“Tottenhem” futbol klubunun hücumçusu yeni rekorda imza atıb

İngiltərənin “Tottenhem” futbol klubunun hücumçusu Harri Keyn Premyer Liqada yeni rekorda imza atıb.Azərtac xəbər verir ki, 27 yaşlı hücumçu buna ötən gün “Nyukasl” komandası ilə matçda (2:2) nail olub. O, görüşdə dubl etməklə (4 dəqiqədə 2 qol) səfər oyunlarında vurduğu qolların sayını 84-ə çatdırıb. Bu isə Premyer Liqada çıxış edən futbolçular arasında ən yüksək göstərici hesab edilir.Qeyd edək ki, Harri Keyn cari mövsümdə iştirak etdiyi bütün turnirlərdə 41 matçda 29 qol vurub və 16 məhsuldar ötürmə edib.xeber100.com

“Qarabağ” futbol klubu “Keşlə”nin müdafiəçisini transfer etmək istəyir

“Qarabağ” klubu “Keşlə”nin müdafiəçisi Azər Salahlını transfer etmək istəyir.Azərtac xəbər verir ki, hazırda sol cinahda problemi olan Ağdam klubunun baş məşqçisi Qurban Qurbanov bu mövqedəki boşluğu A.Salahlı ilə doldurmaq istəyir.Qeyd edək ki, A.Salahlı son vaxtlar yaxşı formadadır və artıq millinin də əsas heyət üzvünə çevirilməyə başlayıb. Mövsümün sonunda “Keşlə” ilə müqaviləsi başa çatacaq oyunçu ilə artıq indidən ilkin razılığın əldə edildiyi bildirilir.xeber100.com

Futbol üzrə Türkiyə çempionatının XXXII turu çərçivəsində

Aprelin 3-də futbol üzrə Türkiyə çempionatının XXXII turu çərçivəsində keçirilən qarşılaşmada “Qalatasaray” səfərdə “Hatayspor”un qonağı olub.Azərtac xəbər verir ki, qarşılıqlı hücumlar şəraitində keçən görüşdə Hatay təmsilçiləri qonaqların qapısından üç cavabsız top keçirib. Meydan sahiblərinin qollarını Mame Briam Diouf (21, 73) və Ruben Ribeiro (29) vurub.Günün digər matçlarında aşağıdakı nəticələr qeydə alınıb: “Kayserispor” - "Göztəpə" - 1:1; "Rizəspor" - "Fatih Karagümrük" - 0:0; "Sivasspor" - "Trabzonspor" - 0:0. Turun digər oyunları aprelin 4 və 5-də keçiriləcək. Hazırda Türkiyə Superliqasının turnir cədvəlinə 64 xalla “Beşiktaş” başçılıq edir. İkinci pillədə 61 xal toplayan “Qalatasaray”, üçüncü pillədə isə 59 xala malik olan “Fənərbağça” qərarlaşıb. Qeyd edək ki, yeni mövsümdə Superliqada 21 komanda yarışır. XXXII turda “Qaziantep” istirahət edir.xeber100.com

Beynəlxalq onlayn şahmat turnirində son turun oyunları keçiriləcək

Bu gün “Nizami Ganjavi – 880” beynəlxalq onlayn şahmat turnirində son turun oyunları keçiriləcək.Azərtac xəbər verir ki, ötən turların nəticələrinə görə, təmsilçilərimizdən - “Azərbaycan” komandası 7 xalla 4-cü yerdədir. Digər komandalarımız- “Azərbaycan 3”, “Azərbaycan 2” 6 xal toplayıblar.Komanda xarakteri daşıyan və İsveçrə sistemi üzrə keçirilən yarışda ümumilikdə, 24 komanda iştirak edir.On yeddi yaşadək şahmatçılar arasında təşkil olunan turnir "Təhsil” Respublika İdman Mərkəzinin təşkilatçılığı, Təhsil Nazirliyi və Azərbaycan Şahmat Federasiyasının dəstəyi ilə keçirilir.xeber100.com

İstanbulda “N-Kolay İstanbul” marafonu keçirilib

Aprelin 4-də İstanbulda “N-Kolay İstanbul” marafonu keçirilib.Azərtac xəbər verir ki, bu il 16-cı dəfə təşkil olunan marafon İstanbul Böyükşəhər Bələdiyyəsinin təşəbbüsü ilə pandemiya qaydaları çərçivəsində baş tutub.Dünyanın ən yaxşı səkkiz yarımarafonundan biri hesab edilən “N-Kolay İstanbul”da bu il dünya rekordu yenilənib. Belə ki, 2 min 500-dən çox iştirakçının qatıldığı marafonda kişi və qadınlar arasında birinciliyi keniyalı atletlər qazanıb. Qadınlar arasında keniyalı atlet Ruth Chepngetich 21 kilometrlik məsafəni 1 saat 4 dəqiqə 1 saniyədə tamamlayaraq dünya rekordunu təzələyib. Kişilər arasında isə Geoffrey Kamvoror 57 dəqiqə 32 saniyə nəticə ilə fəxri kürsünün ən yüksək pilləsinə yüksəlib.Marafon İstanbulun Avropa qitəsinin “Yenikapı” bölgəsindən başlayıb. Tarixi yarımadanı dolaşan idmançılar başlanğıc nöqtəsinə dönüblər.xeber100.com

Azərbaycan Premyer Liqasından XXI turun daha bir oyunu keçirilib

Aprelin 4-də futbol üzrə Azərbaycan Premyer Liqasından XXI turun daha bir oyunu keçirilib.Azərtac xəbər verir ki, çempionatın liderlərindən "Neftçi" klubu öz meydanında "Sumqayıt"ı qəbul edib."Bakcell Arena"dakı qarşılaşma “gənclik şəhəri” təmsilçisinin 2:0 hesablı qələbəsi ilə başa çatıb."Sumqayıt"ın heyətində Rəhim Sadıxov 4-cü dəqiqədə hesabı açıb. Yarımmüdafiəçi 42-ci dəqiqədə penaltini də dəqiq yerinə yetirib.Qələbə sayəsində 29-cu xalını qazanan "Sumqayıt" 4-cü yerdədir. "Neftçi" isə 42 xalla hələ ki 1-2-ci yerləri bölüşdürür. Oyunun 72-ci dəqiqəsində sarı vərəqə alan Namiq Ələsgərov cəzalı duruma düşüb və XXII turda "Qəbələ" ilə səfər görüşünü buraxacaq.Matç "Neftçi"nin yeni transferi Keysuke Honda üçün əlamətdar olub. İkinci hissənin əvvəlində meydana daxil olan 35 yaşlı yaponiyalı yarımmüdafiəçi ilk rəsmi matçına çıxıb."Neftçi"nin futbolçusu Emin Mahmudov komandada 100-cü matçına çıxıb. 29 yaşlı yarımmüdafiəçi Premyer Liqanın XXI turunda "Sumqayıt"la oyunun start heyətində yer alıb. Paytaxt təmsilçisinin prezidenti Kamran Quliyev bu səbəbdən qarşılaşmanın əvvəlində kapitana xatirə hədiyyəsi təqdim edib.Qeyd edək ki, günün digər qarşılaşmasında "Sabah" "Qəbələ"ni qəbul edir. Tura bu gün keçiriləcək "Keşlə" - "Qarabağ" oyunu ilə yekun vurulacaq. Dünən baş tutmuş "Səbail" - "Zirə" oyununda hesab açılmayıb.xeber100.com

Azərbaycan Premyer Liqasında XXI tura start verilib

Aprelin 3-də futbol üzrə Azərbaycan Premyer Liqasında XXI tura start verilib.AZƏRTAAprelin 3-də futbol üzrə Azərbaycan Premyer Liqasında XXI tura start verilib.Azərtac xəbər verir ki, turun ilk oyununda "Zirə” klubu "ASCO Arena"da "Səbail"lə qarşılaşıb. Görüş qolsuz bərabərliklə başa çatıb.Bu nəticədən sonra xallarını 31-ə çatdıran "qartallar" 3-cü pillədəki yerini qoruyub. "Səbail" isə 19 xalla 6-cı pillədə qərarlaşıb.Qeyd edək ki, XXI turun "Neftçi" - "Sumqayıt", "Sabah" - "Qəbələ" və "Keşlə" - Qarabağ" matçları aprelin 4-də olacaq.C xəbər verir ki, turun ilk oyununda "Zirə” klubu "ASCO Arena"da "Səbail"lə qarşılaşıb. Görüş qolsuz bərabərliklə başa çatıb.Bu nəticədən sonra xallarını 31-ə çatdıran "qartallar" 3-cü pillədəki yerini qoruyub. "Səbail" isə 19 xalla 6-cı pillədə qərarlaşıb.Qeyd edək ki, XXI turun "Neftçi" - "Sumqayıt", "Sabah" - "Qəbələ" və "Keşlə" - Qarabağ" matçları aprelin 4-də olacaq.xeber100.com

İspaniya La Liqasının 29-cu turunun növbəti oyunu keçirilib

Aprelin 3-də futbol üzrə İspaniya La Liqasının 29-cu turunun növbəti oyunu keçirilib.Azərtac xəbər verir ki, “kral” klubu “Real Madrid” öz meydanında autsayder “Eibar”ı qəbul edib. Hər hissədə bir qol vuran madridlilər 2:0 hesablı qələbə qazanıb. Zinəddin Zidanın yetirmələrinin heyətində Marko Assensio və Kərim Benzema fərqləniblər.Bu qələbə sayəsində xal ehtiyatını 63-ə çatdıran “Real Madrid” qismən olsa da, turnir cədvəlində ikinci pilləyə yüksəlib. “Eibar” isə 23 xalla 19-cu yerdə qərarlaşıb.xeber100.com

“Carlin” komandası yeni mövsüm üçün heyətini açıqlayıb

Formula 3 yarışında çıxış edən “Carlin” komandası yeni mövsüm üçün heyətini açıqlayıb.Azərtac xəbər verir ki, komanda İdo Koen və Conni Edqardan sonra Kaylen Frederik ilə müqavilə imzalayıb.Qeyd edək ki, Formula 3 yarışının 2021-ci il mövsümü 7 mərhələdən ibarət olacaq. Mayın 7-də Barselonada start götürəcək yarışa oktyabrın 22-24-də Ostin şəhərində keçiriləcək ABŞ Qran-Prisi ilə yekun vurulacaq.xeber100.com

2021-ci ilin ən məhsuldar futbolçularının siyahısı tərtib edilib

Beynəlxalq Futbol Tarixi və Statistikaları Federasiyası (IFFHS) 2021-ci ilin ən məhsuldar futbolçularının siyahısını tərtib edib.Azərtac xəbər verir ki, siyahıda 34 oyunçu yer alıb. Aktivində 18 qol olan “Bavariya”nın hücumçusu Robert Levandovski cədvəldə birincidir. “Barselona”nın kapitanı Lionel Messi 16 topla ikinci, Tardeli Reis (“Samut Prakan”, Tailand) isə 15 qolla üçüncüdür.Portuqaliya millisinin və "Yuventus"un futbolçusu Kriştiano Ronaldo 11 qolla 17-ci yerdədir.Qeyd edək ki, siyahıya milli və beynəlxalq səviyyəli turnirlərdə ən azı 10 qol vuran futbolçuların adı daxil edilib.xeber100.com