“Zirə” futbol klubunun yeni prezidenti müəyyənləşib

Bakının “Zirə” peşəkar futbol klubunun yeni prezidenti müəyyənləşib.Azərtac kluba istinadla xəbər verir ki, Taleh Nəsibov qəsəbə təmsilçisinin prezidenti təyin edilib.Qeyd edək ki, T.Nəsibovun baş direktoru olduğu “Azfar Group” şirkəti həm “Zirə”nin, həm də Azərbaycan Mini Futbol Federasiyasının təsisçisidir.xeber100.com

Ümumdünya Şahmat Olimpiadasının 4-cü divizionunun oyunları davam edir

Onlayn formatda keçirilən Ümumdünya Şahmat Olimpiadasının 4-cü divizionunun oyunları davam edir.Azərtac xəbər verir ki, oyunlarda baza divizionunun 12 qalibi də daxil olmaqla 50 komanda beş qrupda mübarizə aparır. Ötən turların oyunlarına görə, Tailand, Honkonq (A qrupu), Suriya, Mozambik (B qrupu), Nigeriya, Mavritaniya (C qrupu), Fələstin, Anqola (D qrupu), Honduras, Trinidad və Tobaqo (E qrupu) liderlik edirlər.Hər qrupda ilk üçlükdə yer alan yığmalar 3-cü diviziona vəsiqə qazanacaqlar. Dördüncü divizionun oyunları avqustun 2-dək davam edəcək.Xatırladaq ki, baza divizionun oyunları iyulun 25-dən 27-dək keçirilib. Turnirə ümumilikdə 163 komanda qatılıb. Olimpiadanın güclü komandalarından sayılan Azərbaycan yığması avqustun 21-də top divizionda mübarizəyə başlayacaq. Bu nüfuzlu yarışda ölkəmizi Şəhriyar Məmmədyarov, Teymur Rəcəbov, Günay Məmmədzadə, Gülnar Məmmədova, Vüqar Əsədli və Xanım Balacayeva təmsil edirlər. Ehtiyat oyunçular siyahısına isə Rauf Məmmədov, Qədir Hüseynov, Türkan Məmmədyarova, Ülviyyə Fətəliyeva, Aydın Süleymanlı və Gövhər Beydullayevanın adları daxil edilib. Komandamızın kapitanı Eltac Səfərli və Rəhim Qasımovdur.xeber100.com

İtaliya A Seriyasının sonuncu – 38-ci turunun oyunlarına start verilib

Avqustun 1-də futbol üzrə İtaliya A Seriyasının sonuncu - 38-ci turunun oyunlarına start verilib.Azərtac xəbər verir ki, son 11 oyunda məğlub olmayan “Milan” öz meydanında “Kalyari” komandasını qəbul edib. Rafael Leao, Zlatan İbrahimoviç və Samuel Kastilyexonun qolları sayəsində növbəti qələbəsini qazanan “Milan” xal ehtiyatını 66-a çatdıraraq çempionatı altıncı pillədə, “Kalyari” isə 45 xalla 13-cü yerdə başa vurub.Çempionluğu ötən həftə qazanmış “Yuventus” öz meydanında əzəli rəqibi “Roma”nı qəbul edib. Dörd qol vurulan görüşdə qonaqlar 3:1 hesabı ilə qələbə qazanıb. Turin təmsilçisi cari mövsümdə öz meydanında ilk dəfə məğlubiyyətə uğrayıb. “Roma” bu qələbədən sonra 70 xal toplayaraq A Seriyasını beşinci, “Yuventus” isə 83 xalla birinci yerdə tamamlayıb. Sonuncu turun maraq doğuran digər qarşılaşması “San Paolo” stadionunda oynanılıb.“Latsio” klubunu qəbul edən “Napoli” 3:1 hesabı ilə qalib gəlib.“Atalanta” öz meydanında “İnter”ə məğlub olub - 3:1. “Sampdoriya”-“Breşiya” oyununda isə qalib müəyyənləşməyib - 1:1.Beləliklə, İtaliyanı növbəti mövsümdə UEFA Çempionlar Liqasında “Yuventus”, “İnter”, “Atalanta” və “Latsio”, UEFA Avropa Liqasında isə “Milan”, “Roma” və “Napoli” klubları təmsil edəcək.xeber100.com

Futbol üzrə Portuqaliya kubokunun final görüşü keçirilib

Avqustun 1-də futbol üzrə Portuqaliya kubokunun final görüşü keçirilib.Azərtac xəbər verir ki, "Syudad-di-Koimbra" stadionunda iki əzəli rəqib — “Portu” və “Benfika” klubları üz-üzə gəlib. Görüş “Portu”nun 2:1 hesablı qələbəsi ilə başa çatıb.“Portu” matçın 37-ci dəqiqəsində azlıqda qalıb. Hücumçu Luis Dias ikinci sarı vərəqədən sonra meydandan qovulub. Serjio Konseysaunun komandası rəqibin sayca üstünlüyünə baxmayaraq, müdafiəçi Şansel Mbembanın qolu sayəsində ikinci hissənin əvvəlində hesabı açmağa müvəffəq olub. Bu qoldan 12 dəqiqə sonra Mbemba dubl edib.Oyunun sonlarına yaxın “Benfika”nın hücumçusu Vinisius Morais penalti zərbəsi ilə hesab arasındakı fərqi azaldıb. Qalan dəqiqələrdə hesab dəyişilməyib.Beləliklə, "Portu" 17-ci dəfə Portuqaliya kubokunun qalibi olub. "Əjdahalar" indi titulların miqdarına görə "Sportinq"lə ikinci yeri bölüşürlər.Xatırladaq ki, Portuqaliya çempionatının qalibi də məhz “Portu” olub. “Benfika” isə çempionatı ikinci pillədə başa vurub.xeber100.com

İngiltərə kuboku uğrunda yarışın final görüşü oynanılıb

İyulun 1-də futbol üzrə İngiltərə kuboku (FA) uğrunda yarışın final görüşü oynanılıb.Azərtac xəbər verir ki, “Uembli” stadionunda Londonun iki təmsilçisi - “Arsenal” və “Çelsi” komandaları üz-üzə gəliblər.Qarşılıqlı hücumlar şəraitində keçən görüşdə “Arsenal” klubu 2:1 hesabı ilə qalib gəlib.Oyunda hesabı “Çelsi” komandası erkən qolla açıb. Matçın 5-ci dəqiqəsində Kristian Pulişiçin zərbəsi dəqiq olub - 0:1. Görüşün 28-ci dəqiqəsində Kiyeran Tierneyin ötürməsində sonra Pyer Emerik-Obameyanq qapıçı ilə üzə-üzə qalıb. Lakin “Çelsi”nin müdafiəçisi və kapitanı Sezar Azpiliketa cərimə meydançasında rəqibinə qarşı kobud oynayıb. Matçın baş hakimi videonəzarət sisteminə (VAR) baxdıqdan sonra “Çelsi”nin qapısına 11 metirlik cərimə zərbəsi təyin edib. Zərərçəkən zərbəni dəqiq yerinə yetirib - 1:1. Qarşılaşmanın 68-ci dəqiqəsində “Arsenal” klubu qələbə topunu vurub. Nikolas Pepenin ötürməsindən sonra Obameyanq fərdi ustalığı sayəsində topu qapıçının başı üzərindən qapıya göndərib. Beləliklə, qabonlu hücumçu dublunu rəsimləşdirərək oyunda son nöqtəni qoyub – 2:1.Oyunun 73-cü dəqiqəsində “Çelsi” klubunun yarımmüdafiəçisi Mateo Kovaçiç ikinci dəfə sarı vərəqə ilə cəzalandırılaraq meydandan kənarlaşdırılıb.Beləliklə, 2:1 hesabı ilə qalib gələn “Arsenal” tarixində 14-cü dəfə İngiltərə Liqa kubokunu başı üzərinə qaldırıb. Komanda bu göstərici üzrə öz rekordunu yeniləyib.Xatırladaq ki, “Arsenal” yarımfinalda “Mançester Siti”ni (2:0), “Çelsi” isə “Mançester Yunayted”i (3:1) məğlub edib.xeber100.com

Fransa Liqa kubokunun final görüşü keçirilib

İyulun 30-da futbol üzrə Fransa Liqa kubokunun final görüşü keçirilib.Azərtac xəbər verir ki, “Stade de France” stadionunda keçirilən görüşdə “Paris Sen-Jermen” klubu “Lion” komandası ilə qarşılaşıb.Gərgin keçən görüşün əsas vaxtında qalib müəyyənləşməyib.Penaltı seriyasında daha dəqiq olan “Paris Sen-Jermen” (6:5) tarixində 9-cu dəfə Fransa Liqa kubokunun qalibi olub.xeber100.com

“Zirə” futbol klubu yeni futbolçu ilə müqavilə bağlayıb

Bakının “Zirə” klubu yeni futbolçu ilə müqavilə bağlayıb.Azərtac kluba istinadla xəbər verir ki, paytaxt təmsilçisi Hacıağa Hacılı ilə anlaşıb. “Zirə”nin baş məşqçisi Rəşad Sadıqov futbolçu kimi “Qarabağ”da çıxış etdiyi vaxt çiyin-çiyinə oynadığı 22 yaşlı yarımmüdafiəçini komandasında görmək istəyib. Bu səbəbdən də futbolçu Ağdam təmsilçisindən icarəyə götürülüb. Onunla birillik müqavilə imzalanıb.Qeyd edək ki, H.Hacılı Azərbaycan Premyer Liqasında 14 matç keçirib.xeber100.com

“Neftçi” futbol klubu baş məşqçisi ilə yeni müqavilə bağlayıb

Bakının “Neftçi” futbol klubu baş məşqçisi Füzuli Məmmədov ilə yeni müqavilə bağlayıb.Azərtac kluba istinadla xəbər verir ki, Müşahidə Şurasının onlayn iclasında F.Məmmədovun baş məşqçi postuna namizədliyi təsdiqlənib. Mütəxəssisin daha 2 il əsas komandanı çalışdırması barədə qərar verilib.Qeyd edək ki, 2018-ci ildə baş məşqçinin köməkçisi vəzifəsinə təyin olunmuş F.Məmmədov 2020-ci ilin yanvarından baş məşqçi səlahiyyətlərini yerinə yetirir. Komanda onun rəhbərliyi altında ötən mövsümü ikinci pillədə başa vuraraq gümüş medal qazanıb.xeber100.com

Beynəlxalq Şahmat Federasiyası reytinq siyahısını açıqlayıb

Beynəlxalq Şahmat Federasiyası (FIDE) avqustun 1-nə olan reytinq siyahısını açıqlayıb.Azərtac xəbər verir ki, yeni reytinq siyahısına görə, şahmatçılarımızın mövqeyində cüzi dəyişiklik olub.Belə ki, təmsilçimiz Teymur Rəcəbov (2765) əvvəlki kimi 9-cu, Şəhriyar Məmmədyarov isə 11-ci pilləni (2764) tutur.Daha iki şahmatçımız, Qədir Hüseynov (2665, 72-ci yer) və Nicat Abasovun (2664, 74-cü) mövqeyi dəyişməz qalsa da, Rauf Məmmədov (2654) iki pillə geriləyərək 91-ci sırada qərarlaşıb.Siyahıda ilk üçlükdə hazırkı dünya çempionu, norveçli Maqnus Karlsen (2863), amerikalı Fabiano Karuana (2835) və çinli Liren Dinq (2791) qərarlaşıblar.Qadınların reytinq cədvəlinə çinli Hou Yifan (2658) başçılıq edir. Hindistan şahmatçısı Humpi Koneru (2586) ikinci, rusiyalı Aleksandra Qoryaçkina (2582) isə üçüncüdür.Qadın şahmatçılarımızdan Günay Məmmədzadə mövqeyini qoruyub (2443, 29-cu yer). İlk yüzlükdə yer alan digər iki şahmatçımız 1 pillə irəliləyiblər. Gülnar Məmmədova (2382) 75-ci, Xanım Balacayeva (2376) 85-ci yerə yüksəliblər.xeber100.com

53-cü beynəlxalq festivalda şahmat turnirləri başa çatıb

İsveçrənin Bil şəhərində 53-cü beynəlxalq festivalda şahmatın rapid, klassik və blits turnirləri başa çatıb.Azərtac xəbər verir ki, Azərbaycan təmsilçisi Arkadi Naydiç 3 turnirin nəticəsinə görə, 22,5 xalla beşinci yerdə qərarlaşıb.Polşalı şahmatçı Radoslav Voytaşek 37 xalla yarışları birinci yerdə başa vurub.xeber100.com