“Zirə” futbol klubu heyətini yeni futbolçu ilə gücləndirib

Bakının “Zirə” klubu heyətini yeni futbolçu ilə gücləndirib.Azərtac kluba istinadla xəbər verir ki, Lazar Corceviç ilə ikiillik müqavilə bağlanıb.İyirmi səkkiz yaşlı serbiyalı mərkəz müdafiəçisi iyulun 30-da yeni komandasının hazırlıq keçdiyi Qəbələyə yollanacaq.Qeyd edək ki, Lazar Corceviç “Zirə”nin mövsümlərarası fasilədə ikinci legioner transferidir. Əvvəllər Şimali Makedoniya, Slovakiya və Çexiyada çıxış etmiş təcrübəli oyunçunun son klubu Serbiya “Radniçki”si olub.Bakı təmsilçisinin ilk əcnəbi futbolçusu isə “Qəbələ”dən ayrılan Klesio Baukdur.xeber100.com

“Sabah” futbol klubu yeni legioner transfer etmək niyyətindədir

Bakının “Sabah” futbol klubu yeni legioner transfer etmək niyyətindədir.Azərtac xəbər verir ki, paytaxt klubunun Nikola Vuyadonoviçin keçidi ilə bağlı məsələləri həll etdiyi bildirilir. Monteneqrolu futbolçunun avqustun 5-dək “Sabah”ın düşərgəsində olacağı gözlənilir. Müdafiəçi ilə birillik müqavilə imzalanacaq.Futbolçunun sonuncu komandası Sloveniyada “Domjale” olub. O, karyerası ərzində İspaniyanın “Osasuna”, Polşanın “Lex”, Avstriyanın “Şturm” klublarının uğurları üçün çalışıb.xeber100.com

Klublara maliyyə yardımı ilə bağlı qərar qəbul olunub

İyulun 30-da AFFA-nın İcraiyyə Komitəsinin videokonfrans formatında fövqəladə iclası keçirilib.Azərtac AFFA-ya istinadla xəbər verir ki, aparılmış müzakirələrdən sonra klublara maliyyə yardımı ilə bağlı qərar qəbul olunub. Belə ki, “Qəbələ” və “Zirə” klublarının müraciətinə əsasən, Azərbaycan Premyer Liqasının 2020/2021-ci il mövsümündə iştirakla əlaqədar AFFA tərəfindən “Qəbələ”yə 1,5 milyon, “Zirə”yə isə 500 min manat məbləğində maliyyə yardımı göstəriləcək.İclasın gedişində irəli sürülən təklif əsasında Azərbaycan Premyer Liqasının 2020/2021-ci il mövsümündə iştirakla əlaqədar “Sumqayıt” klubuna 300 min, “Səbail”ə isə 200 min manat məbləğində maliyyə yardımının verilməsi barədə qərar qəbul olunub.Maliyyə yardımının ayrıldığı bütün klublar uşaq futbolu ilə bağlı layihələrini davam etdirməklə bağlı öhdəliyi qəbul ediblər.AFFA qeyd olunmuş klublara ayrılan maliyyə vəsaitinin audit yoxlamasının aparılması səlahiyyətini özündə saxlayır.AFFA həmin klublara ayrılan maliyyə vəsaitinin sərf olunacağı prioritet istiqamətin uşaq və gənclər futbolu olmasını, həmçinin məvaciblərin süni şəkildə artırılmaması şərti ilə əsas komandaların heyətində gənclərdən ibarət milli komandalara potensial namizədlərə yer verilməsini tövsiyə edib.AFFA tərəfindən ötən mövsümlərdə Birinci Divizionda iştirakla bağlı maliyyə yardımı göstərilən klublara eyni qaydada növbəti mövsüm üçün də maliyyə yardımı təmin olunacaq.xeber100.com

Türkiyə Super Liqasında 21 komanda mübarizə aparacaq

Türkiyə Super Liqasında bu mövsüm aşağı liqaya düşmək qaydası aradan qaldırılıb. Son 3 yeri tutan komandalar – “Ankaragücü”, “Yeni Malatyaspor” və “Kayserispor” klubları 2020-2021-ci il mövsümündə də elitada çıxış edəcəklər.Azərtac xəbər verir ki, Birinci liqadan gələn daha 3 klub əlavə olunacaq və nəticədə yeni mövsümdə azarkeşlər 21 komandalı çempionat izləyəcəklər. Mövsümün sonunda isə son 4 yeri tutan komanda Super Liqanı tərk edəcək. 2021-2022-ci il mövsümündən isə çempionat 20 komanda ilə keçiriləcək. Bu yolla çempionatda ümumi gəlirin 44,8 faiz artaraq, 7,24 milyard lirəyə yüksəlməsi proqnozlaşdırılır.Legioner limiti ilə bağlı qəbul olunmuş yeni qaydaların da 1 il təxirə salınması qərara alınıb. Bundan başqa komandanın xərc limitləri ilə bağlı da qərar qəbul edilib. Bu haqda məlumat avqustun 4-də veriləcək və klublarla limitlər haqqında iclas keçirilməsi nəzərdə tutulub.xeber100.com

İtaliya A Seriyasının 37-ci turuna start verilib

İyulun 28-də İtaliya A Seriyasının 37-ci turuna start verilib.Azərtac xəbər verir ki, turun mərkəzi görüşü “San Siro” stadionunda baş tutub. “İnter” əzəli rəqibi “Napoli” klubunu qəbul edib. Görüş 2:0 meydan sahiblərinin qələbəsi ilə başa çatıb. Danilo Dambrosio və Lautaro Martines fərqləniblər.Bu qələbə sayəsində xal ehtiyatını 79-a çatdıran “İnter” turnir cədvəlində ikinci pilləyə yüksəlib. “Napoli” isə 59 xalla 7-ci yerdə qərarlaşıb.Günün digər oyununda isə üçüncü pillədə qərarlaşan “Atalanta” səfərdə “Parma”nın qonağı olub. Oyunda hesabı meydan sahibləri Dejan Kuluseviçin sayəsində açsa da, “Atalanta” ardıcıl iki dəfə qol vuraraq oyunda qələbə qazanıb. Berqamo təmsilçisinin heyətində Ruslan Malinovskiy və Alexandro Qomez fərqləniblər.“Atalanta” 78 xalla üçüncü, “Parma” isə 46 xalla 11-ci yerdədir.Turun qalan görüşləri iyulun 29-da keçiriləcək.xeber100.com

“Real Madrid” futbol klubu “Mançester Siti” ilə qarşılaşacaq

İspaniya çempionu olandan sonra əsas diqqəti UEFA Çempionlar Liqasına yönəldən “Real Madrid” klubu “Mançester Siti” ilə cavab qarşılamasının hazırlığına başlayıb. Məşqlərdən əvvəl klubun bütün üzvləri koronavirus testindən keçiblər.Azərtac xəbər verir ki, nəticədə komandanın hücumçusu Mariano Diasda virusun olduğu aşkarlanıb. Dominikanlı futbolçu ev şəraitində karantinə alınıb və məşqlərdən uzaqlaşdırılıb. Onun Çempionlar Liqasının görüşündə iştirak etməyəcəyi dəqiqləşib.UEFA artıq məsələyə rəsmi münasibət də bildirib. Qitənin ali futbol qurumu “Real Madrid” ilə əlaqədə olduğunu və vəziyyəti nəzarətdə saxladığını açıqlayıb.“Mançester Siti”–“Real Madrid” görüşü avqustun 7-nə təyin edilib. İlk matçda İngiltərə təmsilçisi 2:1 hesablı qələbə qazanıb. Mariano Dias “Real Madrid”in ehtiyat futbolçusu sayılır. O, bu mövsüm La Liqada 5 oyunda meydana çıxıb və 1 qol vurub.Komandanın əsas heyət üzvlərindən isə şad xəbər var. Belə ki, Marselo və Eden Azar zədəsini sağaldıb. Məşqlərə qatılan bu futbolçuların Çempionlar Liqasının cavab oyununda iştirak edəcəyi bildirilir.xeber100.com

Beynəlxalq Velosipedçilər İttifaqı veloyürüşün vaxtında dəyişiklik edib

Beynəlxalq Velosipedçilər İttifaqı (UCI) nüfuzlu “Tour de France” çoxgünlük veloyürüşünün keçirilmə vaxtında dəyişiklik edib. Belə ki, yarış 2021-ci il iyunun 26-dan iyulun 18-dək keçiriləcək.Azərtac xəbər verir ki, bu barədə UCI-nin mətbuat xidməti məlumat yayıb. Təqvimə görə, mötəbər yarış 2020-ci il iyunun 26-dən iyulun 18-dək təşkil olunmalı idi. Lakin koronavirus pandemiyasına görə payıza - avqustun 29-dan sentyabrın 20-dək təxirə salınmışdı.“Tour de France” 1903-cü ildən keçirilir və “Giro d'Italiya” və “Vuelta” ilə yanaşı ən nüfuzlu velosiped yarışlarından biridir.xeber100.com

İngiltərə Premyer Liqasının 2020/2021-ci il mövsümünün topu təqdim edilib

Futbol üzrə İngiltərə Premyer Liqasının 2020/2021-ci il mövsümünün topu təqdim edilib.Azərtac xəbər verir ki, yeni topu “Nike” şirkəti hazırlayıb.2020/2021-ci il mövsümü sentyabrın 12-də start götürəcək.xeber100.com

Dünya Güləş Birliyi yeni layihəyə start verib

Dünya Güləş Birliyi (UWW) və “Nike Wrestling” “Biz yenidən güləşəcəyik” layihəsinə start verib.Azərtac Azərbaycan Güləş Federasiyasına istinadla xəbər verir ki, layihənin məqsədi pandemiya dövründə zərər çəkmiş güləş təşkilatlarına maddi yardım göstərməkdir. Uwwstore.com saytında təklif olunan UWW və “Nike”in idman geyimlərinin satışından əldə olunacaq gəlir COVID-19 virusunun yayılmasından sonra durğunluq dövrü ilə üzləşən milli federasiyalara, yarışları təşkil edən şəhərlərə və digər fəaliyyət sahələrinə yönəldiləcək.UWW-nin prezidenti Nenad Laloviç məsələ ilə bağlı deyib: “Bu vacib missiya üçün “Nike Wrestling” ilə əməkdaşlıq etməkdən məmnunuq. Qeyri-adi dövrdə yaşayırıq. Bu şəraitdə gələcəyimizin gücü idmançılardan tutmuş milli federasiyalara qədər – hamımızın bir araya gələ bilməsindən asılı olacaq. Unutmayaq ki, yenidən güləşəcəyik”.Kampaniyadan əldə olunacaq gəlir beynəlxalq səviyyədə yarışmaq arzusunda olan idmançılara maddi yardım göstərəcək UWW-nin İnkişaf Şöbəsi tərəfindən idarə olunan təqaüd fonduna daxil olacaq.“Nike Wrestling” şirkətinin prezidenti Eddi Braun bildirib ki, biz qlobal pandemiya üzündən qarşımıza çıxan maneələri başa düşürük. “Biz yenidən güləşəcəyik” layihəsi çətin dövrdə güləş ictimaiyyətinə yardım məqsədilə həyata keçiriləcək.Kampaniya çərçivəsində satışa çıxarılan idman geyimlərinin (köynək, şalvar, üst geyimi, ayaqqabı) qiyməti 23 dollardan 120 dollaradəkdir.Qeyd edək ki, “Nike Wrestling” 2017-ci ildən UWW-nin qlobal sponsorudur və bu müddət ərzində İnkişaf Şöbəsinin rəhbərliyi ilə dünyanın bir sıra güləş qurumlarını avadanlıqla təmin edib.xeber100.com

Beynəlxalq Üzgüçülük Federasiyasının məlumatına görə…

Sentyabrın 4-6-da Sinqapurda təşkili nəzərdə tutulan üzgüçülük üzrə dünya kuboku yarışları ləğv edilib.AZƏRTAC xəbər verir ki, turnir koronavirus pandemiyasına görə keçirilməyəcək. Bu barədə qərar Beynəlxalq Üzgüçülük Federasiyası (FINA) ilə məsləhətləşmədən sonra qəbul olunub.Qeyd edək ki, yarışda 200-dən artıq üzgüçünün iştirak etməsi planlaşdırılırdı.xeber100.com