UEFA “Avro-2020”nin finalında istifadə olunacaq topu təqdim edib

UEFA futbol üzrə “Avro-2020”nin finalında istifadə olunacaq topu təqdim edib.Azərtac UEFA-ya istinadla xəbər verir ki, Avropa çempionatının final oyunu iyulun 11-də Londondakı “Uembli” stadionunda keçiriləcək.Turnirin ilk finalçısı iyulun 6-da keçiriləcək İtaliya-İspaniya oyunundan sonra müəyyənləşəcək. İkinci finalçı isə bir gün sonra keçiriləcək İngiltərə-Danimarka matçının qalibi olacaq.xeber100.com

Çexiya və Danimarka yığmalarının start heyətləri açıqlanıb

Futbol üzrə Avropa çempionatının dörddəbir final mərhələsi çərçivəsində Bakı Olimpiya Stadionunda üz-üzə gələcək Çexiya və Danimarka yığmalarının start heyətləri açıqlanıb.Azərtac xəbər verir ki, Çexiya millisinin heyətində meydana Tomaş Vaclik, Yan Boril, Tomaş Kalas, Ondrey Çelustka, Vladimir Soufal, Tomaş Souçek (k), Tomaş Holeş, Petr Şevçik, Antonin Barak, Lukaş Masopust və Patrik Şik çıxacaqlar.Danimarka yığmasının start heyətində isə Kasper Şmeyxel, Yannik Vesterqaard, Simon Kyer (k), Andreas Kristensen, Yoakim Mehle, Tomas Delaney, Pyer-Emil Hoybyerq, Yens Striqer, Mikkel Damsqaard, Kasper Dolberq və Martin Breytveyt yer alıblar.Saat 20:00-da başlayacaq qarşılaşmanı niderlandlı Byörn Kuipers idarə edəcək.Xatırladaq ki, “Avro-2020”nin D qrupunda yer alan Çexiya birinci oyunda Şotlandiyanı 2:0 hesabı ilə məğlub etsə də, ikinci görüşdə Xorvatiya ilə heç-heçə edib – 1:1. Komanda qrupda sonuncu qarşılaşmada İngiltərəyə minimal hesabla uduzub. Çexiya seçməsi səkkizdəbir finalda turnirin favoritlərindən sayılan Niderlandı mübarizədən kənarlaşdırıb – 2:0.Mübarizəyə B qrupunda başlayan Danimarka yığması isə ilk iki görüşdə Finlandiyaya (0:1) və Belçikaya (1:2) uduzsa da, sonuncu oyunda Rusiyanı 4:1 hesabı ilə məğlub etdiyindən top fərqinə görə qrup ikincisi kimi səkkizdəbir finala yüksəlib. Danimarkalılar səkkizdəbir finalda Uelsi 4:0 hesabı ilə məğlub edərək dörddəbir finala vəsiqə qazanıblar.Bu oyunda mərhələ keçən komanda yarımfinalda İngiltərə-Ukrayna qarşılaşmasının qalibi ilə üz-üzə gələcək. Romadakı “Olimpiko” stadionunda baş tutacaq İngiltərə-Ukrayna oyunu Bakı vaxtı ilə saat 23:00-da start götürəcək. Görüşün baş hakimi almaniyalı Feliks Brix olacaq. Britaniyalılar əvvəlki raundda Almaniyanı (2:0), Ukrayna isə İsveçi üstələyib – 2:1.“Avro-2020”nin yarımfinal mərhələsinin görüşləri iyulun 6-7-də, final matçı isə iyulun 11-də keçiriləcək. Yarımfinal və final görüşlərinə Londondakı “Uembli” stadionu ev sahibliyi edəcək. Birinci yarımfinal matçında İtaliya və İspaniya komandaları qarşılaşacaqlar.Qeyd edək ki, Bakı Olimpiya Stadionu “Avro-2020”nin A qrupu çərçivəsində Uels-İsveçrə (1:1), Uels – Türkiyə (0:2) və İsveçrə - Türkiyə (3:1) oyunlarına ev sahibliyi edib.xeber100.com

Avropa çempionatının dörddəbir final mərhələsi çərçivəsində

Futbol üzrə Avropa çempionatının dörddəbir final mərhələsi çərçivəsində Bakı Olimpiya Stadionunda Çexiya və Danimarka yığmaları qarşılaşırlar.Azərtac xəbər verir ki, Çexiya millisinin heyətində meydana Tomaş Vaclik, Yan Boril, Tomaş Kalas, Ondrey Çelustka, Vladimir Soufal, Tomaş Souçek (k), Tomaş Holeş, Petr Şevçik, Antonin Barak, Lukaş Masopust və Patrik Şik çıxıblar.Danimarka yığmasının start heyətində isə Kasper Şmeyxel, Yannik Vesterqaard, Simon Kyer (k), Andreas Kristensen, Yoakim Mehle, Tomas Delaney, Pyer-Emil Hoybyerq, Yens Striqer, Mikkel Damsqaard, Kasper Dolberq və Martin Breytveyt yer alıblar.Qarşılaşmanı niderlandlı Byörn Kuipers idarə edir.Xatırladaq ki, “Avro-2020”nin D qrupunda yer alan Çexiya birinci oyunda Şotlandiyanı 2:0 hesabı ilə məğlub etsə də, ikinci görüşdə Xorvatiya ilə heç-heçə edib – 1:1. Komanda qrupda sonuncu qarşılaşmada İngiltərəyə minimal hesabla uduzub. Çexiya seçməsi səkkizdəbir finalda turnirin favoritlərindən sayılan Niderlandı mübarizədən kənarlaşdırıb – 2:0.Mübarizəyə B qrupunda başlayan Danimarka yığması isə ilk iki görüşdə Finlandiyaya (0:1) və Belçikaya (1:2) uduzsa da, sonuncu oyunda Rusiyanı 4:1 hesabı ilə məğlub etdiyindən top fərqinə görə qrup ikincisi kimi səkkizdəbir finala yüksəlib. Danimarkalılar səkkizdəbir finalda Uelsi 4:0 hesabı ilə məğlub edərək dörddəbir finala vəsiqə qazanıblar.Bu oyunda mərhələ keçən komanda yarımfinalda İngiltərə-Ukrayna qarşılaşmasının qalibi ilə üz-üzə gələcək. Romadakı “Olimpiko” stadionunda baş tutacaq İngiltərə-Ukrayna oyunu Bakı vaxtı ilə saat 23:00-da start götürəcək. Görüşün baş hakimi almaniyalı Feliks Brix olacaq. Britaniyalılar əvvəlki raundda Almaniyanı (2:0), Ukrayna isə İsveçi üstələyib – 2:1.“Avro-2020”nin yarımfinal mərhələsinin görüşləri iyulun 6-7-də, final matçı isə iyulun 11-də keçiriləcək. Yarımfinal və final görüşlərinə Londondakı “Uembli” stadionu ev sahibliyi edəcək. Birinci yarımfinal matçında İtaliya və İspaniya komandaları qarşılaşacaqlar.Qeyd edək ki, Bakı Olimpiya Stadionu “Avro-2020”nin A qrupu çərçivəsində Uels-İsveçrə (1:1), Uels–Türkiyə (0:2) və İsveçrə-Türkiyə (3:1) oyunlarına ev sahibliyi edib.xeber100.com

Avropa çempionatının dörddəbir final mərhələsinə start veriləcək

İyulun 2-də İsveçrə-İspaniya oyunu ilə futbol üzrə Avropa çempionatının dörddəbir final mərhələsinə start veriləcək.Azərtac xəbər verir ki, Sankt-Peterburqda oynanılacaq görüş Bakı vaxtı ilə saat 20:00-da başlayacaq. Matçı ingiltərəli referi Maykl Oliver idarə edəcək.İsveçrə yığması səkkizdəbir finalda sonuncu dünya çempionu Fransanı mübarizədən kənarlaşdırıb. Həmin görüşdə əsas vaxt 3:3 hesabı ilə başa çatdığından 11 metrlik cərimə zərbələri seriyasında İsveçrə komandası 5:4 hesabı ilə qalib gəlib. İspaniya isə sonuncu dünya çempionatının gümüş mükafatçısı Xorvatiyanı 5:3 hesabı ilə məğlub edərək dörddəbir finala yüksəlib.Günün sonuncu görüşündə turnirin əsas favoritləri - Belçika və İtaliya komandaları üz-üzə gələcəklər. Münhendə baş tutacaq qarşılaşma Bakı vaxtı ilə saat 23:00-da start götürəcək. Görüşün baş hakimi sloveniyalı Slavko Vinçiç olacaq.İtaliya millisi səkkizdəbir finalda Avstriyanı (3:1), Belçika seçməsi isə sonuncu Avropa çempionu Portuqaliyanı (1:0) məğlub edib.Bu görüşlərdə qalib gələn komandalar yarımfinalda üz-üzə gələcəklər.Dörddəbir final mərhələsinin digər iki görüşündə Çexiya millisi Bakı Olimpiya Stadionunda Danimarka, Ukrayna isə Romadakı “Olimpiko” stadionunda İngiltərə seçməsi ilə qarşılaşacaqlar. Bakıdakı oyun saat 20:00-da, Ukrayna-İngiltərə matçı isə saat 23:00-da başlayacaq.“Avro-2020”nin yarımfinal mərhələsinin görüşləri iyulun 6-7-də, final matçı isə iyulun 11-də keçiriləcək. Yarımfinal və final görüşlərinə Londondakı “Uembli” stadionu ev sahibliyi edəcək.xeber100.com

Cüdoçular arasında Avropa kuboku yarışı start götürəcək

İyulun 3-də Portuqaliyada gənc cüdoçular arasında Avropa kuboku yarışı start götürəcək.Azərtac xəbər verir ki, turnirdə Azərbaycanı 10 cüdoçu təmsil edəcək.Oğlanların yarışında Turan Bayramov, Samir Piriyev, Kənan İsmayılov (60 kq), Vaqif Tarverdiyev, Kamran Süleymanov (66 kq), Çingiz Fəttahov, Nəriman Mirzəyev, Zaməddin Poladov (73 kq), Elcan Hacıyev (81 kq) və Ruslan Nəsirli (100 kq) medallar uğrunda mübarizə aparacaqlar.Yarış iyulun 4-də başa çatacaq.xeber100.com

Futbol üzrə respublika turnirinin qalibləri müəyyənləşib

Vətən müharibəsi şəhidlərinin xatirəsinə həsr olunmuş yeniyetmələr arasında respublika turnirinin proqramına daxil olan futbol üzrə final yarışı keçirilib.Azərtac xəbər verir ki, “Təhsil” Respublika İdman Mərkəzinin “Zuğulba” Tədris İdman Bazasında təşkil olunan yarışda hər zonadan I və II yer üzrə final mərhələsinə vəsiqə qazanan 12 komanda – İmişli rayonu, Lənkəran şəhəri, Gəncə şəhəri, Saatlı rayonu, Xaçmaz rayonu, Quba rayonu, Yevlax şəhəri, Göyçay rayonu, Zaqatala rayonu, Binəqədi rayonu, Cəlilabad rayonu, Sabunçu rayonunun məktəbliləri mübarizə aparıblar. Yarışda Cəlilabad rayonu birinci, İmişli rayonu ikinci, Gəncə şəhərinin komandası isə üçüncü yerə layiq görülüb.Olimpiya sistemi üzrə altı zonada keçirilən turnirdə idmanın dörd növü üzrə ümumilikdə respublikanın bütün rayon və şəhərlərindən 2000-dən çox məktəbli iştirak edib.Təhsil, Gənclər və İdman nazirlikləri, Milli Olimpiya Komitəsi, Azərbaycan Məktəb İdmanları Federasiyasının təşkilatçılığı ilə 2021-ci ilin may-iyun aylarında keçirilən yarışlarda Təhsil Nazirliyinin tabeliyində fəaliyyət göstərən bütün rayon və şəhər ümumi təhsil müəssisələrinin şagirdləri mini-futbol (13-14 yaş), atletika (13-14 yaş), voleybol (oğlanlar, 14-15 yaş), basketbol (oğlanlar,14-15 yaş) idman növləri üzrə yarışırlar.Turnirin keçirilməsində məqsəd şəhidlərimizin xatirəsinin əbədiləşdirilməsi, yeniyetmələr arasında vətənpərvərlik hisslərinin gücləndirilməsi, şagirdlərin sağlam həyat tərzinə istiqamətləndirilməsi, onların asudə vaxtının səmərəli təşkili, idmana marağının artırılması, ümumtəhsil məktəblərinin idman sahəsində sinifdənxaric və məktəbdənkənar fəaliyyətlərinin qiymətləndirilməsidir.xeber100.com

Boksçular arasında Avropa birinciliyi start götürəcək

İyulun 3-də Tbilisidə yeniyetmə boksçular arasında Avropa birinciliyi start götürəcək.Azərtac xəbər verir ki, 9 gün davam edəcək çempionatda Azərbaycan həm oğlanların, həm də qızların yarışında mübarizə aparacaq.Oğlanlardan ibarət komandamız birincilikdə 11 boksçu ilə təmsil olunacaq. Belə ki, baş məşqçi Vaqif Kazımov, məşqçilər Ağası Məmmədov və Vüqar Məmmədovun rəhbərliyi altında boksçularımız Tofiq Quliyev (46 kq), Kənan Babayev (48 kq), Ənəs Ağayev (50 kq), Mahir Süleymanov (52 kq), Məhəmmədəli Qasımzadə (54 kq), Nadir Məlikov (57 kq), Fuad Babayev (60 kq), Fərhad Şeydayev (63 kq), Ziya Həsənov (66 kq), Lətif Həsənov (70 kq) və Eldar Əsədli (80 kq-dan yuxarı) yarışda qüvvələrini sınayacaqlar.Qızların yarışında isə yığmamız baş məşqçi Elbrus Rzayevin deyil, böyük məşqçi Elvin Məmişzadənin rəhbərliyi altında gücünü yoxlayacaq. Çempionatda ölkəmizin idman şərəfini Lilya Platova (54 kq), Emili Rzayeva (63 kq) və Ayna Rüstəmova (66 kq) qoruyacaqlar.Boksçularımız artıq Tbilisiyə yollanıblar. Yarışda 30 ölkədən 339 (224 oğlan, 115 qız) boksçunun iştirakı gözlənilir.Qeyd edək ki, Avropa birinciliyinin püşkü iyulun 2-də atılacaq. Final görüşləri isə ayın 11-də baş tutacaq.xeber100.com

“Silver Lake 2021” beynəlxalq şahmat festivalı başa çatıb

Serbiyada “Silver Lake 2021” beynəlxalq şahmat festivalı başa çatıb.Azərtac xəbər verir ki, festivalda Azərbaycanı altı şahmatçı təmsil edib. Onlardan üçü A qrupunda, üçü isə B qrupunda mübarizə aparıb.A qrupunda mübarizə aparan şahmatçılar arasında yalnız qrossmeysterimiz Ülvi Sadıqovun çıxışını qənaətbəxş qiymətləndirmək olar. Ü.Sadıqov kifayət qədər güclü şahmatçıların çıxış etdiyi turniri beşinci pillədə bitirib. Festivalın əsas yarışında mübarizə aparan digər şahmatçılarımız Pərviz Qasımov 40-cı, Toğrul Həsənzadə isə 76-cı olublar.B qrupunda mübarizə aparan şahmatçılarımız isə daha uğurlu çıxış ediblər. Belə ki, gənc şahmatçımız Sadiq Qarayev yarışı 4-cü, Nəsrin Babayeva 18-ci, Nazlı Hümbətova isə 31-ci pillədə başa vurublar.Qaliblərə gəlincə, festival Hindistan və Serbiya şahmatçılarının triumfu ilə nəticələnib. A qrupunda ilk üçlükdə hindistanlı şahmatçılar Nihal Sarin, Raunak Sadxavani və Abximanyu Puranik yer alıblar.B qrupunda da bütün mükafatçılar eyni ölkədən olublar. Serbiyalı Aleksa Alimpiç turnirin qalibi, onun həmyerliləri Aleksandr Arandjeloviç və Miodraq Yevtiç isə müvafiq olaraq ikinci və üçüncü yerləri tutublar.xeber100.com

“Serbia Chess Open 2021” şahmat turniri keçiriləcək

İyulun 2-dən 8-dək Serbiyanın paytaxtı Belqradda birinci beynəlxalq "Serbia Chess Open 2021" şahmat turniri keçiriləcək.Azərtac xəbər verir ki, yarışda Azərbaycan geniş heyətlə təmsil olunacaq. Belə ki, turnir çərçivəsində keçiriləcək "Masters" yarışında Eltac Səfərli, Vüqar Əsədli, Aydın Süleymanlı, Misrətdin İsgəndərov, Ülvi Sadıqov, Vüqar Rəsulov, Məhəmməd Muradlı, Əhməd Əhmədzadə, Xəzər Babazadə, Pərviz Qasımov, Read Səmədov, Toğrul Həsənzadə, Gövhər Beydullayeva iştirak edəcəklər."Amateurs" turnirində isə Sadiq Qarayev, Nəsrin Babayeva, Nazlı Hümbətova, Ramazan Şərifov mübarizə aparacaqlar."Serbia Chess Open 2021"də 42 ölkədən 400-dən yuxarı şahmatçı iştirak edəcək.xeber100.com

“Avro-2020”nin səkkizdəbir final mərhələsi çərçivəsində

“Avro-2020”nin səkkizdəbir final mərhələsi çərçivəsində Şotlandiyanın Qlazqo şəhərindəki “Hampden Park” Arenada keçirilən İsveç-Ukrayna matçının ən yaxşı futbolçusu müəyyənləşib.Azərtac UEFA-nın rəsmi saytına istinadla xəbər verir ki, Ukrayna yığmasının üzvü Aleksandr Zinçenko görüşün ən yaxşısı seçilib. A.Zinçenko İsveç millisi ilə matçda ilk qolun müəllifi olub.Qeyd edək ki, İsveç millisini “Avro-2020”dən kənarlaşdıran Ukrayna yığması tarixində ilk dəfə turnirin dörddəbir final mərhələsinə yüksəlib. Növbəti mərhələdə Ukrayna millisi İngiltərə yığması ilə qarşılaşacaq. Matç iyulun 3-də Romada təşkil olunacaq.xeber100.com