“Çelsi”nin hücumçusu Çempionlar Liqasında yeni rekorda imza atıb

“Çelsi”nin hücumçusu Olivier Jiru Çempionlar Liqasında yeni rekorda imza atıb.“Sky Sports” nəşri xəbər verir ki, fransalı hücumçu Çempionlar Liqasının səkkizdəbir final mərhələsinin ilk oyununda “Atletiko”nun qapısına vurduğu qolla şəxsi rekordunu yeniləyib. Belə ki, bu qol O.Jirunun 2020-2021-ci il mövsümündə Çempionlar Liqasında vurduğu 6-cı qol olub. Bundan əvvəl futbolçunun ən yaxşı nəticəsi 2015-2016-cı il mövsümündə “Arsenal”ın heyətində qazandığı göstərici olub – 5 qol.Qeyd edək ki, futbolçu 6 qolu 3 səfər matçında vurub.xeber100.com

Beynəlxalq Olimpiya Komitəsinin İcraiyyə Komitəsinin növbəti iclasında

Beynəlxalq Olimpiya Komitəsinin (BOK) İcraiyyə Komitəsi növbəti iclasında 2032-ci il Yay Olimpiya Oyunlarına ev sahibliyi edəcək əsas namizəd şəhəri müəyyənləşdirəcək.“Inside the Games” nəşri xəbər verir ki, BOK İcraiyyə Komitəsinin iclası fevralın 24-də videokonfrans vasitəsi ilə keçiriləcək.Qeyd edək ki, Brisben (Avstraliya), Doha (Qətər), Budapeşt (Macarıstan), Almaniyanın Reyn-Rur bölgəsi, Çinin Çendu və Çunçin şəhərləri əvvəllər 2032-ci il Yay Olimpiya Oyunlarına ev sahibliyi etmək arzusunu bildiriblər. Müxtəlif dövrlərdə İstanbul (Türkiyə), Cakarta (İndoneziya), Yeni Delhi (Hindistan), Sankt-Peterburq (Rusiya) Oyunlara maraq göstərib və Koreya Xalq Demokratik Respublikası (KXDR) və Koreya Respublikasından birgə müraciət variantına da baxılıb.xeber100.com

XXI əsrin ən yaxşı bombardirlərinin siyahısı açıqlanıb

Beynəlxalq Futbol Tarixi və Statistikaları Federasiyası XXI əsrin ən yaxşı bombardirlərinin siyahısını açıqlayıb.Azərtac xəbər verir ki, sıralamada beynəlxalq oyunlarda ən çox qol vuran 13 futbolçu yer alıb.İlk pillədə "Yuventus" və Portuqaliya millisinin futbolçusu Kriştiano Ronaldo yer alıb. Otuz altı yaşlı hücumçu 246 qol vurub.Argentina yığmasının və “Barselona”nın futbolçusu Lionel Messi ikinci, Polşa millisinin və “Bavariya”nın oyunçusu Robert Levandovski isə üçüncü pillədə qərarlaşıblar.xeber100.com

“Böyük dəbilqə” turnirində 13 cüdoçumuz iştirak edəcək

Martın 5-də Daşkənddə cüdo üzrə “Böyük dəbilqə” turniri start götürəcək.Azərtac xəbər verir ki, yarışda Azərbaycanın 13 cüdoçusunun iştirakı planlaşdırılıb. Belə ki, kişilər arasında Kəramət Hüseynov, Oruc Vəlizadə (hər ikisi 60 kq), Nicat Şıxəlizadə, Orxan Səfərov (hər ikisi 66 kq), Rüstəm Orucov (73 kq), Murad Fətiyev, Hidayət Heydərov (hər ikisi 81 kq), Məmmədəli Mehdiyev (90 kq), Aslan Mirzəyev (hər ikisi 100 kq), Uşangi Kokauri (100 kiloqramdan yuxarı) iştirakı nəzərdə tutulub. Qadınların yarışında isə mübarizə aparmaq üçün Aişə Qurbanlı, Leyla Əliyeva (48 kq) və İrina Kindzerskanın (78 kiloqramdan yuxarı) adları siyahıya daxil edilib.Yarış martın 7-dək davam edəcək.xeber100.com

Futbol üzrə Türkiyə çempionatının XXVI turunun üçüncü gün qarşılaşmasında

Fevralın 21-də futbol üzrə Türkiyə çempionatının XXVI turunun üçüncü gün qarşılaşmasında "Fənərbağça" doğa meydanda "Göztəpə"ni qəbul edib.Azərtac xəbər verir ki, qarşılıqlı hücumlar şəraitində keçən görüşdə İstanbul təmsilçisi rəqibinə minimal hesabla məğlub olub. "Göztəpə"nin yeganə qolunu 9-cu dəqiqədə Halil Akbunar vurub.Günün digər matçında isə “Sivasspor” doğma meydanda “Kayserispor”un qapısından iki cavabsız top keçirib. "Hatayspor" isə səfərdə "Ərzurumspor"a 1:3 hesabı ilə qalib gəlib. “Dənizlispor” - "Gənclərbirliyi" matçında isə qapılara qol vurulmayıb - 0:0.Tura bu gün keçiriləcək "Ankaragücü" - "Rizəspor" görüşü ilə yekun vurulacaq.Hazırda Türkiyə Superliqasının turnir cədvəlinə 54 xalla “Qalatasaray” başçılıq edir. İkinci pillədə 51 xal toplayan “Beşiktaş”, üçüncü pillədə isə onunla eyni xala malik olan “Fənərbağça” qərarlaşıb.Qeyd edək ki, yeni mövsümdə Superliqada 21 komanda yarışır. XXVI turda “Beşiktaş” istirahət edir.xeber100.com

İspaniya La Liqasının 24-cü turunda

İspaniya La Liqasının 24-cü turunda "Kadiz"ə qarşı oyuna çıxan Lionel Messi bununla da tarix yazıb.AZƏRTAC xəbər verir ki, argentinalı ulduz Xavinin 505 oyunluq rekordunu geridə qoyub.La Liqada 506 matça çıxaraq "Barselona"da ən çox oyun keçirən futbolçu olan Messi klubun mütləq rekordçusu olub.Qeyd edək ki, Nou Kamp” stadionunda baş tutan görüş 1:1 hesabı ilə heç-heçə başa çatıb. Bu nəticədən sonra xal ehtiyatını 47-yə çatdıran “Barselona” turnir cədvəlində üçüncü, “Kadiz” isə 25 xalla 14-cü yerdə qərarlaşıb.xeber100.com

İngiltərə Premyer Liqasının 25-ci turunun növbəti oyunu keçirilib

Fevralın 20-də futbol üzrə İngiltərə Premyer Liqasının 25-ci turunun növbəti oyunu keçirilib.Azərtac xəbər verir ki, son ölkə çempionu “Liverpul” öz meydanında “Everton” komandasını qəbul edib.“Enfild” stadionunda baş tutan görüş qonaqların 2:0 hesablı qələbəsi ilə başa çatıb.Oyunda hesabı erkən qolla (3-cü dəqiqə) Riçarlison açıb.Fasilədən sonra görüşün 83-cü dəqiqəsində “Everton” rəqibin qapısına ikinci dəfə yol tapa bilib. Qulfi Siqurdsson adını tabloya yazdırıb.Qalan dəqiqələrdə hər iki komandanın cəhdlərinə baxmayaraq, hesab dəyişməyib.Bu nəticədən sonra hər iki klubun aktivində 40 xal var və komandalar altıncı-yeddinci yerləri bölüşürlər.xeber100.com

“Mançester Siti” futbol klubu “Arsenal”ı (1-0) məğlub edib

İngiltərə Futbol Çempionatının 25-ci turunda “Mançester Siti” səfərdə “Arsenal”ı (1-0) məğlub edib.Azərtac xəbər verir ki, oyunda yeganə qolu 2-ci dəqiqədə Rahim Sterlinq vurub.Beləliklə, "Mançester Siti" müxtəlif turnirlərdə ardıcıl 18 qələbə qazanıb. Həmçinin "Mançester Siti" məğlubiyyətsiz seriyasını 25 oyuna qədər uzadıb. Turnir cədvəlində komanda 59 xal qazanaraq liderliyini davam etdirir, o ikinci yerdə olan "Lester" komandasını 10 xal qabaqlayır.xeber100.com

“Böyük dəbilqə” turnirində Azərbaycanın 5 cüdoçusu mübarizə aparacaq

İsrailin paytaxtı Təl-Əvivdə start götürən “Böyük dəbilqə” turnirinin üçüncü günündə Azərbaycanın 5 cüdoçusu mübarizə aparacaq.Azərtac xəbər verir ki, yarışın son günündə kişilər arasında 90 kiloqram çəkidə Məmmədəli Mehdiyev Orelyen Diss (Fransa), 100 kiloqramda Elmar Qasımov İoakim Dvarbi (İsveç), Zelim Kotsoyev Boris Georgiyev (Bolqarıstan) ilə döyüşəcəklər. Ağır çəkili cüdoçular (100 kiloqramdan yuxarı) Uşangi Kokauri Ben Spiykers (Niderland), Camal Feyziyev Serafim Kompanyes (İsrail) ilə ilk qarşılaşmalarını keçirəcəklər.Qeyd edək ki, Azərbaycan komandasının aktivində 1 medal var. Belə ki, turnirin birinci günündə cüdoçumuz Davud Məmmədsoy (60 kq) bütün rəqiblərini məğlub edərək qızıl medala sahib çıxıb. Komandamızın digər üzvü - 66 kiloqram çəki dərəcəsində çıxış edən Nicat Şıxəlizadə isə yeddinci yeri tutub.Yarışda 60 ölkədən 400-dən çox idmançı mübarizə aparır. Azərbaycan turnirə 15 idmançı ilə qatılıb.xeber100.com

Güləşi üzrə Ukraynada təlim-məşq toplanışı davam edir

Qadın güləşi üzrə yığmamız Ukraynada təlim-məşq toplanışını davam etdirir.Azərtac Azərbaycan Güləş Federasiyasına istinadla xəbər verir ki, Kiyevdə hazırlıq prosesinə start verən millimizin heyətində 9 idmançı yer alıb. Fevralın 25-dək davam edəcək toplanışda baş məşqçi Aslan Ağayev və məşqçi Rövşən Umudovun rəhbərliyi altında Türkan Nəsirova (50 kq), Leyla Qurbanova, Tatyana Varansova (hər ikisi 53 kq), Alyona Kolesnik (57 kq), Tatyana Omelçenko (62 kq), Elis Manolova (65 kq), İrina Netreba (68 kq), Gözəl Zutova və Səbirə Əliyeva (hər ikisi 76 kq) iştirak edirlər.“Konça-Zaspa” Olimpiya Mərkəzində baş tutan hazırlıq prosesində 12 ölkənin komandası yer alıb. Ukrayna və Azərbaycan yığmaları ilə yanaşı, Türkiyə, Özbəkistan, Moldova, Rumıniya, Bolqarıstan, Litva, Norveç, İsveç, Macarıstan və Belarus milliləri Kiyevdə təşkil olunan birgə toplanışa qatılıblar. Həm fiziki, həm də taktiki-texniki hazırlıq üzərində qurulan təlim-məşq toplanışı qarşıdan gələn mühüm yarışlara, o cümlədən Avropa Olimpiya təsnifat turnirinə hazırlıq xarakteri daşıyır.Qeyd edək ki, komandamız toplanış başa çatdıqdan sonra fevralın 26-dan 28-dək Kiyevdə keçiriləcək Ukraynanın məşhur güləşçilərinin və məşqçilərinin xatirə turnirində qüvvəsini sınayacaq. Bu, komandamızın 2021-ci ildə qatılacağı ilk yarış olacaq.xeber100.com