UEFA Avropa Liqasının onaltıdabir final mərhələsinin ilk oyunlarında

Fevralın 19-da UEFA Avropa Liqasının onaltıdabir final mərhələsinin ilk oyunlarının ən yaxşı futbolçusu adına namizədlər açıqlanıb.Azərtac UEFA-nın saytına istinadla xəbər verir ki, bu ada İngiltərənin “Mançester Yunayted” klubundan Bruno Fernandeş, “Tottenhem”dən Qaret Beyl, Xorvatiyanın “Dinamo Zaqreb” komandasından Bruno Petkoviç və Almaniyanın “Hoffenheym” komandasından Munas Dabbur iddialıdırlar.B.Fernandeş səfərdə İspaniyanın “Real Sosyedad” klubuna 4:0 qalib gəldikləri matçda dubl edib. Q.Beyl Avstriyada “Volfsberq”i 4:1 hesabı ilə məğlub etdikləri görüşdə bir dəfə fərqlənib. Bruno Petkoviç komandasının Rusiyada “Krasnodar”ı 3:2 hesabı ilə məğlubiyyətə uğratdığı görüşdə, Munas Dabbur isə “Hohhenheym” ilə Norveçin “Molde” klubu arasında 3:3 hesabı ilə başa çatan görüşdə dubla imza atıblar.Qeyd edək ki, qalib UEFA-nın saytında azarkeşlər arasında keçirilən səsvermə nəticəsində müəyyənləşəcək.xeber100.com

Azərbaycan Premyer Liqasında XVI tura start verilib

Fevralın 19-da futbol üzrə Azərbaycan Premyer Liqasında XVI tura start verilib.Azərtac xəbər verir ki, turun açılış matçında “Səbail” klubu “Sabah” komandasını qəbul edib. “ASCO Arena”da keçirilən görüş meydan sahiblərinin 2:0 hesablı qələbəsi ilə başa çatıb. Oyunda hər iki qolu Amil Yunanov vurub. O, 16-cı və 77-ci dəqiqələrdə rəqib qapısına yol tapıb.Bu qələbədən sonra “Səbail” xal ehtiyatını 16-ya çatdırıb və beşinci pilləyə yüksəlib. On dörd xalı olan “Sabah” isə yeddinci sırada qərarlaşıb. Qeyd edək ki, günün digər matçında “Sumqayıt” son ölkə çempionu “Qarabağ” klubunu qəbul edəcək.Xatırladaq ki, tura fevralın 20-də “Keşlə” – “Zirə” və “Neftçi”- “Qəbələ” matçları ilə yekun vurulacaq.xeber100.com

“Neftçi” klubunun futbolçusu karyerasını Gürcüstanda davam etdirəcək

Bakının "Neftçi" klubunun futbolçusu İbrahim Qədirzadə karyerasını Gürcüstanda davam etdirəcək.Azərtac xəbər verir ki, Bakı təmsilçisinin əvəzedici heyətində çıxış etmiş 22 yaşlı yarımmüdafiəçi "Samtredia" klubu ilə anlaşıb.Futbolçu Gürcüstan klubu ilə birillik müqavilə imzalayıb.xeber100.com

“Sabah” futbol klubu heyətini müdafiəçi ilə gücləndirib

Bakının “Sabah” futbol klubu heyətini müdafiəçi ilə gücləndirib.AZƏRTAC klubun saytına istinadla xəbər verir ki, ukraynalı müdafiəçi Zurab Oçiqava ilə imzalanan müqaviləyə əsasən futbolçu cari mövsümün sonunadək komandanın formasını geyinəcək.İyirmi beş yaşlı Z.Oçiqava karyerası ərzində Ukraynanın “İlyiçevets” (2014-2015), “Dinamo-2” (Kiyev, 2015-2016), “Dinamo” (Kiyev, 2016-2017), “Olimpik” (Donetsk, 2017-2018), “Dnepr-1” (2018-2019), “Vorskla” (2019-2020) və Estoniyanın “Levadiya” (2020) klublarında çıxış edib. Oçiqava Ukraynanın U-21 millisinin üzvü olub.Futbolçu yeni komandasında 3 nömrəli formada çıxış edəcək.xeber100.com

Futzal üzrə “Avro-2022″nin ilkin seçmə mərhələsinin 5-ci qrupunda

Futzal üzrə FIFA referisi Hikmət Qafarlı beynəlxalq təyinat alıb.Azərtac xəbər verir ki, o, futzal üzrə "Avro-2022"nin ilkin seçmə mərhələsinin 5-ci qrupunda martın 10-da keçiriləcək İsrail – Macarıstan oyununu idarə edəcək.xeber100.com

UEFA Çempionlar Liqasında səkkizdəbir final mərhələsinə start verilib

Fevralın 17-də UEFA Çempionlar Liqasında səkkizdəbir final mərhələsinə start verilib.Azərtac xəbər verir ki, mərhələnin ilk oyun günündə iki qarşılaşma təşkil olunub.Səkkizdəbir final mərhələsinin maraq doğuran görüşlərindən biri İspaniyada “Nou Kamp” stadionunda keçirilib.Barselona” öz meydanında Fransa çempionu “Paris Sen-Jermen” komandasını qəbul edib. Görüş qonaqların böyük hesablı qələbəsi ilə başa çatıb - 1:4. Fransalıların heyətində Kilyan Mbappe (3) və Mouse Kin fərqləniblər. Kataloniyalıların yeganə qoluna penaltidən Lionel Messi imza atıb.Günün ikinci qarşılaşmasında İngiltərənin “Liverpul” klubu Almaniyanin “Leyptsiq” komandasının qonağı olub. Koronavirusa görə, qarşılaşma Macarıstanın paytaxtı Budapeştdəki “Puşkaş Arena”da oynanılıb.Bu qarşılaşma da qonaqların qələbəsi ilə yekunlaşıb.Mersessayd təmsilçisi 53-cü və 56-cı dəqiqələrdə Məhəmməd Salah və Sadio Manenin sayəsində fərqlənərək qələbə qazanıb.Bu komandaların arasında cavab görüşləri martın 11-də keçiriləcək.xeber100.com

“Sabah”ın “Zirə”yə qarşı Premyer Liqanın XV tur oyununda

"Sabah"ın "Zirə"yə qarşı Premyer Liqanın XV tur oyununda (2:2) zədələnərək xəstəxanaya yerləşdirilən futbolçusu Tiemoku Fofana evə buraxılıb.Azərtac xəbər verir ki, müayinələrdən sonra Fil Dişi Sahilindən olan futbolçuda beyin silkələnməsi aşkarlanmayıb. Üç dişi qırılan forvardın dodağına tikiş atılıb. Fofana qarşıdakı iki günü istirahət etməklə keçirəcək. Ardınca o, məşqlərə başlaya bilər.Xatırladaq ki, 21 yaşlı futbolçu "Zirə" ilə matçda rəqib futbolçu ilə toqquşduqdan sonra mübarizəni davam etdirə bilməmiş, birbaşa xəstəxanaya aparılmışdı.xeber100.com

“Carnavales de Gran Canaria 2021” turnirinə yekun vurulub

Blits üzrə onlayn formatda keçirilən “Carnavales de Gran Canaria 2021” turnirinə yekun vurulub.Azərtac xəbər verir ki, Azərbaycan şahmatçılarının da iştirak etdikləri yarışda 11 turdan 10 xal toplayan hindistanlı qrossmeyster Raunak Sadvani qalib adını qazanıb.Şahmatçılarımız arasında ən yüksək nəticəni Vüqar Rəsulov və Zaur Məmmədov göstəriblər. Onlar 9 xalla ilk onluqda yer alıblar.“Lichess.org” platforması vasitəsilə keçirilən yarışda 600-dən çox şahmatçı iştirak edir.xeber100.com

“Mançester Yunayted” futbolçusu ilə yeni anlaşma imzalayıb

“Mançester Yunayted” futbolçusu Meyson Qrinvud ilə yeni anlaşma imzalayıb.Azərtac xəbər verir ki, klub 19 yaşlı forvard ilə razılığa gəlib. Bu barədə klubun rəsmi saytı məlumat yayıb.Müqavilənin müddəti 2025-ci ilə qədərdir və bir il uzatmaq şərti var.Qeyd edək ki, 6 yaşından klub akademiyasında çıxış edən Meyson 2018-ci ildən “Mançester Yunayted”in şərəfini qoruyur.xeber100.com

Fevralın 19-21-də şahmat üzrə dünya çempionatı keçiriləcək

Fevralın 19-21-də onlayn formatda birinci şirkətlərarası şahmat üzrə dünya çempionatı keçiriləcək.Azərtac xəbər verir ki, bu barədə Beynəlxalq Şahmat Federasiyasının (FIDE) saytında məlumat verilib.Məlumatda qeyd edilib ki, çempionatda hər birinin heyətində dörd şahmatçı olan komandalar mübarizə aparacaqlar. Komandaların üzvlərindən ən azı biri qadın şahmatçı olmalıdır. Bundan əlavə, komandada yalnız bir peşəkar oyunçunun (FIDE reytinqi 2500-dən yuxarı) iştirakına icazə verilir. Hər matçda iştirak edəcək heyətdə oyunçulardan ən azı üçü təmsil etdiyi şirkətin işçiləri olmalıdır.FIDE-nin prezidenti Aleksandr Dvorkoviç turnirdə iştirak etmək üçün 350-ə yaxın komandanın müraciət etdiyini, onların tələb olunan meyarlara uyğunluğu yoxlanıldıqdan sonra dünyanın ən böyük şirkətləri də daxil olmaqla 282 komandanın yarışa buraxıldığını bildirib.Qeyd edək ki, yarışda Azərbaycan şahmatçıları da təmsil olunacaqlar. Belə ki, “SOCAR”ın əsas komandası “SOCAR” və ikinci komandası “SOCAR AQS” dünya çempionatında mübarizə aparacaq.xeber100.com