UEFA Konfrans Liqasının ikinci təsnifat mərhələsinin ilk oyunları çərçivəsində

UEFA Konfrans Liqasının ikinci təsnifat mərhələsinin ilk oyunları çərçivəsində üz-üzə gələn “Qarabağ” (Azərbaycan) - “Aşdod” (İsrail) matçı başa çatıb.Azərtac xəbər verir ki, Tofiq Bəhramov adına Respublika Stadionunda keçirilən qarşılaşma gərgin hücumlarla yadda qalıb.Ukraynalı hakim Sergey Boykonun idarə etdiyi oyunda qapılara qol vurulmayıb - 0:0. Görüşün 83-cü dəqiqəsində "Qarabağ"ın müdafiəçisi Maksim Medvedev qırmızı vərəqə alaraq komandasını meydanda azlıqda qoyub.Ağdam təmsilçisinin start heyətində Şahruddin Məhəmmədəliyev, Qara Qarayev, Maksim Medvedev, Patrik Andrade, Abdullah Zubir, Xayme Romero, Filip Ozobiç, Toral Bayramov, Abbas Hüseynov, Ramil Şeydayev və Kevin Medina yer alıblar.“Aşdod”un heyətində isə Yoav Jafari, Gil Kohen, Nenad Cvetkoviç, Abu Akal, Lior Einbrom, Montari Kamaheni, Tom Ben Zaken, Martin Raynov, David Roi Nyenque, Yakov Brihon və Oz Bilevi meydana çıxıblar.Qeyd edək ki, komandalar arasında cavab oyunu bir həftə sonra İsraildə təşkil olunacaq.xeber100.com

“Tokio-2020” XXXII Yay Olimpiya Oyunlarında boks yarışlarının püşkü atılıb

“Tokio-2020” XXXII Yay Olimpiya Oyunlarında boks yarışlarının püşkü atılıb.Azərtac xəbər verir ki, püşkün nəticələrinə əsasən, Azərbaycan millisinin üzvlərinin də ilk rəqibləri müəyyənləşib.İyulun 24-də Tayfur Əliyev (57 kq) onaltıdabir finalda Nquyen Van Duonq (Vyetnam), Lorenzo Sotomayor (69 kq) Əsgərxan Madiyev (Gürcüstan), Məhəmməd Abdullayev (+91 kq) Denis Latıpov (Bəhreyn) ilə qarşılaşacaqlar. İyulun 25-də Cavid Çələbiyev (63 kq) Ukrayna təmsilçisi Yaroslav Hartsiz ilə üz-üzə gələcək.Mübarizəyə səkkizdəbir finaldan başlayacaq Alfonso Dominqesin (81 kq) rəqibi Emmett Brennan (İrlandiya) - Dilşodbek Ruzmetov (Özbəkistan) qarşılaşmasının qalibi olacaq. Təmsilçimiz ilk görüşünü iyulun 28-də keçirəcək.Qeyd edək ki, Olimpiadanın boks yarışları iyulun 24-dən avqustun 8-dək “Ryoqoku Kokuqikan” idman sarayında keçiriləcək.xeber100.com

Tokio Yay Olimpiya Oyunlarında ilk rəqiblər müəyyənləşib

Tokio Yay Olimpiya Oyunlarında taekvondoçularımızın ilk rəqibləri müəyyənləşib.Azərtac xəbər verir ki, 67 kiloqram çəki dərəcəsində Fəridə Əzizova ABŞ təmsilçisi Peyc Makferson, Milad Beigi Hərçəqani isə Çin-Taypeyini təmsil edən Vey-Tinq Liu ilə qarşılaşacaqlar.Hər iki taekvondoçumuz iyulun 26-da mübarizəyə qoşulacaq.xeber100.com

Serbiyada keçirilən beynəlxalq turnir davam edir

Serbiyada keçirilən beynəlxalq turnirdə Azərbaycan şahmatçısı Eltac Səfərli uğurlu çıxışını davam etdirir.Azərtac xəbər verir ki, şahmatçımız 7 turdan sonra 5,5 xalla turnir cədvəlində liderdir. Ermənistanlı Emin Ohanyan (4,5 xal) və fransalı Thal Abergel (4 xal) sonrakı iki pillədə qərarlaşıblar.İsveçrə sistemi üzrə keçirilən yarış 9 turdan ibarətdir.xeber100.com

Tokio Olimpiadası çərçivəsində futbol üzrə yarışlara start veriləcək

İyulun 22-də Tokio Olimpiadası çərçivəsində kişilər arasında futbol üzrə yarışlara start veriləcək.Azərtac xəbər verir ki, Oyunların rəsmi açılış mərasimi iyulun 23-nə planlaşdırılsa da, ənənəyə görə bəzi idman növləri üzrə yarışlar artıq başlayıb.Xəbər verdiyimiz kimi, qadınlar arasında softbol və futbol üzrə yarışlar iyulun 21-də baş tutub. İyulun 22-də isə kişilər arasında futbol üzrə ilk görüşlər keçiriləcək.Həmin gün “A” qrupunda Meksika-Fransa və Yaponiya-CAR oyunları baş tutacaq. Hər iki oyun Tokio Olimpiya stadionunda keçiriləcək.“B” qrupunda Yeni Zelandiya-Cənubi Koreya və Honduras-Rumıniya komandaları qarşılaşacaqlar. Bu oyunlar “Kaşima” stadionunda olacaq.“C” qrupunda Misir-İspaniya və Argentina-Avstraliya oyunları keçiriləcək. Həmin komandalar “Sapporo Doum” stadionunda baş tutacaq.“D” qrupunda isə Kot-Divuar – Səudiyyə Ərəbistanı və Braziliya-Almaniya komandaları qarşılaşacaqlar. Bu oyunlar isə Yokohama stadionunda olacaq.xeber100.com

UEFA Konfrans Liqasının ikinci təsnifat mərhələsi çərçivəsində

Ağdamın “Qarabağ” futbol klubu UEFA Konfrans Liqasının ikinci təsnifat mərhələsi çərçivəsində iyulun 22-də Tofiq Bəhramov adına Respublika Stadionunda İsrailin “Aşdod” klubunu qəbul edəcək.Azərtac xəbər verir ki, Bakı vaxtı ilə saat 20:00-da başlayacaq matçın baş hakimi ukraynalı Sergey Boyko olacaq. Oyun azarkeşlərin iştirakı ilə oynanılacaq. Görüşə 7 mindən çox bilet satılıb. Matça arenanın ümumi tutumunun 50 faizi qədər - 15 min bilet ayrılıb.Bu komandalar arasındakı cavab oyunu bir həftə sonra keçiriləcək.xeber100.com

Azərbaycan Boks Federasiyasının məlumatı əsasında…

Beynəlxalq Olimpiya Komitəsi (BOK) azərbaycanlı hakim və həkimə etimad göstərib.Azərbaycan Boks Federasiyasından Azərtac-a bildiriblər ki, BOK iki həmyerlimizi Tokio Yay Olimpiya Oyunlarına dəvət edib. Olimpiadanın boks yarışlarında referilər arasında beynəlxalq dərəcəli hakim Anar Babanlı da olacaq. Leyla Nəsirova isə Olimpiadanın boks yarışlarında həkim kimi çalışacaq.Qeyd edək ki, “Tokio-2020”də Azərbaycanın beş boksçusu mübarizə aparacaq. Ölkəmizin idman şərəfini Tayfur Əliyev (57 kq), Cavid Çələbiyev (63 kq), Lorenzo Sotomayor (69 kq), Alfonso Dominqes (81 kq) və Məhəmməd Abdullayev (+91 kq) qoruyacaqlar.“Tokio-2020”nin boks yarışları iyulun 24-dən avqustun 8-dək “Ryoqoku Kokuqikan” idman sarayında keçiriləcək.xeber100.com

Azərbaycan milli komandasının dünya çempionatının seçmə mərhələsi çərçivəsində

Futbol üzrə Azərbaycan milli komandasının dünya çempionatının seçmə mərhələsi çərçivəsində sentyabrın 1-də Lüksemburq, ayın 4-də İrlandiya və oktyabrın 12-də Serbiya milli komandalarına qarşı keçirəcək oyunların stadionu və başlama vaxtı məlum olub.Azərtac AFFA-ya istinadla xəbər verir ki, Lüksemburqla oyun Bakı vaxtı ilə saat 22:45-də Lüksemburqdakı “Stade de Luxembourg”da, İrlandiya ilə qarşılaşma saat 20:00-da Dublindəki “Aviva”, Serbiya ilə oyun isə saat 22:45-də Belqraddakı Rayko Mitiç adına stadionda keçiriləcək.xeber100.com

Beynəlxalq Olimpiya Komitəsinin 138-ci sessiyasında

Altı idman növü Beynəlxalq Olimpiya Komitəsi (BOK) tərəfindən rəsmən tanınıb.Azərtac xəbər verir ki, bu barədə qərar BOK-un Yaponiyanın paytaxtı Tokioda keçirilən 138-ci sessiyasında qəbul olunub.Beynəlxalq Sambo Federasiyası, Beynəlxalq Çirlidinq Şurası, Beynəlxalq Muay-tay Assosiasiyası Federasiyası, Beynəlxalq Aysştok İdmanı Federasiyası, Dünya Lakross Federasiyası və Dünya Kikboksinq Təşkilatı Assosiasiyası BOK tərəfindən rəsmən tanınıb.Tanınmış idman qurumlarının bəzilərinin idmançıları 2028-ci ildə Los-Ancelesdə keçiriləcək Yay Olimpiya Oyunlarında iştirak edə bilər.Altı idman növündən yalnız biri - aysştok qış idman növüdür.xeber100.com

“Olimpiakos” və “Neftçi” komandalarının start heyətləri açıqlanıb

UEFA Çempionlar Liqasının ikinci təsnifat mərhələsinin ilk oyunları çərçivəsində üz-üzə gələcək "Olimpiakos" (Yunanıstan) və "Neftçi" (Bakı) komandalarının start heyətləri açıqlanıb.Azərtac xəbər verir ki, Bakı vaxtı ilə saat 23:00-da Yunanıstanın Pirey şəhərindəki "Georgios Karaiskakis" stadionunda keçiriləcək qarşılaşmanı portuqaliyalı referi Joao Pinyeyru idarə edəcək.Bakı təmsilçisinin start heyətində Aqil Məmmədov, Mamadu Mboc, Voislav Stankoviç, Namik Ələskərov, Emin Mahmudov, Sezar Meza Kolli, Harramiz Soareş, Mert Çelik və Yusuf Laval yer alıblar."Olimpiakos"un heyətində isə Konstantinos Tsolakis, Ruben Semedu, Məhəmməd Kamara, Andreas Buxalakis, Ahmed Hassan, Tanasis Andrutsos, Pyer Kunde, Giorqos Masuras, Svetozar Markoviç, Oleq Ryabçuk və Lazar Ranceloviç meydana çıxacaqlar.Komandalar arasında cavab oyunu bir həftə sonra Bakıda təşkil olunacaq."Neftçi" Çempionlar Liqasında mübarizəyə birinci təsnifat mərhələsindən başlayıb. Bakı təmsilçisi Gürcüstanın "Dinamo" (Tbilisi) komandasını hər iki oyunda eyni hesabla yenib - 2:1. "Olimpiakos" isə birbaşa bu mərhələdən çıxış etməyə başlayacaq.Cütün qalibi Çempionlar Liqasının üçüncü təsnifat mərhələsində "Mura" (Sloveniya) - "Lüdoqorets" (Bolqarıstan) cütünün qalibi ilə üz-üzə gələcək. Məğlub komanda isə Avropa Liqasının üçüncü təsnifat mərhələsində "Malmö" (İsveç) - HİK (Finlandiya) cütünün uduzan tərəfi ilə görüşəcək.xeber100.com