Onlayn şahmat turnirinin qalibləri müəyyənləşib

Şahmat üzrə kişilərdən ibarət Azərbaycan millisinin üzvü Rauf Məmmədovun təşəbbüsü və dəstəyi ilə “Biz birlikdə güclüyük” adlı onlayn turnir keçirilib.Azərtrac xəbər verir ki, 17 yaşadək şahmatçıların iştirak etdikləri yarış İsveçrə sistemi üzrə təşkil edilib və 11 turdan ibarət olub. Oyunlar Rauf Məmmədov tərəfindən canlı olaraq şərh edilib.Yarışda ən yüksək nəticə əldə edən Xəzər Babazadə ümumi hesabda birinci yeri tutub. Elmar Atakişiyev ikinci, Mələk İsmayıl üçüncü pillələrdə qərarlaşıblar. Qızlar arasında Aysel Cəfərova, 12 yaşadək şahmatçılar arasında Əli Süleymanov birinci yeri tutublar.Qeyd edək ki, R.Məmmədov tərəfindən ayrılan 500 manat mükafat fondu ümumi turnirdə ilk 10 yeri tutan və eyni zamanda, qızlar və 12 yaşadək uşaqlar arasında ilk pillədə qərarlaşan şahmatçılar arasında bölüşdürülüb.xeber100.com

FPF II Liqanın klublarına bir milyon avro ayıracaq

Portuqaliya Futbol Federasiyası (FPF) II Liqanın klublarına bir milyon avro ayıracaq.Azərtac xəbər verir ki, federal orqan tərəfindən verilən bu məbləğ fondun klub stadionlarının şəraitini yaxşılaşdırmaq üçün ayırdığı vəsaitin bir hissəsidir və müstəsna hallarda digər məqsədlər üçün istifadə oluna bilər.İnfrastruktur Fondunun vəsaiti Portuqaliya Peşəkar Futbol Liqasının (LPFP) və FPF-in 500 min avroya bərabər illik ödənişi ilə bir yerdə bir milyon avro təşkil edir.xeber100.com

2019-2020-ci il mövsümünün qalibi “Paris Sen-Jermen” klubu olub

Koronavirus pandemiyası səbəbindən ləğv olunan futbol üzrə Fransa çempionatının 2019-2020-ci il mövsümünün qalibi “Paris Sen-Jermen” klubu olub.Azərtac xəbər verir ki, Fransa Liqa 1-in saytı Paris təmsilçisini cari mövsümün qalibi elan olunmasını rəsmən açıqlayıb.Mövsümü 2-ci sırada başa vuran “Marsel” PSJ ilə birlikdə UEFA Çempionlar Liqasının qrup mərhələsində mübarizə aparacaq. 3-cü sıradakı “Renn” komandası tarixində ilk dəfə olaraq Çempionlar Liqasının pley-off mərhələsində çıxış edəcək. “Lill”, “Reyms” və “Nitsa” klubları isə Avropa Liqasında oynayacaq.Turnir cədvəlinin son 2 pilləsində qərarlaşan “Amyen” və “Tuluza” Liqa 2-yə düşüb. Əvəzində isə aşağı dəstənin çempionu “Loryan” və 2-ci sırada qərarlaşmış “Lans” elitaya yüksəlib.xeber100.com

Şahmat üzrə onlayn superturnirdə ilk qarşılaşma keçiriləcək

Dünya çempionu Maqnus Karlsenin dəvəti ilə keçirilən şahmat üzrə onlayn superturnirdə mayın 1-də yarımfinal mərhələsinin ilk qarşılaşması keçiriləcək.Azərtac xəbər verir ki, bugünkü görüşdə qrup mərhələsinin lideri amerikalı şahmatçı Hikaru Nakamura həmyerlisi Fabiano Karuana ilə üz-üzə gələcək.Qeyd edək ki, onlayn superturnirdə qrup mərhələsini H.Nakamura və çinli Liren Dinq hərəyə 15, M.Karlsen və F.Karuana hərəyə 13, rusiyalı Yan Nepomnyaşi 8, niderlandlı Aniş Giri, FIDE təmsilçisi Əlirza Firuzca hərəyə 7, fransalı Maksim Vaşe-Laqrav 6 xalla başa vurublar.İlk 4 yeri tutan şahmatçılar yarışı yarımfinal mərhələsindən davam etdirirlər.xeber100.com

Tennis üzrə Madrid turnirinin qalibləri müəyyənləşib

Tennis üzrə virtual Madrid turnirinin qalibləri müəyyənləşib.Azərtac xəbər verir ki, kişi tennisçilər arasında fərdi yarışların finalında Böyük Britaniya təmsilçisi Endi Marrey belçikalı David Qoffeni 7:6 (7:5) hesabı ilə məğlub edib.Qadınların mübarizəsində isə niderlandlı Kiki Bertens Fransa tennisçisi Fiona Ferrodan üstün olub – 6:2.Qeyd edək ki, turnirin yarımfinal mərhələsində E.Marrey argentinalı Dieqo Şvartsmanı, K.Bertens isə Danimarka təmsilçisi Karolina Voznyaçkini məğlub edib.xeber100.com

“Renn” futbol klubu hazırkı heyətini qorumağa çalışır

Fransanın “Renn” futbol klubu hazırkı heyətini qorumağa çalışır.Azərtac xəbər verir ki, komandanın mövsümü üçüncü pillədə başa vurması və növbəti ildən Çempionlar Liqasında çıxış etməsi bu addımı atmağa məcbur edib.Klub müqavilə ilə “Roma”ya məxsus olan və icarə əsasında komandada çıxış edən Stiven Nzonzi ilə müqavilənin müddətini artırıb. Otuz bir yaşlı yarımmüdafiəçi 2021-ci ilədək icarə əsasında “Renn”də çıxış edəcək.xeber100.com

Formula 1 üzrə 2020-ci il mövsümü üçün təqvimin ilkin versiyasında

Formula 1 üzrə 2020-ci il mövsümü üçün təqvimin ilkin versiyasında Almaniya Qran prisi nəzərdə tutulmayıb, çünki ötən mövsümdə bu mərhələ “Mercedes”in pulu hesabına keçirilib, bu mövsümdə isə promouterlər pul tapmayıblar.Azərtac xəbər verir ki, koronavirus pandemiyası bu sahədə vəziyyəti “sıfırlaşdırıb”: indi “Liberty Media”da televiziya şirkətləri ilə cari müqavilə üzrə zəruri olan minimum 15 yürüşün keçirilməsi üçün mərhələni təşkil etməyə yer axtarırlar və əgər həmin yürüşlər tamaşaçısız keçirilsə, bunun üçün ödəniş etməyə hazırdırlar.“Frankfurter Allgemeine Zeitung” nəşrində yayılmış məlumata görə, Formula 1-in rəhbərliyi Qran prinin keçirilməsi vaxtı və ona hazırlıq məsələsi ilə əlaqədar, Hokkenhaym avtodromunun rəhbərliyinə müraciət edib.Hokkenhaymda bu məsələ ilə əlaqədar Formula 1 ilə danışıqlar aparılmasını və avtodromun istənilən təkliflər üçün açıq olduğunu təsdiq ediblər.xeber100.com

FIDE şahmatçıların aprel ayı üçün reytinq siyahısını açıqlayıb

FIDE şahmatçıların aprel ayı üçün reytinq siyahısını açıqlayıb.Azərtac xəbər verir ki, koronavirus infeksiyası səbəbindən iddiaçılar turnirindən imtina edən şahmatçımız Teymur Rəcəbov 9-cu pillədəki mövqeyini qoruyub (2765). Qrossmeysterimiz Şəhriyar Məmmədyarov da əvvəlki kimi 11-ci pillədədir (2764).Digər şahmatçılarımızdan Qədir Hüseynov (2665, 72-ci yer), Nicat Abasov (2664, 74-cü yer), Rauf Məmmədov (2654, 90-cı yer) ilk yüzlükdə yer alıblar.Siyahıda hazırkı dünya çempionu, norveçli Maqnus Karlsen (2863), amerikalı Fabiano Karuana (2835) və çinli Liren Dinq (2791) ilk üçlükdə qərarlaşıblar.Qadınların reytinq cədvəlində əvvəlki kimi birinci yeri çinli Hou Yifan (2658) tutub. İkinci pillədə Hindistan şahmatçısı Humpi Koneru (2586), üçüncü yerdə isə rusiyalı Aleksandra Qoryaçkina (2582) qərarlaşıblar.Qadın şahmatçılarımızdan Günay Məmmədzadə (2443, 29-cu yer), Gülnar Məmmədova (2382, 77-ci yer) Xanım Balacayeva (2376, 86-cı yer) ilk yüzlükdə yer alıblar.xeber100.com

Avropa Futbol Assosiasiyaları İttifaqının məlumatı

Avropa Futbol Assosiasiyaları İttifaqının (UEFA) tibb komitəsi iştirakçıların sağlamlığına zəmanət verən tövsiyələrə riayət edilməsi şərti ilə yarışların bərpa olunmasını mümkün sayır. Azərtac xəbər verir ki, bunu UEFA komitəsinin başçısı Tim Meyer bildirib.Avropa milli turnirlərinin, demək olar, hamısı, Avropa Kuboku yarışları və yığmaların görüşləri koronavirus pandemiyası səbəbindən dayandırılıb. Rusiya Futbol İttifaqı (RFİ) bütün yarışları mayın 31-nə qədər dayandırıb."Öz yarışlarını bərpa etməyi düşünən bütün futbol təşkilatları iştirakçıların sağlamlığının müdafiəsinə dair sanitariya şərtlərini müəyyən edən müfəssəl protokollar hazırlayırlar. Bu cür şəraitdə və yerli qanunvericiliyə tam riayət edildikdə, şəksiz ki, yarışların bərpasını planlaşdırmaq olar", - deyə Meyer bildirib.Yeni koronavirusun doğurduğu xəstəlik ocağı 2019-cu ilin sonunda Mərkəzi Çində qeydə alınıb, martın 11-də Ümumdünya Səhiyyə Təşkilatı onu pandemiya kimi tanıyıb. Pandemiya başlanandan 3,1 milyondan çox adam koronavirusa yoluxub.xeber100.com

Dakar rallisində klassik komandalar da yarışa biləcək

Gələn ildən Dakar rallisində klassik komandalar da yarışa biləcək.Azərtac xəbər verir ki, bu barədə turnirin direktoru David Kastera məlumat verib.Bildirib ki, “Dakar klassikası” adlanan marafonda “Porşe 959”, “Sitroen ZX Ralli Reyd” və “Pejo 205/405” komandaları mübarizə aparacaqlar.Qeyd edək ki, onlar 2000-ci ilədək “Dakar” rallisində iştirak ediblər. Yarışda təxminən 40 pilotun starta çıxacağı gözlənilir. İlkin variant kimi turnir Səudiyyə Ərəbistanında keçiriləcək.xeber100.com