Formula 1 Monako Qran-Prisinin qalibi müəyyənləşib

Mayın 23-də Formula 1 Monako Qran-Prisinin qalibi müəyyənləşib.Azərtac xəbər verir ki, yarışda “Red Bull”un pilotu Maks Ferstappen birinci olub. Karlos Sayns ("Ferrari") yarışı ikinci, Lando Norris (“McLaren”) isə üçüncü pillədə başa vurublar.M.Ferstappen ilk dəfə Monako Qran-Prisinin qalibi olub. Pilot, həmçinin cari mövsüm ikinci, karyerasında isə 12-ci qələbəsini qazanıb. Formula 1 tarixində ilk dəfə M.Ferstappen pilotların sıralamasında birinci pillədə yer alıb.Pilotların siyahısına 105 xalla M.Ferstappen başçılıq edir. L.Hamilton 101 xalla ikinci, L.Norris isə 56 xalla üçüncü pillədə qərarlaşıb.“Red Bull” komandası Konstruktorlar kubokunda birinci pilləyə yüksəlib. Avstriya təmsilçisinin hesabında 149 xal var. İlk üçlüyü "Mercedes" (148 xal) və "McLaren" (80 xal) komandaları tamamlayır.Növbəti yarış iki həftə sonra – iyunun 4-6-da Bakı şəhər halqasında təşkil olunacaq.xeber100.com

Parakarate üzrə Avropa çempionatı davam edir

Xorvatiyanın Poreç şəhərində parakarate üzrə Avropa çempionatı davam edir.Azərtac xəbər verir ki, çempionatda 1 qızıl, 2 bürünc medal qazanan parakarate üzrə milli komandamız ümumi hesabda qitə çempionatının 3-cü pilləsində yer alır. İspaniya parakarateçiləri 3 qızıl, 1 gümüş medalla birinci, aktivində 1 qızıl, 1 gümüş medal olan Macarıstan yığması isə ikinci sıradadır.Qeyd edək ki, komandamızın aktivinə qızıl medalı millimizin üzvü Emliya Mitlinova yazdırıb. Bürünc medalları isə yığmamızın üzvləri Sahib Əhədov və Eldar Əhmədov qazanıblar.Parakarate üzrə Avropa çempionatında 5 idmançımız mübarizə aparır. Qitə çempionatına mayın 23-də yekun vurulacaq.xeber100.com

“Champions Chess Tour” seriyasının altıncı mərhələsi start götürəcək

Mayın 23-də şahmat üzrə dünya çempionu, norveçli Maqnus Karlsenin təşkil etdiyi “Champions Chess Tour” onlayn seriyasının altıncı mərhələsi - “The FTX Crypto Cup” start götürəcək.Azərtac xəbər verir ki, yarışda Azərbaycanı iki şahmatçı - Şəhriyar Məmmədyarov və Teymur Rəcəbov təmsil edəcəklər. Şahmatçılarımızla yanaşı, turnirdə Maqnus Karlsen, amerikalı qrossmeysterlər Fabiano Karuana, Hikaru Nakamura, Uesli So, Rusiya təmsilçiləri Yan Nepomnyaşi, Pyotr Svidler, Daniil Dubov, Aleksandr Qrişuk, çinli Liren Dinq, niderlandlı Aniş Giri, fransalı Maksim Vaşye-Laqrav, FIDE təmsilçisi iranlı Alireza Firuzca, argentinalı Alan Piçot, ermənistanlı Levon Aronyan mübarizə aparacaqlar.Turnirin birinci turunda T.Rəcəbov H.Nakamura, Ş.Məmmədyarov M.Karlsenlə mübarizə aparacaq. Hər iki şahmatçımız ağ fiqurlarla oynayacaq.“The FTX Crypto Cup” turnirinin mükafat fondu 220 min ABŞ dolları və 100 min dollar dəyərində bitkoin bonus olacaq.“Champions Chess Tour” onlayn şahmat seriyası ümumilikdə 10 turnirdən ibarətdir və 2021-ci ilin sentyabr ayına qədər davam edəcək. Seriyanın ümumi mükafat fondu isə 1 milyon 500 min ABŞ dolları təşkil edir.Qeyd edək ki, Ş.Məmmədyarov seriyanın bundan əvvəlki – beşinci mərhələsində L.Aronyanı məğlub edərək üçüncü yeri tutub. Turnirin qalibi isə M.Karlsen olub.Xatırladaq ki, altıncı dəfə keçirilən yarışda T.Rəcəbov da yüksək nəticələrlə yadda qalıb. Belə ki, təmsilçimiz seriyanın ikinci - “Airthings Masters” turnirinin qalibi olub. O, üçüncü mərhələdə - “Opera Euro Rapid” turnirində üçüncü yeri tutub.xeber100.com

Aerobika gimnastikası üzrə dünya yaş qrupları yarışları davam edir

Bakıda aerobika gimnastikası üzrə dünya yaş qrupları yarışları davam edir.Azərtac xəbər verir ki, sayca 9-cu dəfə təşkil olunan yarışda 18 ölkədən 202 gimnast iştirak edir. Turnirdə 12-14 və 15-17 yaş qruplarında gimnastlar birincilik uğrunda mübarizə aparırlar. Sonuncu yarış günündə gimnastlar müxtəlif proqramlar üzrə final yarışında çıxış edirlər.Azərbaycan final mərhələsində qadınların fərdi yarışında Məryəm Topçubaşeva və Sara Əlixanlı, Aliyə İsmayılova, Sənəm Kazımovadan ibarət komanda ilə üçlüklərin, M.Topçubaşeva, Fidan İbrahimova, Evelina Kozlovskaya, Leyla Əhmədova və Aylin Əliyevadan ibarət kollektiv ilə qrup yarışında təmsil olunacaq. Finalçılarımız 12-14 yaş kateqoriyasında çıxış edirlər.xeber100.com

Şahmatçılar arasında Qran-Pri turnirinin birinci turuna start veriləcək.

Mayın 22-də Cəbəllütariqdə qadın şahmatçılar arasında Qran-Pri turnirinin sonuncu mərhələsinin birinci turuna start veriləcək.Azərtac xəbər verir ki, yarışda Azərbaycanı təmsil edən Günay Məmmədzadə birinci turda bolqarıstanlı Antoaneta Stefanova ilə qarşılaşacaq.On bir turdan ibarət turnirdə dünyanın ən güclü 12 qadın şahmatçısı mübarizə aparır. Belə ki, G.Məmmədzadə sonrakı oyunlarda rusiyalı Alina Kaşlinskaya, Valentina Qunina, Katerina Laqno, rumıniyalı İrina Bulmaqa, qazaxıstanlı Dinara Saduakassova, Jansaya Abdumalik, ukraynalı Mariya Muzıçuk, Anna Muzıçuk, gürcüstanlı Nana Dzaqnidze, almaniyalı Elisabet Paets ilə görüşəcək.Turnirə iyunun 2-də yekun vurulacaq.xeber100.com

İspaniya La Liqasının sonuncu – 38-ci turunun oyunlarına start verilib

Mayın 22-də futbol üzrə İspaniya La Liqasının sonuncu - 38-ci turunun oyunlarına start verilib.Azərtac xəbər verir ki, çempionu həll edən turda turnir cədvəlinin lideri “Atletiko Madrid” səfərdə “Valyadolid” komandasının qonağı olub.Görüş madridlilərin 2:1 hesablı qələbəsi ilə başa çatıb.Oyunda hesabı “Valyadolid” 18-ci dəqiqədə Oskar Planonun sayəsində açsada, fasilədən sonra Madrid təmsilçisi ardıcıl iki dəfə fərqlənərək vacib qələbə qazanıb.Paytaxt təmsilçilərinin heyətində Anxel Korrea və Luis Suares fərqləniblər.Bu qələbə sayəsində “Atletiko Madrid” xal ehtiyatını 86-ya çatdıraraq tarixində 11-ci dəfə İspaniya La Liqasının qalibi olub.“Atletiko Madrid”in turnir cədvəlində əsas izləyicisi “Real Madrid” isə öz meydanında “Vilarreal” komandasını məğlub edib - 2:1. Bu qələbə “kral” klubunun çempion olmasına kifayət etməyib.Turun digər görüşlərində aşağıdakı hesablar qeydə alıb: “Osasuna” - “Real Sosyedad” - 0:1; “Selta Viqo” - “Real Betis” - 2:3; “Ueska” - “Valensiya” - 0:0; “Eibar” - “Barselona” - 0:1; “Elçe” - “Atletik Bilbao” - 2:0.xeber100.com

Aerobika gimnastikası üzrə dünya yaş qrupları yarışları start götürəcək

Bu gün Azərbaycanda ilk dəfə aerobika gimnastikası üzrə dünya yaş qrupları yarışları start götürəcək.Azərtac xəbər verir ki, sayca 9-cu olan bu yarışda 18 ölkədən 202 gimnast iştirak edəcək.Turnirdə 12-14 və 15-17 yaş qruplarında gimnastlar birincilik uğrunda mübarizə aparacaqlar.Hər iki yaş qrupunda gimnastlar fərdi qadın və kişi, qarışıq cütlük, üçlük, qrup proqramları üzrə təsnifat və final mərhələlərində çıxış edəcəklər. Bununla yanaşı, 15-17 yaşlı idmançılar aero dans proqramında da öz qüvvələrini sınayacaqlar.Milli Gimnastika Arenasında mayın 23-dək davam edəcək turnirdə ölkəmizi Leyla Abdullayeva, Arzu Ağayeva, Leyla Əhmədova, Sara Əlixanlı, Aylin Əliyeva, Rövşanə Bağırzadə, Leyla Bejanova, Dilarə Qurbanova, Fidan İbrahimova, Aliyə İsmayılova, Sənəm Kazımova, Evelina Kozlovskaya, Emiliya Mahmudova və Məryəm Topçubaşova təmsil edəcəklər.2019-cu ildə Bakıda bu növ üzrə Avropa çempionatı baş tutub.Yarışlar hər gün saat 12:00-da başlayacaq.xeber100.com

Azərbaycan millisinin rəqibləri müəyyənləşib

Qadın voleybolçulardan ibarət Azərbaycan millisinin Avropa çempionatının final mərhələsindəki rəqibləri müəyyənləşib.Azərtac xəbər verir ki, avqustun 18-dən sentyabrın 4-dək keçiriləcək qitə yarışın həlledici mərhələsinə Bolqarıstan, Rumıniya, Serbiya və Xorvatiya ev sahibliyi edəcək. Serbiyanın paytaxtı Belqradda keçirilən püşkün nəticəsinə əsasən, komandamız "A" qrupunda yarışacaq. Voleybolçularımızın rəqibləri Serbiya, Rusiya, Belçika, Fransa, eləcə də Bosniya və Herseqovina yığması olacaq. Seçməmizin oyunları Belqraddakı "Ştark Arena"da keçiriləcək. İştirakçılar hərəsində 6 komanda olmaqla, 4 qrupda mübarizə aparacaqlar."B" qrupunda Bolqarıstan, Polşa, Almaniya, İspaniya, Çexiya, Yunanıstan, "C" qrupunda Xorvatiya, İtaliya, Belarus, Slovakiya, Macarıstan, İsveçrə, "D" qrupunda isə Rumıniya, Türkiyə, Hollandiya, Ukrayna, Finlandiya və İsveç yığmaları yer alıb.Qruplarda ilk 4 yeri tutan komandalar növbəti mərhələyə yüksələcəklər.Pley-off və dörddəbir final mərhələsinin görüşləri Belqrad və Plovdiv şəhərlərində təşkil olunacaq. Mükafatlar uğrunda matçlar isə Serbiyada keçiriləcək.xeber100.com

Futbol üzrə İsveçrə millisinin genişləndirilmiş heyəti açıqlanıb

Futbol üzrə İsveçrə millisinin Avropa çempionatı üçün genişləndirilmiş heyəti açıqlanıb.Azərtac xəbər verir ki baş məşqçi Vladimir Petkoviç milliyə 29 futbolçu dəvət edib. Heyətdə qapıçılardan Yann Zommer ("Borussiya" Münhenqladbax), Yonas Omlin ("Monpelye"), İvon Mvoqo (PSV), Qreqor Kobel ("Ştutqart"), müdafiəçilərdən Rikardo Rodriqes ("Torino"), Niko Elvedi ("Borussiya" Münhenqladbax), Manuel Akandji ("Borussiya" Dortmund), Eray Komert, Silvan Vidmer ("Bazel"), Kevin Mbabu ("Volfsburq"), Fabian Şer ("Nyukasl"), Lorisa Benito ("Bordo"), Cordan Lotomba ("Nitsa"), Beçir Omeraqiç ("Sürix") yer alıblar. Yarımmüdafiəçilərdən Qranit Caka ("Arsenal"), Remo Froyler ("Atalanta"), Denis Zakariya("Borussiya" Münhenqladbax), Cibril Sou, Stiven Zuber ("Ayntraxt" Frankfurt), Kristian Fassnaxt ("Yanq Boyz"), Edimilson Fernandes ("Maynts"), hücumçulardan Ruben Varqas ("Auqsburq"), Cerdan Şakiri ("Liverpul"), Admir Mehmedi ("Volfsburq"), Haris Seferoviç ("Benfika"), Bril Embolo ("Borussiya" Münhenqladbax), Mario Qavranoviç ("Dinamo" Zaqreb), Dan Ndoye ("Nitsa"), Andi Zekiri ("Brayton") genişləndirilmiş heyətə daxil ediliblər.Qeyd edək ki, “Avro-2020” bu il iyunun 11-dən iyulun 11-dək keçiriləcək. İsveçrə millisi A qrupunda Türkiyə, İtaliya və Uelslə birgə mübarizə aparacaq. Təqvimə əsasən, Bakı Olimpiya Stadionu A qrupunun İsveçrə-Uels, Türkiyə-Uels və Türkiyə-İsveçrə qarşılaşmalarına, eləcə də dörddəbir final mərhələsinin bir oyununa ev sahibliyi edəcək.xeber100.com

“Neftçi” futbol komandası komandası iki rekorda imza atıb

Futbol üzrə Premyer Liqanın qızıl medallarını qazanan “Neftçi” komandası iki rekorda imza atıb.Azərtac Peşəkar Futbol Liqasının rəsmi saytına istinadla xəbər verir ki, doqquzuncu dəfə çempion olan Bakı klubu 19-cu dəfə mükafatçılar sırasında yer alıb.Gümüş medal qazanan “Qarabağ” komandası 15-ci dəfə ilk “üçlük”də yer alıb. “Sumqayıt” komandası isə tarixində ilk dəfə bürünc mükafata yiyələnməklə Azərbaycan çempionatları tarixində medal qazanan 18-ci komanda olub.Çempionluq sayına görə lider olan “Neftçi”dən başqa, “Qarabağ” 8, “Kəpəz” 3, “Şəmkir”, “Bakı” və “İnter” (hazırkı adı “Keşlə”) 2, “Turan” və “Xəzər Lənkəran” isə 1 dəfə zirvəyə yüksəliblər.Futbol üzrə Azərbaycan çempionatı 1992-ci ildən keçirilir.xeber100.com