“Yuventus” futbol klubu beşillik müqavilə imzalayacaq

İtaliyanın “Yuventus” futbol klubu argentinalı hücumçu Paulo Dibala ilə beşillik yeni müqavilə imzalayacaq. Bu barədə “Football Italia” portalı məlumat yayıb.Azərtac xəbər verir ki, tərəflər artıq müqavilənin yeni şərtləri barədə razılığa gəliblər. Yeni müqaviləyə əsasən hücumçunun məvacibi də artırılacaq. Hazırda argentinalı futbolçu 2022-ci ilədək nəzərdə tutulan müqaviləsinə görə ildə 7,5 milyon avro alır.Bu mövsüm 26 yaşlı futbolçu “Yuventus”da 34 oyun keçirib, 13 qol vurub və 12 məhsuldar ötürmə edib.Xatırladaq ki, 2015-ci ildən Turin klubunda oynayan P.Dibala əvvəllər İtaliyanın “Palermo” və Argentinanın “Instituto AS” klublarında çıxış edib.xeber100.com

Basketbol üzrə Almaniya çempionatı bərpa ediləcək

Yaxın günlərdə basketbol üzrə Almaniya çempionatı bərpa ediləcək.Azərtac xəbər verir ki, klubların bütün üzvləri bunun üçün gigiyena qaydalarına ciddi əməl etməli olacaqlar. Çempionatda iştirak edən 10 komanda 2 qrupa bölünəcək və onlar iyunun 30-dək yarışı başa çatdıracaqlar. Tribunalara azarkeşlər və dəstək qrupları buraxılmayacaq. Basketbolçular isə həftə ərzində iki dəfə koronavirus testindən keçəcəklər.Yarış iştirakçıları otellərdə bir otaqlı nömrələrdə qalacaqlar. Onlara ailələri və dostları ilə görüşməyə icazə verilməyəcək. Üstəlik jurnalistlər də oyundan sonra basketbolçulardan müsahibə ala bilməyəcəklər.xeber100.com

Beynəlxalq Atletika Federasiyaları Assosiasiyasının məlumatı

Beynəlxalq Atletika Federasiyaları Assosiasiyası (World Athletics) koronavirus pandemiyasına görə yarışları azarkeşsiz keçirməyə hazırdır.Azərtac xəbər verir ki, bu sözləri qurumun rəhbəri Sebastyan Kou deyib.Bildirib ki, mövcud vəziyyəti nəzərə alsaq, kompromisə getməliyik. Biz dövlət və təşkilatların çağırışlarına biganə qala bilmərik. Bunun üçün yarışların azarkeşsiz təşkil olunması düzgün addımdır.“Futbol yarışlarının daha tez bərpa olunacağını düşünürəm. Azarkeşsiz yarışların uzunmüddətli perspektiv vəd etdiyini düşünmürəm. Belə olan halda idman öz rəngarəngliyini itirəcək. Ancaq yarışların təşkili üçün biz bütün olanlara razı olmalıyıq”, - deyə S.Kou əlavə edib.xeber100.com

“Köln” futbol klubu öz meydanında “Maynts”ı qəbul edib

Mayın 17-də Almaniya Bundesliqasının XXVI turu daha iki oyunla davam etdirilib.Azərtac xəbər verir ki, “Köln” öz meydanında “Maynts”ı qəbul edib. Görüşdə qapılara 4 qol vurulsa da, qalib müəyyənləşməyib – 2:2.Digər oyunda isə lider “Bavariya” “Union Berlin”in qonağı olub və 2:0 hesabı ilə qalib gəlib.Bu qələbə ilə xalını 58-ə yüksəldən “Bavariya” liderliyini möhkəmləndirib. “Borussiya Dortmund" 54 xalla ikinci, Münhenqladbax təmsilçisi “Borussiya” isə 26 oyundan sonra 52 xalla üçüncü yeri tutur.xeber100.com

Gimnastika Federasiyasının İcraiyyə Komitəsi daha iki turniri təxirə salıb

Beynəlxalq Gimnastika Federasiyasının İcraiyyə Komitəsi daha iki turniri təxirə salıb.Azərtac xarici KİV-lərə istinadla xəbər verir ki, İcraiyyə Komitəsinin qərarı ilə 2021-ci ildə keçirilməsi planlaşdırılan yeniyetmələr arasında idman və bədii gimnastika üzrə dünya çempionatlarının vaxtı dəyişdirilib. Təşkilatçılar bu qərarı “Tokio-2020” Yay Olimpiya Oyunlarının 2021-ci ilə təxirə salınmasına görə veriblər.Qeyd edək ki, hər iki dünya çempionatı 2023-cü ildə təşkil olunacaq.xeber100.com

“Zirə” futbol klubu milli komandada 7 futbolçu ilə təmsil olunub

Bakının “Zirə” klubu indiyədək Azərbaycan milli komandasında 7 futbolçu ilə təmsil olunub.Azərtac xəbər verir ki, qəsəbə təmsilçisinin futbolçuları müxtəlif vaxtlarda ölkənin əsas yığmasında ümumilikdə 14 matç keçirib. Onların arasında rekordçu Cavid Hüseynovdur. “Qartallar”ın kapitanı millidə 5 dəfə “Zirə”ni təmsil edib.Klub tarixinə Azərbaycan yığmasındakı ilk nümayəndə kimi düşən Elvin Məmmədov 3 dəfə “Zirə”nin üzvü kimi millinin formasını geyinib.xeber100.com

Milli Basketbol Assosiasiyasının məlumatına görə…

Milli Basketbol Assosiasiyası (MBA) klublarının təlim-məşq toplanışının günləri azaldılacaq.Azərtac xəbər verir ki, mövsümün bərpasından əvvəl basketbolçular 4-5 həftə məşq prosesi keçməli idisə, indi vaxt azaldığından hazırlığa maksimum 3 həftə yer veriləcək. Bu da o deməkdir ki, mövsüm daha tez başlaya bilər. Xatırladaq ki, artıq bəzi komandalar məşqləri bərpa ediblər. Amma oyunçular klubun bazasında fərdi proqram əsasında məşq edirlər.xeber100.com

Ukrayna çempionatı mayın 30-da bərpa olunacaq

Futbol üzrə Ukrayna çempionatı ilə bağlı qərar verilib.Azərtac xəbər verir ki, bu ölkədə çempionatın davam etdirilməsi qərara alınıb. Yarışın mayın 30-da bərpa olunacağı diqqətə çatdırılıb. Mövsümə iyulun 19-da yekun vurulacaq və matçlar azarkeşsiz keçiriləcək.Qeyd edək ki, Ukrayna çempionatı 23-cü turun oyunlarından sonra dayandırılmışdı.xeber100.com

Kamerun Futbol Federasiyası mövsümün yekunlaşdığını elan edib

Kamerun Futbol Federasiyası koronavirus pandemiyasına görə ölkə çempionatında mövsümün erkən yekunlaşdırıldığını elan edib.Azərtac xəbər verir ki, ölkə çempionatında 28 turdan sonra 47 xal toplayaraq lider olan “Bamenda” klubu çempion elan olunub. Komanda, yeni mövsümdə Afrika Çempionlar Liqasında iştirak etmək hüququ qazanıb.Qeyd edək ki, Kamerunda ölkə çempionatı martın 17-də koronavirus infeksiyasına görə dayandırılmışdı.xeber100.com

“Fənərbağça” futbol klubu yeni transfer etmək istəyir

İstanbulun “Fənərbağça” klubu İtaliya “A” Seriyasında çıxış edən Kvadvo Asamoanı transfer etmək istəyir.Azərtac xəbər verir ki, İtaliyanın “İnter” komandasında oynayan qanalı futbolçunun meneceri Asamoanın da Türkiyəyə gəlmək istədiyini söyləyib. Otuz bir yaşlı yarımmüdafiəçi ilə bundan əvvəl Almaniyanın “Hoffenhaym” klubu da maraqlanıb. Bundesliqa təmsilçisi danışıqları dayandırdıqdan sonra İstanbul klubu keçid üçün futbolçuya ödəyə biləcəyi məbləği də açıqlayıb. Asamoaya hələlik birillik müqavilə və 3 milyon avro maaş təklif edilib. Lakin tərəflərin yekun qərarı haqda məlumat verilmir.Qeyd edək ki, K.Asamoa karyerası ərzində “Udineze”, “Yuventus” və “İnter”də oynayıb. O, artıq 12 ildir ki, Qana millisində də çıxış edir.xeber100.com