Azərbaycanın iki güləşçisi mübarizəyə start verəcək

Avqustun 2-də “Tokio-2020” XXXII Yay Olimpiya Oyunlarında Azərbaycanın iki güləşçisi mübarizəyə start verəcək.Azərtac xəbər verir ki, yunan-Roma güləşi yarışlarında Rafiq Hüseynov (77 kq), qadın güləşində isə Elis Manolova (68 kq) xalça üzərinə çıxacaqlar. Avqustun 1-də keçirilən püşkatma mərasimində təmsilçilərimizin ilk rəqibləri müəyyənləşib.R.Hüseynov səkkizdəbir finalda dünya çempionatının gümüş və Avropa birinciliyinin bürünc mükafatçısı olan isveçli Aleks Kessidis ilə qarşılaşacaq. Bu görüş A xalçasında keçiriləcək. R.Hüseynov rəqibinə qalib gələrsə, dörddəbir finalda Lamjed Maafi (Tunis) - Akjol Mahmudov (Qırğızıstan) mübarizəsində üstün olan güləşçi ilə üz-üzə gələcək.E.Manolova ilk mərhələdə nigeriyalı Blessinq Oborududu ilə qarşılaşacaq. Bu görüş B xalçasında baş tutacaq. E.Manolova dörddəbir finala yüksələrsə Meerim Jumanazarova (Qırğızıstan) - Mimi Xristova (Bolqarıstan) görüşünün qalibi ilə görüşəcək.Bu çəki dərəcələrində ilk görüşlər Bakı vaxtı ilə saat 06:30-da başlayacaq.xeber100.com

Azərbaycan atleti təsnifat mərhələsində 69,57 metrlik nəticə göstərib

Tokio Olimpiadasının çəkicatma yarışında mübarizə aparan Azərbaycan atleti Anna Skidan təsnifat mərhələsində 69,57 metrlik nəticə göstərib.Azərtac xəbər verir ki, bu göstərici təmsilçimizin növbəti mərhələyə yüksəlməsi üçün kifayət etməyib. A.Skidan 16 atletin mübarizə apardığı A qrupunda səkkizinci yeri tutaraq Olimpiadada mübarizəni dayandırıb.Qeyd edək ki, Azərbaycanın Olimpiya komandası ilk medalını “Tokio-2020”nin səkkizinci günündə qazanıb. Qadın cüdoçumuz İrina Kindzerska 78 kiloqramdan yuxarı çəki dərəcəsində ölkəmizin aktivinə bürünc medal yazdırıb. Boksçumuz Alfonso Dominges (81 kq) isə yarımfinala yüksəlməklə ən azı bürünc medalı təmin edib. İdmançımız finala vəsiqə uğrunda bu gün kubalı Arlen Lopez ilə qarşılaşacaq.xeber100.com

“Tokio-2020” XXXII Yay Olimpiya Oyunlarının yarımfinalında

İyulun 30-da Azərbaycan boksçusu Alfonso Dominges “Tokio-2020” XXXII Yay Olimpiya Oyunlarının yarımfinalına yüksəlib.Azərtac xəbər verir ki, 81 kiloqram çəki dərəcəsində çıxış edən boksçumuz dörddəbir finalda türkiyəli Bayram Malkana 5:0 hesabı ilə qalib gəlib.Bununla da boksçumuz Tokio Olimpiadasında ən azı bürünc medalı təmin edib.Xatırladaq ki, Olimpiadada mübarizəyə səkkizdəbir final mərhələsindən başlayan A.Dominges birinci görüşdə özbəkistanlı Dilşodbek Ruzmetova 4:1 hesabı ilə qalib gəlib.Yarımfinal mərhələsindəki qarşılaşma avqustun 1-də keçiriləcək.Qeyd edək ki, “Tokio-2020”də mübarizəni davam etdirən digər boksçumuz Cavid Çələbiyev (63 kq) isə iyulun 31-də səkkizdəbir finalda Ermənistan təmsilçisi Hovhannes Baçkov ilə qarşılaşacaq.xeber100.com

“Sumqayıt” klubu II təsnifat mərhələsində cavab oyununa çıxıb

"Sumqayıt" klubu UEFA Konfrans Liqasının II təsnifat mərhələsində cavab oyununa çıxıb.Azərtac xəbər verir ki, sumqayıtlılar doğma azarkeşlər önündə Serbiyanın "Çukariçki" komandasını qəbul edib. "Kapital Arena" stadionunda baş tutan görüş qonaqların 2:0 hesablı qələbəsi ilə başa çatıb.Beləliklə, iki oyunun nəticəsinə görə "Sumqayıt" klubu UEFA Konfrans Liqasında mübarizəsini dayandırıb.xeber100.com

“Qarabağ” klubu UEFA Konfrans Liqasının növbəti mərhələsinə vəsiqə qazanıb

Ağdamın "Qarabağ" klubu UEFA Konfrans Liqasının növbəti mərhələsinə vəsiqə qazanıb.Azərtac xəbər verir ki, ikinci təsnifat mərhələsinin cavab oyunları çərçivəsində keçirilən qarşılaşmada "Aşdod" (İsrail) - “Qarabağ” (Azərbaycan) matçı başa çatıb. Görüşün 5-ci dəqiqəsində Ağdam təmsilçisinin yarımmüdafiəçisi Filip Ozobiç komandasının qələbə qolunu vurub."Qarabağ"ın start heyətində Şahruddin Məhəmmədəliyev, Rahil Məmmədov, Kevin Medina, Abbas Hüseynov, Qara Qarayev, Patrik Andrade, Toral Bayramov, Abdullah Zubir, Xayme Romero, Filip Ozobiç və Ramil Şeydayev yer alıb."Aşdod"un heyətində isə Yoav Jafari, Gil Kohen, Nenad Cvetkoviç, Tom Ben Zaken, Montari Kamaheni, Feras Abu Akal, Oz Bilevi, Yakov Brihon, Martin Rainov, Moussa Baqayokovə və Abdul Muqese Zakaria meydana çıxıb.xeber100.com

“Sabah” futbol klubu toplanış çərçivəsində sonuncu oyununu keçirib

İyulun 15-dən Tbilisidə təlim-məşq toplanışında olan “Sabah” futbol klubu toplanış çərçivəsində sonuncu oyununu keçirib.Azərtac xəbər verir ki, komandamız “Zestafoni” təlim-məşq bazasının stadionunda yerli “Saburtalo” klubu ilə qarşılaşıb.Güclü yağışın müşayiəti ilə keçirilən matçda hesabı meydan sahibləri açıblar. Akaki Şulaya görüşün 41-ci dəqiqəsində penaltidən fərqlənərək komandasını hesabda önə keçirib. Oyunun 68-ci dəqiqəsində komandamız da 11 metrlik cərimə zərbəsi qazansa da, Coy-Lens Mikelsin zərbəsindən sonra top qapı tirinə dəyərək çölə çıxıb. Matçda 74-cü dəqiqədə isə gənc futbolçumuz Veysəl Rzayev Mixeil Erqemlidzenin ötürməsindən sonra matçda bərabərliyi təmin edən qola imza atıb. Görüş elə bu hesabla da başa çatıb. Qalib oyunsonrası penaltilər seriyasında müəyyənləşib. Penaltilər seriyasını dəqiq yerinə yetirən “Saburtalo” 4:2 hesabı ilə qalib gəlib.Qeyd edək ki, “Sabah” Tbilisi toplanışı çərçivəsində daha əvvəl “Şukura” (1:0), “Samqurali” (0:1) və “Telavi” (1:3) klubları ilə qarşılaşıb.xeber100.com

UEFA Konfrans Liqasının ikinci təsnifat mərhələsinin cavab qarşılaşmasında

UEFA Konfrans Liqasının ikinci təsnifat mərhələsinin cavab qarşılaşması çərçivəsində iyulun 29-da Bakıda üz-üzə gələcək “Keşlə” və “Soçi” komandalarının start heyətləri açıqlanıb.Azərtac xəbər verir ki, “ASK Arena”da baş tutacaq görüşdə “Keşlə” klubunun start heyətində Stanislav Namaşko, Tərlan Quliyev, Muyuşko Boyoviç, İlkin Qırtımov, Azər Salahlı, Merab Qiqauri, Rəhman Hacıyev, Turan Vəlizadə, Felipe Santos, Amil Yunanov və Aldair Neto yer alıblar.“Soçi” komandasının ilk onbirliyində isə meydana Nikolay Zabalotnı, Timofey Marqasov, Danila Ploxin, Rodriqao, Mateo Baraç, Kiril Zaika, Nikita Burmistrov, Kristian Noboi, İbrahim Callaqov, Artur Yusipov və Marko Duqanjiç çıxacaqlar.Saat 20:00-da başlayacaq görüşü Belarusdan olan hakimlər briqadası idarə edəcək. Oyunun baş hakimi Viktor Şimusik olacaq. Ona həmyerliləri Anton Qusev və Sergey Kosovets kömək edəcəklər. Dördüncü hakim funksiyasını isə Vitali Sevostyanik yerinə yetirəcək.Qeyd edək ki, bu komandaların arasında Soçidə keçirilən görüş meydan sahiblərinin 3:0 hesablı qələbəsi ilə başa çatıb.xeber100.com

“Minay” futbol klubu heyətinə 3 yeni futbolçu cəlb edib

Ukraynanın “Minay” klubu heyətinə 3 yeni futbolçu cəlb edib.Azərtac xəbər verir ki, onlardan biri Azərbaycan millisinə namizəd olan Eldar Quliyevdir.Yerli “Mariupol” komandasından transfer olunan 19 yaşlı dayaq yarımmüdafiəçisi ilə imzalanmış müqavilənin detalları açıqlanmayıb.Qeyd edək ki, hazırda “Minay”da Azərbaycan millisinin yarımmüdafiəçisi Rüstəm Əhmədzadə də çıxış edir.xeber100.com

Tokioda Yay Olimpiya Oyunları davam edir

Tokioda Yay Olimpiya Oyunları davam edir.Azərtac xəbər verir ki, Azərbaycan taekvondoçusu Milad Beiqi Hərçəqani (80 kq) dörddəbir final mərhələsində özbəkistanlı Nikita Rafaloviç ilə üz-üzə gəlib. Təmsilçimiz rəqibinə 1:12 hesabı ilə məğlub olub.Qeyd edək ki, digər taekvondoçumuz Fəridə Əzizova (67 kq) startda ABŞ təmsilçisi Peyc Makfersona uduzub.Xatırladaq ki, Milad Beiqi Hərçəqani Rio Olimpiadasında bürünc medal qazanıb.Azərbaycan milli komandası “Tokio-2020”də 44 idmançı ilə təmsil olunur. Komandamız medalların sayına görə ən böyük uğurunu “Rio-2016”da qazanıb. Həmin Olimpiadaya 56 idmançı ilə qatılan millimiz 1-i qızıl, 7-si gümüş və 10-u bürünc olmaqla ümumilikdə 18 medala sahib olub.xeber100.com

UEFA Çempionlar Liqasının ikinci təsnifat mərhələsi çərçivəsində

UEFA Çempionlar Liqasının ikinci təsnifat mərhələsi çərçivəsində keçiriləcək “Neftçi”–“Olimpiakos” (Yunanıstan) oyununun biletləri satışa çıxarılıb.Azərtac xəbər verir ki, qiyməti 5, 10 və 20 manat təşkil edən biletləri “Bakcell Arena” stadionunun kassalarından əldə etmək olar. Kassalar saat 21:00-dək işləyəcək.Xatırladaq ki, iyulun 28-də “Bakcell Arena”da keçiriləcək “Neftçi”–“Olimpiakos” oyunu saat 21:00-da başlayacaq.xeber100.com