UEFA Avropa çempionatının mükafat fondunun artırılmasını təsdiqləyib

UEFA-nın İcraiyyə Komitəsi qadın futbolçular arasında Avropa çempionatının mükafat fondunun artırılmasını təsdiqləyib.Bu barədə UEFA-nın mətbuat xidməti məlumat yayıb.Qadınlar arasında Avropa çempionatı 2022-ci ildə İngiltərədə keçiriləcək. Qərara əsasən, 16 komanda 16 milyon avroluq mükafat uğrunda mübarizə aparacaq. 2017-ci ildə Niderlandda keçirilmiş Avropa çempionatında mükafat fondu 8 milyon avro təşkil edib.Qadınlar arasında futbol üzrə Avropa çempionatı dörd ildən bir keçirilir. Keçən il təşkili planlaşdırılan turnir koronavirus pandemiyası səbəbindən bir il təxirə salınıb.xeber100.com

UEFA Konfrans Liqasının qrup mərhələsinin birinci turunda

UEFA Konfrans Liqasının qrup mərhələsinin birinci turundan sonra futbolçuların statistik göstəriciləri açıqlanıb.AZƏRTAC xəbər verir ki, UEFA-nın açıqladığı göstəricilərə görə, ən yaxşılar sırasında “Bazel”lə heç-heçə edən “Qarabağ”ın futbolçuları da yer alıblar. Abbas Hüseynov və Kadi Borqesin cinah ötürmələri xüsusi qeyd olunub. Onlar hərəyə 5 dəfə qapı önünə dəqiq ötürmə ediblər. Hər iki futbolçu Konfrans Liqasının bu göstəricidə ən yaxşı 5 oyunçusundan biridir.“Qarabağ”ın kapitanı Maksim Medvedev turnirin ən yaxşısıdır. O, 14 dəfə rəqibdən top alıb. Komanda yoldaşı Kevin Medinada bu rəqəm yalnız 8-ə bərabərdir.Qeyd edək ki, “Qarabağ”-“Bazel” matçı 0:0 hesablı heç-heçə ilə başa çatıb.xeber100.com

UEFA Gənclər Liqasının seçmə mərhələsinin ilk turu çərçivəsində

UEFA Gənclər Liqasının seçmə mərhələsinin ilk turu çərçivəsində keçiriləcək “Qəbələ” – “Alkmaar” (Niderland) qarşılaşmasının biletləri satışa çıxarılıb.Bu barədə klubun mətbuat xidməti məlumat yayıb. Biletlərin qiymətləri 1 və 3 manatdır.Biletlərdən əldə olunan gəlir Qəbələ rayonundakı aztəminatlı məktəblilərin tədris xərcləri üçün istifadə olunacaq.Qeyd edək ki, sentyabrın 29-də Qəbələ şəhər stadionunda oynanılacaq qarşılaşma saat 17:00-da başlayacaq. Cavab görüşü oktyabrın 19-da “AZ Təlim-Məşq Mərkəzi”ndə baş tutacaq. Bu cütün qalibi növbəti raundda “Csikszereda" (Rumıniya) - "Anje" (Fransa) duelinin güclüsü ilə görüşəcək.xeber100.com

Şahmatçılar arasında Avropa kuboku yarışının oyunları keçirilib

Makedoniyanın Struqa şəhərində kişi şahmatçılar arasında klublararası Avropa kuboku yarışının 5-ci turunun oyunları keçirilib.Qrosmeysterimiz Şəhriyar Məmmədyarov 5-ci turda dünya çempionu Maqnus Karlsenlə mübarizə aparıb. Qarşılaşma heç-heçə ilə başa çatıb. Qeyd edək ki, Ş.Məmmədyarovun yer aldığı Makedoniyanın “Alkaloid” komandası bu turda Norveçin “Offerspill Chess Club”unu 5,5:0,5 hesabı ilə məğlub edib.Qrosmeysterlərimizdən Nicat Abasovun təmsil olunduğu İspaniyanın “Silla” komandasının isə İsrailin “Beer Shev” yığması ilə qarşılaşması heç-heçə ilə başa çatıb.Qeyd edək ki, Azərbaycanı Avropa kuboku yarışında təmsil edən “Vüqar Həşimov” komandası 5-ci turda Fransanın “Asnıeres Le Grand Echiquier” yığması üzərində 5,5:0,5 hesablı qələbə qazanıb. Aktivində 7 xal olan komandamız 13-cü pillədən 8-ə yüksəlib. “Silla” 9 xalla liderlər qrupunda mübarizə aparır. “Alkaloid” isə 8 xalla 4-cü yerdədir.Xatırladaq ki, kişilərin yarışında 38 komanda mübarizə aparır.xeber100.com

“Neftçi” futbol klubunun legioneri Premyer Liqanın tarixinə düşüb

Sezar Meza Kolli “Neftçi”nin heyətində Premyer Liqada ilk qolunu vurub. Paraqvaylı futbolçu çempionatın dördüncü turunun “Keşlə” ilə görüşündə (3:0) fərqlənib. Sezar bunadək “Keşlə” və “Zirə”də də rəqib qapısına yol tapıb.Meza Kolli Premyer Liqa tarixində 3 və ya daha çox klubda qol vuran 10-cu cənubi amerikalı olub. Bu göstəricidə rekord Leonardo Roşaya məxsusdur. Braziliyalı 4 klubda – “Standard”, “Keşlə”, “Bakı” və “Qarabağ”da qol vurub.Braziliyalılar Denis Silva, Junivan Suares, Junior Osvaldo, Junior Nildo, Mario Souza, onların Azərbaycan millisində oynamış həmyerliləri Fabio Luis Ramim, Leandro Qomeş, həmçinin uruqvaylı Anxel Qutyerres də Sezar kimi üç müxtəlif klubun heyətində qol sevinci yaşayıb.xeber100.com

Şahmatçılar arasında klublararası Avropa kuboku yarışı davam edir

Makedoniyanın Struqa şəhərində kişi şahmatçılar arasında klublararası Avropa kuboku yarışı davam edir.Sentyabrın 20-də turnirin üçüncü turunun oyunları keçirilib. Bu turda Azərbaycanı təmsil edən “Vüqar Həşimov” klubu İsrailin “Beer Sheva” komandası ilə qarşılaşıb. Şahmatçılarımız İsrail yığmasına 2:4 hesabla məğlub olublar.Qeyd edək ki, aktivində 4 xal olan komandamız ötən turlarda Moldova və İrlandiya yiğmaları üzərində qələbə qazanıb.Azərbaycanın digər qrossmeysterləri Şəhriyar Məmmədyarovun mübarizə apardığı Makedoniyanın “Alkaloid” komandası Nicat Abasovun heyətində yer aldığı İspaniyanın “Silla” komandası ilə üz-üzə gəlib. Yarışın favoriti olan Makedoniya yığması İspaniya komandasına 2,5:3,5 hesabla məğlub olub. Qeyd edək ki, Şəhriyar Məmmədyarov ukraynalı Anton Korobov ilə heç-heçə edib, Nicat Abasov isə rusiyalı şahmatçı Daniil Dubov üzərində qələbə qazanıb.Qeyd edək ki, kişilərin yarışında 38 komanda mübarizə aparır.xeber100.com

Azərbaycan millisi dünya çempionatının seçmə mərhələsində

Qadın futbolçulardan ibarət Azərbaycan milli komandası dünya çempionatının seçmə mərhələsində bu gün növbəti oyununu keçirəcək.Komandamız “ASK Arena”da Danimarka millisi ilə qarşılaşacaq.Qarşılaşmanı Slovakiyadan olan hakimlər briqadası idarə edəcək. Matçın baş hakimi Zuzana Valentova olacaq. Ona Maria Sukenikova və Miroslava Pastorekova kömək edəcəklər. Dördüncü hakim funksiyasını Maria Krcova yerinə yetirəcək.Qeyd edək ki, millimiz ilk oyununda Rusiya yığmasına 0:2 hesabı ilə məğlub olub.xeber100.com

Avropa Konfrans Liqasında üçüncü turun oyunları keçirilib

Futbol üzrə Kipr çempionatında üçüncü turun oyunları keçirilib.Avropa Konfrans Liqasında “Qarabağ”ın rəqiblərindən olan “Omoniya” da növbəti matçına çıxıb.Komanda doğma meydanda “Doxa” ilə qarşılaşıb. “Qarabağ”ın rəqibi bu oyundan qələbə ilə ayrılıb – 2:1. Matçın 73-cü dəqiqəsində qapısından qol buraxan, 85-ci dəqiqədə azlıqda qalan “Omoniya”, qələbəni 90+3-cü və 90+8-ci dəqiqələrdə vurduğu qollarla qazanıb.“Omoniya” 3 turdan sonra 3 xalla 12 kollektiv arasında 9-cu pillədə qərarlaşıb.Qeyd edək ki, “Qarabağ”ın “Omoniya” ilə ilk oyunu sentyabrın 30-da səfərdə, ikinci qarşılaşması isə noyabrın 25-də Bakıda baş tutacaq.xeber100.com

Voleybolçular arasında Avropa çempionatının qalibi müəyyənləşəcək

Bu gün kişi voleybolçular arasında Avropa çempionatının qalibi müəyyənləşəcək.Çempionluq uğrunda görüşdə Sloveniya və İtaliya yığmaları qarşılaşacaqlar. Üçüncü yer uğrunda oyunda isə Polşa və Serbiya yığmaları üz-üzə gələcəklər.Hər iki oyun Polşada təşkil olunacaq. Avropa çempionatına Polşa Finlandiya, Çexiya və Estoniya ilə birgə ev sahibliyi edir.İtaliya millisi 8 ildən sonra ilk dəfədir Avropa çempionatının finalına vəsiqə qazanıb. Sloveniya yığması isə son qitə birinciliyində - 2019-cu ildə Serbiyaya məğlub olaraq gümüş medala sahib olub.xeber100.com

Azərbaycan Premyer Liqasında IV turun daha bir oyunu keçirilib

Sentyabrın 19-da futbol üzrə Azərbaycan Premyer Liqasında IV turun daha bir oyunu keçirilib.Turun üçüncü matçında son çempion "Neftçi" autsayder "Keşlə"ni qəbul edib. “Bakcell Arena”da baş tutan qarşılaşma meydan sahiblərinin 3:0 hesablı qələbəsi ilə başa çatıb.Matçda ilk qol 36-cı dəqiqədə vurulub. Yusuf Lavalın sağ cinahdan ideal ötürməsini qəbul edən Sezar Meza Kolli sabiq komandasını cəzalandırıb. Birinci hissə "ağ-qaralar"ın minimal hesablı üstünlüyü ilə başa çatıb. İkinci yarıya da fəal başlayan flaqman 50-ci dəqiqədə fərqi 2 topa çatdırıb. Bu dəfə "ağ-qaralar"ın yeni transferi Ramon Maçado fərqlənib. Fasilədən sonra Meza Kollinin yerinə meydana daxil olan braziliyalı futbolçu yaxşı təşkil olunmuş hücumu dəqiq zərbə ilə tamamlayıb. Bu, 30 yaşlı forvardın paytaxt təmsilçisində ilk qolu olub. Oyunda son nöqtəni isə 68-ci dəqiqədə İsmayıl Zülfüqarlı qoyub.Bu qələbədən sonra xallarını 7-yə çatdıran "Neftçi" 3-cü pilləyə yüksəlib. Xalı olmayan "Keşlə" isə sonuncudur.Qeyd edək ki, IV turun ilk iki oyununda "Qəbələ" evdə "Səbail"i 5 cavabsız qolla məğlub edib, "Zirə" isə "Sabah"la 1:1 hesablı heç-heçə ilə razılaşıb. Tura sentyabrın 20-də keçiriləcək "Qarabağ" - "Səbail" matçı ilə yekun vurulacaq.xeber100.com