UEFA Super Kuboku matçında azarkeşlərin iştirakına icazə veriləcək

İspaniyanın “Sevilya” və Almaniyanın “Bavariya” klubları arasındakı UEFA Super Kuboku matçında azarkeşlərin iştirakına icazə veriləcək.Azərtac xəbər verir ki, bu barədə UEFA-nın İcraiyyə Komitəsi qərar qəbul edib.Qərara əsasən, fanatlar stadionun tutumunun 30 faizinədək doldura biləcəklər.Oyun sentyabrın 24-də Macarıstanın paytaxtı Budapeştdəki “Puşkaş Arena”da keçiriləcək.Xatırladaq ki, “Bavariya” Çempionlar Liqasının finalında Fransanın PSJ klubunu 1:0 hesabı ilə üstələyib. “Sevilya” isə Avropa Liqasının final matçında İtaliyanın “İnter” klubundan üstün olub – 2:0.xeber100.com

Fransa çempionatının ikinci tur matçı təxirə salınıb

PSJ və “Lens” komandaları arasında keçiriləcək Fransa çempionatının ikinci tur matçı təxirə salınıb.Azərtac xəbər verir ki, qərar Paris təmsilçisinin tələbinə əsasən qəbul edilib. Belə ki, PSJ “Lens” və yayımçı telekanalla ortaq qərara gəlib.Qeyd edək ki, daha əvvəl avqustun 29-na təyin edilən “Lens”-PSJ matçı sentyabrın 10-da baş tutacaq.xeber100.com

“Qarabağ” klubu II təsnifat mərhələsi çərçivəsində

Bu gün Ağdamın “Qarabağ” klubu avrokuboklarda 2020-2021-ci il mövsümünün II təsnifat mərhələsi çərçivəsində Moldovanın “Şerif” komandası ilə qarşılaşacaq.Azərtac xəbər verir ki, saat 20:00-da baş tutacaq görüş Tofiq Bəhramov adına Respublika stadionunda olacaq.Bu oyunun qalibi yeni reqlamentə görə, bir oyunla məlum olacaq.UEFA daha əvvəl görüşü Furkat Atajanovun rəhbərlik etdiyi Qazaxıstandan olan hakimlər briqadasına tapşırsa da, sonradan bu oyun Ukraynadan olan hakimlər briqadasına tapşırılıb. Əsas referi Mikola Balakinə həmyerliləri Viktor Matyaş və Sergey Pristupa yardımçı olacaq. Dördüncü hakim funksiyasını isə Andrey Kovalenko yerinə yetirəcək.“Qarabağ” klubu bu günə kimi “Şerif” ilə beş dəfə üz-üzə gəlib.Ağdamlılar I təsnifat mərhələsində Şimali Makedoniyanın “Sileks” klubunu (4:0), “Şerif” isə Lüksemburqun “Fola Eş” komandasını məğlub edib - 2:0.“Qarabağ” ikinci təsnifat mərhələsində Moldovanın “Şerif” klubuna qalib gəlsə, növbəti mərhələdə “Seltik” (Şotlandiya), “Dinamo” (Zaqreb, Xorvatiya), “Lüdoqorets” (Bolqarıstan), “Yanq Boyz” (İsveçrə) və “Srvena Zvezda” (Serbiya) klublarından biri ilə qarşılaşacaq.xeber100.com

Ümumdünya Şahmat Olimpiadasının pley-off mərhələsində

Avqustun 27-də Azərbaycan komandasının da iştirak etdiyi Ümumdünya Şahmat Olimpiadasının pley-off mərhələsinin oyunları keçiriləcək.Azərtac xəbər verir ki, pley-off mərhələsində Bolqarıstan-Polşa, Macarıstan-Almaniya, Çin-Ukrayna və Yunanıstan-Ermənistan görüşləri baş tutacaq.Xatırladaq ki, Azərbaycan komandası qrup lideri kimi birbaşa dörddəbir finala vəsiqə qazanıb. Şahmatçılarımız avqustun 28-də keçiriləcək dörddəbir finalda Bolqarıstan-Polşa qarşılaşmasının qalibi ilə mübarizə aparacaqlar. Bu mərhələnin digər oyunlarına gəlincə, Hindistan Yunanıstan-Ermənistan, Rusiya Macarıstan-Almaniya, ABŞ isə Çin-Ukrayna qarşılaşmalarının qalibləri ilə görüşəcək.Yarışda 163 ölkənin komandası iştirak edir. Millimizin əsas heyətində Şəhriyar Məmmədyarov, Teymur Rəcəbov, Günay Məmmədzadə, Gülnar Məmmədova, Vüqar Əsədli və Xanım Balacayeva təmsil edirlər. Ehtiyat oyunçular siyahısına isə Rauf Məmmədov, Qədir Hüseynov, Türkan Məmmədyarova, Ülviyyə Fətəliyeva, Aydın Süleymanlı və Gövhər Beydullayevanın adları daxil edilib. Komandamızın kapitanı Eltac Səfərli və Rəhim Qasımovdur.xeber100.com

“Çelsi” klubu ötən mövsümün ən yaxşı futbolçusunun adını açıqlayıb

İngiltərənin “Çelsi” klubu ötən mövsümün ən yaxşı futbolçusunun adını açıqlayıb.Azərtac klubun “Twitter”dəki səhifəsinə istinadla xəbər verir ki, ən yaxşı futbolçu adına London təmsilçisinin xorvatiyalı yarımmüdafiəçisi Mateo Kovaçiç layiq görülüb. O, klubun azarkeşləri arasında keçirilən səsvermə nəticəsində Kristian Pulişiçi və Olivye Jirunu qabaqlayıb.Qeyd edək ki, Mateo Kovaçiç 2018-ci ildə “Real Madrid” klubundan icarə əsasında “Çelsi” komandasına transfer olub. Londonlular futbolçunu ötən mövsümün əvvəlində 45 milyon avroya satın alıb. “Zadəganlar”ın heyətində 47 oyun keçirən futbolçu 2 qol və 3 məhsuldar ötürmə ilə yadda qalıb.xeber100.com

Milli Hokkey Liqasında final mərhələsi davam edir

Milli Hokkey Liqasında dörddəbir final mərhələsi davam edir.Azərtac xəbər verir ki, Torontoda keçirilən görüşdə “Filadelfiya Flayers” və “Nyu-York Aylenders” üz-üzə gəliblər. İlk dəqiqələrdən üstünlüyü ələ alan Nyu-York hokkeyçiləri rəqib qapısından 4 şayba keçiriblər. Beləliklə, “Nyu-York Aylenders” mərhələyə qələbə ilə başlayıb.Digər oyunda isə “Kolorado Evelanş” komandası “Dallas Starz” ilə qarşılaşıb. Matçda 7 qol vurulub. Görüş “Dallas Starz”ın 5:2 hesablı qələbəsi ilə yekunlaşıb. Bununla da, Dallas hokkeyçiləri seriyanın ikinci görüşündə də qələbə qazanaraq yarımfinala daha da yaxınlaşıblar.xeber100.com

UEFA Çempionlar Liqası təsnifat mərhələsinin oyunlarında

UEFA Çempionlar Liqası və Avropa Liqasının təsnifat mərhələsinin oyunlarında daha iki texniki məğlubiyyət verib.Azərtac xəbər verir ki, Çempionlar Liqasının birinci təsnifat mərhələsində Farer adalarının “Klaksvik” klubu ilə oyuna çıxa bilməyən Slovakiyanın “Slovan” komandasına 0:3 hesablı məğlubiyyət verilib.Slovakiya klubunun oyundan öncə bir futbolçu və fizioterapevtində COVID-19 aşkarlanmışdı. Bu səbəbdən oyun avqustun 21-nə təxirə salınmışdı. Oyuna əvəzedici heyətlə gələn Bratislava təmsilçisinin gənc oyunçularında da koronavirus tapıldığı üçün UEFA kluba texniki məğlubiyyət verib.İkinci mərhələyə adlayan “Klaksvik” İsveçrənin “Yanq Boyz” klubuna rəqib olub.Avropa Liqasının ilkin mərhələsində Kosovonun “Priştina” klubu texniki məğlubiyyət alıb. Komandanın Cəbəllütariqin “Linkoln Red İmps” klubu ilə oyundan öncə 8 futbolçusunda koronavirus tapılmışdı. Bu səbəbdən UEFA kosovolulara texniki məğlubiyyət verib.UEFA bundan əvvəl Çempionlar Liqasında Kosovonun digər təmsilçisi “Drita”ya texniki məğlubiyyət vermişdi.xeber100.com

Azərbaycan Stronqmen Federasiyasının məlumatı əsasında…

Sentyabrın 12-13-də Bakı Su İdmanı Sarayının ərazisində stronqmen üzrə Azərbaycan çempionatı keçiriləcək.Azərbaycan Stronqmen Federasiyasından Azərtac-a bildiriblər ki, Nazirlər Kabineti yanında Operativ Qərargah tərəfindən təsdiq olunmuş karantin qaydalarına uyğun keçiriləcək yarışdan əvvəl hər bir iştirakçı koronavirus testindən keçəcək. Bütün idmançılar, eləcə də məşqçilər, hakimlər və rəsmilərin hərarəti ölçüləcək, xüsusi dezinfeksiyaedici məhlullardan istifadə olunacaq. Yarış tibbi maskadan istifadə və ara məsafəsi gözlənilməklə açıq havada təşkil olunacaq.Üç hərəkət və 4 çəki dərəcəsi – 80, 95, 110 kiloqram və 110 kiloqramdan yuxarı təşkil olunacaq ölkə birinciliyinin baş hakimi beynəlxalq dərəcəli hakim Eldar Məmmədov olacaq.Qaliblər ASF tərəfindən medal və xatirə hədiyyələri ilə mükafatlandırılacaqlar.xeber100.com

“Qalatasaray” klubu “Barselona”nın yarımmüdafiəçisini transfer edəcək

Türkiyənin “Qalatasaray” futbol klubu İspaniyanın “Barselona” komandasının yarımmüdafiəçisi İvan Rakitiçi transfer etmək istəyir.Azərtac xarici KİV-lərə istinadla xəbər verir ki, İstanbul klubu xorvatiyalı yarımmüdafiəçinin agenti ilə danışıqlara başlayıb.Xorvatiyalı futbolçunun “Barselona” ilə müqaviləsi 2021-ci ilin yayınadək qüvvədədir. 2019-2020-ci il mövsümündə Rakitiç Kataloniya təmsilçisinin heyətində bütün turnirlərdə 42 matç keçirib, bir qol vurub və 5 məhsuldar ötürmə edib.Qeyd edək ki, İ.Rakitiç, Samuel Umtiti, Arturo Vidal və Luis Suarezin “Barselona”nın yeni baş məşqçisi Ronald Kumanın növbəti mövsüm üçün planlarına daxil edilmədiyi bildirilib.xeber100.com

Ümumdünya Şahmat Olimpiadasının dörddəbir finalında

Ümumdünya Şahmat Olimpiadasında dörddəbir finalda mübarizə aparacaq Azərbaycan komandasının potensial rəqibləri müəyyənləşib.Azərtac xəbər verir ki, şahmatçılarımız pley-off mərhələsində mübarizə aparacaq Bolqarıstan-Polşa qarşılaşmasının qalibi ilə mübarizə aparacaqlar. Digər komandalara gəlincə, Hindistan Yunanıstan-Ermənistan, Rusiya Macarıstan-Almaniya, ABŞ isə Çin-Ukrayna qarşılaşmalarının qalibləri ilə görüşəcəklər.Olimpiadanın pley-off mərhələsi avqustun 27-də, dörddəbir final yarışları isə 28-də keçiriləcək.xeber100.com