İtaliya A Seriyasının 18-ci turunun mərkəzi qarşılaşmasında

Yanvarın 17-də futbol üzrə İtaliya A Seriyasının 18-ci turunun mərkəzi qarşılaşması keçirilib.Azərtac xəbər verir ki, “Cuzeppe Meaza” stadionunda baş tutan görüşdə “İnter” əzəli rəqibi “Yuventus” komandasını qəbul edib.Görüş meydan sahiblərinin 2:0 hesablı qələbəsi ilə başa çatıb. Oyunda hesab 12-ci dəqiqədə açılıb. Nikoli Barellanın ötürməsini Arturo Vidal dəqiq zərbə ilə tamamlayıb.Fasilədən sonra “İnter” rəqibin qapısına ikinci dəfə yol tapıb. Oyunun ən yaxşılarından sayılan Nikola Barella rəqibi əks hücumda yaxaladığı epizodda qapıçı ilə təkbətək qalıb. İtaliya millisinin futbolçusu fürsəti əldən verməyib. Qalan dəqiqələrdə qonaqların cəhdlərinə baxmayaraq, hesab dəyişilməyib.Bu qələbədən sonra xal sayını 40-a çatdıran “İnter” turnir cədvəlində ikinci yerdə, “Yuventus” isə 33 xalla beşinci yerdə qərarlaşıb.Turnir cədvəlinin lideri “Milan” yanvarın 18-də səfərdə “Kalyari” komandasının qonağı olacaq.Turun digər görüşlərində aşağıdakı hesablar qeydə alınıb: “Atalanta” - “Genoa” - 0:0; “Sassuolo” - “Parma” - 1:1; “Krotone” - “Benevento” - 4:1; “Napoli” - “Fiorentina” - 6:0; “Sampdoriya” - “Udineze” - 2:1; “Torino” - “Spezia” - 0:0; “Bolonya” - “Verona” - 1:0; “Latsio” - “Roma” - 3:0.xeber100.com

Futbol üzrə İspaniya Super Kuboku uğrunda həlledici görüş keçirilib

Yanvarın 17-də futbol üzrə İspaniya Super Kuboku uğrunda həlledici görüş keçirilib.Azərtac xəbər verir ki, ötən mövsüm La Liqa çempionu “Barselona” və ölkə kubokunun sahibi “Atletik Bilbao” üz-üzə gəlib.“Estadio de-la-Kartuxa” stadionunda baş tutan görüş “Atletik Bilbao” komandasının 3:2 hesablı qələbəsi ilə başa çatıb.Oyunda hesabı 40-cı dəqiqədə Antuan Qrizman açıb. Qoldan iki dəqiqə sonra “Atletik Bilbao” hesaba tarazlıq gətirib. Oskar De Markos adını tabloya yazdırıb. Komandalar fasiləyə 1:1 hesablı heç-heçə ilə yollanıb.Qarşılaşmanın ikinci hissəsində hər iki komandanın qol vurmaq şansı olub. Görüşün 57-ci dəqiqəsində “Atletik” yenindən fərqlənib, lakin baş hakimin videonəzarət (VAR) sisteminə baxdıqda qolu saymayıb. Oyunun 77-ci dəqiqəsində “Barselona” yenidən hesabda önə keçib.Antuan Qrizman Jorji Albanın ötürməsindən sonra dublunu rəsmiləşdirib. Matçın bitməsinə bir dəqiqə qalmış Bilbao təmsilçisi hesabı bərabərləşdirməyə nail olub. Asyer Vilyalibre fərqlənərək komandasına final görüşündə qalib gəlmək üçün şans saxlayıb. Əsas vaxt heç-heçə bitdiyindən qalibi müəyyən etmək üçün iki 15 dəqiqədən ibarət əlavə vaxt oynanılıb.Görüşün 94-cü dəqiqəsində oyunda ilk dəfə “Atletik Bilbao” hesabda önə keçib. İnaki Villiams İker Munianin ötürməsini qola çevirib.Qarşılaşmada bir daha qol vurulmayıb.Beləliklə, “Atletik Bilbao” qələbə qazanaraq tarixində üçüncü dəfə İspaniya Super Kubokunun qalibi olub. Oyundan sonra qalibin mükafatlandırılması mərasimi olub. Gümüş medallar “Barselona” komandasının üzvlərinə təqdim edilib. Sonra kürsüyə “Atletik Bilbao” klubunun üzvləri çıxıblar. Qızıl medallar və İspaniya Super Kuboku qalib komandaya təqdim edilib.xeber100.com

Fransada güləş üzrə Henri Deqlan Qran-Pri turniri davam edir

Fransanın Nitsa şəhərində güləş üzrə Henri Deqlan Qran-Pri turniri davam edir.Azərtac xəbər verir ki, yanvarın 16-da sərbəst güləşçilər mübarizə aparıblar.Mübarizəyə 1/4 finaldan qoşulan güləşçimiz İslam Bazarqanov (57 kq) Rumıniya təmsilçisini ilk hissədə üstələyərək yarımfinala vəsiqə qazanıb. Pəhləvanımız amerikalı güləşçi ilə gərgin keçən mübarizədə də güclü tərəf olaraq finala adlayıb. İ Bazarqanov finalda digər amerikalı rəqibinə məğlub olaraq gümüş medalla kifayətlənib.Millimizin üzvü Turan Bayramov (65 kq) ilk görüşdə yerli idmançıya heç bir şans tanımayıb. Dörddəbir finalda Moldova güləşçisi ilə gərgin idman mübarizəsi şəraitində keçən qarşılaşmada sonuncu xal prinsipinə əsasən gənc pəhləvanımız adını yarımfinala yazdırıb. Finalın bir addımlığında amerikalı dünya ikincisinə uduzan həmyerlimiz fransalı güləşçiyə növbəti dəfə qalib gələrək turniri üçüncü pillədə başa vurub.Hacımurad Hacıyev (74 kq) ilk mərhələdə isveçrəli rəqibi üzərində inamlı qələbə qazanıb. Daha sonra H.Hacıyev Moldova güləşçisini çox qısa vaxtda xalçadan məyus yola salaraq yarımfinala yüksəlib. Amerikalı rəqibinə uduzan təmsilçimiz daha sonra alman güləşçini çətinlik çəkmədən məğlub edərək bürünc medala sahib olub.Millimizin üzvü Abubakr Abakarov (86 kq) debütdə Rusiya idmançısına yenilib. Təsəlliverici görüşdə polşalı rəqibini çətinliklə üstələyən A.Abakarov bürünc medal uğrunda mübarizədə İsveçrə nümayəndəsi üzərində də qələbə qazanıb.Turnirdə 92 kiloqram çəki dərəcəsində iştirakçı sayı az olduğu üçün dairəvi sistemdən istifadə olunub. Osman Nurməhəmmədov ilk görüşdə gürcü həmkarına tam üstünlüklə qalib gəlib. İkinci görüşdə isə Almaniya idmançısını vaxtından əvvəl məğlub edib. Polşalı güləşçiylə bacarmayan pəhləvanımız bunun əvəzini İsveçrə təmsilçisindən çıxıb. Yekunda qazandığı 3 qələbəyə görə, O.Nurməhəmmədova gümüş medala layiq görülüb.Beləliklə, sərbəst güləşçilərimiz Qran-Pridə iki gümüş və üç bürünc medal əldə ediblər. Komanda hesabında 135 xal toplayan millimiz 3-cü yeri tutub.xeber100.com

“Fənərbağça” klubu Almaniya vətəndaşı olan türk futbolçunu transfer edib

İstanbulun “Fənərbağça” klubu Almaniya vətəndaşı olan türk futbolçu Məsud Özili transfer edib.Azərtac Türkiyənin “ntvspor.net” idman portalına istinadla xəbər verir ki, razılaşmaya əsasən, futbolçu 3,5 il müddətində bu klubda çıxış edəcək.Həm “Fənərbağça” klubunun, həm də Məsud Özilin sosial media hesablarında transferlə bağlı paylaşımlar edilib.Xatırladaq ki, Məsud Özilin “Arsenal” klubu ilə müqaviləsinin müddəti bu ilin yayında başa çatacaq.Peşəkar futbolda karyerasına 2006-cı ildə başlayan M.Özil bir il “Şalke-04” komandasında forma geyindikdən sonra 2008-2010-cu illərdə “Verder Bremen”, 2010-2013-cü illərdə “Real Madrid” komandalarında çıxış edib. Futbolçu 2013-cü ildən “Arsenal”ın heyətindədir. O, Almaniya millisinin heyətində 2014-cü ildə dünya çempionatının qalibi olub.xeber100.com

Türkiyə kubokunun dörddəbir final mərhələsinin püşkü atılıb

Yanvarın 15-də Futbol üzrə Türkiyə kubokunun dörddəbir final mərhələsinin püşkü atılıb.Azərtac xəbər verir ki, bu mərhələdə “Qalatasaray” “Alanyaspor”la, “Sivasspor” “Antalyaspor”la, “Konyaspor” “Beşiktaş”la, “Fənərbağça” isə “Başakşəhər”lə üz-üzə gələcək.Qeyd edək ki, dörddəbir final mərhələsinin oyunları fevralın 9-11-də, yarımfinal matçları isə martın 16-18-də keçiriləcək.Yarımfinalda “Sivasspor” – “Antalyaspor” cütünün qalibi “Qalatasaray” – “Alanyaspor” cütünün qalibi, “Konyaspor” – “Beşiktaş” matçının qalibi isə “Fənərbağça” – “Başakşəhər” cütünün qalibi ilə görüşəcək.xeber100.com

“Hitech” komandası yeni mövsüm üçün heyətini açıqlayıb

Formula 3 yarışında çıxış edən "Hitech" komandası yeni mövsüm üçün heyətini açıqlayıb.Azərtac xəbər verir ki, komanda "Red Bull"un gənclər proqramından yararlanıb. Belə ki, komanda proqramın üzvləri, Almaniya Formula 4 yarışının gümüş mükafatçısı Cek Krouford və Fransa Formula 4-ün qalibi Ayumu İvasa ilə birillik müqavilə imzalayıb.Qeyd edək ki, Formula 3 yarışının 2021-ci il mövsümü 7 mərhələdən ibarət olacaq. Barselonada start götürəcək yarışa oktyabrın 22-24-də Ostin şəhərində keçiriləcək ABŞ Qran-Prisi ilə yekun vurulacaq.xeber100.com

“Paris-Sen-Jermen” klubu hücumçusuyla danışıqları davam etdirir

“Paris-Sen-Jermen” klubu hücumçusu Neymarla danışıqları davam etdirir.Azərtac “football.ua”ya istinadla xəbər verir ki, əvvəllər braziliyalının Paris klubu ilə müqaviləni uzatmaq niyyətində olduğu bildirilmişdi.PSJ rəhbərliyi onun uzunmüddətli müqavilə imzalayacağına ümid edir.Neymarın hazırkı müqaviləsi 2022-ci ilədəkdir.xeber100.com

“Barselona” klubu “Mançester Siti”nin futbolçusunu transfer etməyi planlaşdırır

“Barselona” klubu “Mançester Siti”nin futbolçusu Erik Qarsiyanı transfer etməyi planlaşdırır.Azərtac xəbər verir ki, Kataloniya klubu 20 yaşlı müdafiəçi ilə artıq danışıqlara başlayıb. Müzakirələrin yaxşı getdiyi və “Barselona”nın Qarsiya ilə anlaşdığı bildirilir.Bu ay rəsmi müqavilə imzalanmazsa, İspaniya nəhəngi iyunda bir daha danışıqlara başlayacaq.xeber100.com

Finlandiyada güllə atıcılığı üzrə Avropa çempionatı ləğv olunub

Finlandiyada keçirilməsi nəzərdə tutulan güllə atıcılığı üzrə Avropa çempionatı ləğv olunub.Azərtac xəbər verir ki, bu barədə Avropa Atıcılıq Konfederasiyasının saytında məlumat verilib. Lohya şəhərində fevralın 26-dan martın 6-dək keçirilməli olan yarış koronavirus pandemiyası səbəbindən baş tutmayacaq. Məlumatda bildirilir ki, yarışın başqa tarixə keçirilməsi müzakirə ediləcək. Qitə çempionatının keçirilməsi mümkün olmayacağı təqdirdə, “Tokio-2020” üçün kvota yerləri Beynəlxalq Olimpiya Komitəsinin təsdiq etdiyi təsnifat sisteminə uyğun olaraq ötən il may ayına olan Avropa reytinqinə görə ayrılacaq.Qitə çempionatında güllə atıcılarımızın iştirakı da nəzərdə tutulmuşdu.Xatırladaq ki, Azərbaycanın güllə atıcısı Ruslan Lunyov İtaliyanın Bolonya şəhərində keçirilən qitə çempionatında 25 metr məsafəyə kiçikçaplı tapançadan atəşaçma yarışının qalibi olmaqla “Tokio-2020” Yay Olimpiya Oyunlarına vəsiqə qazanıb.xeber100.com

“Latsio” futbol klubu heyətini yeni futbolçu ilə gücləndirib

İtaliyanın “Latsio” klubu heyətini yeni futbolçu ilə gücləndirib.Azərtac klubun rəsmi saytında istinadla xəbər verir ki, komanda Dmitriye Kamenoviç ilə müqavilə imzalayıb. İyirmi yaşlı müdafiəçi ilə üçillik anlaşma əldə olunub. Bunun üçün “Latsio” “Çukariçki” klubuna 3 milyon avro ödəyəcək.Qeyd edək ki, Kamenoviç 2019-cu ildən Serbiyanın yüksək dəstəsində oynamağa başlayıb. İndiyə qədər bu komandada 26, ölkəsinin U-21 millisində 4 oyun keçirib.xeber100.com