“Neftçi” futbol klubu qapıçı axtarışlarını davam etdirir

UEFA Avropa Liqasında mübarizə aparan Bakının “Neftçi” klubu qapıçı axtarışlarını davam etdirir.Azərtac xəbər verir ki, Bakı təmsilçisi yaxın günlərdə Fransanın “Klermon” klubunun 19 yaşadək futbolçulardan ibarət komandasının qapıçısı Eldar Tağızadəni heyətinə qata bilər.Azərbaycan çempionunun 18 yaşlı qapıçını icarəyə götürəcəyi ehtimal olunur.Qeyd edək ki, E.Tağızadə “Neftçi”nin yetirməsidir. 2019-cu ildə İspaniyanın “Market” klubuna keçən gənc qapıçı bu ilin əvvəlində “Klermon”la 2024-cü ilədək müqavilə imzalayıb.xeber100.com    

“Keşlə” klubu baş məşqçi ilə bağlı yeni qərar qəbul edib

Bakının “Keşlə” klubunun rəhbərliyi baş məşqçi Sənan Qurbanov ilə bağlı yeni qərar qəbul edib.Azərtac xəbər verir ki, 41 yaşlı mütəxəssis qarşıdakı mövsümdə də qəsəbə təmsilçisini çalışdıracaq. Amma S.Qurbanova ilk dövrənin sonunadək şans veriləcək. Komanda bu müddət ərzində ümidləri doğruldacağı halda, Bakı təmsilçisi mövsümün sonunadək mütəxəssislə əməkdaşlığı davam etdirəcək.Xatırladaq ki, ötən mövsüm S.Qurbanovun başçılığı altında “Keşlə” ölkə kubokunun qalibi olmuşdu.xeber100.com

“Tokio-2020” XXXII Yay Olimpiya Oyunlarında

Azərbaycan karateçisi İrina Zaretska “Tokio-2020” XXXII Yay Olimpiya Oyunlarında ölkəmizin aktivinə növbəti - üçüncü gümüş medalı yazdırıb.Azərtac xəbər verir ki, 61 kiloqramdan yuxarı çəki dərəcəsində mübarizə aparan idmançımız Olimpiya çempionu adı uğrunda görüşdə Misir karateçisi Feryal Abdelazizə uduzaraq (0:2) gümüş medala sahib olub.Qrup mərhələsində İ.Zaretska ilk döyüşündə Yaponiya idmançısı Ayumi Uekusaya 4:1 hesabı ilə qalib gəlib. O, növbəti görüşündə italiyalı Silvia Semerarodan üstün olub - 3:2. Üçüncü qarşılaşmada qazaxıstanlı Sofiya Berultsevaya 4:5 hesabı ilə uduzan karateçimiz sonuncu döyüşdə türkiyəli Məltəm Hocaoğlunu 4:0 hesabı ilə məğlub edib.Qrupda keçirdiyi görüşlərin üçündə qələbə qazanan və bir qarşılaşmada uduzan İ.Zaretska 6 xalla qrup birincisi kimi yarımfinala adlayıb. Yarımfinalda çinli Qun Lini 7:2 hesabı ilə məğlub edən karateçimiz həlledici mərhələdə iştirak hüququ qazanıb.Xatırladaq ki, İ.Zaretska 2018-ci ildə Madriddə keçirilən dünya çempionatının qalibi olub. Karateçimiz bu il Xorvatiyanın Poreç şəhərində təşkil olunan Avropa çempionatında fəxri kürsünün ən yüksək pilləsinə qalxıb. O, “Bakı-2015” ilk Avropa Oyunlarının və “Bakı-2017” IV İslam Həmrəyliyi Oyunlarının da çempionu olub.Beləliklə, Azərbaycan idmançılarının “Tokio-2020” XXXII Yay Olimpiya Oyunlarında mübarizəsi başa çatıb. Olimpiadaya 44 idmançı ilə qatılan komandamız 3 gümüş və 4 bürünc medal qazanıb. Gümüş medalları Azərbaycanın aktivinə karateçilər Rafael Ağayev və İrina Zaretska, həmçinin sərbəst güləşçi Hacı Əliyev yazdırıblar. Bürünc medallara isə cüdoçu İrina Kindzerska, boksçu Alfonso Dominges, yunan-Roma güləşçisi Rafiq Hüseynov və qadın pəhləvanımız Mariya Stadnik sahib olublar.Qeyd edək ki, Azərbaycanın Olimpiya komandası “Atlanta-1996”dan sonra ilk dəfə olimpiadaları qızıl medalsız başa vurub.xeber100.com

Braziliya millisi Olimpiya çempionu adını qazanıb

Avqustun 7-də “Tokio-2020” XXXII Yay Olimpiya Oyunlarında kişilər arasında futbol yarışının final görüşü keçirilib.Azərtac xəbər verir ki, Olimpiadanın finalında Braziliya və İspaniya komandaları üz-üzə gəliblər. Görüşdə 2:1 hesabı ilə qalib gələn Braziliya yığması ardıcıl iki dəfə Olimpiya çempionu olub.Üçüncü yer uğrunda ötən gün oynanılan görüşdə Meksika ev sahibi Yaponiyanı 3:1 hesabı ilə məğlubiyyətə uğradıb.Qadınların yarışında isə Kanada seçməsi çempion adını qazanıb. Gümüş medallara İsveç, bürünc medallara isə ABŞ seçməsi sahib olub.Xatırladaq ki, “Rio-2016”da kişilərin futbol yarışında Braziliya, qadınların mübarizəsində Almaniya yığmaları çempion adını qazanıblar.xeber100.com

Kunq-fu üzrə Bakı birinciliyi və çempionatı keçirilib

Avqustun 6-da Hövsan Olimpiya İdman Kompleksində kunq-fu üzrə Bakı birinciliyi və çempionatı keçirilib.Azərtac xəbər verir ki, kadet, yeniyetmə, gənc və böyüklər arasında təşkil olunan yarışda 100-dək idmançı birincilik uğrunda mübarizə aparıb.Azərbaycan Kunq-fu Federasiyasının baş hakimi Babək Əliyev yarışın karantin qaydaları çərçivəsində keçirildiyini qeyd edərək deyib ki, yarışa 18 yaşdan yuxarı vaksinasiya olunmuş idmançılar qatılıblar. Yarışın qalibləri müxtəlif yarışlarda iştirak etmək hüququ qazanacaqlar. Çempionat milli komandanın heyətinin formalaşdırılması baxımından böyük əhəmiyyət kəsb edir.Bakı Şəhər Gənclər və İdman Baş İdarəsinin sektor müdiri Gündüz Vəliyev yarışın əhəmiyyətini yüksək qiymətləndirib. Bildirib ki, yarışın qalibləri sentyabrın əvvəlində təşkil olunacaq Azərbaycan çempionatında iştirak hüququ qazanacaqlar.Ölkəmizdə Vətən müharibəsi şəhidlərinin xatirəsinə müxtəlif idman növləri üzrə yarışların təşkil olunduğunu deyən G.Vəliyev yeniyetmələr arasında vətənpərvərlik ruhunun formalaşdırılması və geniş yayılması istiqamətində mühüm işlərin görüldüyünü diqqətə çatdırıb.Yarışın qaliblərinə medal və diplom təqdim edilib.xeber100.com

“Tokio-2020” XXXII Yay Olimpiya Oyunlarının 15-ci günündə

Avqustun 6-da - “Tokio-2020” XXXII Yay Olimpiya Oyunlarının 15-ci günündə 89 ölkənin idmançıları medal qazanıblar.Azərtac xəbər verir ki, medal siyahısına Çin komandası liderlik edir. Bu ölkənin idmançıları 36 qızıl, 26 gümüş və 17 bürünc medal qazanıblar. İkinci pillədə 31 qızıl, 36 gümüş və 31 bürünc medalla ABŞ təmsilçiləri, üçüncü yerdə isə 24 qızıl, 11 gümüş və 16 bürünc medalla Yaponiya atletləri qərarlaşıblar.Böyük Britaniya 18 qızıl, 20 gümüş, 20 bürünc medalla dördüncü, Rusiya Olimpiya Komitəsi isə 17 qızıl, 23 gümüş və 22 bürünc medalla beşincidir. İlk onluğu Avstraliya (17-6-21), İtaliya (10-10-18), Almaniya (9-11-16), Niderland (9-10-12) və Fransa (7-11-9) tamamlayır.Azərbaycanın Olimpiya komandası “Tokio-2020”nin 15-ci günündə bir gümüş medal qazanıb. Karateçimiz kumite yarışlarının finalında uduzaraq gümüş medalla kifayətlənməli olub. Bundan başqa, millimizin üç idmançısı - qadın cüdoçu İrina Kindzerska, boksçu Alfonso Dominges və yunan-Roma güləşçisi Rafiq Hüseynov komandamızın aktivinə bürünc medallar yazdırıblar. Həmçinin sərbəst güləşçimiz Hacı Əliyev 65 kiloqram çəki dərəcəsində yarışın finalına yüksəlməklə ən azı gümüş medalı təmin edib.Avqustun 8-dək davam edəcək XXXII Yay Olimpiya Oyunlarında 204 Milli Olimpiya Komitəsindən 11 min atlet idmanın 33 növü üzrə 339 dəst medal uğrunda mübarizə aparır.Xatırladaq ki, Azərbaycan milli komandası “Tokio-2020”də 44 idmançı ilə təmsil olunur. Ölkəmiz yeddinci dəfədir Yay Olimpiya Oyunlarında iştirak edir. Olimpiya komandamız, həmçinin 6 Qış Olimpiya Oyunlarında gücünü sınayıb. Milli komandamızın Olimpiya Oyunlarında debütü “Atlanta-1996” Qış Olimpiya Oyunlarına təsadüf edib. Azərbaycan komandası medalların sayına görə ən böyük uğurunu “Rio-2016”da qazanıb. Həmin Olimpiadaya 56 idmançı ilə qatılan komandamız 1-i qızıl, 7-si gümüş və 10-u bürünc olmaqla ümumilikdə 18 medala sahib olub.xeber100.com

“Tokio-2020”nin təşkilat komitəsinin məlumatı əsasında…

Tokioda keçirilən Yay Olimpiya Oyunları ilə əlaqəli şəxslər arasında koronavirusa yoluxma üzrə sutkalıq antirekord müəyyən olunub.Azərtac “Tokio-2020”nin təşkilat komitəsinin saytına istinadla xəbər verir ki, son sutka ərzində daha 31 nəfərdə yoluxma aşkar edilib.Bildirilir ki, yoluxanlardan biri Yunanıstanın sinxron üzgüçülük üzrə komandasının üzvüdür. Beləliklə, həmin komandada yoluxanların ümumi sayı 6 nəfərə çatıb. Xatırladaq ki, bundan bir gün əvvəl Olimpiadada 29 nəfər koronavirusa yoluxan qeydə alınıb. Bu, yarışların son həftəsində yoluxanlar barədə orta göstəricidən təqribən 10 nəfər çoxdur.Oyunlarla əlaqədar şəxslər arasında koronavirusa yoluxanların ümumi sayına gəlincə isə bu göstərici 353 nəfərə çatıb. Həmçinin hesabatda bildirilir ki, iyulun 1-dən Olimpiadaya hazırlıq və yarışların keçirildiyi günlər ərzində 543 min koronavirus testi götürülüb.Qeyd edək ki, Tokioda epidemioloji vəziyyət ağır olduğuna görə hökumət fövqəladə vəziyyət rejiminin müddətini avqustun 31-dək uzadıb. Tamaşaçılar məhz buna görə Olimpiya Oyunlarına buraxılmırlar.xeber100.com

“Tokio-2020” Yay Olimpiya Oyunlarında karate yarışlarına start verilib

“Tokio-2020” Yay Olimpiya Oyunlarında karate yarışlarına start verilib.Azərtac xəbər verir ki, Tokio Olimpiadasında ölkəmizi 3 karateçi təmsil edəcək. Bu gün milli komandamızın üzvü Firdovsi Fərzəliyev (67 kq) mübarizəyə qoşulub. A qrupunda mübarizə aparan təmsilçimiz ilk görüşünü Eray Şamdana (Türkiyə) qarşı keçirib və 1:7 hesabı ilə məğlub olub.Karateçimiz daha sonra Darxan Assadılov (Qazaxıstan), Əli Elsavi (Misir) və Naoto Saqo (Yaponiya) ilə qarşılaşacaq.Qrupda ilk iki yerin sahibi yarımfinala vəsiqə qazanmaqla yanaşı, bürünc medalı da təmin edəcək.xeber100.com

“Sabah” futbol klubu heyətini daha bir futbolçu ilə gücləndirib

Növbəti mövsümə hazırlığı davam etdirən Bakının “Sabah” klubu heyətini daha bir futbolçu ilə gücləndirib.Azərtac kluba istinadla xəbər verir ki, gürcüstanlı hücumçu Mixeil Erqemlidze bundan sonra Bakı təmsilçisinin uğurları üçün çalışacaq.İyirmi iki yaşlı futbolçu ilə üçillik müqavilə bağlanıb.“Dinamo”nun (Tbilisi, Gürcüstan) yetirməsi olan Erqemlidze karyerası ərzində bu klubun əsas komandası ilə yanaşı, Gürcüstanın “Çixura”, “Qaqra” və Türkiyənin “Adana Demirspor” klublarında çıxış edib.xeber100.com

“Champions Chess Tour” onlayn şahmat seriyasının səkkizinci turnirində

Azərbaycan qrosmeysteri Şəhriyar Məmmədyarovun dünya çempionu Maqnus Karlsenin təşkil etdiyi “Champions Chess Tour” onlayn şahmat seriyasının səkkizinci turnirində - “Chessable Masters"də mübarizəni dayandırıb.Azərtac xəbər verir ki, şahmatçımız dörddəbir finalda ermənistanlı Levon Aronyana məğlub olub.Dörddəbir finalın digər qarşılaşmalarında ABŞ təmsilçiləri Uesli So niderlandlı Jorden Van Forrest, Hikaru Nakamura rusiyalı Vladislav Artemiyev, Fransanı təmsil edən Alireza Firuzca Vyetnam şahmatçısı Le Quan Liyem ilə mübarizə aparırlar.Xatırladaq ki, “Champions Chess Tour” onlayn şahmat seriyası ümumilikdə 10 turnirdən ibarətdir və bu ilin sentyabrında başa çatacaq. Seriyanın ümumi mükafat fondu isə 1 milyon 600 min ABŞ dolları təşkil edir.xeber100.com