“Qarabağ” komandası UEFA Avropa Liqasında növbəti oyununa çıxacaq

“Qarabağ” komandası bu gün UEFA Avropa Liqasında növbəti oyununa çıxacaq.Azərtac xəbər verir ki, Ağdam klubu I qrupun III tur matçında Türkiyədə “Sivasspor”un qonağı olacaq. “Yeni Sivas 4 Eylül” stadionunda keçiriləcək qarşılaşma Bakı vaxtı ilə saat 21:55-də start götürəcək.Qarşılaşma əvvəlcə Portuqaliyadan olan hakimlər briqadasına tapşırılsa da, UEFA sonradan əsas referi və yan xətt hakimlərini isveçrəlilərlə əvəzləyib. Əsas hakim Sandro Şörer olacaq. Ona həmyerliləri Stefan de Almeyda və Bekim Zoqay kömək edəcək. Dördüncü hakim funksiyasını Yanku Yoan Vasilitsa yerinə yetirəcək.Qrupdakı ilk iki oyunda məğlub olan komandalar 3-4-cü yerləri bölüşdürür. Sadəcə, vurulan topların sayına (1 qol) görə Azərbaycan çempionu sonuncu pillədə qərarlaşıb. Sivas təmsilçisi əvvəlki görüşlərdə 7 dəfə rəqib qapılarına yol tapıb.Superliqa klubu “Qarabağ”la oyuna ciddi itkilərlə çıxacaq. Rəqibin heyətində Ziya Erdal, Aaron Appindanqoe və Xorxe Feliksin zədə səbəbindən oynamayacağı dəqiqdir. Bundan başqa, İsrail “Makkabi”si (Təl-Əviv) ilə qarşılaşmada qırmızı vərəqə almış Samba Kamara da oyunu buraxacaq. Marselo Qoyano və Erdoğan Yeşilyurtun isə meydana çıxıb-çıxmayacağı sual altındadır. “Köhlən atlar”da isə zədəli və cəzalı futbolçu yoxdur.xeber100.com

Milli Basketbol Assosiasiyasının yeni mövsümünün təqvimi müəyyənləşib

Milli Basketbol Assosiasiyasında (MBA) yeni mövsümün başlanması ilə bağlı fikir ayrılığı yaranmışdı. Basketbolçular və liqa rəhbərliyi razılığa gələ bilmədiyindən mövsümün bir qədər gec başlayacağı gözlənilirdi. Artıq bu problem həll olunmaq üzrədir.Azərtac xəbər verir ki, MBA-nın yeni mövsümünün təqvimi müəyyənləşib. Amerika mətbuatının məlumatına görə, müntəzəm çempionat böyük ehtimalla, dekabrın 22-də start götürəcək. Liqa rəhbərliyi hələ iki həftə əvvəl mövsümün məhz bu tarixdə start götürəcəyini planlaşdırsa da, basketbolçular bununla razılaşmırdı. Uzunsürən müzakirələrdən sonra artıq tərəflər ortaq məxrəcə gəlib. Basketbolçular bir müddət əvvəl mövsümün yanvarın 18-də başlamasını və hər komandanın müntəzəm çempionatda 50 və ya 60 oyun keçirməsini istəyib. Lakin liqa rəhbərliyi onları fikrindən daşındıra bilib. Əslində, mövsümün dekabrdan start götürməsi hər iki tərəfə sərf edir. Belə ki, çempionat gec başlayacağı halda liqa və klublar daha ciddi maliyyə itkisi ilə qarşılaşa bilərdi. Hər halda, Milad bayramı günü ənənəvi oyunların keçirilməməsi reytinqə də mənfi təsir göstərir.Yeni təqvim planına gəlincə, komandalar dekabrın 1-dən təlim-məşq toplanışına başlayacaq və mövsümün startına qədər hər klub ən azı 3 yoxlama oyunu keçirəcək. Hər komanda müntəzəm çempionatda 72 oyuna çıxacaq, “All Star” həftəsi isə martın ortalarında təşkil olunacaq. Müntəzəm çempionat mayın ikinci 10 günlüyündə, pley-off iyulda başa çatacaq.xeber100.com

“Neftçi” klubu daha iki futbolçu ilə güclənməyi düşünür

Bakının “Neftçi” klubu qış transfer pəncərəsində daha iki futbolçu ilə güclənməyi düşünür.Azərtac xəbər verir ki, hazırda klub bununla bağlı fəaliyyətə başlayıb. Paytaxt təmsilçisi xüsusilə Braziliya və Portuqaliyadan bir neçə futbolçu ilə yaxından maraqlanır və onlar haqda məlumat toplayır. Rəhbərlik ilk növbədə pleymeker və hücumçu transfer etməyi düşünür.xeber100.com

“Sivasspor” klubu ilə “Qarabağ” komandası arasında keçiriləcək matçın hakimləri dəyişib

UEFA Avropa Liqasının qrup mərhələsinin üçüncü turunda Türkiyənin “Sivasspor” klubu ilə Ağdamın “Qarabağ” komandası arasında keçiriləcək matçın hakimləri dəyişib.Azərtac xəbər verir ki, qarşılaşma İsveçrədən olan hakimlərə tapşırılıb. Baş hakim Referi Sandro Şörerə Stefan de Almeyda və Bekim Zoqay kömək edəcəklər.Avropa futbol qurumu daha əvvəl oyunu Joao Pineyronun rəhbərlik etdiyi portuqaliyalı hakimlərə tapşırmışdı. Görüşün dördüncü hakimi portuqaliyalı Yanku Yoan Vasilitsa dəyişdirilməyib.Qeyd edək ki, noyabrın 5-də “Yeni Sivas 4 Eylül” stadionunda keçiriləcək “Sivasspor”-“Qarabağ” görüşü Bakı vaxtı ilə saat 21:55-də start götürəcək.xeber100.com

Beynəlxalq Voleybol Federasiyası reytinq siyahısını açıqlayıb

Beynəlxalq Voleybol Federasiyası (FIVB) milli komandaların reytinq siyahısını açıqlayıb.Azərtac xəbər verir ki, qadın voleybolçulardan ibarət Azərbaycan yığması 127 xalla 26-cı pillədə qərarlaşıb.Çin millisi 391 xalla siyahıya başçılıq edir. ABŞ 382 xalla ikinci, Braziliya 328 xalla üçüncüdür.xeber100.com

Serbiyada təşkil olunacaq sambo üzrə dünya çempionatı azarkeşsiz keçiriləcək

Serbiyada təşkil olunacaq sambo üzrə dünya çempionatı azarkeşsiz keçiriləcək.TASS informasiya agentliyi xəbər verir ki, bu barədə Beynəlxalq Sambo Federasiyasının prezidenti Vasili Şestakov məlumat verib.O, qeyd edib ki, turnir zamanı sosial məsafə qaydaları nəzərə alınmaqla bütün təhlükəsizlik tədbirlərinə əməl ediləcək. Təşkilat Komitəsi idmançıların xəstəlik riskini minimuma endirmək üçün bir sıra tədbirlər həyata keçirəcək.Dünya çempionatı noyabrın 5-dən 8-dək Serbiyanın Novi-Sad şəhərində keçiriləcək.xeber100.com

Avropa çempionatında iştirak edəcək milli komandanın heyəti müəyyənləşib

Noyabrın 26-29-da Kiyevdə keçiriləcək bədii gimnastika üzrə 36-cı Avropa çempionatında iştirak edəcək Azərbaycan milli komandasının heyəti müəyyənləşib.Azərtac “Avropa Gimnastikası”nın saytına istinadən xəbər verir ki, çempionatda Azərbaycanı 11 idmançı təmsil edəcək.Gənclər kateqoriyasında fərdi proqramda Nərmin Bayramova, Leyli Ağazadə, Alina Gözəlova və İlona Zeynalova mübarizə aparacaqlar.Böyüklər kateqoriyasında Azərbaycanı fərdi proqramda Zöhrə Ağamirova və Arzu Cəlilova, qrup hərəkətlərdə isə Ləman Əlimuradova, Zeynəb Hümmətova, Yelizaveta Luzan, Məryəm Səfərova və Darya Sorokina təmsil edəcəklər.Qeyd edək ki, bədii gimnastika üzrə Avropa çempionatında böyüklər arasında fərdi proqramda 27 gimnast, kiçiklər arasında 75 gimnast iştirak edəcək.xeber100.com

“Qarabağ” klubu UEFA Avropa Liqasının qrup mərhələsində növbəti oyununu keçirəcək

Bu gün Ağdamın “Qarabağ” futbol klubu UEFA Avropa Liqasının qrup mərhələsində növbəti oyununu keçirəcək.Azərtac xəbər verir ki, I qrupunda yer alan Ağdam təmsilçisi ikinci sınağında İspaniyanın “Vilyarreal” komandası ilə üz-üzə gələcək.Qarşılaşma Bakı vaxtı ilə saat 21:55-də start götürəcək.Matç Çexiyadan olan hakimlər briqadasına həvalə edilib. Görüşün əsas hakimi Referi Pavel Orelə olacaq. Ona həmyerliləri Petr Blajey və İrji Krjij kömək edəcəklər. Dördüncü hakim funksiyasını isə Andrey Peçanets yerinə yetirəcək.Qarşılaşmanın hakim-inspektor gürcüstanlı Levan Paniaşvili, UEFA nümayəndəsi isə Ukraynadan Anna Bordiuqova olacaq.“Köhlən atlar” Ermənistan ordusunun Azərbaycana qarşı genişmiqyaslı hərbi təxribatları ilə əlaqədar oyunu İstanbuldakı “Başakşehir Fatih Terim” stadionunda keçirəcək.Hər iki komandanın heyətində oyun öncəsi itkilər var. “Qarabağ”da Bədavi Hüseynov matçı buraxa bilər. Mahir Emreli və Maksim Medvedevin meydana çıxması da sual altındadır. “Vilyarreal”da isə Dani Parexo, Pervis Estupinyan və Jerar Moreno Azərbaycan çempionuna qarşı oynamayacaqlar.Qurban Qurbanovun başçılıq etdiyi komanda qrupun ilk oyununda İsrailin “Makkabi Təl-Əviv” komandasına uduzub - 0:1. “Vilyarreal” isə öz meydanında keçirdiyi görüşdə “Sivasspor”a qalib gəlib - 5:3.xeber100.com

Budapeştdə keçirilən “Böyük dəbilqə” turnirinin ikinci günündə

Budapeştdə keçirilən “Böyük dəbilqə” turnirinin ikinci günündə Azərbaycanın daha dörd cüdoçusu mübarizəyə başlayır.Azərtac xəbər verir ki, kişilər arasında 73 kiloqram çəki dərəcəsində mübarizə aparan Rüstəm Orucov Monqolustan təmsilçisi Anxjaya Lavjarqal ilə qarşılaşacaq. Bu çəki dərəcəsində mübarizə aparan Telman Vəliyev isə Yunanıstan idmançısı Georgios Azoidis ilə üz-üzə gələcək. Turnirdə 81 kiloqram çəki dərəcəsində mübarizə aparacaq Hidayət Heydərov bolqarıstanlı İvaylo İvanov, Murad Fətiyev isə braziliyalı Gilerme Şmidt ilə güclərini sınayacaqlar.Turnirin birinci günündə yığma komandamızın üzvü Orxan Səfərov (66 kq) bürünc medal qazanıb.Azərbaycan “Böyük dəbilqə” turnirinə 17 cüdoçu ilə qatılıb.Turnir oktyabrın 25-dək davam edəcək.xeber100.com

“Böyük dəbilqə” turnirinin birinci günündə

Oktyabrın 23-də Macarıstanın paytaxtı Budapeştdə start götürən “Böyük dəbilqə” turnirində cüdoçularımızın 7-si mübarizəyə başlayır.Azərtac xəbər verir ki, Kəramət Hüseynov Luka Mxeidze (Fransa), Davud Məmmədsoy (hər ikisi 60 kq) Vijay Kumar Yadav (Hindistan) ilə güclərini sınayacaqlar.Turnirdə 66 kiloqram çəkidə mübarizə aparacaq Nicat Şıxəlizadə Villian Lima (Braziliya)-Yarin Menaged (İsrail) cütünün qalibi, Orxan Səfərov İvo Verhorstert (Niderland) ilə döyüşəcəklər.Qadınlar arasında keçirilən yarışlarda isə Aişə Qurbanlı Şirin Boukli (Fransa), Leyla Əliyeva (hər ikisi 48 kq) Luka Mamira (Macarıstan), Gültac Məmmədəliyeva (52 kq) monqolustanlı Qal-Od Tserentoqxod ilə güclərini sınayacaqlar.Qeyd edək ki, 80 ölkədən 624 cüdoçunun mübarizə apardığı turnirə Azərbaycanın 17 cüdoçusu qatılıb. Oktyabrın 25-dək davam edəcək yarışda idmançılar Tokio Olimpiadasına reytinq xalları da qazanacaqlar.xeber100.com