Futbol üzrə Azərbaycan millisi təlim-məşq toplanışı çərçivəsində

İyunun 6-da futbol üzrə Azərbaycan millisi təlim-məşq toplanışı çərçivəsində sonuncu yoldaşlıq oyununu keçirib.Azərtac xəbər verir ki, millimiz səfərdə Moldova yığmasının qonağı olub.Kişineudakı “Zimbru” stadionundakı qarşılaşma meydan sahiblərin minimal hesabla qələbəsi ilə başa çatıb.Oyunda yeganə qolun müəllifi 8-ci dəqiqədə Vitaliy Damaşkan olub.Qeyd edək ki, bu, iki kollektiv arasında sayca 11-ci görüş olub. İndiyədək baş tutan 10 oyunun 8-i yoldaşlıq, 2-si isə dünya çempionatının seçmə mərhələ matçlarına təsadüf edib. Bu qarşılaşmaların üçündə Moldova, ikisində Azərbaycan millisi qələbə qazanıb. Beş görüşdə qalib müəyyənləşməyib.xeber100.com

“Grand Chess Tour” şahmat seriyasının ikinci turunun oyunları keçirilib

İyunun 6-da “Grand Chess Tour” şahmat seriyasının birinci mərhələsinin ikinci turunun oyunları keçirilib.Azərtac xəbər verir ki, Rumıniyada keçirilən turnirdə Azərbaycanı Şəhriyar Məmmədyarov və Teymur Rəcəbov təmsil edirlər. İkinci turda Şəhriyar Məmmədyarov rusiyalı Aleksandr Qrişuk, Teymur Rəcəbov niderlandlı Aniş Giri ilə heç-heçə ediblər. Qeyd edək ki, şahmatçılarımızın birinci turda qarşılaşmaları da heç-heçə ilə başa çatıb.Turun digər oyunlarında Rumıniya təmsilçiləri Boqdan-Daniel Dyak fransalı Maksim Vaşye-Laqrava qalib gəlib, Konstantin Lupulesku isə Fabiano Karuanaya uduzub. Uesli So ilə ermənistanlı Levon Aronyan görüşü isə heç-heçə ilə başa çatıb.Seriya ümumilikdə beş mərhələdən və böyük finaldan ibarət olacaq.xeber100.com

Boks üzrə Avropa Olimpiya təsnifat turniri davam edir

Parisdə boks üzrə Avropa Olimpiya təsnifat turniri davam edir.Azərtac xəbər verir ki, Azərbaycanın kişilərdən ibarət millisinin heyətində yarışa Tayfur Əliyev (57 kq), Cavid Çələbiyev (63 kq), Lorenzo Sotomayor (69 kq), Alfonso Dominqes (91 kq), Məhəmməd Abdullayev (+91 kq) qatılıblar.Qadınlardan ibarət yığmanın heyətində isə Məhsəti Həmzəyeva (57 kq) və Aynur Rzayeva (75 kq) yer alıblar.Dünya çempionumuz Cavid Çələbiyev səkkizdəbir finalda irlandiyalı boksçu Corc Batesi məğlub edərək dörddəbir finala vəsiqə qazanıb. Dörddəbir finala yüksəlməklə C.Çələbiyev Tokio Yay Olimpiya Oyunlarına vəsiqə əldə edib.Yığmamızın daha bir üzvü Alfonso Dominqes isə Olimpiadaya vəsiqə uğrunda ilk döyüşündə Avropa Oyunlarının qalibi Stefan Hrekul (Ukrayna) ilə gücünü yoxlayıb. Səkkizdəbir final çərçivəsində baş tutan görüş A.Dominqesin qələbəsi ilə başa çatıb. O, dörddəbir finalda rusiyalı İmam Xatayev ilə üz-üzə gələcək. Bu çəki dərəcəsində ən güclü 6 boksçu Tokio Yay Olimpiya Oyunlarına vəsiqə əldə edəcək.Xatırladaq ki, buna qədər yığmamızın üzvü Tayfur Əliyev “Tokio-2020”yə lisenziya əldə edib.xeber100.com

Formula 1 Azərbaycan Qran-Prisinin ikinci gününə Formula 2 yarışları ilə start verilib

İyulun 5-də Formula 1 Azərbaycan Qran-Prisinin ikinci gününə Formula 2 yarışları ilə start verilib.Azərtac xəbər verir ki, Formula 2 üzrə birinci sprint yürüşündə hər biri iki pilotla təmsil olunan 11 komanda mübarizə aparıb. Pilotlar Bakı şəhər halqasında 21 dövrə vurublar. Gərgin idman mübarizəsi şəraitində keçən yarışda “Prema Racing” komandasının rusiyalı pilotu Robert Şvartsman birinci olub. “Carlin”in üzvü Dan Tiktum yarışı ikinci, “UNİ-Virtuosi” komandasının pilotu Guanyu Zhou isə üçüncü pillədə başa vurublar.Daha sonra Formula 1 Azərbaycan Qran-Prisinin üçüncü sərbəst yürüşü keçirilib. Yürüşə hər biri iki pilotdan ibarət 10 komanda qatılıb. “Mercedes” komandasının heyətində Luis Hamilton və Valtteri Bottas, “Ferrari” komandasında Karlos Sayns, Çarls Lekler, “Williams”ın heyətində Corc Russell və Nikolas Latifi yarışıblar. “Red Bull Racing” komandasında Serxio Peres, Maks Ferstappen, “Alpha Tauri”də Pyer Qasli və Yuki Tsunoda, “Alpine”da isə Fernando Alonso ilə Esteban Okon mübarizə aparıblar. Bundan başqa, “Alfa Romeo”nun heyətində Antonio Covinatsi və Kimi Raykonnen, “McLaren”də Daniel Rikkardo və Lando Norris yürüşdə iştirak ediblər. Pilotlar Mik Şumaxer və Nikita Mazepin “Haas”, Sebastian Fettel və Lans Stroll "Aston Martin" komandasının idman şərəfini qoruyublar.Üçüncü yürüşdə “Alpha Tauri” komandasının pilotu Pyer Qasli fərqlənməyi bacarıb. Serxio Peres (“Red Bull Racing”) ikinci, Luis Hamilton (“Mercedes”) isə üçüncü olublar.Gərgin idman mübarizəsinin yaşandığı Formula 1 Azərbaycan Qran-Prisinin sıralama turunda bir neçə qəza baş verib. Belə ki, “Aston Martin” komandasının pilotu Lans Stroll 15-ci döngədən çıxarkən bolidi səddə çırpılıb. Təkəri zədələnən kanadalı pilotun bolidi yararsız hala düşüb. Növbəti qəza da 15-ci döngədə baş verib. Bu dəfə “Alfa Romeo”nun üzvü Antonio Covinatsi sürəti tənzimləyə bilməyərək qoruyucu sədlə toqquşub.Sıralama turunda “Ferrari” və “Mercedes” komandalarının pilotları Şarl Lekler və Luis Hamilton ilk iki pillədə qərarlaşıblar. Ş.Lekler 1 dəqiqə 41,218, L.Hamilton isə 1 dəqiqə 41,450 saniyəlik nəticə göstəriblər. “Red Bull Racing”in pilotu Maks Ferstappen (1 dəqiqə 41,563 saniyə) üçüncü yerdə qərarlaşıb. Bu turun nəticələrinə əsasən, iyunun 6-da keçiriləcək əsas yarışda pilotların düzülüşü müəyyənləşib.xeber100.com  

“Azeri Light” markalı neftin bir barelinin qiyməti 0,52 dollar artıb

Azərbaycan neftinin qiyməti bahalaşıb.Azərtac xəbər verir ki, “Azeri Light” markalı neftin bir barelinin qiyməti 0,52 dollar artaraq 71,80 dollar təşkil edib.Qeyd edək ki, “Azeri Light” neftinin bir barelinin qiyməti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.xeber100.com

Boks üzrə Avropa Olimpiya təsnifat turniri bərpa olunacaq

İyunun 4-də Parisdə boks üzrə Avropa Olimpiya təsnifat turniri bərpa olunacaq.Azərtac Azərbaycan Boks Federasiyasının saytına istinadla xəbər verir ki, ötən il martın 14-də Londonda başlayan turnir koronavirus pandemiyası ilə əlaqədar üç gündən sonra dayandırılmışdı.Parisdə yarışın birinci günündə Azərbaycan millisinin dörd boksçusu dörddəbir finala vəsiqə uğrunda rinqə çıxacaq. Belə ki, səkkizdəbir finalda 69 kiloqram çəki dərəcəsində mübarizə aparan Lorenzo Sotomayor Danimarka təmsilçisi Sebastian Terteryan ilə görüşəcək. Alfonso Dominqes (81 kq) ukraynalı Stefan Hrekula ilə qarşılaşacaq.Qadın boksçularımızdan Məhsəti Həmzəyeva (57 kq) Türkiyə idmançısı Aycan Güldağ, Aynur Rzayeva (75 kq) isə polşalı Yelizaveta Vojçik ilə üz-üzə gələcəklər.Beş gün davam edəcək Avropa Olimpiya təsnifat turnirində Azərbaycanın 7 boksçusu mübarizəni davam etdirir. Tokio Yay Olimpiya Oyunlarına lisenziya uğrunda Cavid Çələbiyev (63 kq), Məhəmməd Abdullayev (+91 kq), həmçinin Olimpiadada iştirakını təmin edən Tayfur Əliyev (57 kq) növbəti günlərdə yarışa qoşulacaqlar.Onların qüvvəsini sınadıqları 63 kiloqram çəki dərəcəsində 8, 57, 69 və 81 kiloqram çəki dərəcələrində 6, +91 və 75 kiloqram çəki dərəcələrində isə 4 idmançı Olimpiya Oyunlarına lisenziya qazanacaq.xeber100.com

Formula 1 Azərbaycan Qran-Prisinin birinci sərbəst yürüşü başlayıb

İyunun 4-də saat 12:30-da Formula 1 Azərbaycan Qran-Prisinin birinci sərbəst yürüşü başlayıb.Azərtac xəbər verir ki, yürüşə hər biri iki pilotdan ibarət 10 komanda qatılıb.“Mercedes” komandasının heyətində Luis Hamilton və Valtteri Bottas, “Ferrari” komandasında Karlos Sayns, Çarls Lekler, “Williams”ın heyətində Corc Russell və Nikolas Latifi yarışırlar. “Red Bull Racing” komandasında Serxio Peres, Maks Ferstappen, “Alpha Tauri”də Pyer Qasli və Yuki Tsunoda, “Alpine”da isə Fernando Alonso ilə Esteban Okon mübarizə aparırlar. Bundan başqa, “Alfa Romeo”nun heyətində Antonio Covinatsi və Kimi Raykonnen, “McLaren”də Daniel Rikkardo və Lando Norris yürüşdə iştirak edirlər. Pilotlar Mik Şumaxer və Nikita Mazepin “Haas”, Sebastian Fettel və Lans Stroll "Aston Martin" komandasının idman şərəfini qoruyurlar.Yürüş iştirakçıları 1 saat ərzində 6 kilometrlik Bakı trekində yarışacaqlar.İyunun 5-də pilotların düzülüşünü müəyyən edəcək yarış keçiriləcək. Ertəsi gün isə Formula 1 Azərbaycan Qran-Prisinin qalibi müəyyənləşəcək.Bakı şəhər halqasında Formula 1 yarışları 2016-cı ildən təşkil olunur. Yalnız ötən il koronavirus pandemiyası səbəbindən dünya çempionatının Azərbaycan mərhələsi ləğv edilmişdi.xeber100.com

“Real Madrid” klubunun fransalı yarımmüdafiəçisi komandanı tərk edə bilər

“Real Madrid” klubunun fransalı yarımmüdafiəçisi Rafael Varan yay transfer pəncərəsində komandanı tərk edə bilər.Azərtac xarici KİV-lərə istinadla xəbər verir ki, “Mançester Yunayted” klubu Fransa millisinin müdafiəçisi ilə yaxından maraqlanır. “Qırmızı şeytanlar”ın futbolçunun transferi üçün 35-40 milyon avro ödəməyə hazır olduğu bildirilir.R.Varanın “Real Madrid” ilə müqaviləsinin müddəti 2022-ci ilin yayında başa çatır. “Kral klubu”nun yeni baş məşqçisi Karlo Ançelottinin komandaya gəlişinin futbolçu ilə müqavilənin uzadılmasına təsir etməyəcəyi ehtimal olunur.Həmçinin “Mirror” nəşrinin məlumatına görə, “Mançester Yunayted”in Rafael Varana təklif etdiyi məvacib futbolçunun “Real Madrid”dəki qazancından iki dəfə çoxdur.xeber100.com

Azərbaycan milli komandası yoldaşlıq oyunu çərçivəsində

On doqquz yaşadək futbolçulardan ibarət Azərbaycan milli komandası yoldaşlıq oyunu çərçivəsində belaruslu həmyaşıdları ilə qarşılaşıb.Azərtac AFFA-ya istinadla xəbər verir ki, Belarusun paytaxtı Minsk şəhərində keçirilən qarşılaşma 0:0 hesabı ilə başa çatıb.xeber100.com

Boks üzrə Avropa Olimpiya təsnifat turniri start götürəcək

İyunun 4-də Parisdə boks üzrə Avropa Olimpiya təsnifat turniri start götürəcək.Azərtac xəbər verir ki, Azərbaycanın kişilərdən ibarət millisinin heyətində Tayfur Əliyev (57 kq), Cavid Çələbiyev (63 kq), Lorenzo Sotomayor (69 kq), Alfonso Dominqes (91 kq), Məhəmməd Abdullayev (+91 kq) mübarizə aparacaqlar. Qadınlardan ibarət yığmanın heyətində isə Məhsəti Həmzəyeva (57 kq) və Aynur Rzayeva (75 kq) yer alıblar.Qeyd edək ki, Avropa Olimpiya təsnifat turniri ötən il martın 14-də Londonda başlamışdı. Lakin yarış üç gündən sonra koronavirus pandemiyası səbəbindən dayandırılmışdı. Azərbaycan millisinin heyətində Tayfur Əliyev turnirin dörddəbir finalına yüksəlməklə Olimpiadada iştirak hüququ qazanıb.Yarış iyunun 8-də başa çatacaq.xeber100.com