Milli Basketbol Assosiasiyası mövsümünün final seriyasında

Milli Basketbol Assosiasiyasının (MBA) 2019-2020-ci il mövsümünün final seriyasının yeddinci matçı oktyabrın 12-dən gec olmayaraq keçiriləcək.Azərtac xəbər verir ki, bu barədə “Twitter”dəki səhifəsində ESPN televiziya kanalının jurnalisti Edrian Voynarovski məlumat verib.MBA martın 12-də koronavirus pandemiyası səbəbindən müntəzəm mövsümü təxirə salıb. Daha əvvəl bildirilib ki, assosiasiya rəhbərliyi mövsümü 22 komanda formatında iyulun 31-də bərpa etməyi planlaşdırır.Bütün qarşılaşmalar Orlandoda keçiriləcək. Son qərar cümə axşamı MBA rəhbərliyinin iclasında veriləcək.xeber100.com

“Bavariya” klubu braziliyalı yarımmüdafiəçini transfer etməyəcək

Almaniyanın “Bavariya” futbol klubu Filipp Koutinyo ilə yollarını ayırmağa qərar verib.Azərtac xəbər verir ki, Münxen təmsilçisi İspaniyanın “Barselona” komandasından icarəyə götürdüyü braziliyalı yarımmüdafiəçini transfer etməyəcək. “Bavariya”nın F.Koutinyonu yenidən icarəyə götürmək istəmədiyi də bildirilib. Buna görə də 27 yaşlı futbolçu iyunun sonunda - icarə müqaviləsi başa çatanda Kataloniya klubuna qayıdacaq.Qeyd edək ki, braziliyalı yarımmüdafiəçi 2018-ci ilin yanvarında 145 milyon avroya “Liverpul”dan “Barselona”ya transfer olunub. O, cari mövsümdə Münxen komandasının heyətində keçirdiyi 32 oyunda 9 qol vurub və 6 məhsuldar ötürmə edib.xeber100.com

“Çelsi” futbol klubu heyətini gücləndirmək istəyir

Londonun “Çelsi” futbol klubu yay transfer pəncərəsində heyətini gücləndirmək istəyir.Azərtac Britaniya mətbuatına istinadla xəbər verir ki, London klubunun rəhbərliyi bunun üçün transferlərə 100 milyondan çox funt sterlinq ayırıb.Bildirilib ki, bu məbləğin böyük hissəsini “Çelsi” Almaniyanın “Borussiya Dortmund” komandasından Ceydon Sançonu almaq üçün ayıracaq. Bundan başqa, klub “Lester”dən Ben Çilvelli heyətinə qatmağa çalışacaq.Qeyd edək ki, London təmsilçisi hazırda İngiltərə çempionatında 48 xalla dördüncü pillədə qərarlaşıb.xeber100.com

İdmanın muay-tay növü MDB Oyunlarının proqramına daxil edilib

İdmanın muay-tay növü Rusiya Federasiyası Tatarıstan Respublikasının paytaxtı Kazan şəhərində keçiriləcək Birinci MDB Oyunlarının proqramına daxil edilib.Azərbaycan Muay-tay Federasiyasının nümayəndəsi Elçin Eminov Azərtac-a bildirib ki, yaxın günlərdə milli komandanın bu yarışa hazırlıqları başlayacaq.MDB Oyunlarında cüdo, sambo, çimərlik voleybolu, çimərlik həndbolu, mini-futbol, boks, tayboks, şahmat, rəqs idmanı, qılıncoynatma, karate, daşqaldırma, qol güləşi, mas-restlinq, idman güləşi, kəmər güləşi (koreş), yüngül atletika və basketbol növləri üzrə yarışlar keçiriləcək.Yarışların loqotipi Simurq quşu, talismanı isə bəbirdir. Oyunların bu il avqustun 20-27-də Rusiya Federasiyası Tatarıstan Respublikasının paytaxtı Kazan şəhərində keçirilməsi planlaşdırılıb. Yarışlarda 11 ölkədən 14-23 yaşlarında 3,5 minə yaxın idmançının iştirakı gözlənilir.Xatırladaq ki, Birinci MDB Oyunlarının keçirilməsi ideyası MDB Dövlət Başçıları Şurasının 2018-ci ildə Tacikistanda keçirilmiş iclasında təsdiqlənib.xeber100.com

MotoGP üzrə İngiltərə və Avstraliya mərhələləri ləğv edilib

MotoGP üzrə daha iki yarış ləğv olunub.Azərtac xəbər verir ki, İngiltərə və Avstraliya mərhələləri koronavirus pandemiyasına görə ləğv edilib.MotoGP yarışlarının baş direktoru Karmelo Espeleta deyib: “Mövcud vəziyyətə görə daha iki mərhələ ləğv edildi. Təşkilatçılar ilə loqistika və hazırlıq məsələlərini həll edə bilmədik”.xeber100.com

İyun ayında virtual Le-Man marafonu təşkil olunacaq

Tarixdə 88-ci dəfə təşkil olunacaq 24 saatlıq Le-Man marafonu koronavirus pandemiyasına görə iyundan sentyabra təxirə salınıb. Yarışın təşkilatçıları iyunda marafonu virtual formada keçirəcəklər.Azərtac xəbər verir ki, virtual yarış iyunun 13-14-də rFactor2 oyun bazasında baş tutacaq. Dünya Ralli Seriyası şirkəti, Fransa Qərb Avtomobil Klubu (ACO) və “Motorsport Games” studiyasının birgə keçirdiyi yarışda ümumilikdə 50 komanda iştirak edəcək. Hər komandada iki pilot və iki simreyser yer alacaq.Virtual yarışın iştirakçıları yaxın günlərdə açıqlanacaq.Qeyd edək ki, marafon Sarte trasında sentyabrın 19-20-də keçiriləcək. ACO avtomobil klubunun prezidenti və marafonun təşkilatçısı Pyer Fiyon deyib ki, yarışın əvvəlcə iyunun 13-14-də keçirilməsi nəzərdə tutulmuşdu. Marafonun təxirə salınmasını düzgün qərar kimi qiymətləndirirəm. Əsas məqsədimiz virusun geniş yayılmasının qarşısını almaqdır.xeber100.com

“Neftçi” futbol klubu kapitanı ilə müqavilənin müddətini uzadıb

Bakının “Neftçi” futbol klubu kapitanı Emin Mahmudovla müqavilənin müddətini uzadıb.Azərtac klubun saytına istinadla xəbər verir ki, yeni anlaşmaya görə, təcrübəli futbolçu daha 3 il Bakı təmsilçisinin şərəfini qoruyacaq.Qeyd edək ki, E.Mahmudov cari mövsüm meydana çıxdığı 26 oyunda 6 qol vurub. “Neftçi” bundan əvvəl isə digər futbolçu Anton Krivotsyuk yeni müqavilə imzalayıb.xeber100.com

“Barselona” klubu “İnter” komandasının hücumçusu ilə razılığa gəlib

İspaniyanın “Barselona” futbol klubu İtaliyanın “İnter” komandasının hücumçusu Lautaro Martineslə razılığa gəlib.Azərtac xarici KİV-lərə istinadla xəbər verir ki, 22 yaşlı hücumçu yeni klubunda illik 12 milyon avro və bonuslar qazanacaq. Yaxın günlərdə La Liqa təmsilçisi “İnter”lə də razılığa gəlməlidir. Belə ki, “Barselona” argentinalı futbolçunun müqaviləsindəki təzminat qiyməti - 111 milyon avronu ödəməyi planlaşdırır. Klubun ilk öncə 90 milyon avro və əlavə bir oyunçusunu təklif edərək “İnter”lə razılığa gəlməyə çalışacağı vurğulanıb.Qeyd edək ki, L.Martines bu mövsüm A seriyasında 31 matçda 16 qol vurub.xeber100.com

“Forbes” jurnalı 2020-ci ilin idmançılarının illik siyahısını dərc edib

Nüfuzlu “Forbes” biznes-jurnalı 2020-ci ilin ən yüksəkməvacibli idmançılarının illik siyahısını dərc edib. Siyahıda ilk yüzlükdə Formula 1 çempionatının üç pilotu da yer alıb.Azərtac xəbər verir ki, isveçrəli tennisçi Rocer Federer ilk dəfə olaraq, birinci sırada qərarlaşıb. Onun gəliri 106 milyon dollar dəyərləndirilir. Futbol ulduzları Kriştianu Ronaldo və Lionel Messi Federerdən bir qədər az qazanırlar. Ötən onilliyin yekunları üzrə reytinqdə onluğu bağlayan Formula 1 yürüşlərinin altıqat çempionu Luis Hemilton bu dəfə 54 milyon dollar göstərici ilə 13-cü yeri tutur.Reytinqdə 32-ci yerdə “Ferrari”nin pilotu Sebastian Fetteldir. Onun qazancı 36,3 milyon ABŞ dollarına bərabərdir. 48-ci yeri avstraliyalı Daniel Rikkardo tutur. Ekspertlərin hesablamalarına görə, onun gəlirləri 29 milyon dollar həddindədir.xeber100.com

“Neftçi” futbol klubu müdafiəçisi ilə yeni müqavilə imzalayıb

Bakının “Neftçi” futbol klubu müdafiəçisi Anton Krivotsyukla yeni müqavilə imzalayıb.Azərtac Bakı təmsilçisinin rəsmi “Facebook” səhifəsinə istinadla xəbər verir ki, 21 yaşlı müdafiəçinin yeni müqaviləsi 2022-ci il mayın 31-dək nəzərdə tutulub.Qeyd edək ki, millimizin üzvü cari mövsümdə “Neftçi”nin heyətində keçirdiyi 24 oyunda və 4 qol vurub.xeber100.com