Varşavada güləş üzrə Avropa çempionatı start götürəcək

Aprelin 19-da Polşanın paytaxtı Varşavada güləş üzrə Avropa çempionatı start götürəcək.Azərtac Azərbaycan Güləş Federasiyasına istinadla xəbər verir ki, qitə birinciliyinin ilk günlərində sərbəst güləşçilər mübarizə aparacaqlar.Aprelin 18-də güləşin bu növü üzrə püşkatma mərasimi keçirilib və yığmamızın üzvlərinin ilk rəqibləri müəyyənləşib.Güləşçilərimizdən Əfqan Xaşalov (57 kq) yunanıstanlı Yannis Martidis, Əhmədnəbi Qvarzatilov (61 kq) Almaniya təmsilçisi Viktor Lizen, Əli Rəhimzadə (65 kq) ermənistanlı Gevorq Tadevosyan, Turan Bayramov (70 kq) Nikolae Koyokaru (Böyük Britaniya), Əşrəf Aşırov (74 kq) türkiyəli Fazlı Eryılmaz, Rəşad Yusifli (79 kq) Polşa güləşçisi Andrey Sokalski, Hacımurad Məhəmmədsəidov (86 kq) Artur Nayfonov (Rusiya), Osman Nurməhəmmədov (92 kq) almaniyalı Robin Ferdinand, Şamil Zubairov (97 kq) isə rumıniyalı Albert Saritov ilə qarşılaşacaq.Qeyd edək ki, aprelin 19-da 57, 65, 70, 79 və 97 kiloqram çəki dərəcələrində mübarizəyə start veriləcək. Digər çəkidə güləşənlər isə növbəti gün xalça üzərinə çıxacaqlar.xeber100.com

Cüdo üzrə Avropa çempionatında ikinci günün yarışları keçirilib

Portuqaliyanın paytaxtı Lissabonda cüdo üzrə Avropa çempionatında ikinci günün yarışları keçirilib.Azərtac xəbər verir ki, “Tokio 2020”-yə lisenziya xarakterli yarışın ikinci günündə iki idmançımız mübarizəyə qoşulsa da, çıxışlarını erkən başa vurublar. Belə ki, kişilər arasında 81 kiloqram çəki dərəcəsində mübarizə aparan Hidayət Heydərov onaltıdabir finalda almaniyalı Niklas Bloxla qalib gəlsə də, növbəti mərhələdə Belçika təmsilçisi Matias Kasseyə məğlub olub. Onunla eyni çəkidə mübarizə aparan Murad Fətiyev türkiyəli Vedat Albayrakla ilk qarşılaşmasında uduzub.Qeyd edək ki, turnirin birinci günündə 60 kiloqram çəki dərəcəsində mübarizə aparan Kəramət Hüseynov bürünc medal qazanıb.Qitə çempionatında 45 ölkədən 300-dən çox idmançı mübarizə aparır. Yarışda Azərbaycanı 9 idmançı təmsil edir.xeber100.com

Azərbaycan Premyer Liqasında XXIII tura yekun vurulub

Futbol üzrə Azərbaycan Premyer Liqasında XXIII tura yekun vurulub.Azərtac xəbər verir ki, turun son oyununda “Neftçi” klubu “Zirə”ni qəbul edib. “Bakcell Arena”dakı qarşılaşma meydan sahiblərinin 4:0 hesablı qələbəsi ilə başa çatıb.Görüşdə bütün qollar ikinci hissədə vurulub. Matçın 47-ci dəqiqəsində çempionatın bombardiri Namik Ələskərov hesabı açıb. Oyunun 74-cü dəqiqəsində Mirabdulla Abbasov ikinci topu rəqibin qapısından keçirib. Cəmi 3 dəqiqə sonra Ələskərov dubl edib. Bu, onun Premyer Liqada 16-cı qolu olub. Son nöqtəni isə matçın əsas vaxtına əlavə olunmuş sonuncu - 2-ci dəqiqədə Stiven Jozef-Monroz qoyub.Bu nəticə ilə “Neftçi” xallarını 46-ya çatdıraraq lider “Qarabağ”la fərqi minimuma endirib. “Zirə” isə 32 xalla 4-cü pillədə qalıb.Qeyd edək ki, günün ilk matçında “Keşlə” evdə “Sabah”la qolsuz bərabərliyə razılaşıb. İlk oyun günündə “Qarabağ” səfərdə “Səbail”lə 1:1 hesablı heç-heçə edib. “Sumqayıt” isə doğma meydanda “Qəbələ”yə 2 cavabsız qolla qalib gəlib.xeber100.com

UEFA Avropa Liqasında dörddəbir final mərhələsinə yekun vurulub

Aprelin 15-də futbol üzrə UEFA Avropa Liqasında dörddəbir final mərhələsinə yekun vurulub.Azərtac xəbər verir ki, bununla da növbəti raunda adlayan komandalar müəyyənləşib.İngiltərənin "Mançester Yunayted" və "Arsenal", İspaniyanın "Vilyarreal" və İtaliyanın "Roma" klubları yarımfinala vəsiqə qazanıblar. "Qırmızı şeytanlar" İspaniyada qalib gəldiyi "Qranada"nı evdə də eyni hesabla məğlub edib. "Topçular" isə Londonda 1:1 hesablı heç-heçəyə razılaşdığı Çexiyanın "Slaviya" (Praqa) komandasını səfərdə darmadağın edib - 4:0. "Roma" İtaliyada Niderland "Ayaks"ı ilə bərabərə qalıb - 1:1. İlk oyunda 2:1 hesablı qələbə qazanan "canavarlar" adını növbəti mərhələyə yazdırıb. "Vilyarreal" isə İspaniyada Xorvatiyanın "Dinamo" (Zaqreb) klubuna heç bir şans verməyib. Səfər oyununda minimal hesablı qələbəyə sevinən La Liqa təmsilçisi evdə də rəqibini məğlub edib.xeber100.com

Bakı Dövlət Cıdır Meydanında kross qaçışı üzrə paytaxt çempionatına start verilib

Bakı Dövlət Cıdır Meydanında kross qaçışı üzrə paytaxt çempionatına start verilib.Azərtac xəbər verir ki, Azərbaycan Atletika Federasiyasının, Bakı Şəhər Gənclər və İdman Baş İdarəsinin birgə təşkilatçılığı ilə keçirilən çempionatda yeniyetmələr, gənclər və böyüklər iştirak edirlər.Yarışda 80-ə yaxın qız və oğlan atlet 8 məsafə üzrə mübarizə aparırlar.Yarışda qalib gələn idmançılar respublika çempionatına vəsiqə qazanacaqlar.

Boks üzrə gənclər arasında dünya birinciliyi davam edir

Polşanın Keltse şəhərində boks üzrə gənclər arasında dünya birinciliyi davam edir.Azərtac xəbər verir ki, turnirin üçüncü günündə üç boksçumuz rinqə çıxacaq. Belə ki, təmsilçilərimizdən Avropa çempionu Əli Zamanov bu gün ikinci görüşünə çıxacaq. Boksçumuz ilk qarşılaşmasında erməni idmançı Ruben Qarboyanı 3:0 hesabı ilə məğlub edərək səkkizdəbir finala vəsiqə qazanıb. Bu mərhələdə onun rəqibi tailandlı Tanakon Aonyaem olacaq. Digər boksçularımız Cəlal Qurbanov (60 kq) Ferens Samu (Macarıstan) ilə, Samir Nəsirov (69 kq) isə Petar Knezeviç (Xorvatiya)- Mateus Urban (Polşa) cütünün qalibi ilə ilk qarşılaşmalarında üz-üzə gələcəklər.Qeyd edək ki, yığmamız 52 ölkədən 414 boksçunun (274 oğlan, 140 qız) qatıldığı dünya birinciliyində 9 idmançı ilə təmsil olunur. Yarış aprelin 23-də başa çatacaq.xeber100.com

UEFA Avropa Liqasında final mərhələsinin cavab görüşləri keçiriləcək

Bu gün futbol üzrə UEFA Avropa Liqasında dörddəbir final mərhələsinin cavab görüşləri keçiriləcək.Azərtac xəbər verir ki, cavab qarşılaşmalarından sonra yarımfinala vəsiqələrin sahibləri bəlli olacaq.Gecənin maraqlı oyunlarından biri İtaliyada baş tutacaq. Niderlandda “Ayaks”a 2:1 hesabı ilə qalib gələn “Roma” cavab qarşılaşmasında üstünlüyünü qorumağa çalışacaq.“Mançester Yunayted” İngiltərədə İspaniyanın “Qranada” komandasını sınağa çəkəcək. İlk görüşdə 2:0 hesablı qələbə qazanmış “Qırmızı şeytanlar” cütün taleyini demək olar ki, həll ediblər.“Qarabağ”la eyni qrupda mübarizə aparmış İspaniyanın “Vilyarreal” klubunun da yarımfinala adlamaq üçün yaxşı şansı var. Xorvatiyada “Dinamo Zaqreb” klubunu minimal hesabla məğlub edən La Liqa təmsilçisinə evdə heç-heçə də sərf edəcək.İngiltərənin “Arsenal” klubu isə Çexiyada “Slaviya Praqa” komandası ilə üz-üzə gələcək. Londondakı qarşılaşmada qələbəni son saniyələrdə əldən verən “Topçular” mərhələni keçmək üçün səfərdə ya qələbə qazanmalı, ya da ən azı bol qollu heç-heçə etməlidirlər.xeber100.com

Taekvondo üzrə Avropa Olimpiya təsnifat turniri start götürəcək

Mayın 7-də Bolqarıstanın paytaxtı Sofiyada taekvondo üzrə Avropa Olimpiya təsnifat turniri start götürəcək.Azərbaycan Taekvondo Federasiyasının mətbuat xidmətindən Azərtac-a verilən məlumata görə, komandamızı yarışda 3 idmançı təmsil edəcək. Belə ki, qadınların yarışında Patimat Abakarova (49 kq) və Fəridə Əzizova (67 kq) qüvvələrini sınayacaqlar. Kişilərin mübarizəsində isə Avropa, dünya və Olimpiya çempionu Radik İsayev (80 kiloqramdan yuxarı) mübarizə aparacaq.Turnir 3 gün davam edəcək.xeber100.com

“Zəfər kuboku” onlayn şahmat turniri keçirilib

Bakı Şəhər Gənclər və İdman Baş İdarəsi və Sumqayıt Şəhər Gənclər və İdman Baş İdarəsinin (BŞGİBİ) birgə təşkilatçılığı ilə 18 yaşadək Bakı və Sumqayıt şahmatçıları arasında “Zəfər kuboku” onlayn turniri keçirilib.BŞGİBİ-dən AZƏRTAC-a bildiriblər ki, www.chess.com şahmat portalında təşkil olunan yarışa nəzarət vaxtı 3 dəqiqə və əlavə 2 saniyə olmaqla, İsveçrə sistemi ilə 9 turdan ibarət olub.Yetmiş səkkiz şahmatçının mübarizə apardığı yarışda Rüstəm Rüstəmov (Sumqayıt) 8 xalla birinci olub. Digər Sumqayıt təmsilçiləri Yunis Mahmudzadə yarışı ikinci, İlknur Məmmədov isə üçüncü pillədə başa vurublar. Qızların yarışında Sumqayıt şahmatçısı Aytac Kərimli bütün rəqiblərini qabaqlayaraq 7,5 xalla birinci olub. Bakı təmsilçisi Xanım İsmayılova gümüş, Nurtən Nuriyeva (Sumqayıt) isə bürünc medala sahib olublar.xeber100.com

UEFA Çempionlar Liqasında final mərhələsinin cavab oyunları keçirilib

Bu gün UEFA Çempionlar Liqasında dörddəbir final mərhələsinin cavab oyunları keçirilib.Azərtac xəbər verir ki, koronavirus pandemiyası səbəbindən İngiltərənin “Çelsi” klubu Portuqaliyanın “Portu” komandasını İspaniyadakı “Ramon Sançes Pisxuan” stadionunda qəbul edib. Oyunun sonuna əlavə olunan dəqiqlərdə “Portu” klubunun oyunçusu Mehdi Taremi baxımlı qola imza atıb. Oyun minimal hesabla başa çatıb (0:1). İlk qarşılaşmada “Çelsi” rəqibini 2:0 hesabla məğlub etdiyindən yarımfinala adlayıb.Günün maraqla gözlənilən digər matçı “Bavariya” ilə “Paris Sen-Jermen” arasında baş tutub. İlk qarşılaşmada “Bavariya”nı 3:2 hesabı ilə üstələmiş “Paris Sen-Jermen” bu qarşılaşmada 0:1 hesabı ilə məğlub olub. Oyundakı yeganə qola 40-cı dəqiqədə Erik Maksim imza atıb. Əldə olunan qələbə “Bavariya”nın yarımfinala yüksəlməsi üçün kifayət etməyib.Beləliklə “Çelsi” və “Paris Sen-Jermen” UEFA Çempionlar Liqasının yarımfinal mərhələsinə vəsiqə qazanıb.xeber100.com