Azərbaycan Premyer Liqasında XX turun daha bir oyunu keçirilib

Futbol üzrə Azərbaycan Premyer Liqasında XX turun daha bir oyunu keçirilib.Azərtac xəbər verir ki, ikinci günün ilk matçında "Qəbələ" klubu “Zirə"ni qəbul edib. Qəbələ şəhər stadionunda təşkil olunmuş qarşılaşma heç-heçə ilə yekunlaşıb - 1:1. Hesabı 23-cü dəqiqədə meydan sahiblərindən Vinko Medimoreç açıb. Bu qoldan 6 dəqiqə sonra "Qəbələ"dən Merab Giqauri birbaşa qırmızı vərəqə ilə meydandan qovulub. Qonaqlar say üstünlüyündən 90+4-cü yeni transfer Fakundo Melivilonun qolu ilə yararlanmağı bacarıblar.Bu nəticədən sonra xalını 30-a çatdıran "Zirə" 3-cü, 23-cü xalını qazanan "Qəbələ" isə 5-ci pillədə qalıb.Xatırladaq ki, turun ilk oyun günündə "Qarabağ" klubu "Sabah"ı 2:0 hesabı ilə yenib, "Sumqayıt" - "Keşlə" matçında isə məhsuldar heç-heçə qeydə alınıb - 2:2. Tura hazırda davam edən "Neftçi" - "Səbail" matçı ilə yekun vurulacaq.xeber100.com

Türkiyə çempionatının XXX turu çərçivəsində keçirilən qarşılaşmada

Futbol üzrə Türkiyə çempionatının XXX turu çərçivəsində keçirilən qarşılaşmada “Başakşəhər” doğma meydanda “Beşiktaş”ı qəbul edib.Azərtac xəbər verir ki, qarşılıqlı hücumlar şəraitində keçən görüşdə hesabı 42-ci dəqiqədə qonaqların hücumçusu Kayl Larin açıb. Daha sonra meydan sahiblərinin yarımmüdafiəçisi Dəniz Türüc hesaba tarazlıq gətirib. Matçın 68-ci dəqiqəsində Velinton "Beşiktaş"ı yenidən hesabda irəli çıxarıb. Lakin "Başakşəhər"in hücumçusu Demba Ba 76-cı dəqiqədə hesabı yenidən bərabərləşdirib. Buna baxmayaraq "Beşiktaş"ın yarımmüdafiəçisi Josef de Souza görüşün 85-ci dəqiqəsində komandasına qələbə qazandıran qolun müəllifi olub.Beləliklə, "Beşiktaş" səfərdə "Başakşəhər"i 3:2 hesabı ilə məğlub edərək İstanbul derbisindən qalib ayrılıb. Turun digər oyunları aşağıdakılardır: “Sivasspor” - “Fatih Karagümrük”; “Alanyaspor” – “Antalyaspor”; “Rizəspor” – “Hatayspor”; “Kayserispor” – “Qalatasaray”; “Ankaragücü” – “Göztəpə”; “Ərzurumspor”– “Trabzonspor”; “Qaziantep” – “Dənizlispor”; “Fənərbağça” – “Gənclərbirliyi”; “Kasımpaşa” - “Konyaspor”; Hazırda Türkiyə Superliqasının turnir cədvəlinə 60 xalla “Beşiktaş” başçılıq edir. İkinci pillədə 58 xal toplayan “Qalatasaray”, üçüncü pillədə isə eyni xala malik olan “Fənərbağça” qərarlaşıb.Qeyd edək ki, yeni mövsümdə Superliqada 21 komanda yarışır. XXX turda “Yeni Malatyaspor” istirahət edir.xeber100.com    

Budapeştdə güləş üzrə Avropa Olimpiya təsnifat turniri keçiriləcək

Martın 18-dən 21-dək Macarıstanın paytaxtı Budapeştdə güləş üzrə Avropa Olimpiya təsnifat turniri keçiriləcək.Azərtac xəbər verir ki, martın 12-də Azərbaycan Güləş Federasiyasının (AGF) prezident əvəzi Namiq Əliyev hər çəkidə iki idmançının Olimpiadaya lisenziya qazanacağı yarışda iştirak edəcək heyəti açıqlayıb.Yunan-Roma və sərbəst güləş üzrə yığmalarımızın üzvləri ilə görüşən federasiyanın rəhbəri bu ilin ilk lisenziya turnirində əksər çəki dərəcələrində Olimpiya Oyunlarına vəsiqə qazanılacağına inandığını dilə gətirərək, güləşçiləri bu fürsətdən yararlanmağa çağırıb və onlara məsul yarışda uğurlar arzulayıb.Martın 18-19-da xalça üzərinə sərbəst güləşçilər çıxacaqlar. Ölkəmizi İslam Bazarqanov (57 kq), Hacı Əliyev (65 kq), Hacımurad Hacıyev (74 kq), Abubakr Abakarov (86 kq), Camaləddin Məhəmmədov (125 kq) təmsil edəcəklər. Onlar baş məşqçi Namiq Abdullayev, böyük məşqçi Zəlimxan Hüseynov və məşqçi Arif Abdullayevin rəhbərliyi altında Budapeştdə uğur qazanmağa çalışacaqlar.Yunan-Roma güləşçilərimiz baş məşqçi Aleksandr Tarakanov, böyük məşqçi Rövşən Bayramov və məşqçi Həsən Əliyevin rəhbərliyi altında martın 20-21-də mübarizə aparacaqlar. Heyətdə Murad Məmmədov (60 kq), İslambek Dadov (67 kq), Sənan Süleymanov (77 kq), İslam Abbasov (87 kq), Murad Lokyayev (97 kq) və Beka Kandelaki (130 kq) yer alıblar.Xatırladaq ki, qadınlardan ibarət millimizin heyətində Leyla Qurbanova (53 kq), Alyona Kolesnik (57 kq), Tatyana Omelçenko (62 kq), Elis Manolova (68 kq) və Gözəl Zutovanın (76 kq) Macarıstandakı yarışda çıxışı nəzərdə tutulub. Onlar baş məşqçi Aslan Ağayev və məşqçi Rövşən Umudovun tapşırıqlarını icra edəcəklər.xeber100.com

İngiltərə Premyer Liqasında ən yaxşı məşqçinin adı açıqlanıb

İngiltərə Premyer Liqasında fevral ayının ən yaxşı məşqçisinin adı açıqlanıb.Azərtac qurumun saytına istinadla xəbər verir ki, bu mükafata “Mançester Siti”nin çalışdırıcısı Pep Qvardiola layiq görülüb.O, ardıcıl ikinci dəfə ən yaxşı seçilib. 50 yaşlı mütəxəssis səsvermədə Nunu Eşpiritu Santu ("Vulverhempton"), Skott Parker ("Fulhem") və Tomas Tuheli ("Çelsi") qabaqlayıb.Qeyd edək ki, Qvardiolanın rəhbərliyi altında "Mançester Siti" ötən ay ölkə çempionatında 6 matça çıxıb və hamısında qələbə qazanıb.xeber100.com

Şahmat seriyasının dördüncü – “Meltvater” turniri start götürəcək

Martın 13-də dünya çempionu Maqnus Karlsenin təşkil etdiyi “Champions Chess Tour” onlayn şahmat seriyasının dördüncü - “Meltvater” turniri start götürəcək.Azərtac xəbər verir ki, indiyədək keçirilmiş hər üç turnirdə iştirak edən Teymur Rəcəbovla yanaşı, bu dəfə ölkəmizi daha bir şahmatçı, Azərbaycanın ən güclü qrossmeysteri Şəhriyar Məmmədyarov da təmsil edəcək. Martın 21-dək davam edəcək yarışda ümumilikdə 16 şahmatçı mübarizə aparacaq. Şahmatçılarımızın rəqibləri Maqnus Karlsen, amerikalılar Nikaru Nakamura və Uesli So, rusiyalılar Yan Nepomnyaşi, Sergey Karyakin və Daniil Dubov, fransalı Maksim Vaşye-Laqrav, Niderland təmsilçiləri Aniş Giri və Yorden Van Forest, ispaniyalı David Anton Quixarro, argentinalı Alan Peçot, isveçli Nils Qrandelius, FIDE-ni təmsil edən Alireza Firuzca və Ermənistan təmsilçisi Levon Aronyan olacaqlar.Bu gün Bakı vaxtı ilə saat 20:00-da başlayacaq yarışın ilk beş turu keçiriləcək. Birinci turda Şəhriyar Məmmədyarov Levon Aronyan ilə qarşılaşacaq. Teymur Rəcəbov da ilk oyun günündə L.Aronyanla qarşılaşacaq. Onların görüşü dördüncü turda olacaq.xeber100.com

Qılıncoynatmanın sablya növü üzrə dünya kuboku turnirinə start verilib

Martın 12-də Budapeştə qılıncoynatmanın sablya növü üzrə dünya kuboku turnirinə start verilib.Azərtac xəbər verir ki, yarışda ölkəmizi sablya üzrə qadınlardan ibarət milli komandamızın üzvləri təmsil edirlər. Qadın sablyaçılarımız həm şəxsi, həm də komanda yarışında iştirak edirlər.Turnirdə Səbinə Kərimova, Anna Başta, Sevil Bünyatova və Valeriya Bolşakova mübarizə aparırlar.xeber100.com

Azərbaycan Premyer Liqasında hakim təyinatları açıqlanıb

Martın 12-də futbol üzrə Azərbaycan Premyer Liqasında XX turunun iki oyunu üçün hakim təyinatları açıqlanıb.Azərtac xəbər verir ki, martın 13-də keçiriləcək “Qarabağ”–“Sabah” matçının baş hakimi Orxan Məmmədov olacaq. “Sumqayıt”–“Keşlə” qarşılaşmasını isə FIFA referisi Elçin Məsiyev idarə edəcək.Görüşlər müvafiq olaraq saat 17:00-da və 19:45-də başlayacaq.Turun digər iki görüşündə “Qəbələ” öz meydanında “Zirə”ni, “Neftçi” isə “Səbail” komandasını qəbul edəcək.xeber100.com

“Sabah” futbol klubunun baş məşqçi postunda dəyişiklik edilib

Paytaxt təmsilçisi “Sabah” futbol klubunun baş məşqçi postunda dəyişiklik edilib.Azərtac klubun rəsmi saytına istinadən xəbər verir ki, Visente Qomezlə müqaviləyə qarşılıqlı razılıq əsasında xitam verilib.Baş məşqçi səlahiyyətləri müvəqqəti olaraq Ramin Quliyevə həvalə olunub.Qeyd edək ki, ispaniyalı mütəxəssis 2020-ci ilin yayından “Sabah”ın baş məşqçisi idi. Komanda hazırda Premyer Liqada 16 xalla sonuncu - 8-ci pillədə qərarlaşıb.xeber100.com

“Çelsi”nin hücumçusu klubunu dəyişə bilər

“Çelsi”nin hücumçusu Olivier Jiru yayda klubunu dəyişə bilər.Azərtac RMC nəşrinə istinadla xəbər verir ki, 34 yaşlı fransalı futbolçu müsahibəsində klubundan gedəcəyi ilə bağlı eyham vurub.O bildirib ki, ABŞ-da futbolçuların daha uzun müddət oynaya bilmələri faktı onun xoşuna gəlir və buna görə də MLS klublarından gələn hər hansı təklifi gözləyəcək.Bu mövsüm fransalı Premyer Liqanın 14 oyununda 4 qol vurub.xeber100.com

Azərbaycan çempionatlarının 2020-2021-ci il mövsümü ləğv edilib

Voleybol üzrə Azərbaycan çempionatları keçirilməyəcək.Azərtac Azərbaycan Voleybol Federasiyasına istinadla xəbər verir ki, yarışların keçirilməməsinə səbəb koronavirus pandemiyasıdır. Buna ölkəmizdə aprelin 1-dək karantin rejiminin tətbiq edilməsi və qapalı məkanlarda idman yarışlarının keçirilməsinə qadağa qoyulması səbəb olub. Buna görə də 2020-2021-ci il mövsümündə kişi və qadınlar arasında ölkə çempionatları, həmçinin 1-ci dəstədəki yarışlar təşkil edilməyəcək.Koronavirus pandemiyası ötən mövsümün də yarımçıq dayandırılması ilə nəticələnmişdi. 2019-2020-ci il mövsümündə qaliblər elan olunmadan saxlanılıb.2021-2022-ci il mövsümünün təşkili isə koronavirusla bağlı vəziyyətdən asılı olacaq.xeber100.com