Azərbaycan kubokunun final matçının başlama vaxtı müəyyənləşib

Futbol üzrə Azərbaycan kubokunun final matçının başlama vaxtı müəyyənləşib.Azərtac Peşəkar Futbol Liqasının (PFL) saytına istinadla xəbər verir ki, “Keşlə” və "Sumqayıt” komandaları arasında mayın 24-də “Bank Respublika Arena”da keçiriləcək qarşılaşma saat 19:30-da start götürəcək.Oyun “CBC Sport” telekanalı ilə birbaşa yayımlanacaq.xeber100.com

2021-ci ildə keçiriləcək Avropa çempionatının seçmə mərhələsi başa çatıb

Qadın voleybolçular arasında 2021-ci ildə keçiriləcək Avropa çempionatının seçmə mərhələsi başa çatıb.Azərtac xəbər verir ki, qitə birinciliyinin final mərhələsinin bütün iştirakçıları müəyyənləşib.Belarus, Bosniya və Herseqovina, Macarıstan, Yunanıstan, İspaniya, Slovakiya, Finlandiya, Fransa, Ukrayna, Çexiya, İsveçrə və İsveç milliləri seçmə mərhələdən "Avro-2021"ə yüksəliblər.Azərbaycan yığması final mərhələsinə "Avro-2019"un nəticələrinə görə vəsiqə qazanan 8 ən yaxşı komandadan biridir. Millimizlə yanaşı, Belçika, Almaniya, İtaliya, Niderland, Polşa, Rusiya və Türkiyə də qitə çempionatında gücünü sınayacaq."Avro-2021"in oyunları avqustun 18-dən sentyabrın 4-dək Bolqarıstan, Rumıniya, Serbiya və Xorvatiyada keçiriləcək.xeber100.com

Karate üzrə 56-cı Avropa çempionatı start götürəcək

Mayın 19-da Xorvatiyanın Poreç şəhərində karate üzrə böyüklər arasında 56-cı Avropa çempionatı start götürəcək.Azərtac xəbər verir ki, turnirin fərdi kumite yarışlarında ölkəmizi Firdovsi Fərzəliyev (60 kq), Tural Ağalarzadə (67 kq), Rafael Ağayev (75 kq), Pənah Abdullayev (84 kq) və Asiman Qurbanlı (84 kq) təmsil edəcəklər. Qadınların yarışlarında isə Nuranə Əliyeva (50 kq), İlahə Qasımova (55 kq), Fəridə Abiyeva (61 kq), İrina Zaretska (68 kq) və Fəridə Əliyeva (68 kq) tatami üzərinə çıxacaqlar.Komanda yarışlarında Tural Ağalarzadə, Rafael Ağayev, Pənah Abdullayev, Asiman Qurbanlı, Rafiz Həsənov, Ayxan Mamayev və Turqut Həsənovdan ibarət heyət mübarizə aparacaq. Qadınların komanda turnirində isə Nuranə Əliyeva, İlahə Qasımova, İrina Zaretska və Fəridə Əliyevanın iştirakı nəzərdə tutulub.Kata üzrə fərdi yarışlarda Roman Heydərov və Neda Rezai, komanda yarışlarında Rövşən Əliyev, Tural Balcanlı və İsmayıl Quliyev mübarizə aparacaqlar.Avropa çempionatı mayın 23-dək davam edəcək.xeber100.com

Futbol üzrə Almaniya çempionatının 35-ci turu çərçivəsində

Ötən gün futbol üzrə Almaniya çempionatının 35-ci turu çərçivəsində keçirilən “Bavariya” – “Frayburq” oyunu Münxen təmsilçilərinin hücumçusu Robert Levandosvki üçün əlamətdar olub.Azərtac xəbər verir ki, matçın 26-cı dəqiqəsində 11 metrlik cərimə zərbəsindən fərqlənən polşalı ulduz futbolçu cari mövsümdə 29 oyunda 40 qol vurub. O, bu göstəriciyə görə “Bavariya” klubunun əfsanəvi futbolçusu Gerd Müllerin rekordunu təkrarlayıb. G.Müller bu nailiyyəti 1971-1972-ci il mövsümündə reallaşdırıb.R.Levandovski cari mövsümdə bütün turnirlərdə 34 oyunda 45 dəfə fərqlənməyə nail olub.xeber100.com

İtaliya A Seriyasının 37-ci turu çərçivəsində digər görüşlər keçiriləcək

Mayın 16-da futbol üzrə İtaliya A Seriyasının 37-ci turu çərçivəsində digər görüşlər keçiriləcək.Azərtac xəbər verir ki, turun ikinci oyun gününün ən maraqlı görüşü “San-Siro” stadionunda baş tutacaq. “Milan” klubu autsayder “Kalyari”ni qəbul etməsinə baxmayaraq, bu oyun Milan təmsilçiləri üçün böyük önəm kəsb edir. Belə ki, klub doqquz illik fasilədən sonra UEFA Çempionlar Liqasına vəsiqə qazana bilər. Bu vəsiqəni əldə etmək üçün milanlılar “Kalyari” klubunu mütləq məğlub etməlidirlər.Hazırda turnir cədvəlində vəziyyət belədir: ötən gün beşinci yerdə qərarlaşan “Yuventus” klubu vaxtından əvvəl çempionluğunu təmin etmiş “İnter”i məğlub edərək xal ehtiyatını 75-ə çatdırıb. Turin təmsilçisi UEFA Çempionlar Liqasına vəsiqəni təmin edən dördüncü pilləyə ən azı bir günlük yüksəlib. Müvəqqəti beşinci pilləyə enən və aktivində 73 xal olan “Napoli” isə bu gün “Fiorentina” komandasının qonağı olacaq. Bu oyunda Neapol təmsilçisi səfər matçında qalib gələrək yenidən “Yuventus”u qabaqlamağa çalışacaq. “Yuventus” ilə eyni xala malik “Milan” isə şəxsi oyunlarda daha üstün olduğundan üçüncü pillədə qərarlaşıb.“Milan” klubu sonuncu dəfə 2012-2013-cü il mövsümündə qitənin ən nüfuzlu klub turnirində iştirak edib. Milanlılar İtaliyanın dünyada ən titullu klub komandalarından biri və ən çox beynəlxalq kubok qazanmış futbol klubudur. 1963-cü ildə UEFA Çempionlar Liqasını qazanmaqla bu titulu qazanan ilk İtaliya klubudur. Həmçinin “Milan” UEFA Çempionlar Liqasının kubokunu öz muzeyində əbədi saxlamaq hüququna malik beş Avropa klubundan biridir. UEFA Super Kubokunu ən çox qazanmış iki klubdan biri (6 dəfə) olan “Milan” Beynəlxalq Futbol Tarixi və Statistikaları Federasiyasının versiyasına görə XX əsrin ən yaxşı üçüncü futbol klubudur.xeber100.com

“Mançester Siti” futbol klubu yeni rekorda imza atıb.

"Mançester Siti" futbol klubu yeni rekorda imza atıb.Azərtac xəbər verir ki, komanda buna İngiltərə Premyer Liqasının 36-cı turunda "Nyukasl"a 4:3 hesabı ilə qalib gəlməklə nail olub. Bununla da, Mançester təmsilçisi ölkə çempionatında səfər matçlarında ardıcıl 12-ci qələbəsini qazanıb. Bu isə turnir üçün yeni rekorddur.Əvvəllər 2008-ci ildə "Çelsi" və 2017-ci ildə "Mançester Siti" səfər görüşlərində 11 oyunluq qələbə seriyasına sahib olub. Maraqlıdır ki, bu, yalnız Premyer Liqa üçün deyil (liqa 1992-ci ildə qurulub), həm də bütün ingilis futbolu üçün bir rekorddur. 1888-ci ildə Futbol Liqasının yaranmasından bəri ilk dörd bölgədə heç bir komanda belə bir nailiyyət əldə etməyib.Qeyd edək ki, "Mançester Siti" bu mövsüm Premyer Liqada çempionluğu təmin edib.xeber100.com

“Neftçi” klubu iki legioner hücumçusu ilə bu yay vidalaşmağı planlaşdırır

Bakının "Neftçi" futbol klubu iki legioner hücumçusu ilə bu yay vidalaşmağı planlaşdırır.Azərtac xəbər verir ki, baş məşqçi Samir Abasov həm Stiven Monrozun, həm də bu qış icarəyə götürülən Ahmed Ahmedovun komandada qalmasını istəmir.Məşqlərdəki hərəkətləri ilə meydandakı oyunu uzlaşmayan A.Ahmedovun icarə müqaviləsi uzadılmayacaq. Aldığı yüksək maaşın qarşılığını verə bilməyən Monroz da yola salınacaq.xeber100.com

Azərbaycan Premyer Liqasında son turun oyun cədvəli müəyyənləşib

Mayın 15-də futbol üzrə Azərbaycan Premyer Liqasında son turun oyun cədvəli müəyyənləşib.Azərtac Peşəkar Futbol Liqasının (PFL) saytına istinadla xəbər verir ki, görüşlərin hamısı mayın 19-da keçiriləcək. “Neftçi” və “Qarabağ” komandaları arasındakı çempionluq qarşılaşması Bakının Mərdəkan qəsəbəsindəki “Dalğa Arena”da saat 20:30-da başlanacaq.Qalan 3 görüş isə daha erkən - saat 18:00-da start götürəcək. Həmin görüşlərdə “Səbail” klubu “Sumqayıt”ı, “Sabah” komandası “Zirə”ni, “Keşlə” isə “Qəbələ”ni qəbul edəcək.Turun iki görüşü “CBC Sport” telekanalı vasitəsilə, digər iki qarşılaşma isə PFL-in saytında canlı yayımlanacaq.İyirmi yeddi turdan sonra aktivində 57 xalı olan “Qarabağ” birinci, 56 xalı olan “Neftçi” ikinci, 38 xalla “Zirə” üçüncü, 36 xalı olan “Sumqayıt” isə dördüncü yerdə qərarlaşıb. Digər pillələrdə müvafiq olaraq “Sabah” (26), “Qəbələ” (26), “Səbail” (24) və “Keşlə” (23) yer alıblar.xeber100.com

İtaliya A Seriyasının XXXVII tur matçında “İnter” “Yuventus”un qonağı olub

Mayın 15-də futbol üzrə İtaliya A Seriyasının XXXVII tur matçında çempion "İnter" "Yuventus"un qonağı olub.Azərtac xəbər verir ki, Turindəki "Alyants Stadium"da keçirilmiş görüş meydan sahiblərinin qələbəsi ilə yekunlaşıb - 3:2. Baş hakim Canpaolo Kalvareze ümumilikdə üç dəfə penalti nöqtəsini, 2 dəfə isə qırmızı vərəqə göstərib.Hesabı 24-cü dəqiqədə Kriştiano Ronaldo açıb. "Yuventus"un hücumçusunun yerinə yetirdiyi penaltini "İnter"in qapıçısı Samir Handanoviç qaytarsa da, təkrar zərbə dəqiq olub. Bu, portuqaliyalı forvardın karyerasında 777-ci qolu olub.Oyunun 35-ci dəqiqəsində Romelu Lukaku penalti ilə bərabərlik qolunu vurub. Lakin 45+4-cü dəqiqədə Xuan Kuadrado meydan sahiblərini yenidən hesabda irəli çıxarıb.Matçın 56-cı dəqiqəsində Rodriqo Bentankur ikinci sarı vərəqəni alaraq, "Yuventus"u azlıqda qoyub. Qarşılaşmanın 84-cü dəqiqəsində Corco Kyellini topu öz qapısına göndərib. Bununla belə, Kuadrado 88-ci dəqiqədə qələbə topunu vurmağa müvəffəq olub. Oyunun 90-cı dəqiqəsində isə Martselo Brozoviç qırmızı vərəqə alaraq, "İnter"i oyunu 10 futbolçu ilə bitirməyə məcbur edib.Bu qələbədən sonra "Yuventus" 75 xalla UEFA Çempionlar Liqasına vəsiqə verən 4-cü pilləyə ən azı bir günlük yüksəlib. "İnter" isə 88 xalla 1-ci pillədədir və çempionluğu daha erkən təmin edib.Bu nəticə həm də 67 xalla 6-cı pillədə gedən "Latsio"nun UEFAÇempionlar Liqasına yüksəlmə şanslarının üstündən xətt çəkib. "Latsio" bu gün "Roma" ilə səfər oyununda ən yaxşı halda 5-ci yer uğrunda mübarizə aparacaq. Bu pillənin hazırkı sahibi, 73 xala malik "Napoli" isə mayın 16-da "Fiorentina" ilə səfər matçında qalib gələrək, yenidən "Yuventus"u keçməyə çalışacaq. “Yuventus”la eyni xala malik “Milan” isə şəxsi oyunlarda daha üstün olduğundan üçüncü pillədə qərarlaşıb. Milanlılar sabah öz meydanında “Kalyar”nı qəbul edəcək. “Rossoneri”lər bu oyunda qalib gələrsə UEFA Çempionlar Liqasına vəsiqəsini sona bir tur qalmış təmin edir.xeber100.com

Futbol üzrə Avropa çempionatının rəsmi mahnısı müəyyənləşib

Bu il keçiriləcək futbol üzrə Avropa çempionatının rəsmi mahnısı müəyyənləşib.Azərtac xəbər verir ki, mahnını niderlandlı Martin Qarriks və İrlandiyanın "U2 Bono and The Edge" rok qrupunun üzvləri ifa edirlər. Mahnı "We are the people" adlanır.Qeyd edək ki, "Avro-2020" bu il iyunun 11-dən iyulun 11-dək keçiriləcək. Bakı Olimpiya Stadionu "A" qrupunun İsveçrə - Uels, Türkiyə - Uels və Türkiyə - İsveçrə qarşılaşmalarına, eləcə də dörddəbir final mərhələsinin 1 oyununa ev sahibliyi edəcək.xeber100.com