İngiltərə Premyer Liqasının 31-ci turunun mərkəzi qarşılaşması keçirilib

Aprelin 11-də futbol üzrə İngiltərə Premyer Liqasının 31-ci turunun mərkəzi qarşılaşması keçirilib.Azərtac xəbər verir ki, “Tottenhem Xotspur” stadionunda oynanılan görüşdə iki əzəli rəqib - “Tottenhem” və “Mançester Yunayted” komandaları qarşılaşıb.Görüşdə ilk qol matçın 33-cü dəqiqəsində vurulub. Edison Kavanin qolunu baş hakim videonəzarət (VAR) sisteminə baxdıqdan sonra ləğv edib.Gərgin keçən birinci hissənin başa çatmasına beş dəqiqə qalmış hesab açılıb. Son Xin-Min meydan sahiblərini hesabda önə çıxarıb.Fasilədən sonra hücumları artıran “Mançester Yunayted” matçın 57-ci dəqiqəsində hesaba tarazlıq gətirib. Fred adını tabloya yazdırıb.Qarşılaşmanın 79-cu dəqiqəsində Mançester təmsilçisi ikinci dəfə fərqlənib. Edison Kavani Bruno Fernandeşin cinah ötürməsindən sonra qapıya dəqiq baş zərbəsi endirib. Bu da oyunda son qol olmayıb. Oyunun əsas vaxta əlavə olunmuş altıncı dəqiqədə “Mançester Yuneyted” üçüncü dəfə meydan sahiblərinin qapısına yol tapıb. Meyson Qrinvud oyunda son nöqtəni qoyub.Bu qələbə sayəsində xal ehtiyatını 63-ə çatdıran “Mançester Yuneyted” turnir cədvəlində ikinci, “Tottenhem” isə 49 xalla yeddinci yerdə qərarlaşıb.Çempionluğa iddialı “Mançester Siti” öz meydanında “Lids Yunayted” komandasını qəbul edib. Görüş qonaqların 2:1 hesablı qələbəsi ilə başa çatıb. “Lids Yunayted” bu qələbə sayəsində xal ehtiyatını 45-ə çatdıraraq turnir cədvəlində iki pillə irəliləyib və 9-cu yerdə qərarlaşıb. “Mançester Siti” məğlub olmağına baxmayaraq, 74 xalla Premyer Liqada liderliyinə davam edir.Digər iddialı klub “Liverpul” isə əzəli rəqibindən fərqli olaraq bu turda qələbə qazanıb. Mersessayd təmsilçisi səfərdə “Aston Villa”nı 2:1 hesabı ilə məğlub edib. “Liverpul” 52 xalla dördüncü, “Aston Villa” isə 44 xalla 10-cü yerdə qərarlaşıb.Turun digər görüşlərində aşağıdakı hesablar qeydə alınıb: “Kristal Palas” - “Çelsi” - 1:4; “Börnli” - “Nyukasl Yunayted” - 1:2; “Vest Ham” - “Lester Siti” - 3:2; “Fulhem” - “Volverhemton” - 0:1.

“Julius Baer Challengers Chess Tour” turniri davam edir

Azərbaycan şahmatçısı Günay Məmmədzadənin də qatıldığı “Julius Baer Challengers Chess Tour” turniri davam edir.Azərtac xəbər verir ki, bu gün şahmatçılar daha 5 turda mübarizə aparacaqlar. G.Məmmədzadə 11-ci tur çərçivəsində ilk qarşılaşmasını hindistanlı Leon Mendonka qarşı keçirəcək.Şahmatçımız 12-ci turda qazaxıstanlı Jansaya Abdulmalik, növbəti turda iranlı Sarasadat Hademalşarieh, günün son iki turunda isə Nodirbek Abdulmalik və Volodar Murzinlə mübarizə aparacaq.Qeyd edək ki, G.Məmmədzadə ötən 10 oyundan 3 xal toplayıb.Turnirdə hər komandada 10 şahmatçı olmaqla, iki komanda yarışır. G.Məmmədzadə Yudit Polqarın kapitanı olduğu komandada yer alıb. Digər komandaya 14-cü dünya çempionu Vladimir Kramnik rəhbərlik edir.xeber100.com

“Mançester Siti” öz meydanında “Lids Yunayted” komandasını qəbul edib

Aprelin 10-da futbol üzrə İngiltərə Premyer Liqasında 32-ci turun növbəti oyunları keçirilib.Azərtac xəbər verir ki, çempionluğa iddialı “Mançester Siti” öz meydanında “Lids Yunayted” komandasını qəbul edib.Görüş qonaqların 2:1 hesablı qələbəsi ilə başa çatıb.“Lids Yunayted” bu qələbə sayəsində xal ehtiyatını 45-ə çatdıraraq turnir cədvəlində iki pillə irəliləyib və 9-cu yerdə qərarlaşıb. “Mançester Siti”nin isə məğlub olmağına baxmayaraq 74 xalla Premyer Liqada liderliyi davam edir.Digər iddialı klub “Liverpul” isə əzəli rəqibindən fərqli olaraq bu turda qələbə qazanıb. Mersessayd təmsilçisi səfərdə “Aston Villa”nı 2:1 hesabı ilə məğlub edib. “Liverpul” 52 xalla dördüncü, “Aston Villa” isə 44 xalla 10-cü yerdə qərarlaşıb.xeber100.com

“Yeni Malatyaspor” doğma meydanda “Fənərbağça”nı qəbul edib

Aprelin 8-də futbol üzrə Türkiyə çempionatının XXXIII turu çərçivəsində keçirilən qarşılaşmada “Yeni Malatyaspor” doğma meydanda “Fənərbağça”nı qəbul edib.Azərtac xəbər verir ki, qarşılıqlı hücumlar şəraitində keçən görüşdə qalib müəyyənləşməyib - 1:1. İstanbul təmsilçisinin qolunu Enner Valensiya, Malatya klubunun qolunu isə Mustafa Eskihellac vurub.Günün digər qarşılaşmasında “Başakşəhər” səfərdə “Qaziantep”ə iki cavabsız qolla uduzub. “Dənizlispor” – “Kasımpaşa” matçında isə 1:1 hesablı bərabərlik olub.Hazırda Türkiyə Superliqasının turnir cədvəlinə 67 xalla “Beşiktaş” başçılıq edir. İkinci pillədə 63 xal toplayan “Fənərbağça”, üçüncü pillədə isə 61 xala malik olan “Qalatasaray” qərarlaşıb.Qeyd edək ki, yeni mövsümdə Superliqada 21 komanda yarışır. XXXIII turda “Qalatasaray” istirahət edib.xeber100.com

“Julius Baer Challengers Chess Tour” turniri davam edir

Azərbaycan şahmatçısı Günay Məmmədzadənin də qatıldığı “Julius Baer Challengers Chess Tour” turniri davam edir.Azərtac xəbər verir ki, bu gün şahmatçılar daha 5 turda mübarizə aparacaqlar. G.Məmmədzadə 6-cı turda amerikalı Kristofer Yoo, 7-ci turda rusiyalı Polina Şuvalova, daha sonra danimarkalı Yonas Byerre, növbəti turda hindistanlı Qukeş Dommaracu, nəhayət günün son yarışında almaniyalı Vinsent Keymerlə qarşılaşacaq.Qeyd edək ki, turnirin ilk 5 turunu Azərbaycan təmsilçisi 1 qələbə, 2 heç-heçə və 2 məğlubiyyətlə başa vurub. O, 2 xalla 12-15-ci yerləri bölüşür.Yarışda hər komandada 10 şahmatçı olmaqla, iki komanda mübarizə aparır. G.Məmmədzadə Yudit Polqarın kapitanı olduğu komandada yer alıb. Digər komandaya 14-cü dünya çempionu Vladimir Kramnik rəhbərlik edir.xeber100.com

UEFA Avropa Liqasının dörddəbir final mərhələsinə start veriləcək

Aprelin 8-də futbol üzrə UEFA Avropa Liqasının dörddəbir final mərhələsinə start veriləcək.Azərtac xəbər verir ki, bu mərhələdə keçiriləcək 4 qarşılaşmanın hamısı eyni vaxtda – Bakı vaxtı ilə saat 23:00-da başlayacaq.Turnirin favoritlərindən sayılan İngiltərənin “Mançester Yunayted” komandası İspaniyada “Qranada”nın qonağı olacaq. İngiltərənin digər təmsilçisi “Arsenal” Londonda Çexiyanın “Slaviya Praqa” komandası ilə üz-üzə gələcək.Günün maraqla gözlənilən qarşılaşması Niderlandda gerçəkləşəcək. “Ayaks” İtaliyanın “Roma” komandasını sınağa çəkəcək. İspaniyanın “Vilyarreal” klubu isə Xorvatiyada “Dinamo Zaqreb”in müqavimətini qırmağa çalışacaq.Qeyd edək ki, bu mərhələnin cavab qarşılaşmaları aprelin 15-də keçiriləcək.xeber100.com

“Julius Baer Challengers Chess Tour” turniri start götürəcək

Bu gün dünyanın gənc və istedadlı şahmatçılarının iştirakı ilə “Julius Baer Challengers Chess Tour” turniri start götürəcək.Azərtac yarışın rəsmi saytına istinadla xəbər verir ki, Azərbaycan təmsilçisi Günay Məmmədzadənin də qatılacağı yarışda, iki komanda olmaqla, ümumilikdə 20 şahmatçı iştirak edəcək. Günay Məmmədzadə tanınmış şahmatçılardan biri Yudit Polqarın kapitanı olacağı komandada yer alıb. Digər komandaya isə 14-cü dünya çempionu Vladimir Kramnik rəhbərlik edəcək.Turnirin birinci günü 5 turun oyunları keçiriləcək.xeber100.com

“Julius Baer Challengers Chess Tour” şahmat turniri start götürəcək

Sabah dünyanın gənc və istedadlı şahmatçılarının iştirakı ilə “Julius Baer Challengers Chess Tour” turniri start götürəcək.Azərtac yarışın rəsmi saytına istinadla xəbər verir ki, Azərbaycan təmsilçisi Günay Məmmədzadənin də qatılacağı yarışda, iki komanda olmaqla, ümumilikdə 20 şahmatçı iştirak edəcək. Günay Məmmədzadə əfsanəvi şahmatçılardan biri Yudit Polqarın kapitanı olacağı komandada yer alıb. Digər komandaya isə tanınmış şahmatçı Vladimir Kramnik rəhbərlik edəcək.Yudit Polqar və Vladimir Kramnikin rəhbərlik edəcəkləri komandaların hər birində 10 şahmatçı mübarizə aparacaq. Aprelin 8-də start götürəcək “Julius Baer Challengers Chess Tour” şahmat seriyası 4 mərhələdən ibarət olacaq və hər mərhələ 4 gün davam edəcək.Yarışın final mərhələsi sentyabrın 9-13-də keçiriləcək. Turnirin qalibi “Play Magnus Group” flaqman seriyası olan və mükafat fondu 1,5 milyon dollar təşkil edən “Meltwater Champions Chess Tour”a vəsiqə qazanacaq.xeber100.com

“Bavariya” klubu mərkəz müdafiəçisi ilə müqaviləni uzatmayacaq

Almaniyanın “Bavariya” klubu mərkəz müdafiəçisi Jerom Boatenq ilə müqaviləni uzatmayacaq.Azərtac xarici KİV-lərə istinadla xəbər verir ki, almaniyalı futbolçu buna görə də, cari mövsümün sonunda klubu tərk etmək məcburiyyətində qalacaq.Xatırladaq ki, 32 yaşlı futbolçu Jerom Boatenq 2011-ci ilin yayında İngiltərənin “Mançester Siti” klubundan 13,5 milyon avro qarşılığında “Bavariya”ya keçib. Futbolçu ötən müddət ərzində komandanın heyətində 354 oyunda 10 qol vurub, 25 məhsuldar ötürmə edib.xeber100.com

UEFA Çempionlar Liqasında final mərhələsinin növbəti görüşü keçiriləcək

Bu gün qitənin futbol üzrə ən nüfuzlu klub turniri sayılan UEFA Çempionlar Liqasında dörddəbir final mərhələsinin daha iki görüşü keçiriləcək.Azərtac xəbər verir ki, gecənin böyük maraqla gözlənilən görüşü Almaniyada turnirin son finalçıları “Bavariya” ilə Fransanın “Paris Sen-Jermen” komandaları arasında olacaq.Qarşılaşmadan əvvəl hər iki komandanın heyətində ciddi itkilər var. Münhen təmsilçisində Robert Levandovski, Duqlas Kosta, Mark Roka, Korentin Tolisso zədə, Serj Qnabri isə koronavirusa yoluxduğu üçün meydana çıxa bilməyəcək. Qonaqların heyətində isə Leyvin Kurzava və Mauro İkardi zədəli, Leandro Paredes cəzalıdır. Marko Verratti və Alessandro Florenzidə isə koronavirus aşkarlanıb. Danilonun da oynayıb-oynamayacağı sual altındadır.Gecənin digər oyunu İspaniyada təşkil olunacaq. Səkkizdəbir finalda İtaliyanın “Yuventus” klubunu mübarizədən kənarlaşdıran Portuqaliyanın “Portu” komandası pandemiya ilə bağlı səyahət məhdudiyyətlərinə görə İngiltərənin “Çelsi” klubunu, “Sevilya”nın ev oyunlarını keçirdiyi “Ramon Sançes Pisxuan” stadionunda qəbul edəcək.Nominal meydan sahiblərinin heyətində Məhəmməd Mbaye zədəli, Serjiu Oliveyra və Mehdi Taremi cəzalı olduqları üçün oynamayacaqlar. London təmsilçisində yeganə itki zədəli Nqolo Kantenin yoxluğudur. Kristian Pulişiçin meydana çıxıb-çıxmayacağı isə bəlli deyil.Bu komandalar arasında cavab qarşılaşmaları aprelin 13-də gerçəkləşəcək.Qeyd edək ki, ilk oyun günündə keçirilən matçlarda İngiltərə klublarından “Liverpul” İspaniyada “Real Madrid”ə 1:3 hesabı ilə uduzub, “Mançester Siti” isə evdə Almaniyanın “Borussiya” (Dortmund) klubuna qalib gəlib - 2:1.xeber100.com