər görüşlərində “Zirə” səfərdə “Keşlə”ni, “Qəbələ” isə “Sabah2ı 2:0 hesabı ilə üstələyib.xeber100.com

İngiltərə Premyer Liqasının dördüncü turunun mərkəzi qarşılaşması keçirilib

Sentyabrın 11-də futbol üzrə İngiltərə Premyer Liqasının dördüncü turunun mərkəzi qarşılaşması keçirilib.“King Power” stadionunda reallaşan görüşdə “Lester Siti” klubu “Mançester Siti” komandasını qəbul edib.Görüş qonaqların minimal hesabla qələbəsi ilə başa çatıb - 1:0.Oyunda yeganə qolun müəllifi 62-ci dəqiqədə Bernardo Silva olub.Bu qələbə sayəsində “Mançester Siti” xal ehtiyatını 9-a çatdıraraq, turnir cədvəlində ikinci yerə yüksəlib. “Lester Siti” isə 6 xalla doqquzuncu yerdə qərarlaşıb.xeber100.com

Azərbaycan-Türkiyə birgə təlimi başa çatıb

Azərbaycan və Türkiyə xüsusi təyinatlılarının Laçın rayonunda keçirilən birgə döyüş atışlı taktiki təlimi başa çatıb.Müdafiə Nazirliyinin mətbuat xidmətindən Azərtac-a bildiriblər ki, təlim zamanı xüsusi təyinatlı qruplar mürəkkəb relyefli ərazilərdə kəşfiyyatın aparılması, əlaqə yollarında pusquların qurulması, ərazidə təxribat qruplarının aşkarlanması, zərərsizləşdirilməsi, məhv edilməsi, o cümlədən müxtəlif maneələri dəf edərək gizli yollarla şərti düşmənə yaxınlaşma və qarşıya qoyulan digər tapşırıqları uğurla yerinə yetiriblər.Hər iki ölkənin hərbi qulluqçularının təlimdə nümayiş etdirdikləri peşəkarlıq yüksək qiymətləndirilib.

Braziliya yığması Cənubi Amerikada yeni rekord müəyyənləşdirir

Futbol üzrə Braziliya yığması Cənubi Amerikada yeni rekord müəyyənləşdirib.Komanda dünya çempionatının seçmə mərhələsi çərçivəsində ardıcıl qazanılan qələbələrin sayına görə bu nailiyyətə sahib olub. Sentyabrın 10-da Braziliya yığması mundialın seçmə mərhələsi çərçivəsində Perunu 2:0 hesabı ilə məğlub edib. Bu, yığma komandanın qazandığı ardıcıl doqquzuncu qələbədir.Daha əvvəlki rekord da Braziliya yığmasına məxsus olub. Belə ki, komanda 2016-cı ilin sentyabrından 2017-ci ilin avqustunadək keçirdiyi seçmə mərhələ oyunlarında meydandan qalib ayrılıb.Qeyd edək ki, 8 oyundan sonra aktivində 24 xal olan Braziliya turnir cədvəlində birinci pillədə qərarlaşıb. Braziliya seçməsi növbəti oyununu oktyabrın 7-də səfərdə Venesuelaya qarşı keçirəcək.xeber100.com

Misir millisinin yeni baş məşqçisi müəyyənləşib

Portuqaliya mütəxəssis Karluş Keyruşun yeni iş yeri müəyyənləşib.K.Keyruş Misir millisinin baş məşqçisi təyin olunub. Bu barədə Misir Futbol Federasiyasının mətbuat xidməti məlumat yayıb. O, Hossam El-Badrini əvəzləyib.Qeyd edək ki, K.Keyruşun son iş yeri Kolumbiya millisi (2019-cu ilin fevralından 2020-ci ilin dekabrına qədər) olub.xeber100.com

2021/2022-ci il mövsümünün oyunlarının vaxtı dəqiqləşib

“Qəbələ”nin UEFA Gənclər Liqasının 2021/2022-ci il mövsümünün birinci mərhələsindəki oyunlarının vaxtı dəqiqləşib.Çempionlar yolunda mübarizə aparacaq U-19 komandamız Niderlandın “Alkmaar” klubu ilə qarşılaşacaq.İlk oyun sentyabrın 29-da Qəbələ şəhər stadionunda keçiriləcək və matç saat 17:00-da başlayacaq. Cavab qarşılaşması oktyabrın 19-da təşkil olunacaq. Matç “AZ Təlim-Məşq Mərkəzi”ndə baş tutacaq. Oyun Bakı vaxtı ilə saat 19:00-da start götürəcək.Xatırladaq ki, bu cütün qalibinin növbəti rəqibi “Şikszereda” (Rumıniya) – “Anje” (Fransa) matçında müəyyənləşəcək.xeber100.com

Ümumdünya Şahmat Olimpiadasının top divizionunda

İkinci onlayn Ümumdünya Şahmat Olimpiadasının top divizionunda Azərbaycan komandası növbəti üç oyununu keçirib.B qrupunda mübarizə aparan komandamız günün sonuncu qarşılaşmasında Moldova yığması ilə üz-üzə gəlib. Şahmatçılarımız rəqibi 5:1 hesabı ilə məğlubiyyətə uğradıblar.Qeyd edək ki, ilk görüşdə Belarus yığmasına 3:2 hesabı ilə qalib gələn təmsilçilərimiz sonrakı oyunda Hindistan komandasına uduzublar – 2:4.Başa çatan 6 turun nəticələrinə əsasən, Azərbaycan komandası 7 xalla dördüncü sırada qərarlaşıb. Hindistan 11 xalla turnir cədvəlinə liderlik edir.Yığma komandamızın əsas heyəti Teymur Rəcəbov, Şəhriyar Məmmədyarov, Günay Məmmədzadə, Gülnar Məmmədova, Vüqar Əsədli və Xanım Balacayevadan ibarətdir. Rauf Məmmədov, Qədir Hüseynov, Türkan Məmmədyarova, Ülviyyə Fətəliyeva, Məhəmməd Muradlı və Gövhər Beydullayeva isə ehtiyat oyunçular sırasında yer alıblar.Qrupda ilk iki yeri tutan komanda pley-offa yüksələcək. Birinci divizionun oyunları sentyabrın 10-dək davam edəcək.xeber100.com

“Champions Showdown: Chess9LX” turnirinin növbəti oyunları keçiriləcək

Sentyabrın 9-da Sent-Luisdə (ABŞ) “Champions Showdown: Chess9LX” turnirinin növbəti 3 turunun oyunları keçiriləcək.“Fişer şahmatı” üzrə təşkil olunan yarışın növbəti turlarında təmsilçimiz Şəhriyar Məmmədyarov ABŞ təmsilçiləri Uesli So, Leynyer Dominqes Peres və Sem Şenklendlə qarşılaşacaq.Qeyd edək ki, ilk 3 turdan sonra liderdən yarım xal geri qalan Ş.Məmmədyarov 2 xalla turnir cədvəlində ikinci sırada qərarlaşıb.Dairəvi sistem üzrə keçirilən yarışda 10 şahmatçı iştirak edir.xeber100.com

UEFA Konfrans Liqasının qrup mərhələsinin birinci turu çərçivəsində

UEFA Konfrans Liqasının qrup mərhələsinin birinci turu çərçivəsində keçiriləcək “Qarabağ” – “Bazel” (İsveçrə) oyununun stadionu dəyişdirilib. Matç daha əvvəl nəzərdə tutulduğu kimi Tofiq Bəhramov adına Respublika stadionunda keçirilməyəcək. Qarşılaşma Bakı Olimpiya Stadionunda oynanılacaq. Buna səbəb Respublika stadionunun ot örtüyünün istənilən səviyyədə olmamasıdır.Qeyd edək ki, sentyabrın 16-da təşkil olunacaq “Qarabağ” – “Bazel” görüşü saat 20:45-də başlayacaq.xeber100.com