Avropa çempionatında ikinci turun qarşılaşması keçiriləcək

İyunun 18-də futbol üzrə Avropa çempionatının qrup mərhələsində ikinci turun daha üç qarşılaşması keçiriləcək.Azərtac xəbər verir ki, Bakı vaxtı ilə saat 17:00-da başlayacaq birinci oyunda E qrupunda yer alan İsveç seçməsi Slovakiya ilə qarşılaşacaq. Sankt-Peterburqda keçiriləcək oyunu almaniyalı referi Marko Frits idarə edəcək.İsveç millisi birinci oyunda İspaniya seçməsi ilə qolsuz heç-heçə edib. Slovakiyalılar isə ilk oyunda Polşa seçməsini 2:1 hesabı ilə məğlub edib. Slovakiya yığması bu oyunda qalib gələcəyi təqdirdə səkkizdəbir finala vəsiqəni təmin edəcək.Bakı vaxtı ilə saat 20:00-da start götürəcək ikinci qarşılaşma Qlazqo şəhərindəki “Hempden Park” stadionunda oynanılacaq. Xorvatiya millisi Çexiya yığması ilə üz-üzə gələcək. Görüşün baş hakimi ispaniyalı Karlos del Serro Qrande olacaq. İlk turda Xorvatiya seçməsi İngiltərəyə minimal hesabla uduzub, Çexiya isə Şotlandiyanı 2:0 hesabı ilə üstələyib. Qələbə çexiyalıları pley-offa çıxaracaq.Günün saat 23:00-da başlayacaq sonuncu görüşündə E qrupunun favoriti İngiltərə yığması Şotlandiya ilə qarşılaşacaq. Londondakı “Uembli” stadionunda keçiriləcək matçı ispaniyalı Antonio Migel Mateu Laos idarə edəcək.Xatırladaq ki, Bakı Olimpiya Stadionu iyunun 20-də İsveçrə-Türkiyə görüşünə ev sahibliyi edəcək. İyulun 3-də isə çempionatın dörddəbir final mərhələsinin bir qarşılaşması Bakıda oynanılacaq.“Avro-2020”nin final matçı iyulun 11-də Londondakı “Uembli” stadionunda keçiriləcək.xeber100.com

“Grand Chess Tour” yarışının ikinci mərhələsi start götürəcək

Bu gün Parisdə Azərbaycan şahmatçısı Teymur Rəcəbovun da qatılacağı nüfuzlu “Grand Chess Tour” yarışının ikinci mərhələsi start götürəcək.Azərtac xəbər verir ki, turnir iştirakçıları üç gün ərzində rapid üzrə görüşlər keçirəcəklər. İyunun 21-də isə blits turniri baş tutacaq.Şahmatçımız bu gün ilk qarşılaşmasını Levon Aronyana (Ermənistan) qarşı keçirəcək. Sonrakı görüşlərdə Maksim Vaşe-Laqrav (Fransa), Alireza Firuzca (İran) ilə üz-üzə gələcək. Turnirdə şahmatçımız və adıçəkilən rəqiblərindən başqa, Fabiano Karuana, Uesli So (hər ikisi ABŞ), Maksim Vaşe-Laqrav, Etienne Bakrot (hər ikisi Fransa), Riçard Rapport (Macarıstan), Yan Nepomnyaşi, Vladimir Kramnik, Peter Svidler (hər üçü Rusiya) və Alireza Firuzca (İran) iştirak edirlər.xeber100.com

İsveçrə – Türkiyə oyunu üçün hakim təyinatları açıqlanıb

Futbol üzrə Avropa çempionatının Bakıda keçiriləcək İsveçrə - Türkiyə oyunu üçün hakim təyinatları açıqlanıb.Azərtac xəbər verir ki, qarşılaşmanın idarə edilməsi Sloveniyadan olan hakimlər briqadasına tapşırılıb. Oyunun baş hakimi Slavko Vinçiç olacaq. Ona həmyerliləri Tomaz Klançnik və Andraz Kovaçiç kömək edəcəklər. Dördüncü hakim funksiyasını isveçli Andreas Ekberq yerinə yetirəcək. Videonəzarət sistemi (VAR) üzrə hakim isə almaniyalı Bastian Dankert olacaq.İyunun 20-də Bakı Olimpiya Stadionunda keçiriləcək İsveçrə - Türkiyə matçı saat 20:00-da başlayacaq.xeber100.com

“Zirə” futbol komandasının hazırlıq planı müəyyənləşib

Bakının “Zirə” futbol komandasının mövsümlərarası hazırlıq planı müəyyənləşib.Azərtac kluba istinadla xəbər verir ki, komanda məşqlərə iyunun 24-də start verəcək. Hazırlığın Bakı mərhələsi iyulun 16-dək davam edəcək. “Zirə” bu müddətdə 3 yoxlama oyunu keçirməyi planlaşdırır.Hazırlığın növbəti mərhələsi isə iyulun 18-dən Türkiyədə gerçəkləşəcək. Avqustun 1-dək davam edəcək toplanış müddətində Bakı təmsilçisi 4 yoxlama matçı keçirəcək.xeber100.com

“Sivasspor” futbol klubu qapıçısı ilə yollarını ayırıb

Türkiyənin “Sivasspor” futbol klubu qapıçısı Mamadu Samassa ilə yollarını ayırıb.Azərtac xəbər verir ki, klub rəhbərliyi müqaviləsinin müddəti bitən 31 yaşlı futbolçuya xidmətlərinə görə təşəkkür edib, ona gələcək karyerasında uğurlar arzulayıb.Qeyd edək ki, Samassa 2019-cu ilin iyunundan “Sivasspor”un uğurları üçün çalışıb. Mali yığmasının formasını geyinən qolkiper, daha əvvəl “Trua” və “Genqam” klublarında da çıxış edib.

Boksçular arasında Avropa çempionatı start götürüb

İyunun 17-də İtaliyanın Rozeto-deli-Abrutstsi şəhərində 22 yaşadək boksçular arasında Avropa çempionatı start götürüb.Azərtac xəbər verir ki, 8 gün davam edəcək yarışda Azərbaycan milli komandası da qüvvəsini sınayacaq.Çempionatda gənclərdən ibarət yığmamızın baş məşqçisi Əsgər Eyvazov, məşqçilər Əli İsmayılov və Şahin İmranovun rəhbərliyi altında 7 boksçu mübarizə aparacaq.Komandamızın heyətində Əli Zamanov (52 kq), Masqud Xasmetov (56 kq), Cəlal Qurbanov (60 kq), Ruslan Rüstəmov (64 kq), Sərxan Əliyev (69 kq), Mirşərif Kazımzadə (75 kq) və Murad Allahverdiyev (81 kq) yer alıblar.Azərbaycanı qitə birinciliyində hakim kimi Fuad Aslanov təmsil edir.Turnir iyunun 24-də başa çatacaq.xeber100.com

Güləşçilərin Avropa çempionatı davam edir

Bolqarıstanın Samokov şəhərində yeniyetmə güləşçilərin Avropa çempionatı davam edir.Azərtac xəbər verir ki, çempionatın dördüncü günündə - iyunun 17-də 40, 46, 53, 61 və 69 kiloqram çəki dərəcələrindı çıxış edən qızlar xalça üzərinə çıxıblar.Mübarizəyə dörddəbir final mərhələsindən qoşulan güləşçimiz Zemfira Həşimova (46 kq) fransalı rəqibi Julyet Leskura “tuşe” ilə qalib gələrək adını yarımfinala yazdırıb. Güləşçimizin növbəti rəqibi Belarus təmsilçisi Svetlana Katenka olacaq.Çempionatda 53 kiloqram çəki dərəcəsində mübarizə aparan Əsmər Canqurtaran qitə birinciliyinə inamlı start verib. Həmyerlimiz təsnifat mərhələsində cəmi 32 saniyəyə rumıniyalı Krişta Kafayı “tuşe” ilə üstələyib. Ancaq növbəti mərhələdə polşalı güləşçisi Nikola Drozdek məğlub olub.Qeyd edək ki, sərbəst güləş üzrə Azərbaycan millisi Avropa çempionatında 3 gümüş və 1 bürünc medala sahib olub.xeber100.com

“Masters” turnirinin ikinci turunun oyunları keçirilib

Çexiyada Azərbaycan şahmatçısı Nicat Abasovun da qatıldığı ənənəvi Praqa şahmat festivalının əsas yarışının – “Masters” turnirinin ikinci turunun oyunları keçirilib.Azərtac xəbər verir ikinci turda ağ fiqurlarla mübarizə aparan şahmatçımız isveçli rəqibi Nils Qrandeliusu məğlub edib. Bununla da N.Abasov yarışda ilk qələbəsini qazanıb. Turun digər oyunlarında polşalı şahmatçılar Radoslav Voytaşek çexiyalı şahmatçı David Navaranı məğlub edib, Yan-Kşıştof Duda isə ABŞ təmsilçisi Sem Şenklanda uduzub. Çexiyanın digər şahmatçısı Tay Dan Van Nquyen isə niderlandlı Jorden Van Forest ilə heç-heçə edib.Qeyd edək ki, şahmatçımızın birinci turdakı qarşılaşması heç-heçə ilə başa çatıb. Turnir 7 turdan ibarətdir.xeber100.com

Güləşçilər arasında Avropa çempionatı davam edir

Bolqarıstanın Samokov şəhərində yeniyetmə güləşçilər arasında Avropa çempionatı davam edir.Azərtac xəbər verir ki, turnirdə 48 kiloqram çəki dərəcəsində çıxış edən sərbəst güləşçimiz Musa Verdiyev mübarizəyə dörddəbir finaldan qoşulub. Güləşçimiz startda Moldova təmsilçisinə heç bir şans tanımayıb. M.Verdiyev yarımfinalda ukraynalı rəqibini tam üstünlüklə məğlub edərək finala vəsiqə qazanıb. İyunun 15-də baş tutan həlledici görüşdə rusiyalı güləşçi ilə bacarmayan M.Verdiyev gümüş medalı boynundan asıb.xeber100.com

Fransa-Almaniya matçının ən yaxşı futbolçusu müəyyənləşib

Futbol üzrə “Avro-2020”nin F qrupu çərçivəsində keçirilən Fransa-Almaniya matçının ən yaxşı futbolçusu müəyyənləşib.Azərtac xəbər verir ki, Fransa yığmasının hücuma meyilli futbolçusu Pol Poqba bu görüşün ən yaxşısı seçilib.Bu barədə UEFA-nın rəsmi saytı məlumat yayıb. “Mançester Yunayted”in formasını geyinən futbolçu bu matçda rəqibinin qapısı qarşısında bir necə təhlükəli vəziyyət yaradıb.xeber100.com