“Qarabağ” klubu Azərbaycan millisinin futbolçusu ilə müqavilə imzalayıb

Ağdamın "Qarabağ" klubu Azərbaycan millisinin futbolçusu Riçard Almeyda ilə birillik müqavilə imzalayıb.Azərtac kluba istinadən xəbər verir ki, 32 yaşlı yarımmüdafiəçi 7 nömrəli formada çıxış edəcək.Bu, təcrübəli oyunçunun Ağdam təmsilçisinə 3-cü qayıdışıdır. O, daha əvvəl 2012-2018-ci illərdə, həmçinin 2019-cu ildə Ağdam təmsilçisinin şərəfini qoruyub.Qeyd edək ki, Riçard Almeydanın son klubu "Zirə" olub.xeber100.com

UEFA Avropa Liqasının üçüncü təsnifat mərhələsinin ilk oyunları çərçivəsində

Avqustun 3-də UEFA Avropa Liqasının üçüncü təsnifat mərhələsinin ilk oyunları çərçivəsində Bakının “Neftçi” klubu Finlandiyanın HİK komandasını qəbul edib.Azərtac xəbər verir ki, “Bakcell Arena”da keçirilən matçı Şotlandiyadan olan hakimlər briqadası idarə edib.“Neftçi”nin start heyətində Aqil Məmmədov, Mamadu Mboc, Voislav Stankoviç, Emin Mahmudov, Sezar Meza Kolli, Harramiz Soareş, Romen Bask, Yusuf Laval, Samir Buqrin, Mamadu Kane və Xəyal Nəcəfov yer alıblar.HİK-in heyətində isə meydana Yakob Tonnander, Yanne Saksela, Deniel O Şonessi, Jair, Lukas Linqman, Roope Riski, Luis Karlos Murilyo, Miro Tenho, Valtteri Moren, Devid Braun və Filip Valençiç çıxıblar.Komandaların cəhdlərinə baxmayaraq birinci hissədə hesab açılmayıb. İlk hissədə “Neftçi”nin qapıçısı Aqil Məmmədov zədələnib. Qarşılaşmanın 17-ci dəqiqəsində qolkiper Kamran İbrahimovla əvəzlənib.İkinci hissəyə Bakı təmsilçisi daha fəal başlayıb. Görüşün 59-cu dəqiqəsində “Neftçi” hesabı açıb. Bakı təmsilçisinin heyətində Samir Buqrin baxımlı qol ilə yadda qalıb. İki dəqiqə sonra qonaq komandanın heyətində Roope Riski hesaba tarazlıq gətirib. Matçın 65-ci dəqiqəsində “Neftçi”nin müdafiəsində olan boşluqdan istifadə edən Jair HİK-i hesabda önə çıxarıb. On beş dəqiqə sonra “Neftçi”nin kapitanı Emin Mahmudov standart vəziyyətdən baxımlı qola imza atıb. Komandaların cəhdlərinə baxmayaraq matçda qalib müəyyənləşməyib - 2:2.Qeyd edək ki, komandalar arasında cavab qarşılaşması avqustun 12-də Helsinkidə keçiriləcək. Bu cütün qalibi pley-off mərhələsində Türkiyənin “Fənərbağça” klubu ilə üz-üzə gələcək. Məğlub komanda isə Konfrans Liqasının pley-offunda “Makkabi” (Hayfa, İsrail) – “HB Torşavn” (Farer adaları) cütünün qalibinə rəqib olacaq.xeber100.com

Azərbaycan Güləş Federasiyasının məlumatı əsasında…

Avqustun 3-də “Tokio-2020” Yay Olimpiya Oyunlarının güləş yarışlarında daha üç çəki dərəcəsi üzrə mübarizəyə start veriləcək.Azərtac Azərbaycan Güləş Federasiyasına istinadla xəbər verir ki, avqustun 2-də həmin çəki dərəcələri üzrə püşkatma mərasimi keçirilib. Yunan-Roma güləşçimiz İslam Abbasov (87 kq) ilk mərhələdə kubalı Daniel Heçavarria ilə qarşılaşacaq. Həmyerlimiz bu görüşdə qalib gəlsə, dörddəbir finalda Kiril Maskeviç (Belarus) - Məhəmməd Metvalli (Misir) qarşılaşmasında üstün olan güləşçi ilə üz-üzə gələcək.Qeyd edək ki, 87 kiloqram çəki dərəcəsi üzrə görüşlər C xalçasında keçiriləcək. Qarşılaşmalar Bakı vaxtı ilə saat 06:30-da başlayacaq.xeber100.com

“Champions Chess Tour” onlayn şahmat seriyasının səkkizinci yarışında

Azərbaycan qrossmeysteri Şəhriyar Məmmədyarovun iştirakı ilə dünya çempionu Maqnus Karlsenin təşkil etdiyi “Champions Chess Tour” onlayn şahmat seriyasının səkkizinci yarışı - “Chessable Masters" turniri davam edir.Azərtac xəbər verir ki, Ş.Məmmədyarovdan başqa mərhələ yarışında ABŞ təmsilçiləri Uesli So, Hikaru Nakamura və 12 yaşlı gənc istedad Abhimanyu Mişra, Fransanı təmsil edən Alireza Firuzca, hindistanlılar Pentala Harikrişna, Baskaran Adhiban və Humpu Koneru, Vyetnam təmsilçisi Le Quan Liyem, niderlandlı Jorden Van Forrest, rusiyalı Vladislav Artemiyev, İspaniya şahmatçıları David Anton və Eduardo İturrizaqa, ermənistanlı Levon Aronyan, norveçli Aryan Tari və qadınlar arasında hazırki dünya çempionu çinli Yu Venyun iştirak edirlər.Bu gün şahmatçılar seçmə mərhələnin son beş oyununu keçirəcəklər və nəticədə pley-off mərhələsində mübarizəni davam etdirəcək ilk səkkizlik müəyyən ediləcək.Ş.Məmmədyarov ilkin mərhələnin son turlarında Jorden Van Forrest, Alireza Firuzca, Uesli So, Levon Aronyan, Aryan Tari ilə mübarizə aparacaq.On turdan sonra Azərbaycan şahmatçısı 6,5 xalla 6-cı yerdə qərarlaşıb. Uesli So 7,5 xalla turnir cədvəlinə başçılıq edir.Ümumi mükafat fondu 100 min ABŞ dolları olan turnir avqustun 8-dək davam edəcək.Xatırladaq ki, “Champions Chess Tour” onlayn şahmat seriyası ümumilikdə 10 turnirdən ibarətdir və bu ilin sentyabrında başa çatacaq. Seriyanın ümumi mükafat fondu isə 1 milyon 600 min ABŞ dolları təşkil edir.xeber100.com

“Neftçi” futbol klubu Avropa Liqasının üçüncü təsnifat mərhələsində

Bakının “Neftçi” futbol klubunun Avropa Liqasının üçüncü təsnifat mərhələsindəki rəqibi Finlandiyanın HİK komandası iştirak ərizəsini UEFA-ya göndərib.Azərtac xəbər verir ki, Helsinki təmsilçisi Bakı klubu ilə oyunlara 22 futbolçu sifariş edib. Onlardan 3-ü qapıçı, 8-i müdafiəçi, 5-i yarımmüdafiəçi, 6-sı hücumçudur.Heyətdə qapıçılar: Yakob Tonnander (İsveç), Hüqo Keto, Matias Niemela, müdafiəçilər - Yanne Saksela, Markus Halsti, Deniel O Şonessi, Luis Karlos Murilyo (Kolumbiya), Miro Tenho, Valtteri Moren, Dilan Marneyn (İtaliya), Kevin-Kuassivi Benisson, yarımmüdafiəçilər - Jair (Braziliya), Lukas Linqman, Sebastyan Dalström, Tim Sparv, Devid Braun (Papua Yeni Qvineya), hücumçular - Luis Enrike (İtaliya), Riku Riski, Roope Riski, Filip Valençiç (Sloveniya), Entoni Olusanya və Atomu Tanaka (Yaponiya) yer alıblar.Qeyd edək ki, “Neftçi” və HİK arasında ilk oyun avqustun 3-də Bakıda, cavab görüşü isə avqustun 12-də Helsinkidə olacaq.xeber100.com

“Qarabağ”ın pley-off mərhələsindəki potensial rəqibi müəyyənləşib

UEFA Avropa Konfrans Liqasının üçüncü təsnifat mərhələsinin AEL–“Qarabağ” matçının qalibinin pley-off mərhələsində üz-üzə gələcəyi rəqibi müəyyənləşib.Azərtac xəbər verir ki, Ağdam təmsilçisi pley-off mərhələsinə yüksələcəyi halda, “Breydablik” (İslandiya) - “Aberdin” (Şotlandiya) cütünün qalibi ilə qarşılaşacaq.AEL–“Qarabağ” qarşılaşmasını İsveçdən olan hakimlər briqadası idarə edəcək. Qlen Nyberq matçın baş hakimi olacaq. Mahmud Beigi və Andreas Söderqvist isə köməkçi hakimlərdir. Dördüncü hakim funksiyasını Boyan Pandjiç yerinə yetirəcək. Oyun avqustun 5-də Kiprdə Bakı vaxtı ilə saat 21:00-da start götürəcək.xeber100.com  

Azərbaycanın iki güləşçisi mübarizəyə start verəcək

Avqustun 2-də “Tokio-2020” XXXII Yay Olimpiya Oyunlarında Azərbaycanın iki güləşçisi mübarizəyə start verəcək.Azərtac xəbər verir ki, yunan-Roma güləşi yarışlarında Rafiq Hüseynov (77 kq), qadın güləşində isə Elis Manolova (68 kq) xalça üzərinə çıxacaqlar. Avqustun 1-də keçirilən püşkatma mərasimində təmsilçilərimizin ilk rəqibləri müəyyənləşib.R.Hüseynov səkkizdəbir finalda dünya çempionatının gümüş və Avropa birinciliyinin bürünc mükafatçısı olan isveçli Aleks Kessidis ilə qarşılaşacaq. Bu görüş A xalçasında keçiriləcək. R.Hüseynov rəqibinə qalib gələrsə, dörddəbir finalda Lamjed Maafi (Tunis) - Akjol Mahmudov (Qırğızıstan) mübarizəsində üstün olan güləşçi ilə üz-üzə gələcək.E.Manolova ilk mərhələdə nigeriyalı Blessinq Oborududu ilə qarşılaşacaq. Bu görüş B xalçasında baş tutacaq. E.Manolova dörddəbir finala yüksələrsə Meerim Jumanazarova (Qırğızıstan) - Mimi Xristova (Bolqarıstan) görüşünün qalibi ilə görüşəcək.Bu çəki dərəcələrində ilk görüşlər Bakı vaxtı ilə saat 06:30-da başlayacaq.xeber100.com

Azərbaycan atleti təsnifat mərhələsində 69,57 metrlik nəticə göstərib

Tokio Olimpiadasının çəkicatma yarışında mübarizə aparan Azərbaycan atleti Anna Skidan təsnifat mərhələsində 69,57 metrlik nəticə göstərib.Azərtac xəbər verir ki, bu göstərici təmsilçimizin növbəti mərhələyə yüksəlməsi üçün kifayət etməyib. A.Skidan 16 atletin mübarizə apardığı A qrupunda səkkizinci yeri tutaraq Olimpiadada mübarizəni dayandırıb.Qeyd edək ki, Azərbaycanın Olimpiya komandası ilk medalını “Tokio-2020”nin səkkizinci günündə qazanıb. Qadın cüdoçumuz İrina Kindzerska 78 kiloqramdan yuxarı çəki dərəcəsində ölkəmizin aktivinə bürünc medal yazdırıb. Boksçumuz Alfonso Dominges (81 kq) isə yarımfinala yüksəlməklə ən azı bürünc medalı təmin edib. İdmançımız finala vəsiqə uğrunda bu gün kubalı Arlen Lopez ilə qarşılaşacaq.xeber100.com

“Tokio-2020” XXXII Yay Olimpiya Oyunlarının yarımfinalında

İyulun 30-da Azərbaycan boksçusu Alfonso Dominges “Tokio-2020” XXXII Yay Olimpiya Oyunlarının yarımfinalına yüksəlib.Azərtac xəbər verir ki, 81 kiloqram çəki dərəcəsində çıxış edən boksçumuz dörddəbir finalda türkiyəli Bayram Malkana 5:0 hesabı ilə qalib gəlib.Bununla da boksçumuz Tokio Olimpiadasında ən azı bürünc medalı təmin edib.Xatırladaq ki, Olimpiadada mübarizəyə səkkizdəbir final mərhələsindən başlayan A.Dominges birinci görüşdə özbəkistanlı Dilşodbek Ruzmetova 4:1 hesabı ilə qalib gəlib.Yarımfinal mərhələsindəki qarşılaşma avqustun 1-də keçiriləcək.Qeyd edək ki, “Tokio-2020”də mübarizəni davam etdirən digər boksçumuz Cavid Çələbiyev (63 kq) isə iyulun 31-də səkkizdəbir finalda Ermənistan təmsilçisi Hovhannes Baçkov ilə qarşılaşacaq.xeber100.com

“Sumqayıt” klubu II təsnifat mərhələsində cavab oyununa çıxıb

"Sumqayıt" klubu UEFA Konfrans Liqasının II təsnifat mərhələsində cavab oyununa çıxıb.Azərtac xəbər verir ki, sumqayıtlılar doğma azarkeşlər önündə Serbiyanın "Çukariçki" komandasını qəbul edib. "Kapital Arena" stadionunda baş tutan görüş qonaqların 2:0 hesablı qələbəsi ilə başa çatıb.Beləliklə, iki oyunun nəticəsinə görə "Sumqayıt" klubu UEFA Konfrans Liqasında mübarizəsini dayandırıb.xeber100.com