Formula 3 yarışlarının 2020-ci il üçün ilkin təqvimi açıqlanıb

Formula 2 və Formula 3 yarışlarının 2020-ci il üçün ilkin təqvimi açıqlanıb.Azərtac “autosport.com” saytına istinadla xəbər verir ki, ilkin təqvimə əsasən, iki ölkədə iki Qran-Prinin təşkil olunması nəzərdə tutulub.Mövsümə iyulun 4-5-də Avstriyada start veriləcək. Avstriyada ikinci yarış iyulun 11-12-də keçiriləcək. Böyük Britaniya iyulun 25-26-da və avqustun 1-2-də yürüşləri qəbul edəcək. Avqustun 8-9-da yarışın İspaniya və ya Almaniyada keçirilməsi planlaşdırılır. Daha sonra yarışlara avqustun 22-23-də Macarıstan, 29-30-da Belçika, sentyabrın 5-6-da isə İtaliya ev sahibliyi edəcək.Azərbaycan yalnız Formula 2 yarışlarını qəbul edəcək. Belə ki, yürüş sentyabrın 19-20-də Bakı şəhər halqasında baş tutacaq. Rusiyada da yalnız Formula 2 yarışları təşkil olunacaq (26-27 sentyabr). Mövsümə dekabrın 5-6-da keçiriləcək Bəhreyn və ayın 12-13-də baş tutacaq Abu-Dabi mərhələləri ilə yekun vurulacaq.xeber100.com

“Tennis Point Exhibition Series” turniri keçiriləcək

Mayın 14-də Almaniyada “Tennis Point Exhibition Series” adlı üçüncü şou xarakterli turnir start götürəcək.Azərtac xəbər verir ki, 12 tennisçinin iştirak edəcəyi yarışda raketka ustaları iki yarımqrupda mübarzə aparacaqlar.Yarışda avstraliyalı Ramiz Cunaid, Böyük Britaniya təmsilçisi Yan Xoinski, livanlı Benyamin Hassan, Almaniya tennisçisi Yannik Hanfman və digərləri iştirak edəcəklər.Qeyd edək ki, birinci turnirin qalibi Y.Hanfman, ikinci yarışın çempionu isə Y.Xoinski olub.xeber100.com

Türkiyə Voleybol Federasiyasının məlumatına görə…

Yarımçıq dayandırılan qadın və kişi voleybolçulardan ibarət Türkiyə çempionatlarının oyunları bərpa edilməyəcək.Azərtac xəbər verir ki, pandemiyaya görə mövsümü davam etdirməyin mümkün olmadığını bildirən Türkiyə Voleybol Federasiyasının (TVF) prezidenti Mehmet Akif Üstündağ çempionatların qaliblərinin də müəyyənləşmədiyini vurğulayıb.“Sonuncu pillələri tutan komandalar liqanı tərk etməyəcək. Birinci Liqanın final mərhələsində yer alan 4 komanda əsas liqaya vəsiqə qazanacaq. Növbəti mövsüm ölkə çempionatlarında 16 komanda birincilik uğrunda mübarizə aparacaq”, - deyə TVF rəsmisi əlavə edib.xeber100.com

La Liqa oyunlarının 35 gün ərzində keçirilməyi planlaşdırılır

La Liqa prezidenti Xavyer Tabes çempionatın mümkün bərpası haqda danışıb.Azərtac İspaniya mətbuatına istinadla xəbər verir ki, o, çempionat bərpa olunacağı təqdirdə, hər gün oyunların keçirilə biləcəyini deyib: “Mövsümün nə vaxt bərpa olunacağını dəqiq bilmirəm. Hər şey koronavirusla bağlı vəziyyətdən asılı olacaq. La Liqa oyunlarını hər gün olmaqla 35 gün ərzində keçirməyi planlaşdırırıq. Startdan bir gün əvvələ qədər futbolçular koronavirus testindən keçəcəklər".Qeyd edək ki, La Liqanın iyunun 12-si və ya iyunun 19-u bərpası planlaşdırılır.xeber100.com

Əlcəzair İdman Nazirliyinin açıqlamasına əsasən…

2021-ci ildə Əlcəzairin Oran şəhərində keçirilməsi nəzərdə tutulan XIX Aralıq dənizi Oyunları təxirə salınıb.Azərtac xəbər verir ki, Əlcəzair İdman Nazirliyinin açıqlamasında turnirin 2022-ci ildə təşkil olunması barədə qərarın qəbul olunduğu qeyd edilib.Asiya, Avropa və Afrikadan olan idmançıları mübarizə apardıqları yarışın 17-cisi 2013-cü ildə Türkiyənin Mersin şəhərində baş tutub. Sonuncu yarışa 2018-ci ildə İspaniyanın Tarraqona şəhəri ev sahibliyi edib.Oyunların proqramına 30-dan çox idman növü daxildir.Qeyd edək ki, cari ildə keçirilməsi planlaşdırılan “Tokio-2020” Yay Olimpiya Oyunları da 2021-ci ilə təxirə salınıb.xeber100.com

Avropa çempionatının yeni tarixi müəyyənləşib

Kişi basketbolçular arasında kiçik dövlətlərin Avropa çempionatının yeni tarixi müəyyənləşib.azərtac Beynəlxalq Basketbol Federasiyasına (FIBA) istinadla xəbər verir ki, çempionat 2021-ci il iyunun 28-dən iyulun 3-dək keçiriləcək.Qeyd edək ki, Azərbaycan çempionatın B qrupunda İrlandiya, Andorra və Ermənistanla birgə mübarizə aparacaq. Koronavirus pandemiyasından əvvəl çempionatın bu il iyunun 28-dən iyulun 4-dək İrlandiyanın Limerik şəhərində keçirilməsi nəzərdə tutulmuşdu.xeber100.com  

İspaniya çempionatının bərpa tarixi məlum olub

Futbol üzrə İspaniya çempionatının bərpa tarixi məlum olub.Azərtac İspaniya mətbuatına istinadla xəbər verir ki, La Liqanın uzun fasilədən sonra birinci turu iyunun 12-də keçiriləcək. İspaniya Futbol Federasiyasının rəhbərliyi bu barədə bütün klublara məlumat verib. Mənbənin bildirdiyinə görə, ölkədə fövqəladə vəziyyət yaranarsa, çempionatın yenidən uzadılması ehtimalı var.Qeyd edək ki, martın 8-də dayandırılan çempionatın başa çatmasına 11 tur qalıb. Hazırda turnir cədvəlinə 58 xalla “Barselona” klubu başçılıq edir. Aktivində 56 xalı olan “Real Madrid” isə ikinci pillədə qərarlaşıb.xeber100.com

“Grand Master” şahmat klubunun birgə təşkilatçılığı ilə…

Bakı Şəhər Gənclər və İdman Baş İdarəsi və “Grand Master” şahmat klubunun birgə təşkilatçılığı ilə ulu öndər Heydər Əliyevin anadan olmasının 97-ci ildönümünə həsr olunmuş onlayn şahmat turniri keçirilib.Azərtac xəbər verir ki, turnirdə ümumilikdə 80-ə yaxın şahmatçı iştirak edib. Yekun nəticələrə görə, oğlanlar arasında Allahverdi Həmidov, Elmar Qasımov, Əhmədağa Həşimov ilk üç yeri tutub. Məhluqə Zülfüqarlı, İnci Ələkbərli, Kamilla Balayeva qızlar arasında fərqləniblər.Qaliblər Bakı Şəhər Gənclər və İdman Baş İdarəsi tərəfindən mqkafatlandırılıb.xeber100.com

“Azərreyl” klubu növbəti transferini reallaşdırıb

Bakının qadın voleybolçulardan ibarət “Azərreyl” klubu növbəti transferini reallaşdırıb.Azərtac xəbər verir ki, Bakı təmsilçisi Azərbaycan milli komandasının voleybolçusu Yuliya Kərimova ilə birillik müqavilə imzalayıb.Voleybolçumuz sonuncu mövsümü İsrailin “Makkabi” (Hayfa) klubunun heyətində keçirib.Yeni mövsümdə ölkəmizi Çağırış kuboku yarışlarında təmsil edəcək “Azərreyl”, bundan əvvəl sloveniyalı Moytsa Pene ilə müqaviləsini yeniləyib, slovakiyalı Romana Hudeçova ilə birillik anlaşma əldə edib.xeber100.com  

Voleybol Federasiyası ölkə çempionatı ilə bağlı qərar verib

Mayın 11-də Azərbaycan Voleybol Federasiyası (AVF) ölkə çempionatı ilə bağlı qərar verib. AVF Super Liqa, Yüksək Liqa və I Liqanın bərpa olunmamasını məqsədəuyğun hesab edib.Azərtac federasiyaya istinadla xəbər verir ki, nəticədə koronavirusa görə Nazirlər Kabineti yanında Operativ Qərargahın qərarına əsasən, martın 14-dən dayandırılan yarışlar davam etdirilməyəcək və 2019/2020-ci il mövsümün oynanılmış qarşılaşmaları ləğv olunub. Bu da matç sayının eyni olmaması və təxirə salınmış oyunların olması səbəbindən irəli gəlib. Yekun qərara əsasən klublara heç bir mükafat verilməyəcək.Digər qərara əsəsən isə 2020/2021-ci il mövsümündə Azərbaycanı avrokubokda təmsil edəcək komanda müəyyənləşib. AVF qadınlardan ibarət “Azərreyl” klubunun Çağırış kubokunda oynamasını məqsədəuyğun sayıb.Federasiya rəhbərliyi, həmçinin legionerlərlə bağlı tövsiyəsini də klubların diqqətinə çatdırıb. Bildirilib ki, əcnəbilərdən Bakıda yalnız “Azərreyl”in seneqallı voleybolçusu qalıb və onun üçün lazımı şərait yaradılıb.Oyunçunun uçuşlar bərpa olunduqdan sonra ölkəsinə dönməsinə köməklik göstərilməsi tapşırılıb.xeber100.com