UEFA futzal üzrə milli komandaların yeni reytinq cədvəlini təqdim edir

UEFA futzal üzrə milli komandaların yeni reytinq cədvəlini açıqlayıb.Azərtac xəbər verir ki, Azərbaycan millisi reytinq cədvəlində bir pillə geriləyib. Hesabında 2011,560 xal olan millimiz altıncı pillədə qərarlaşıb.Reytinq cədvəlinə İspaniya (2253,654) başçılıq edir. Rusiya millisi (2146,596) ikinci, Portuqaliya (2116,161) üçüncüdür.xeber100.com

Azərbaycan milli komandasının Türkiyədə təlim-məşq toplanışı davam edir

Kişi basketbolçulardan ibarət Azərbaycan milli komandasının Türkiyədə təlim-məşq toplanışı davam edir.Azərtac xəbər verir ki, baş məşqçi Samit Nuruzadənin rəhbərliyi altında millimiz İzmir şəhərində hazırlıq keçir.Millimizin təlim-məşq toplanışı çərçivəsində yerli klublarla 4 yoldaşlıq oyunu keçirib və 2-sində qələbə qazanıb.Hazırlıq prosesinə aprelin 19-da yekun vurulacaq.Təlim-məşq toplanışı 3x3 basketbol üzrə Avropa çempionatının təsnifat mərhələsinə və Konyada təşkil olunacaq İslam Həmrəyliyi Oyunlarına hazırlıq xarakteri daşıyacaq.xeber100.com

İtaliya A Seriyasının La Liqasının 30-cu turunun növbəti oyununda

Futbol üzrə İtaliya A Seriyasının La Liqasının 30-cu turunun növbəti oyunu keçirilib.Azərtac xəbər verir ki, turnir cədvəlinin lideri "İnter" öz meydanında autsayderlər siyahısında yerləşən "Kalyari" komandasını qəbul edib.Görüş "İnter"in minimal hesabla qələbəsi ilə başa çatıb. Oyunda yeganə qolun müəllifi 77-ci dəqiqədə Matteo Darmian olub. O, Əşrəf Hakiminin ötürməsini dəqiq zərbə ilə tamamlayıb.Bu qələbə sayəsində xal ehtiyatını 74-ə çatdıran “İnter” turnir cədvəlində liderliyini möhkəmləndirib. “Kalyari” isə 22 xalla 18-ci yerdə qərarlaşıb.Qeyd edək ki, ikinci pillədə olan “Milan” ötən gün səfərdə “Parma”nı məğlub edib - 3:1.xeber100.com

İngiltərə Premyer Liqasının 31-ci turunun mərkəzi qarşılaşması keçirilib

Aprelin 11-də futbol üzrə İngiltərə Premyer Liqasının 31-ci turunun mərkəzi qarşılaşması keçirilib.Azərtac xəbər verir ki, “Tottenhem Xotspur” stadionunda oynanılan görüşdə iki əzəli rəqib - “Tottenhem” və “Mançester Yunayted” komandaları qarşılaşıb.Görüşdə ilk qol matçın 33-cü dəqiqəsində vurulub. Edison Kavanin qolunu baş hakim videonəzarət (VAR) sisteminə baxdıqdan sonra ləğv edib.Gərgin keçən birinci hissənin başa çatmasına beş dəqiqə qalmış hesab açılıb. Son Xin-Min meydan sahiblərini hesabda önə çıxarıb.Fasilədən sonra hücumları artıran “Mançester Yunayted” matçın 57-ci dəqiqəsində hesaba tarazlıq gətirib. Fred adını tabloya yazdırıb.Qarşılaşmanın 79-cu dəqiqəsində Mançester təmsilçisi ikinci dəfə fərqlənib. Edison Kavani Bruno Fernandeşin cinah ötürməsindən sonra qapıya dəqiq baş zərbəsi endirib. Bu da oyunda son qol olmayıb. Oyunun əsas vaxta əlavə olunmuş altıncı dəqiqədə “Mançester Yuneyted” üçüncü dəfə meydan sahiblərinin qapısına yol tapıb. Meyson Qrinvud oyunda son nöqtəni qoyub.Bu qələbə sayəsində xal ehtiyatını 63-ə çatdıran “Mançester Yuneyted” turnir cədvəlində ikinci, “Tottenhem” isə 49 xalla yeddinci yerdə qərarlaşıb.Çempionluğa iddialı “Mançester Siti” öz meydanında “Lids Yunayted” komandasını qəbul edib. Görüş qonaqların 2:1 hesablı qələbəsi ilə başa çatıb. “Lids Yunayted” bu qələbə sayəsində xal ehtiyatını 45-ə çatdıraraq turnir cədvəlində iki pillə irəliləyib və 9-cu yerdə qərarlaşıb. “Mançester Siti” məğlub olmağına baxmayaraq, 74 xalla Premyer Liqada liderliyinə davam edir.Digər iddialı klub “Liverpul” isə əzəli rəqibindən fərqli olaraq bu turda qələbə qazanıb. Mersessayd təmsilçisi səfərdə “Aston Villa”nı 2:1 hesabı ilə məğlub edib. “Liverpul” 52 xalla dördüncü, “Aston Villa” isə 44 xalla 10-cü yerdə qərarlaşıb.Turun digər görüşlərində aşağıdakı hesablar qeydə alınıb: “Kristal Palas” - “Çelsi” - 1:4; “Börnli” - “Nyukasl Yunayted” - 1:2; “Vest Ham” - “Lester Siti” - 3:2; “Fulhem” - “Volverhemton” - 0:1.

“Julius Baer Challengers Chess Tour” turniri davam edir

Azərbaycan şahmatçısı Günay Məmmədzadənin də qatıldığı “Julius Baer Challengers Chess Tour” turniri davam edir.Azərtac xəbər verir ki, bu gün şahmatçılar daha 5 turda mübarizə aparacaqlar. G.Məmmədzadə 11-ci tur çərçivəsində ilk qarşılaşmasını hindistanlı Leon Mendonka qarşı keçirəcək.Şahmatçımız 12-ci turda qazaxıstanlı Jansaya Abdulmalik, növbəti turda iranlı Sarasadat Hademalşarieh, günün son iki turunda isə Nodirbek Abdulmalik və Volodar Murzinlə mübarizə aparacaq.Qeyd edək ki, G.Məmmədzadə ötən 10 oyundan 3 xal toplayıb.Turnirdə hər komandada 10 şahmatçı olmaqla, iki komanda yarışır. G.Məmmədzadə Yudit Polqarın kapitanı olduğu komandada yer alıb. Digər komandaya 14-cü dünya çempionu Vladimir Kramnik rəhbərlik edir.xeber100.com

“Mançester Siti” öz meydanında “Lids Yunayted” komandasını qəbul edib

Aprelin 10-da futbol üzrə İngiltərə Premyer Liqasında 32-ci turun növbəti oyunları keçirilib.Azərtac xəbər verir ki, çempionluğa iddialı “Mançester Siti” öz meydanında “Lids Yunayted” komandasını qəbul edib.Görüş qonaqların 2:1 hesablı qələbəsi ilə başa çatıb.“Lids Yunayted” bu qələbə sayəsində xal ehtiyatını 45-ə çatdıraraq turnir cədvəlində iki pillə irəliləyib və 9-cu yerdə qərarlaşıb. “Mançester Siti”nin isə məğlub olmağına baxmayaraq 74 xalla Premyer Liqada liderliyi davam edir.Digər iddialı klub “Liverpul” isə əzəli rəqibindən fərqli olaraq bu turda qələbə qazanıb. Mersessayd təmsilçisi səfərdə “Aston Villa”nı 2:1 hesabı ilə məğlub edib. “Liverpul” 52 xalla dördüncü, “Aston Villa” isə 44 xalla 10-cü yerdə qərarlaşıb.xeber100.com

“Yeni Malatyaspor” doğma meydanda “Fənərbağça”nı qəbul edib

Aprelin 8-də futbol üzrə Türkiyə çempionatının XXXIII turu çərçivəsində keçirilən qarşılaşmada “Yeni Malatyaspor” doğma meydanda “Fənərbağça”nı qəbul edib.Azərtac xəbər verir ki, qarşılıqlı hücumlar şəraitində keçən görüşdə qalib müəyyənləşməyib - 1:1. İstanbul təmsilçisinin qolunu Enner Valensiya, Malatya klubunun qolunu isə Mustafa Eskihellac vurub.Günün digər qarşılaşmasında “Başakşəhər” səfərdə “Qaziantep”ə iki cavabsız qolla uduzub. “Dənizlispor” – “Kasımpaşa” matçında isə 1:1 hesablı bərabərlik olub.Hazırda Türkiyə Superliqasının turnir cədvəlinə 67 xalla “Beşiktaş” başçılıq edir. İkinci pillədə 63 xal toplayan “Fənərbağça”, üçüncü pillədə isə 61 xala malik olan “Qalatasaray” qərarlaşıb.Qeyd edək ki, yeni mövsümdə Superliqada 21 komanda yarışır. XXXIII turda “Qalatasaray” istirahət edib.xeber100.com

“Julius Baer Challengers Chess Tour” turniri davam edir

Azərbaycan şahmatçısı Günay Məmmədzadənin də qatıldığı “Julius Baer Challengers Chess Tour” turniri davam edir.Azərtac xəbər verir ki, bu gün şahmatçılar daha 5 turda mübarizə aparacaqlar. G.Məmmədzadə 6-cı turda amerikalı Kristofer Yoo, 7-ci turda rusiyalı Polina Şuvalova, daha sonra danimarkalı Yonas Byerre, növbəti turda hindistanlı Qukeş Dommaracu, nəhayət günün son yarışında almaniyalı Vinsent Keymerlə qarşılaşacaq.Qeyd edək ki, turnirin ilk 5 turunu Azərbaycan təmsilçisi 1 qələbə, 2 heç-heçə və 2 məğlubiyyətlə başa vurub. O, 2 xalla 12-15-ci yerləri bölüşür.Yarışda hər komandada 10 şahmatçı olmaqla, iki komanda mübarizə aparır. G.Məmmədzadə Yudit Polqarın kapitanı olduğu komandada yer alıb. Digər komandaya 14-cü dünya çempionu Vladimir Kramnik rəhbərlik edir.xeber100.com

UEFA Avropa Liqasının dörddəbir final mərhələsinə start veriləcək

Aprelin 8-də futbol üzrə UEFA Avropa Liqasının dörddəbir final mərhələsinə start veriləcək.Azərtac xəbər verir ki, bu mərhələdə keçiriləcək 4 qarşılaşmanın hamısı eyni vaxtda – Bakı vaxtı ilə saat 23:00-da başlayacaq.Turnirin favoritlərindən sayılan İngiltərənin “Mançester Yunayted” komandası İspaniyada “Qranada”nın qonağı olacaq. İngiltərənin digər təmsilçisi “Arsenal” Londonda Çexiyanın “Slaviya Praqa” komandası ilə üz-üzə gələcək.Günün maraqla gözlənilən qarşılaşması Niderlandda gerçəkləşəcək. “Ayaks” İtaliyanın “Roma” komandasını sınağa çəkəcək. İspaniyanın “Vilyarreal” klubu isə Xorvatiyada “Dinamo Zaqreb”in müqavimətini qırmağa çalışacaq.Qeyd edək ki, bu mərhələnin cavab qarşılaşmaları aprelin 15-də keçiriləcək.xeber100.com

“Julius Baer Challengers Chess Tour” turniri start götürəcək

Bu gün dünyanın gənc və istedadlı şahmatçılarının iştirakı ilə “Julius Baer Challengers Chess Tour” turniri start götürəcək.Azərtac yarışın rəsmi saytına istinadla xəbər verir ki, Azərbaycan təmsilçisi Günay Məmmədzadənin də qatılacağı yarışda, iki komanda olmaqla, ümumilikdə 20 şahmatçı iştirak edəcək. Günay Məmmədzadə tanınmış şahmatçılardan biri Yudit Polqarın kapitanı olacağı komandada yer alıb. Digər komandaya isə 14-cü dünya çempionu Vladimir Kramnik rəhbərlik edəcək.Turnirin birinci günü 5 turun oyunları keçiriləcək.xeber100.com